ᐊᑭᓕᒐᒃᓴᓕᕆᔨ

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ! ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ. ᐱᓕᕆᖃᑎᒌᖕᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥᑦ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᑕᐅᑐᒃᖢᒋᒃ ᐊᓯᖏᑦ ᐊᑐᖅᑕᐅᕙᒃᑐᑦ ᑲᓇᑕᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓵᑦᑎᐊᕐᒥᐅᑕᖃᖅᐸᒃᐳᖅ ᐊᔾᔨᖃᙱᑦᑐᓂᒃ ᐊᓂᒍᖅᑎᓐᓇᓱᒋᐊᓕᖕᓂᒃ ᐊᐅᓚᑦᑎᓂᕐᒥᓂ 25−ᓂᒃ ᐃᓛᒃᑰᖅᑐᓂᒃ ᐅᖅᓱᐊᓗᒃᑐᖅᑐᓂᒃ ᐆᒻᒪᖅᑯᓯᐅᕈᑕᐅᕙᒃᑐᓂᒃ ᐃᓂᒋᔭᐅᔪᓂᒃ ᓇᒧᙵᖅᑎᑦᑎᕙᓪᓕᐊᕙᖕᓂᕐᓂᒡᓗ ᐃᓂᓕᖕᓂ ᑕᒪᐃᓐᓂ ᐊᑐᓂᑦ ᐊᕕᒃᓯᒪᓂᕐᒧᑦ ᐅᑭᐅᖅᑕᖅᑐᒥ ᓄᓇᓕᖏᓐᓂ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 20-043 ᐊᑭᓕᒐᒃᓴᓕᕆᔨ ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑦ ᑭᓯᐊᓂ ᐱᓇᔪᒃᑕᐅᔪᓐᓇᖅᑐᖅ ᐃᓂᖃᖅᖢᓂ ᐃᖃᓗᖕᓂ, ᓄᓇᕗᒻᒥ ᐅᖃᕐᕕᖃᖅᐸᒃᖢᓂᓗ ᐊᑭᓕᒃᓴᓕᕆᓂᕐᒧᑦ ᑲᒪᔨᒋᔭᐅᔪᒧᑦ, ᑖᓐᓇ ᐊᑭᓕᒃᓴᓕᕆᔨ ᑲᒪᒋᔭᒃᓴᖃᖅᐸᒃᐳᖅ ᐱᓕᕆᐊᖃᖅᐸᖕᓂᕐᒥᒃ ᐊᑐᖅᑏᑦ ᐊᑭᓕᐅᑎᒋᔭᖏᓐᓂᒃ, ᑲᔪᓯᑎᑦᑎᕙᒃᖢᓂ ᐊᑭᓕᖅᓱᐃᕝᕖᑦ ᑐᓴᖅᑕᐅᔪᒃᓴᖁᑎᖏᓐᓂᒃ, ᑭᐅᓯᕙᒃᖢᓂᓗ ᑭᒃᑯᑐᐃᓐᓇᓄᑦ ᖃᐅᔨᒋᐊᖅᑕᐅᔪᓂᒃ. ᑖᓐᓇ ᐃᓂᒋᔭᐅᔪᖅ ᐊᒻᒪᑦᑕᐅᖅ ᑲᒪᒋᔭᒃᓴᖃᕆᕗᖅ ᐱᕙᒌᔭᐃᕙᖕᓂᕐᒥᒃ ᑐᓂᐅᖅᑲᐃᕙᖕᓂᕐᒥᓗ ᑕᖅᑭᑕᒫᑦ ᐊᑭᓕᒐᒃᓴᐅᓕᖅᐸᒃᑐᓂᒃ, ᖃᐅᔨᓴᖅᓯᕙᒃᖢᓂ ᐊᑭᓕᒐᒃᓴᓕᐊᓂ ᐊᔾᔨᒌᙱᓐᓂᕋᖅᑕᐅᔪᓂᒃ, ᐃᑲᔪᖅᐸᒃᖢᓂᓗ ᐋᖅᑭᓱᐃᕙᓪᓕᐊᓂᕐᒥᒃ ᑕᖅᑭᑕᒫᑦ ᐅᓂᒃᑲᐅᓯᕐᓂᒃ. ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ: • ᐋᖅᑭᒃᓱᐃᕙᒃᐳᖅ, ᓇᒧᙵᖅᑎᑦᑎᕙᒃᐳᖅ, ᐱᓕᕆᐊᖃᖅᐸᒃᐳᕐᓗ ᑕᖅᑭᑕᒫᑦ ᐃᓂᒋᔭᐅᔪᒥ ᐊᑭᓕᕆᐊᓕᖕᓂᒃ ᑐᓂᐅᖅᑲᐅᑎᒋᓂᐊᖅᖢᒋᑦ. • ᑭᐅᕙᒃᖢᓂ ᐊᑐᖅᑏᑦ ᐊᐱᖅᑯᑎᒋᔭᖏᓐᓂᒃ ᐱᔾᔪᑎᖃᕐᓗᓂ ᐊᑭᓕᒐᒃᓴᓂᒃ, ᐱᓕᕆᐊᖃᕐᓂᕐᒧᑦ ᑎᓕᓯᔾᔪᑕᐅᓯᒪᔪᑦ, ᖃᐅᔨᓴᐅᑎᙳᐊᓂᒃ ᐅᖃᓕᒫᖅᓯᕙᖕᓂᕐᒥᒃ, ᐊᑕᔪᓐᓃᖅᑎᑦᑎᓂᒡᓗ. • ᑲᔪᓯᑎᑦᑎᕙᒃᐳᖅ ᐱᓕᕆᐊᖃᕐᓂᕐᒧᑦ ᑎᓕᓯᔾᔪᑕᐅᓯᒪᔪᓂᒃ ᐊᑐᖅᑏᑦ ᐊᑕᑎᑕᐅᓂᖏᓐᓄᑦ, ᐊᑕᔪᓐᓃᖅᑎᑦᑎᕙᖕᓂᕐᒧᑦ, ᐊᑮᑦᑐᖃᕐᕕᒋᔭᐅᔪᓂᒡᓗ ᓅᑎᑦᑎᓂᕐᓂᒃ. • ᐱᓕᕆᖃᑎᖃᖅᐸᒃᖢᓂ ᐊᑭᓖᓯᒪᙱᑦᑐᓂᒃ ᐊᑐᖅᑎᓂᒃ ᓇᓗᙱᑦᑎᐊᕈᒪᓂᕐᒧᑦ ᐅᑎᖅᑎᑕᐅᓂᐊᕋᓗᐊᕐᒪᐋᑕ ᐊᑭᓕᖅᓱᖅᑕᐅᓯᒪᙱᑦᑐᑦ ᐊᑮᑦᑐᖃᕐᕕᒋᔭᐅᔪᑦ. • ᑲᒪᒋᔭᖃᖅᐸᒃᐳᖅ ᐊᑭᓖᓯᒪᙱᑦᑐᓄᑦ ᐊᑐᑏᑦ ᖁᐊᖅᓵᕐᓇᖅᑎᑦᑎᙱᓐᓂᕐᒧᑦ ᐃᓕᓯᒪᔭᖏᓐᓂᒃ ᐱᔭᐅᓯᒪᔭᕆᐊᓕᖕᓂᒃ ᐊᑕᓕᖅᑎᑕᐅᒃᑲᓐᓂᕐᓂᐊᕐᓗᓂ ᐱᔨᑦᑎᕋᕐᓂᕆᔭᐅᔪᒧᑦ. • ᐊᑐᖅᑎᑦᑎᕙᒃᐳᖅ ᓈᒻᒪᒃᑐᓂᒃ ᐊᑭᓕᒐᒃᓴᓂᒃ ᐊᑐᖅᑏᑦ ᐊᑭᓕᖅᓴᖃᕐᕕᒋᔭᖏᓐᓄᑦ ᐊᑕᔪᓐᓃᖅᑕᐅᓂᐊᕐᓗᑎᑦ ᖃᐅᔨᑎᑦᑎᔾᔪᑎᓂᒃ. • ᐱᓕᕆᖃᑎᖃᖅᐸᒃᐳᖅ ᐃᖅᑲᓇᐃᔭᖅᑎᓂᒃ ᑕᕝᕙᒻᒪᕆᐅᓂᕋᐃᔪᒪᓪᓗᓂ ᑕᒻᒪᖅᑕᖅᓯᒪᙱᑦᑎᐊᖅᑐᓂᒃ ᑕᖅᑭᑕᒫᑦ ᖃᐅᔨᓴᐅᑎᙳᐊᓂᑦ ᐱᔭᐅᕙᒃᑐᓂᑦ ᐅᓂᒃᑲᐅᓯᕐᓂᒃ. ᐱᔭᐅᓯᒪᔭᕆᐊᓖᑦ ᐊᔪᙱᓐᓂᕆᔭᐅᔪᑦ ᐅᑯᓂᖓ ᐃᓚᖃᖅᐳᑦ: • ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐊᓂᒍᐃᔾᔪᑎ. • ᐊᕐᕌᒍᓕᒫᒥ ᐊᑭᓕᖅᓱᐃᔪᓂ ᐱᔨᑦᑎᕋᕐᓂᑰᓗᓂ. • ᐊᑕᐅᓯᕐᒥᒃ ᐊᕐᕌᒍᒥᒃ ᐱᓕᕆᖃᑦᑕᖅᓯᒪᓂᑰᓗᓂ ᑎᑎᕋᕐᕕᖕᒥ ᐊᐅᓚᑦᑎᕝᕕᖃᕐᓂᕐᒥᒃ. ᐃᑲᔪᕐᓂᖃᕋᔭᖅᑐᑦ: • ᐱᓕᕆᖃᑦᑕᖅᓯᒪᓂᑰᓗᓂ ᐊᑭᓕᒐᒃᓴᓕᕆᕙᖕᓂᕐᒥᒃ. • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐱᖅᑯᓯᖏᓐᓂ. • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ. ᐊᔾᔨᐸᓗᖏᑦ • ᖁᑦᑎᓂᖅᓴᒥᑦ ᐃᓕᓐᓂᐊᖅᓯᒪᓗᓂᑦ (ᐊᑦᑎᓛᕆᔪᓐᓇᖅᑕᖓ ᖁᑦᑎᖕᓂᓕᒃ 11); • ᒪᕐᕉᖕᓂᒃ ᐊᕐᕌᒎᖕᓂᒃ ᐱᓕᕆᖃᑦᑕᖅᓯᒪᓂᑰᓗᓂ ᐊᑐᖅᑎᓄᑦ ᐱᔨᑦᑎᕋᕐᕕᖃᕐᓂᕐᒥᒃ. • ᐊᑕᐅᓯᕐᒥᒃ ᐊᕐᕌᒍᒥᒃ ᐱᓕᕆᖃᑦᑕᖅᓯᒪᓂᑰᓗᓂ ᑎᑎᕋᕐᕕᖕᒥ ᐊᐅᓚᑦᑎᕝᕕᖃᕐᓂᕐᒥᒃ. ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $66,690−ᒥᑦ $75,172−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ. ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. ᑎᑎᖅᑲᑯᕕᐊ 420, ᖃᒪᓂ'ᑐᐊᖅ, NU X0C 0A0 ᑎᑎᖅᑲᑦᑯᑦ ᐱᓇᓱᐊᕐᓗᑎ, ᔭᓄᐊᕆ 22, 2021 ᑐᖔᓂ. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.