ᐃᒻᒥᓂ ᐊᐅᓚᓂᖃᓲᑦ, ᖃᖓᒃᑯᑐᐃᓐᓇᖅ ᓴᓇᔭᕆᐊᖃᕌᖓᑕ ᓴᓇᓲᑦ ᐊᒻᒪ ᓇᓗᓇᐃᖅᓯᒪᔪᓂᒃ ᒪᓕᑦᑎᐊᓲᑦ, ᐊᒻᒪ ᐊᒃᓱᕈᕐᓇᖅᑐᒥᒃ ᐱᓕᕆᒐᓗᐊᖅᑎᓪᓗᒋᑦ ᖃᓄᐃᒃᓴᓲᖑᙱᑦᑐᑦ ᑲᒪᒋᔭᖃᓲᖑᓪᓗᑎᒡᓗ ᐊᑭᒻᒪᑎᔪᓂᒃ ᓯᕗᓪᓕᐅᑎᔭᕆᐊᓕᖕᓂᒃ, ᑐᙵᕕᖃᑦᑎᐊᕐᓗᓂ ᐊᓂᒍᒐᒃᓴᐅᔪᓂᒃ ᐱᕚᓪᓕᖅᑎᓪᓗᒋᑦ ᑮᓇᐅᔭᑦ ᐅᑎᖅᑐᒃᓴᑦ ᑲᑎᖅᓱᕈᓐᓇᕐᓗᒋᑦ ᐊᐅᓚᑦᑎᑦᑎᐊᕐᓗᓂᓗ ᐱᐅᔪᒥᒃ ᐊᑭᓕᖅᓱᐃᔨᓄᑦ.
ᐅᖃᕐᕕᖃᖅᐸᒡᓗᓂ ᐆᒻᒪᖅᑯᑎᓕᕆᔨᒃᑯᑦ ᖃᐅᔨᓴᖅᑎᐊᓄᑦ/ᐊᑭᓕᖅᓱᐃᔨᒻᒪᕆᖕᒧᑦ, ᐱᒋᐊᖅᑎᑦᑎᖃᑦᑕᕐᓂᐊᖅᐳᑎᑦ, ᖃᐅᔨᓴᖅᐸᒡᓗᑎᑦ ᐊᒻᒪ ᐃᑲᔪᖅᓱᐃᕙᒡᓗᑎᑦ ᐊᑭᓕᖅᓱᐃᔨᓄᑦ ᐊᐅᓚᓂᕆᔭᐅᔪᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᐅᓚᓪᓗᒋᑦ ᓈᒻᒪᖅᑰᑦᑎᓗᑎᒃ ᑲᑎᖅᓱᕆᐊᓖᑦ ᐆᒻᒪᖅᑯᑎᓄᑦ ᑮᓇᐅᔭᑦ ᐅᑎᖅᑐᒃᓴᑦ. ᑲᒪᒋᔭᒃᓴᕆᓪᓗᐊᑕᕐᓂᐊᖅᑕᑦ ᐊᑭᓕᖅᓱᐃᔨᓄᑦ ᐱᔨᑦᑎᕋᖅᑎᐅᑎᓪᓗᑎᑦ ᐊᒻᒪ ᐊᑭᓕᖅᓱᖅᑕᐅᕙᓪᓕᐊᔪᓂᒃ ᐃᑲᔪᖅᑎᐅᓗᑎᑦ ᕿᒥᕐᕈᕙᒡᓗᒋᑦ ᑮᓇᐅᔭᑦ ᐅᑎᖅᑐᒃᓴᑦ ᑕᖅᑭᑕᒫᑦ ᖃᐅᔨᒋᐊᕐᕕᒋᕙᒡᓗᒋᓪᓗ ᐊᑭᓕᒃᓴᓖᑦ ᐋᔩᖃᑎᒋᕙᒡᓗᒋᑦ ᐊᑭᓕᖅᓱᐃᓂᒃᓴᖏᓐᓂᒃ ᐊᒻᒪ ᐊᑭᓕᖅᓱᕈᓐᓇᖅᑕᖏᓐᓂᒃ ᐋᖅᑭᒃᓯᖃᑎᒋᕙᒡᓗᒋᑦ, ᑕᐃᒪᐃᑦᑕᕆᐊᖃᕌᖓᑦ, ᐱᓕᕆᐊᕆᕙᒡᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᐊᑐᕆᐊᓕᖏᑦ ᒪᓕᒋᐊᓕᖏᓪᓗ ᐱᔨᑦᑎᕋᐅᑎᓄᑦ, ᐊᒻᒪ ᐊᑭᓕᖅᓱᐃᔨᓂᙶᖅᑐᑦ ᐊᑭᓕᖅᓱᐃᔨᓄᑦ ᐊᑐᐊᒐᐃᑦ. ᐱᓕᕆᐊᒃᓴᕆᓂᐊᕐᒥᔭᑦ ᐃᖅᑲᓇᐃᔮᕐᓂ ᑕᒻᒪᖅᑕᖅᓯᒪᙱᑦᑐᓂᒃ, ᒫᓐᓇᒨᓕᖓᔪᓂᒃ ᑎᑎᖅᑲᓂᒃ ᐱᓯᒪᕙᒡᓗᑎᑦ ᐊᑭᓕᖅᓱᐃᔨᑦ ᖃᕋᓴᐅᔭᒃᑯᑦ ᑎᑎᕋᖅᓯᒪᔪᓂᒃ ᐱᔾᔪᑎᓖᑦ ᖃᐅᔨᒃᑲᐃᔾᔪᑎᓂᒃ ᓇᒃᓯᐅᔾᔭᐅᖃᑦᑕᖅᑐᑦ ᐊᒻᒪ ᐊᑭᓕᖅᓱᐃᔨᓄᑦ ᑲᑎᖅᓱᖅᑕᐅᖃᑦᑕᖅᑐᓄᑦ.