ᐊᕙᑎᓕᕆᔨᒻᒪᕆᒃ - ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᖅ

ᐃᖅᑲᓇᐃᔮᕆᖃᑦᑕᖅᑕᖕᓄᑦ ᑐᕌᖓᔪᑦ ᐅᑭᐅᖅᑕᖅᑐᒥ ᐆᒻᒪᖅᑎᒋᐊᒃᑲᓐᓂᒻᒪᕆᓚᐅᕈᒃ ᐃᖅᑲᓇᐃᔮᖅᑖᕐᓗᑎᑦ ᑕᒫᓂ! ᑭᖑᓪᓕᕐᒥ ᖁᕕᐊᒋᔭᒻᒪᕆᐊᓗᐃᑦ ᖃᐅᔨᓚᐅᖅᓯᒪᙱᑕᐃᑦ ᐅᐸᓚᐅᕋᒃ ᑲᓇᑕᑉ ᐅᑭᐅᖅᑕᖅᑐᖓᓂ ᓇᓂᓗᒍ! ᐃᖅᑲᓇᐃᔭᖃᑎᒋᓚᐅᒃᑭᑦ ᐱᓕᕆᐊᖃᕈᒪᔪᒻᒪᕇᑦ ᐃᖅᑲᓇᐃᔭᖅᑎᕗᑦ ᐊᒻᒪᓗ ᐱᓕᕆᐊᖃᖃᑦᑕᕐᓂᑯᑦ ᐆᒻᒪᖅᑯᑎᓕᕆᓂᕐᒥᒃ ᐱᓕᕆᔨᒻᒪᕇᑦ ᐊᑦᑕᓇᙱᑦᑐᒥᒃ, ᑕᑎᒋᔭᒃᓴᒥᒃ, ᐊᒻᒪᓗ ᐊᑭᑐᓗᐊᙱᑦᑐᒥᒃ ᐆᒻᒪᖅᑯᑎᖃᖅᑎᑦᑎᓪᓗᑕ ᓄᓇᕗᓗᒃᑖᒥ. ᐃᖅᑲᓇᐃᔭᕐᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᒻᒪᓗ ᐊᖏᓛᖑᓪᓗᓂ ᑲᓇᑕᑉ ᐅᑭᐅᖅᑕᖅᑐᖓᑕ ᐊᕕᑦᑐᖅᓯᒪᔪᖕᓂ ᐊᒻᒪᓗ ᓱᑲᓐᓂᖅᐹᒥᒃ ᐱᕈᖅᐸᓪᓕᐊᓂᖃᖅᑐᓂ ᐱᕙᓪᓕᐊᔪᓕᕆᓂᕐᒥᒃ ᑲᓇᑕᓕᒫᕐᒥ. ᓄᓇᖓ ᑲᔾᔮᓇᖅᑐᒻᒪᕆᐅᑎᓪᓗᒍ ᐊᒻᒪᓗ ᑲᒪᓇᖅᑐᒻᒪᕇᑦ ᑕᑯᔭᕆᐅᕐᕕᒃᓴᐅᔪᓐᓇᖅᑐᑦ, ᖁᕕᐊᓱᑐᐃᓐᓇᕋᔭᙱᓚᑎᑦ ᐃᖅᑲᓇᐃᔮᖅᑖᖅᑲᐅᖕᓂᑦ, ᑭᓯᐊᓂᓕ ᐃᖅᑲᓇᐃᔭᙱᑦᑎᓪᓗᑎᑦ ᖁᕕᐊᒋᔭᒻᒪᕆᐊᓗᒐᔭᕐᒥᔭᐃᑦ ᑕᒫᓂ. ᖃᐅᔨᔪᒪᓐᓂᕈᕕᐅᒃ ᕿᒧᒃᓯᕐᓗᓂ, ᖃᒧᑕᐅᔭᕐᓗᓂ, ᖃᔭᖅᑐᕐᓗᓂ, ᓯᑯᒥ ᐃᖃᓗᒐᓱᐊᕐᓗᓂ, ᐅᕝᕙᓘᓐᓃᑦ ᐃᓕᖅᑯᓯᑦᑎᐊᕆᑦᑐᒻᒪᕆᐅᔪᒥᒃ ᖃᐅᔨᓴᕈᓐᓇᕐᓗᑎᑦ ᐊᔾᔨᐅᙱᑦᑐᓂᑦ ᓴᓇᙳᐊᒐᖃᐅᖅᑐᓂᑦ ᓂᔾᔭᐅᓯᔭᖅᐸᑦᑐᓂᓪᓗ, ᓄᓇᕗᑦ ᓄᓇᒋᔭᒃᓴᑐᐃᓐᓇᕆᕙᑦ. ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᐱᓕᕆᐊᒃᓴᖃᖅᑎᐅᓯᒪᕗᑦ ᐊᑦᑕᓇᙱᑦᑐᒥᒃ, ᑕᑎᒋᔭᒃᓴᒥᒃ ᐆᒻᒪᖅᑯᑎᖃᖅᑎᑦᑎᓗᑎᑦ ᑕᒪᐃᓐᓂ ᐱᔨᑦᑎᓲᑦᑎᓐᓂ ᓄᓇᕗᒻᒥ. ᓇᒻᒥᓂᖁᑎᖏᔭᐅᓪᓗᓂ ᓄᓇᕗᑦ ᒐᕙᒪᖏᖕᓄᑦ ᐊᒻᒪᓗ ᐊᐅᓚᑕᐅᓪᓗᓂ ᐃᓛᒃᑰᖓᔪᒃᑯᑦ ᓄᓇᕗᒻᒥ ᑯᐊᐳᕇᓴᐅᓪᓗᓂ, ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᐆᖅᑯᑎᓕᖃᖅᑎᑦᑎᔨᑐᐊᖑᕗᑦ ᐊᒻᒪᓗ ᐊᕕᑦᑐᖅᓯᒪᔪᒥ ᐅᖅᑰᓴᐅᑎᖃᖅᑎᑦᑎᒍᓐᓇᖅᑐᑑᓪᓗᓂ ᓄᓇᕗᒻ. ᐊᔾᔨᒋᙱᑦᑐᓂᒋᑦ ᐊᓯᖏᖕᓂᑦ ᐆᒻᒪᖅᑯᑎᖃᖅᑎᑦᑎᔨᐅᔪᑦ ᑲᓇᑕᒥ, ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᐊᔾᔨᐅᙱᑦᑐᓂᑦ ᐊᒃᓱᕈᕈᑎᖃᓲᑦ ᐊᐅᓚᑦᑎᑎᓪᓗᒋᑦ 25-ᓂᑦ ᐃᓛᒃᑰᖓᔪᓂᑦ ᐅᖅᓱᐊᓗᒻᒥᒃ ᐊᑐᖅᑐᑎᑦ ᐊᐅᓚᐅᑎᖃᕐᕕᐅᔪᓂᑦ ᐊᒻᒪᓗ ᑕᒪᒃᑯᓂᖓ ᓄᓇᓕᒻᒨᖅᑎᑦᑎᓲᖑᓪᓗᑎᑦ ᓄᓇᕗᑉ ᓄᓇᓕᖏᖕᓂ ᐊᑐᓂ. ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ-20-036 ᐊᕙᑎᓕᕆᔨᒻᒪᕆᒃ - ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᖅ ᐃᖃᓗᓐᓃᑦᑐᓂ, ᓄᓇᕗᒻᒥ ᐊᒻᒪᓗ ᐊᖓᔪᖅᑳᖃᕋᔭᖅᑐᑎᑦ ᐊᐅᓚᑦᑎᔨᒥᒃ, ᐋᓐᓂᐊᖅᑕᐃᓕᒪᔪᓕᕆᔨᒃᑯᑦ, ᐊᑦᑕᓇᖅᑕᐃᓕᒪᔪᓕᕆᔨᒃᑯᑦ, ᐊᒻᒪᓗ ᐊᕙᑎᓕᕆᔨᒃᑯᑦ, ᐊᕙᑎᓕᕆᔨᒻᒪᕆᐅᔪᖅ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᖅ ᐱᖓᓱᓄᑦ ᐊᕐᕌᒍᓄᑦ ᐊᑯᓂᐅᓂᖃᕐᓗᓂ ᐃᖅᑲᓇᐃᔮᒃᓴᐅᕗᖅ ᐋᖅᑭᓱᖅᑕᐅᓯᒪᔪᖅ ᐱᓕᕆᖃᑎᒋᔭᐅᓪᓗᑎᑦ ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖᑕ ᐊᒻᒪᓗ ᓄᓇᕗᑦ ᓄᓇᕗᑦ ᒐᕙᒪᖏᖕᓄᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕆᔭᐅᑎᓪᓗᒍ ᐃᖅᑲᓇᐃᔭᖃᑎᖃᖃᑦᑕᕋᔭᖅᑐᖅ ᐱᕙᓪᓕᐊᓂᖃᕐᓗᓂ ᐃᖅᑲᓇᐃᔭᖃᑎᖃᕐᓗᓂ ᐊᕙᑎᓕᕆᔨᒻᒪᕆᖕᒥᒃ ᖃᐅᔨᒪᓇᑦᑎᐊᖁᓪᓗᒍ ᑯᐊᐳᕇᓴᐅᔪᖅ ᐊᐅᓚᑦᑎᓂᖃᕋᔭᕋᓗᐊᕐᒪᖔᖅ ᓄᓇᓕᓐᓂ, ᓄᓇᕗᒻᒥ, ᐊᒻᒪᓗ ᑲᓇᑕᒥ ᐊᕙᑎᓕᕆᓂᕐᒧᑦ ᒪᓕᑦᑕᐅᔭᕆᐊᖃᓲᕐᓂᑦ. ᐃᓕᓐᓂᐊᓯᓐᓈᖅᑐᖅ ᐃᖅᑲᓇᐃᔭᖅᑐᖅ ᐃᓕᓐᓂᐊᕋᔭᖅᑐᖅ ᖃᓄᖅ ᐆᒻᒪᖅᑯᑎᓕᕆᕝᕕᐅᔪᓂᑦ ᖃᐅᔨᓴᕈᓐᓇᕋᔭᕐᒪᖔᕐᒥᒃ, ᑲᒪᒋᔭᐊᓯᓗᓂ ᐊᕙᑎᒥᒃ ᓱᕈᐃᔪᓐᓇᖅᑐᖅᑕᖃᓕᖅᑎᓪᓗᒍ, ᐊᒻᒪᓗ ᓴᓗᒻᒪᖅᓴᐃᑎᑦᑎᓗᓂ ᖃᓄᐃᑦᑐᖃᑲᓪᓚᑦᑐᖃᕐᓂᕈᓂ. ᐃᓕᓐᓂᐊᓯᓐᓈᖅᑐᓂ ᐃᖅᑲᓇᐃᔭᖅᑎᐅᔪᖅ ᐃᓕᓐᓂᐊᕋᔭᕐᒥᔪᖅ ᖃᓄᖅ ᑐᑭᓯᔪᓐᓇᑦᑎᐊᕋᓗᐊᕐᒪᖔᕐᒥᒃ ᐊᒻᒪᓗ ᐊᑐᓕᖅᑎᑦᑎᓗᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐋᓐᓂᐊᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᖅᑕᐃᓕᒪᓂᕐᒧᑦ ᐱᖁᔭᖏᖕᓂᑦ ᐊᒻᒪᓗ ᐊᑐᐊᒐᕋᓛᖏᖕᓂᑦ, ᓄᓇᕗᒻᒥ ᐅᖅᓱᐊᓗᖃᐅᑎᓕᕆᓂᕐᒧᑦ ᐅᖅᓱᐊᓗᓐᓄᑦ ᐊᒻᒪᓗ ᐅᖅᓱᐊᓗᓕᕆᓂᕐᒧᑦ ᐊᑐᐊᒐᕋᓛᕆᔭᐅᔪᓂᑦ, ᓄᓇᕗᒻᒥ ᐊᕙᑎ ᓴᐳᔾᔭᐅᓂᖓᓄᑦ ᐱᖁᔭᕐᒥᒃ, ᐊᒻᒪᓗ ᑲᓇᑕᒥ ᐊᕙᑎ ᓴᐳᔾᔭᐅᓂᖓᓄᑦ ᐱᖁᔭᕐᒥᒃ. ᐱᓕᕆᐊᒃᓴᖏᑦ ᐊᒻᒪᓗ ᑲᒪᒋᔭᕆᐊᖃᕋᔭᖅᑕᖏᑦ: • ᐃᑲᔪᖃᑦᑕᕐᓗᓂ ᐊᕙᑎᓕᕆᔨᒻᒪᕆᖕᒥᒃ ᐊᕐᕌᒍᑕᒫᑦ ᐊᕙᑎᒥ ᖃᐅᔨᓴᖅᑕᐅᑎᓪᓗᒋᑦ ᑖᒃᑯᐊ ᐊᐅᓚᐅᑎᖃᕐᕖᑦ, ᐅᖅᓱᐊᓗᖃᐅᑏᑦ, ᓱᓪᓗᓖᑦ, ᐅᕝᕙᓘᓐᓃᑦ ᐊᓯᖏᑦ ᐊᔾᔨᐸᓗᖏᑦ ᐱᖁᑎᕐᔪᐊᑦ. • ᑐᑭᓯᓗᓂ ᐊᒻᒪᓗ ᐊᑐᓕᖅᑎᑦᑎᓗᓂ ᑲᓇᑕᒥ, ᓄᓇᕗᒻᒥ, ᐊᒻᒪᓗ ᓄᓇᓕᓐᓂ ᐊᕙᑎᓕᕆᓂᕐᒧᑦ ᒪᓕᑦᑕᐅᔭᕆᐊᖃᓲᑦ ᐊᑦᑕᓇᖅᑕᐃᓕᒪᔾᔪᑏᑦ ᐊᒻᒪᓗ ᑐᕌᖓᔪᑦ ᐊᑐᐊᒐᕋᓛᑦ ᑐᑭᒧᐊᑦᑎᑕᐅᖃᑦᑕᕐᓗᓂ ᐊᕙᑎᓕᕆᓂᕐᒧᑦ ᖃᐅᔨᒪᔨᒻᒪᕆᒻᒧᑦ. • ᐃᑲᔪᖅᑐᐃᖃᑦᑕᕐᓗᓂ ᐊᕙᑎᓕᕆᓂᕐᒧᑦ ᖃᐅᔨᒪᔨᒻᒪᕆᖕᒥᒃ ᐊᕙᑎᓕᕆᓂᕐᒧᑦ ᐱᓕᕆᐊᖃᖅᑎᓪᓗᒍ ᓲᕐᓗᒃ ᐊᑐᖅᑕᐅᒍᓐᓃᖅᑐᑦ ᐲᔭᖅᑕᐅᓂᖏᑦ, ᖃᐅᔨᓴᕐᓗᑎᑦ ᐃᓂᖃᕐᕕᐅᔪᓂᑦ, ᐃᓂᖃᕐᕕᐅᔪᑦ ᑭᒡᓕᖏᑦ ᓱᑯᑦᑎᐊᓃᓪᓚᑦᑖᕐᒪᖔᑕ ᖃᐅᔨᓴᖃᑦᑕᕐᓗᓂ, ᓴᓗᒻᒪᖅᓴᐃᕙᓪᓗᓂ, ᐅᓗᕆᐊᓇᖅᑑᓂᖏᖕᓂᑦ ᖃᐅᔨᓴᖃᑦᑕᕐᓗᓂ, ᐊᒻᒪᓗ ᐊᕐᕌᒍᑕᒫᑦ ᐃᔾᔪ ᓄᓇᒦᑦᑐᖅ ᖃᐅᔨᓴᖃᑦᑕᕐᓗᓂᐅᒃ. • ᐃᑲᔪᖃᑦᑕᕐᓗᓂ ᐊᕙᑎᓕᕆᓂᕐᒧᑦ ᖃᐅᔨᒪᔨᒻᒪᕆᒻᒥᒃ ᐸᕐᓇᑎᓪᓗᒍ ᐊᑭᑐᔫᑎᓄᑦ ᐱᓕᕆᐊᒃᓴᓂᑦ ᐊᒻᒪᓗ ᐊᑐᕈᓐᓃᖅᑎᑕᐅᓂᖏᑦ ᐆᒻᒪᖅᑯᑏᑦ ᐊᐅᓚᐅᑎᖃᕐᕕᖏᑦ, ᐅᖅᓱᐊᓗᖃᐅᑏᑦ, ᓱᓪᓗᓖᑦ, ᐅᕝᕙᓘᓐᓃᑦ ᐊᓯᖏᑦ ᐊᔾᔨᐸᓗᖏᑦ ᐱᖁᑎᕐᔪᐊᑦ ᐊᑐᖅᑕᐅᔪᓐᓇᕐᓂᖏᑦ ᐅᖓᑕᐅᔨᓯᒪᓕᖅᑐᑦ. • ᐃᖅᑲᓇᐃᔭᖃᑎᖃᖅᐸᓪᓗᓂ ᐊᕙᑎᓕᕆᓂᕐᒧᑦ ᖃᐅᔨᒪᔨᒻᒪᕆᒻᒥᒃ ᐊᒻᒪᓗ ᓄᓇᓕᓐᓂ ᒐᕙᒪᐅᔪᓂᑦ ᐋᖅᑭᒃᓱᐃᑎᓪᓗᒋᑦ ᑐᐊᕕᕐᓇᖅᑐᖃᖅᑎᓪᓗᒍ ᖃᓄᐃᓕᐅᕈᑎᖃᕆᐊᙵᕈᑎᒃᓴᓂᑦ ᐊᕙᑎ ᓱᕈᓕᖅᑎᓪᓗᒍ ᖃᓄᐃᓕᐅᕈᑕᐅᒐᔭᖅᑐᓂᑦ. • ᐃᑲᔪᖃᑦᑕᕐᓗᓂ ᐊᕙᑎᓕᕆᓂᕐᒧᑦ ᖃᐅᔨᒪᔨᒻᒪᕆᒻᒥᒃ ᐅᓂᒃᑲᐅᓯᖃᖅᑎᓪᓗᒍ ᐊᕙᑎᒧᑦ ᐃᓱᒫᓘᑎᑕᐅᔪᓂᑦ ᐊᒻᒪᓗ ᐅᐸᓗᖓᐃᔭᐃᓗᓂ ᐅᓂᒃᑳᓂᑦ ᐊᒻᒪᓗ ᐊᐅᓚᑦᑎᒍᓯᕐᓂᑦ ᐊᔾᔨᒌᙱᑦᑐᓄᑦ ᐊᕙᑎᒥ ᐱᔾᔪᑕᐅᓲᓄᑦ ᑯᐊᐳᕇᓴᐅᔪᖅ ᐃᓱᒪᒋᒋᐊᖃᓲᖏᑦ ᐊᐅᓚᑦᑎᓂᖃᖅᑎᓪᓗᒋᑦ. • ᐃᑲᔪᖃᑦᑕᕐᓗᓂ ᐊᕙᑎᓕᕆᓂᕐᒧᑦ ᖃᐅᔨᒪᔨᒻᒪᕆᒻᒥᒃ ᐅᓂᒃᑲᐅᓯᖃᕐᓗᓂ ᐊᕙᑎᓕᕆᓂᕐᒧᑦ ᐃᓱᒫᓘᑎᒋᔭᐅᔪᓂᑦ ᐊᒻᒪᓗ ᑐᓴᕆᐊᖅᑎᑦᑎᖃᑦᑕᕐᓗᓂ ᐊᑐᐊᒐᕋᓛᓕᕆᔨᓄᑦ ᐊᕐᕌᒍᑕᒫᑦ ᐊᐅᓚᑦᑎᔩᑦ ᐱᓕᒻᒪᒃᓴᖅᑎᑕᐅᓂᖏᖕᓄᑦ ᐱᓕᕆᐊᒃᒥ ᑲᒪᔪᖃᖅᑎᓪᓗᒍ. ᐊᔪᙱᓐᓂᕆᒋᐊᓕᖏᑦ ᐃᖅᑲᓇᐃᔮᖅᑖᕐᓗᓂ ᐅᑯᐊᖑᕗᑦ: • ᓯᓚᑦᑐᓴᕐᕕᒻᒥ ᐃᓕᓐᓂᐊᕐᓂᑰᓗᓂ ᐊᕙᑎᓕᕆᓂᕐᒥᒃ • ᖁᑦᑎᓐᓂᓕᒻᒥᒃ 5 ᐊᖁᑦᑐᖅᓯᐅᑎᖃᕐᓗᓂ, ᓇᓪᓕᐅᒃᑯᒫᕋᒃᓴᐅᒻᒥᓗᓂ ᐃᑲᔫᑎᑕᒋᒐᔭᖅᑕᖏᑦ: • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂᑦ, ᐅᖃᐅᓯᖏᖕᓂᑦ ᐊᒻᒪᓗ ᐃᓕᖅᑯᓯᖏᖕᓂᑦ • ᐃᓄᒃᑎᑑᕈᓐᓇᕐᓗᓂ, ᐃᓄᐃᓐᓇᖅᑐᑦ ᐊᒻᒪᓗ/ᐅᕝᕙᓘᓐᓃᑦ ᐅᐃᕖᑎᑕᑦ. ᓇᓕᒧᓐᓂᖃᐅᖅᑐᓂᑦ ᐃᓕᓐᓂᐊᖅᓯᒪᓂᖏᑦ ᐃᖅᑲᓇᐃᔮᕆᖃᑦᑕᕐᓂᑯᒥᓂᖏᓪᓗ ᐃᓱᒪᒋᔭᐅᒋᐊᕐᔫᒥᔪᓐᓇᕐᒥᔪᑦ. ᑮᓇᐅᔾᔭᒃᓵᕆᔭᐅᓲᓂᑦ ᐊᑭᑦᑐᕋᐅᑎᕗᒍ ᐱᒋᐊᕈᑎᖃᕋᔭᖅᑐᑦ ᑮᓇᐅᔾᔭᒃᓵᕆᔭᐅᔪᑦ ᐃᒪᓐᓇᓂᑦ $79,278, ᐅᑭᐅᖅᑕᖅᑐᒦᓐᓂᕐᒧᑦ ᐃᑲᔫᓯᐊᖅᑖᕐᓗᑎᓪᓗ $15,016 ᐊᕐᕌᒍᒧᑦ, ᐃᖅᑲᓇᐅᔭᕐᓇᐅᑎᓐᓇᒍᓗ ᐃᖅᑲᓇᐃᔭᖅᑐᑦ ᑮᓇᐅᔾᔭᒃᓵᖃᕋᔭᕐᒥᔪᑦ, ᐃᑲᔫᓯᐊᖅᑖᕈᑎᒃᓴᖏᓪᓗ ᑲᑎᑕᐅᓯᒪᔪᑦ ᐱᖃᓯᐅᔾᔨᕗᑦ ᐃᖅᑲᓇᐃᔭᕈᓐᓃᓛᖅᑐᓄᑦ ᑮᓇᐅᔾᔭᒃᓵᕆᔭᐅᒐᔭᖅᑐᑦ ᐱᓕᕆᐊᖓᓄᑦ ᐊᒻᒪᓗ ᐃᑲᔫᓯᐊᖅᑖᕋᔭᖅᑐᑦ ᐃᒡᓗᒃᓴᖏᖕᓄᑦ ᐃᖅᑲᓇᐃᔭᖅᑎᓄᑦ. ᐃᖅᑲᓇᐃᔮᖅ ᐃᓚᒋᔭᐅᒐᔭᖅᑐᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᖕᓄᑦ. ᐃᖅᑲᓇᐃᔮᖅᑖᕈᒪᔾᔪᑏᑦ ᐊᐅᓪᓚᖅᑎᓪᓗᒍ ᖃᕋᓴᐅᔭᒃᑯᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑎᒍᑦ ᐊᐅᓪᓚᖅᑎᓪᓗᒍ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ, ᑎᑎᖅᑲᒃᑯᕕᖓᑦ 420, ᖃᒪᓂ’ᑐᐊᖅ, ᓄᓇᕗᑦ X0C 0A0 ᑎᑎᕋᕐᓗᑎᑦ ᐃᖅᑲᓇᐃᔮᖅᑖᕋᓱᐊᕈᒪᔾᔪᑎᖕᓂᑦ ᐊᓂᒍᓚᐅᙱᓐᓂᖓᓂ ᓄᕕᐱᕆ 6, 2020. ᐃᖅᑲᓇᐃᔮᖅᑖᕋᓱᐊᖅᑐᑦ ᑖᔅᓱᒧᖓ ᐊᑭᖅᑐᕋᐅᑕᐅᔪᒧᑦ ᐱᖃᓯᐅᔾᔭᐅᔪᓐᓇᕋᔭᕐᒥᔪᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᑦ ᓴᖅᑭᕈᑎᑦ ᑕᐃᑲᓂ ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ. ᖁᔭᓐᓇᒦᖅᑕᐃᓐᓇᕆᕙᕗᑦ ᑕᒪᐃᓐᓂ ᐃᖅᑲᓇᐃᔮᖅᑖᕋᓱᐊᖅᑐᑦ; ᑭᓯᐊᓂᓕ, ᑕᐃᒃᑯᐊᑐᐊᖅ ᓂᕈᐊᖅᑕᐅᔪᑦ ᐃᖅᑲᓇᐃᔭᖅᑎᑖᕆᔭᐅᔪᒪᒐᔭᕐᓗᑎᑦ ᖃᐅᔨᒃᑲᖅᑕᐅᒐᔭᖅᑐᑦ.