ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖁᔨᕗᑦ ᓄᓇᕗᒻᒥᐅᓂᑦ ᐅᖅᓱᐊᓗᖕᒥᑦ ᑯᕕᔪᖃᓚᐅᖕᒪᑦ ᐊᐅᓱᐃᑦᑑᑦ ᐆᒪᖅᑯᑎᖃᕐᕕᐊᓂᑦ. ᑕᒪᓐᓇ ᖃᐅᔨᔭᐅᓚᐅᖅᑐᖅ 2-ᒥᑦ ᐅᓐᓄᐊᒃᑯᑦ ᒫᑦᓯ 16, 2018-ᒥᑦ, ᓴᓗᒻᒪᖅᓴᐃᓯᑲᐅᑎᒋᓚᐅᖅᖢᑎᒡᓗ. 1000 ᓖᑕᑦ ᑯᕕᔪᕕᓂᑦ ᐆᒻᒪᖅᑯᑎᖃᕐᕕᐅᑉ ᓯᓚᑖᓂ ᖃᑦᑕᖕᒥᑦ ᑯᕕᓐᓂᕐᖢᓂᓗ ᐆᒻᒪᖅᑯᑎᖃᕐᕕᐅᑉ ᐹᖓᒍᑦ. ᖃᓄᖅ ᑕᒪᓐᓇ ᑯᕕᓐᓂᖕᒪᖔᑦ ᖃᐅᔨᓴᖅᑕᐅᔪᖅ.
ᖁᓪᓕᒃᑯᑦ ᐃᖅᑲᓇᐃᔭᖅᑎᖏᑦ ᓴᓇᑎᓪᓗᒋᑦ ᑯᕕᔪᕕᓂᖅ ᑯᕕᔪᓐᓃᖅᑎᑦᑎᔪᓐᓇᕐᓯᓚᐅᖅᖢᑎᒡᓗ. ᖁᓪᓕᒃᑯᑦ ᐊᕙᑎᓕᕆᔨᒻᒪᕆᐊ ᓄᓇᑦᑕ ᐊᕙᑎᓕᕆᔨᒃᑯᓪᓗ ᐊᐅᓱᐃᑦᑐᓕᐊᓚᐅᖅᑐᑦ ᑯᕕᔪᖅᓯᐅᑎᒃᑲᓐᓂᒡᒋᖅᖢᑎᒃ ᓴᓗᒻᒪᕐᓴᐃᖏᓐᓇᕐᓂᐊᕐᓗᑎᒃ. ᖁᓪᓕᒃᑯᑦ ᐱᓕᕆᖃᑎᖃᑦᑎᐊᖕᒥᔪᑦᑕᐅᖅ ᓄᓇᓕᖕᒥᐅᓂᑦ ᑕᒪᓐᓇ ᐋᖅᑭᒐᓱᒡᓗᒍ.
ᖁᓪᓕᒃᑯᑦ ᒫᓐᓇ ᓴᓇᔪᑦ ᓄᑖᒥᑦ ᐆᒻᒪᖅᑯᑎᖃᕐᕕᒃᓴᒥᑦ ᐊᐅᓱᐃᑦᑐᒧᑦ. ᐅᖅᓱᐊᓗᒃ ᑯᕕᓚᐅᖅᑐᖅ ᐆᒻᒪᒃᖁᑎᑐᖃᐅᓂᕐᓴᐅᑉ ᐃᓂᒋᔭᖓᓂᑦ. ᐊᑦᑕᖕᓇᖅᑕᐃᓕᒪᓂᖕᒧᑦ ᐃᖅᑲᓇᐃᔭᖅᑎᑕᖃᖕᓂᐊᕋᓗᐊᖅᖢᓂ ᓴᓗᒻᒪᕐᓴᐃᑎᓪᓗᒋᑦ, ᓄᓇᓕᖕᒥᐅᑦ ᐅᔾᔨᖅᓱᑦᑎᐊᖁᔭᐅᕗᑦ ᑕᐅᕙᓂ ᐱᓕᕆᔪᓂᑦ.
ᖁᓪᓕᒃᑯᑦ ᐱᐅᓱᐊᕋᓱᐊᖃᑦᑕᖅᐳᑦ ᐃᖅᑲᓇᐃᔭᖅᑎᖃᐅᖅᖢᑎᒡᓗ ᐊᔪᙱᑦᑎᐊᖅᑐᓂᑦ ᖃᐅᔨᒪᔨᑕᖕᓂᑦ ᐊᕙᑎᑦᑎᓐᓂᑦ ᐱᐅᓰᑦ ᒪᓕᒃᑕᐅᒐᓗᐊᕆᐊᒃᓴᖏᓐᓂᑦ ᐱᓕᕆᐊᓖᑦ ᒪᓕᒃᖢᑎᒃ ᓄᓇᕗᒻᒥᑦ ᑲᓇᑕᒥᓪᓗ ᐱᖅᑯᓯᕆᔭᓂᑦ.
ᖁᓪᓕᒃᑯᑦ ᒪᒥᐊᑦᑐᒪᕗᑦ ᐊᑲᐃᓪᓕᐅᕈᑎᖃᖅᐸᑦ ᓄᓇᓕᖕᓂ ᒫᓐᓇᐅᔪᖅ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕇᓂ ᐳᓯᐊᐃᕐ
ᐊᐅᓚᑦᑎᔨ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524
rboucher@qec.nu.ca