ᐅᐃᒪᔮᙱᓪᓗᓂ ᐊᒃᓱᕈᕐᓇᖅᑐᖅᓯᐅᖅᐸᒡᓗᓂ, ᐅᔾᔨᕈᓱᑦᑎᐊᕈᓐᓇᕐᓗᓂ, ᐋᖅᑭᒃᓯᒪᔪᓐᓇᑦᑎᐊᕐᓗᓂ ᐊᐅᓚᑦᑎᕕᖕᒥ, ᐅᓄᖅᑐᓂᒃ ᐱᔭᐅᔪᒪᔪᓂᒃ ᐊᐅᓚᑦᑎᔪᓐᓇᑦᑎᐊᕐᓗᓂ ᐊᒻᒪ ᓯᕗᓪᓕᐅᑎᔭᕆᐊᓕᖕᓂᒃ, ᐱᓕᕆᖃᑎᖃᑦᑎᐊᕈᓐᓇᖅᓯᕙᓪᓕᐊᓗᓂᓗ ᐊᑭᓕᖅᓱᐃᔨᓂᒃ, ᐃᖅᑲᓇᐃᔭᖃᑎᒥᓂᒃ ᐊᒻᒪ ᑕᖅᑲᒃᑯᓂᖓ, ᐊᒻᒪ ᐊᖓᔪᖅᑳᖓᑕ ᐊᐅᓚᑦᑎᔨᓪᓗᐊᑕᐅᓪᓗ ᑎᑎᕋᕐᕕᖓᓂ ᐃᖏᕋᑎᑦᑎᑦᑎᐊᕈᓐᓇᕐᓗᓂ.
ᖃᐅᔨᒪᑦᑎᐊᕐᓗᓂ ᐊᒻᒪ ᐱᓕᕆᖃᑎᖃᕈᓐᓇᑦᑎᐊᕐᓗᓂ ᐱᓕᕆᕝᕕᖕᒥᓂ ᓯᓚᑖᓂᓪᓗ ᖃᐅᔨᒋᐊᕐᕕᐅᔪᓐᓇᖅᑐᓂᒃ ᓇᓂᑐᐃᓐᓇᑦᑎᐊᖅ, ᑐᓴᖅᑕᐅᔭᕆᐊᖃᙱᑦᑐᓂᒃ ᐊᐅᓚᑦᑎᖃᑦᑕᕐᓂᐊᖅᐳᑎᑦ ᐊᒻᒪ ᑎᑎᕋᕐᕕᖕᒥ ᐃᑲᔪᖅᐸᒡᓗᑎᑦ ᐱᔨᑦᑎᕋᖅᑎᓂᒃ, ᐅᑯᓂᖓᓗ ᐱᒻᒪᕆᐅᔪᓂᒃ ᐱᓕᕆᐊᒃᓴᓂᒃ ᑯᐊᐳᕇᓴᒃᑯᓐᓄᑦ, ᐊᒻᒪᓗᑦᑕᐅᖅ ᑭᖑᕝᕖᕙᒡᓗᑎᑦ ᐊᐅᓚᑦᑎᔨᒻᒪᕆᐅᑉ ᐃᑲᔪᖅᑎᖓᓄᑦ. ᑎᒥᐅᔪᓄᑦ ᑎᑎᕋᖅᑎᒋᔭᐅᖃᑦᑕᕐᓂᐊᕆᕗᑎᑦ ᑲᑎᒪᔨᖏᓐᓄᑦ, ᐱᓕᕆᔾᔪᑎᓄᑦ ᐊᐅᓚᔾᔪᑎᖏᓐᓄᓪᓗ ᐊᓪᓚᕝᕕᖕᒥ ᐃᑲᔪᖅᑐᐃᕙᒡᓗᑎᑦ, ᐃᒃᓯᕙᐅᑕᖓᓂᒃ ᐃᑲᔪᖅᐸᒡᓗᑎᑦ ᐋᖅᑭᒃᓱᐃᑎᓪᓗᒍ ᐊᐅᓚᑦᑎᑎᓪᓗᒍᓗ ᒐᕙᒪᒃᑯᓐᓂ ᐊᐅᓚᑦᑎᔾᔪᑕᐅᔪᑦ ᐋᖅᑭᒃᓯᒪᓂᖏᓐᓂᒃ, ᐊᒻᒪ ᐅᖃᐅᔾᔪᐃᕙᒡᓗᑎᑦ ᒐᕙᒪᒃᑯᓐᓂ ᐊᑐᕆᐊᖃᖅᑎᑕᐅᔪᓂᒃ ᐊᒻᒪ ᐱᓕᕆᐊᒃᓴᓂᒃ. ᐋᖅᑭᒃᓱᐃᔨᑦᑎᐊᕙᐅᓪᓗᑎᑦ, ᐃᒡᕕᑦ ᑐᓴᖅᑎᑦᑎᔨᐅᖃᑦᑕᕐᓂᐊᖅᐳᑎᑦ ᑲᑎᒪᔨᓂᑦ ᐊᒻᒪ ᐊᖓᔪᖅᑲᐅᑎᓂᑦ/ᐊᐅᓚᑦᑎᔨᓪᓚᕆᖕᓂᑦ ᑲᑎᒪᔨᓄᑦ ᐃᓱᒪᓕᐅᕈᑕᐅᔪᑦ, ᐊᑐᕆᐊᓕᖏᑦ ᐊᒻᒪ ᑐᒃᓯᕋᖅᑕᐅᔪᑦ ᐱᔾᔪᑎᒋᓪᓗᒋᑦ.