ᐊᖓᔪᖅᑳᖅ ᐊᒻᒪᓗ ᐃᓱᒪᑕᕆᔭᐅᔪᖅ

ᐊᖓᔪᖅᑳᖅ ᐊᒻᒪᓗ ᐃᓱᒪᑕᕆᔭᐅᔪᖅ ᐊᔪᙱᓛᖅ ᖁᓪᓕᒃᑯᑦ ᑕᐅᑐᒐᖓᓄᑦ, ᐱᔭᒃᓴᖓᓄᑦ, ᐱᒻᒪᕆᐅᒋᔭᖓᓄᑦ, ᐊᒻᒪᓗ ᑐᕌᒐᕆᔭᖓᓄᑦ ᐊᒻᒪᓗ ᐱᓕᕆᐊᕆᔪᒪᔭᖓᓄᑦ ᖁᓪᓕᒃᑯᑦ (QEC), ᐅᑭᐊᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ ᑯᐊᐳᕇᓴᐅᔪᖅ ᓇᖕᒥᓂᕆᔭᐅᑉᓗᓂ ᓄᓇᕗᒻᒥ ᒐᕙᒪᒃᑯᓐᓄᑦ, ᐃᑯᒻᒪᖅᑯᑎᒃᑯᑦ ᐆᒻᒪᖅᑯᑎᓕᐅᕆᖃᑦᑕᖅᑐᖅ ᓄᓇᕗᒻᒥᐅᓄᑦ ᐊᐅᓛᖅᑎᑦᑎᓂᖓᒍᑦ 26-ᓂᒃ ᐅᖅᓱᐊᓗᒃᑐᖅᑐᓂᒃ ᐆᒻᒪᖅᑯᑎᖃᕐᕕᖕᓂᑦ 25-ᓄᑦ ᓄᓇᓕᖕᓄᑦ. ᖁᓪᓕᒃᑯᑦ ᐃᑯᒪᖃᖅᑐᓂᒃ, ᐃᑯᒻᒪᖅᑯᑎᓂᒃ ᐊᒻᒪᓗ ᓴᕕᒐᐅᔭᓕᕆᖃᑦᑕᕐᒥᔪᑦ ᐱᖓᓱᓂᑦ ᓄᓇᕗᒻᒥ ᐊᕕᒃᑐᖅᓯᒪᔪᓂᑦ ᐃᓂᒋᔭᖏᓐᓂᑦ, ᐊᐅᓚᑦᑎᑉᓗᑎᒡᓗ ᐊᑭᓕᒐᒃᓴᓕᕆᓂᕐᓂᒃ ᐊᒻᒪᓗ ᑯᐊᐳᕇᓴᒃᑯᑦ ᐃᓄᓕᕆᔨᖏᑦ, ᑐᑭᓯᐊᒪᔾᔪᑎᓕᕆᓂᖅ ᖃᕆᑕᐅᔭᒃᑯᑦ, ᐊᒻᒪᓗ ᑮᓇᐅᔭᓕᕆᓂᕐᓄᑦ ᑎᑎᕋᕐᕕᖕᓂᑦ ᖃᒪᓂᑦᑐᐊᕐᒥᑦ. ᑯᐊᐳᕇᓴᒃᑯᑦ ᑕᐅᑐᒐᖓᑦ ᑐᓂᓯᓗᑎᒃ ᓄᓇᕗᒻᒥ ᓄᓇᓕᖕᓄᑦ ᐅᓗᕆᐊᓇᖅᑐᖃᙱᑦᑐᒥᑦ, ᐊᑐᖅᑕᐅᔪᖕᓇᖅᑐᒥᑦ, ᐊᔪᙱᑦᑐᒥᒃ ᐊᒻᒪᓗ ᑮᓇᐅᔭᖅᑐᓗᐊᖏᑦᑐᒥᒃ ᐆᒻᒪᖅᑯᑎᒥᒃ ᐊᒻᒪᓗ ᐱᔨᑦᑎᕋᐃᓂᕐᒥᒃ, ᓴᙱᓂᖃᕐᓂᒃᑯᑦ ᐊᒻᒪᓗ ᐱᔭᒃᓴᐅᑎᖃᕐᓂᒃᑯᑦ ᐱᓕᕆᐊᖃᕐᓂᕐᒥᒃ ᑭᒡᒐᖅᑐᐃᔪᓂᒃ ᓄᓇᕗᑦ ᐃᓄᖁᑎᖏᓐᓂᒃ ᐊᒻᒪᓗ ᑕᑯᒃᓴᐅᑎᑦᑎᔪᓂᒃ ᐃᓄᐃᑦ ᐃᓅᖃᑎᒌᖕᓂᖏᓐᓄᑦ ᐱᒻᒪᕆᐅᒋᔭᐅᔪᓂᑦ. ᐃᓚᒋᔭᐅᔪᖅ ᖁᓪᓕᒃᑯᑦ ᐱᔭᒃᓴᐅᑎᑲᓪᓚᖏᓐᓄᑦ ᐅᐸᓗᐊᓗᑎᒃ ᐊᔾᔨᒌᙱᑦᑐᓄᑦ ᐆᒻᒪᖅᑯᑎᑐᕐᓂᕐᒥᒃ ᐊᒻᒪᓗ ᐊᓯᐅᔨᑦᑕᐃᓕᓂᕐᒨᖓᔪᓂᒃ ᓄᓇᕗᒻᒥᑦ, ᐃᓚᐅᑉᓗᑎᒃ ᐊᓯᐊᒍᖔᖅ ᐊᑐᖅᑕᐅᔪᖕᓇᖅᑐᑦ ᐆᒻᒪᖅᑯᑎᓕᐅᕆᔾᔪᑏᑦ. ᖁᓪᓕᒃᑯᑦ ᕿᓂᖅᑐᑦ ᓄᑖᒥᒃ ᐊᖓᔪᖅᑳᒥᒃ ᐊᒻᒪᓗ ᐃᓱᒪᑕᕆᔭᐅᓂᐊᖅᑐᒥᑦ ᓯᕗᓕᐅᖅᑎᐅᓂᐊᕐᓗᑎᒃ ᑯᐊᐳᕇᓴᒃᑯᓐᓄᑦ ᐊᒻᒪᓗ ᐱᓕᕆᖃᑎᖃᕐᓗᑎᒃ ᑲᒪᑦᑎᐊᕐᓂᖃᖅᑐᒥᒃ ᐊᒻᒪᓗ ᐃᓚᐅᖃᑕᐅᔪᓂᒃ ᒥᓂᔅᑕᒥᑦ ᐱᔭᒃᓴᐅᑎᖃᖅᑐᖅ ᖁᓪᓕᒃᑯᓐᓄᑦ, ᖁᓪᓕᒃᑯᑦ ᑲᑎᒪᔨᖏᓐᓄᑦ ᐊᒻᒪᓗ ᐊᖓᔪᒃᖡᑦ ᐊᐅᓚᑦᑎᔨᓄᑦ, ᐃᓚᒋᔭᐅᑉᓗᑎᒃ 25 ᓄᓇᓕᖕᒥᑦ ᑲᑎᒪᔩᑦ ᐊᑐᓕᖅᑎᓐᓂᐊᕐᓗᒋᑦ ᖁᓪᓕᒃᑯᑦ ᐸᕐᓇᐅᑎᖓᑦ (2021-2024) ᐊᑐᕐᓗᒍᓗ ᐱᔭᒃᓴᐅᑎᖓᑦ - ᑎᑯᓕᐊᖅᓯᒪᔪᖅ ᓄᓇᕗᒻᒥ ᒐᕙᒪᒃᑯᑦ ᓯᕗᓪᓕᖅᐸᐅᑎᔪᒪᔭᖏᓐᓄᑦ ᐊᒻᒪᓗ ᐊᑐᐊᒐᖏᓐᓄᑦ. ᐃᓱᒪᑕᖃᕐᓗᑎᒃ ᑲᑎᒪᔨᓂᒃ, ᐊᖓᔪᖅᑳᖅ ᐊᒻᒪᓗ ᐃᓱᒪᑕᕆᔭᐅᔪᖅ ᕿᒥᕐᕈᖃᑦᑕᕐᓂᐊᖅᑐᑦ ᓯᕗᓪᓕᖅᐸᐅᑎᔭᕆᐊᓕᖕᓂᑦ, ᐃᓚᐅᖃᑕᐅᖃᑦᑕᕐᓗᑎᒡᓗ ᐱᕙᓪᓕᐊᓂᕐᓂᒃ ᐊᒻᒪᓗ ᐊᑐᓕᖅᑎᓪᓗᒋᑦ ᐊᑯᓂᐅᔪᖅ ᐃᓱᒪᑕᐅᓂᕐᓄᑦ/ᖃᓄᖅᑑᕆᓂᕐᒧᑦ ᐸᕐᓇᐅᑏᑦ ᖁᓪᓕᒃᑯᓐᓄᑦ ᐊᒻᒪᓗ ᐅᑭᐅᑕᒫᒃᑯᑦ ᐱᓕᕆᐊᒃᓴᓄᑦ ᐸᓇᕐᐅᑎᖏᑦ ᑎᑯᓕᐊᖅᓯᒪᔪᑦ ᐃᓱᒪᑕᐅᓂᕐᓄᑦ ᐸᕐᓇᐅᑎᒧᑦ - ᐅᓗᕆᐊᓇᖅᑐᖃᙱᑎᑦᑎᓗᑎᒃ, ᑕᑯᒃᓴᐅᔪᒃᑯ, ᐱᓪᓗᕆᒃᑐᒥᒃ ᑲᒪᓗᑎᒃ, ᐊᒻᒪᓗ ᐊᑐᖅᑕᐅᖃᑦᑕᖅᑐᑦ, (ᐃᓄᓕᕆᔩᑦ, ᑮᓇᐅᔭᓕᕆᓂᖅ, ᐆᒻᒪᖅᑯᑎᓕᕆᕝᕕᒃ, ᐱᖁᑏᑦ ᖃᕆᑕᐅᔭᐃᓪᓗ) ᑕᐃᒪᐅᓗᑎᒃ ᐱᐊᓂᒃᓯᒪᑦᑎᐊᕐᓂᒃᑯ ᐊᑐᓕᖅᑎᑕᐅᓂᐊᕐᓗᑎᒃ ᐸᕐᓇᐅᑏᑦ. ᖃᓄᐃᖓᓂᐅᔪᓂᒃ-ᖃᐅᔨᒪᓂᖃᖅᑐᖅ ᐱᓕᕆᖃᑎᖃᕐᓗᓂ, ᐃᓚᐅᑎᑦᑎᓗᒃᑖᕐᓂᒃᑯᑦ, ᐊᖓᔪᖅᑳᖅ ᐊᒻᒪᓗ ᐃᓱᒪᑕᕆᔭᐅᔪᖅ ᐱᔪᒪᓂᖃᖅᑎᑦᑎᓂᐊᖅᑐᑦ, ᐱᒋᐊᖅᑎᑦᑎᓗᑎᒃ ᐊᒻᒪᓗ ᐊᐅᓚᓪᓗᒋᑦ ᐊᖓᔪᒃᖡᑦ ᐊᐅᓚᑦᑎᔩᑦ ᐊᒻᒪᓗ ᐱᓕᕆᔩᑦ ᑎᑭᐅᑎᓂᐊᕐᓗᑎᒃ ᐅᑭᐅᑕᒫᑦ ᐱᓕᕆᐊᕆᔭᐅᓂᐊᖅᑐᓄᑦ ᐸᕐᓇᐅᑎᐅᑉ ᑐᕌᒐᖏᓐᓂᑦ ᐊᒻᒪᓗ ᐱᔭᒃᓴᐅᑎᖏᓐᓂᒃ, ᐊᒻᒪᓗ ᑲᒪᓗᑎᒃ ᓴᙱᔪᒥᒃ ᐱᔾᔪᔾᔾᔨᔭᖏᓐᓂᒃ-ᑕᐅᑐᒐᖃᖅᑐᒥᒃ ᐊᒻᒪᓗ ᐃᓚᐅᑎᑦᑎᓂᕐᒥᒃ ᐱᓕᕆᓂᕐᒧᑦ ᐱᖅᑯᓯᖃᕐᓗᑎᒃ. ᑕᒪᕐᒥᒃ ᖃᓄᖅᑑᕆᔨᐅᔪᖅ ᐊᒻᒪᓗ ᐊᐅᓛᖅᑎᑦᑎᔨᐅᔪᖅ, ᐊᒻᒪᓗ ᓈᓚᒍᖕᓇᑦᑎᐊᖅᑐᖅ ᐊᒻᒪᓗ ᐅᖃᖃᑎᖃᕈᖕᓇᑦᑎᐊᖅᑐᖅ, ᑲᒪᓂᐊᖅᑐᖅ ᑐᓴᐅᒪᑎᑦᑎᖃᑦᑕᕐᓂᕐᒧᑦ ᖃᓂᖅᑑᕆᓂᕐᒥᒃ ᐊᒻᒪᓗ ᐸᕐᓇᐅᑎᒥᑦ - ᐃᓗᐊᓂᑦ ᐊᒻᒪᓗ ᓯᓚᑖᓂᑦ - ᐱᕈᐃᓗᓂ ᐊᒻᒪᓗ ᐊᔪᙱᑎᓪᓗᒍ ᐱᓕᕆᖃᑎᒌᖕᓂᖏᑦ ᐊᑕᐅᓯᐅᖏᑦᑐᒥᑦ ᐃᓚᒋᔭᐅᔪᓂᒃ ᓇᓃᓐᓂᐅᔪᓗᒃᑖᓂᑦ. ᑖᒻᓇ ᐃᖅᑲᓇᐃᔭᑦᑎᐊᕚᓘᔪᖅ ᐃᓅᓯᓗᒃᑖᒥᒃ ᐃᓕᓴᕐᓂᐅᑉᓗᓂ ᑲᒪᔭᖃᖅᖢᓂ ᐱᕙᓪᓕᐊᓂᕐᓄᑦ ᖃᓄᐃᓕᐅᕐᓂᐅᔪᓂᒃ, ᐱᔾᔪᑕᐅᔪᓂᒃ, ᐱᐅᓛᒃᑯᑦ ᐊᑐᖅᑕᐅᖃᑦᑕᖅᑐᓂᒃ ᐊᒻᒪᓗ ᐊᓯᐊᙳᖅᐸᓪᓕᐊᔪᑦ ᖃᕆᑕᐅᔭᓕᕆᓃᑦ, ᐊᒻᒪᓗ ᓴᙱᔪᒥᒃ ᑲᒪᔨᐅᓗᓂ ᖁᓪᓕᒃᑯᑦ ᐱᔭᒃᓴᖓᓄᑦ, ᐱᒻᒪᕆᐅᒋᔭᖓᓄᑦ ᐊᒻᒪᓗ ᐊᑐᖃᑦᑕᖅᑕᖓᓄᑦ, ᑕᑎᒋᔭᐅᓗᓂ ᐊᒻᒪᓗ ᐊᑐᖅᑕᐅᔪᖕᓇᕐᓗᓂ ᑲᑎᒪᔨᓄᑦ, ᐅᒃᑯᐃᖓᔪᒃᑯᓪᓗ, ᓇᓚᐅᑦᑎᓯᒪᔪᒃᑯᑦ ᐊᒻᒪᓗ ᑭᖑᕙᙱᓪᓗᑎᒃ ᐅᓂᑉᑳᓕᐅᕆᖃᑦᑕᕐᓗᓂ, ᐊᒻᒪᓗ ᐱᔭᒃᓴᐅᑎᖃᑦᑎᐊᕐᓗᓂ. ᓄᑖᖅ ᐊᖓᔪᖅᑳᖑᓗᑎᑦ ᐊᒻᒪᓗ ᐃᓱᒪᑕᕆᔭᐅᓗᑎᑦ, ᑕᒪᑐᒧᙵ ᐱᓕᕆᐊᕐᒧᑦ ᓯᓚᑦᑐᖅᓴᕐᕕᒡᔪᐊᕐᒥᑦ ᐃᓕᓐᓂᐊᖅᓯᒪᓂᐊᖅᑐᑎᑦ ᐊᔾᔨᖓᓂᒡᓘᓐᓃᑦ, ᐊᖓᔪᒃᖠᖅ ᓯᕗᓕᐅᖅᑎᙳᖅᐸᓪᓕᐊᓗᑎᑦ ᐊᒻᒪᓗ ᐊᐅᓚᑦᑎᓂᕐᒥᒃ ᐱᓕᕆᓂᑯᖃᕐᓗᑎᑦ ᐊᐅᓚᑕᐅᔪᒥᒃ ᐆᒻᒪᖅᑯᑎᓕᕆᓂᕐᒧᑦ ᐱᓕᕆᐊᕐᒥᑦ (24 ᐃᑲᕐᕋᓄᑦ/7 ᐅᑉᓗᓄᑦ ᐱᔨᑦᑎᕋᐃᖃᑦᑕᕐᓂᕐᒥᒃ, ᐅᓗᕆᐊᓇᖅᑐᖃᙱᓐᓂᒃᑯᑦ ᐊᒻᒪᓗ ᒥᐊᓂᕆᔭᖃᕐᓂᕐᒧᑦ ᓯᕗᓪᓕᖅᐸᐅᑎᔭᒃᓴᖃᕐᓂᕐᒥᒃ). ᐱᓕᕆᓐᓂᑯᖕᓄᑦ ᑎᑎᖅᑲᐅᑎᑎᑦ ᐱᐊᓂᒃᓯᒪᓂᕐᒧᑦ ᐅᖃᐅᓯᖃᖅᑐᑦ ᓴᙱᓂᕆᔭᖕᓂᑦ ᓯᕗᓕᐅᖅᑎᐅᑉᓗᑎᑦ (ᐋᖅᑭᒃᓱᐃᓂᕐᒧᑦ ᐊᐅᓚᑦᑎᓂᖅ, ᒐᕙᒃᑯᓐᓂᑦ ᐱᓕᕆᖃᑎᖃᕐᓂᖅ, ᐱᓕᕆᐊᒃᓴᓕᕆᓂᕐᓂᒃ, ᐱᓕᕆᔨᒋᔭᐅᔪᓕᕆᓂᕐᓂᒃ, ᑮᓇᐅᔭᓕᕆᓂᕐᒥᒃ ᐊᒻᒪᓗ ᓂᐅᕕᐊᒃᓴᙳᖅᑐᒃᓴᓕᕆᓂᕐᓂᒃ), ᐊᒻᒪᓗ ᐱᐊᓂᑦᑎᐊᖅᓯᒪᓂᕐᒥᒃ ᐊᒃᓱᕈᕐᓇᖅᑐᓂᒃ ᓄᓇᒥᑦ ᐱᓕᕆᓂᕐᒥᒃ ᐊᒻᒪᓗ ᓯᐊᒻᒪᒃᓯᒪᔪᓂᒃ ᐱᔨᑦᑎᕋᐃᕝᕕᐅᔪᓂᑦ, ᐊᒻᒪᓗ ᓄᓇᖃᖅᑳᖅᑐᓂᒃ ᐃᓄᖕᓂᒃ ᐊᒻᒪᓗ ᓄᓇᓕᖏᓐᓂᑦ. ᑲᑎᓐᓂᐊᖅᑕᑎᑦ ᐱᓕᕆᐊᖑᔪᖅ/ᑮᓇᐅᔭᓕᕆᓂᖅ ᒪᓕᒐᓕᕆᓂᕐᒧᑦ, ᐊᔪᙱᓪᓗᑎᑦ ᐱᖁᑎᕐᔪᐊᓄᑦ ᐸᕐᓇᐃᓂᕐᒥᒃ ᐊᒻᒪᓗ ᐱᖁᑎᒋᔭᐅᔪᓂᒃ ᐊᐅᓚᑦᑎᓂᕐᒥᒃ, ᐊᒻᒪᓗ ᐸᕐᓇᒃᓯᒪᓗᑎᑦ ᐱᓕᕆᖃᑎᖃᑦᑎᐊᕐᓂᐊᕐᓗᑎᑦ ᒐᕙᒪᒃᑯᓐᓄᑦ ᓯᕗᓕᐅᖅᑎᐅᔪᓂᒃ ᐊᒻᒪᓗ ᐱᓕᕆᔨᖏᓐᓂᒃ ᓯᕗᒻᒧᒃᑎᓐᓂᐊᕐᓗᒋᑦ ᖁᓪᓕᒃᑯᑦ ᐱᔭᒃᓴᖏᑦ ᐊᒻᒪᓗ ᖃᓄᖅᑑᕆᓂᕐᒧᑦ ᓯᕗᓪᓕᖅᐸᐅᑎᔪᒪᔭᖏᑦ. ᐱᒻᒪᕆᐅᓂᖅᐹᖅ, ᓴᙱᔪᒥᒃ ᑕᐅᑐᒐᖃᕐᓗᑎᑦ ᐊᑦᑕᕐᓇᖅᑐᖃᙱᑎᑦᑎᓂᕐᒥᒃ ᐊᒻᒪᓗ ᓴᖅᑭᑦᑎᓗᑎᑦ ᐃᓅᖃᑎᒧᑦ ᐱᑦᑎᐊᖏᓐᓂᖃᕐᓂᐊᖏᑦᑐᒥᒃ ᐱᓕᕆᕝᕕᖕᒥᑦ. ᐆᒃᑐᕐᓂᐊᕐᓗᑎᑦ ᐃᓱᒪᑕᐅᓂᕐᒧᑦ ᐱᓕᕆᐊᕐᒧᑦ, ᑐᓂᓗᒍ ᑐᒃᓯᕋᐅᑏᑦ ᐅᕗᖓ Phelps ᐅᕙᓂ careers@phelpsgroup.ca, ᐅᖃᖅᓯᒪᓗᓂ ᐱᓕᕆᐊᑉ ᐊᑎᖓ ᐱᔾᔪᑕᐅᔪᒥᑦ ᖃᕆᑕᐅᔭᒃᑯᑦ ᑎᑎᕋᖅᑕᖕᓂᑦ. ᑐᒃᓯᕋᐅᑏᑦ ᐱᔭᐅᓯᒪᔭᕆᐊᖃᖅᑐᑦ ᖄᖏᓚᐅᖏᓐᓂᖓᓂᑦ: ᓇᑦᑎᐊ (ᒫᑦᓯ) 5, 2021-ᒥᑦ. 401 Bay Street, Suite 1400, Toronto, ON M5H 2Y4 Phone: 416 364 6229