ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ (QEC) ᑎᒍᒥᐊᖅᑎᑕᖅ ᐊᑐᐃᓐᓇᐅᑎᑦᓯᓂᕐᒥᒃ ᐊᑦᓇᖏᑦᑐᒥᒃ, ᓱᖏᖅᑐᑎᑦᓴᒥᒃ ᐊᐅᒪᓕᕆᓂᕐᒥᒃ ᐊᑭᓕᖅᑐᐃᔪᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᑦᓱᓂ ᒐᕙᒪᒃᑯᖏᓐᓄᑦ ᓄᓇᕗᑦ ᐊᐅᓚᑕᐅᑦᓱᓂᓗ ᓯᓚᑖᒍᑦ ᓄᓇᕗᒻᒥ ᑎᒥᖁᑎᒋᔭᐅᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᑐᐃᓐᓇᐅᑎᑦᓯᔨᑐᐊᑦᓯᐊᑦ ᐅᐊᔭᒨᖅᑐᓂᒃ ᐅᖅᑰᓴᖅᑎᑦᓯᓂᕐᒥᓪᓗ ᓄᓇᕗᒻᒥ. ᑕᑯᓐᓇᖅᓱᒋ ᐊᓯᖏᑦ ᐊᐅᓚᑦᓯᔾᔪᑏᑦ ᑲᓇᑕᒥ, ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖓᑦ ᐊᔾᔨᐅᖏᑦᑐᒥᒃ ᐊᑦᓱᕈᕐᓇᖅᑐᒃᑰᐸᑉᐳᑦ ᐊᐅᓚᑦᓯᒪᒻᒪᑕ 25−ᓂᒃ ᐊᐅᒪᓕᐅᕈᑎᓂᒃ ᐅᖅᓱᐊᓗᑐᐃᓐᓇᑐᖅᑐᓂᒃ ᐊᐅᓚᐅᑎᖃᕐᕕᐊᓗᓐᓂᒃ ᐊᑐᓂᑦ ᓄᓇᓕᓐᓂ.
QEC-20-020 ᐊᖓᔪᖅᑳᖅ, ᓴᓇᔨᓄᑦ (ᓴᖅᑭᔮᖅᑎᑕᐅᒃᑲᓐᓂᖅᑐᖅ)
ᐃᖃᓗᓐᓃᑦᓱᓂ ᓄᓇᕗᒻᒥ, ᐊᖓᔪᖅᑳᖃᖅᓱᓂ ᐊᐅᓚᑦᓯᔨᒥᒃ, ᐊᐅᓚᓂᐅᔪᓄᑦ, ᑖᓐᓇ ᐃᖅᑲᓇᐃᔮᖅ ᑭᐅᔾᔪᑎᖃᕈᓐᓇᕆᐊᓕᒃ ᐸᕐᓇᑕᐅᓂᖏᓐᓄᑦ ᐊᐅᓚᑕᐅᓂᖏᓐᓄᓪᓗ ᓴᐳᔾᔨᒍᑕᐅᔪᑦ, ᐋᖅᑭᒋᐊᕆᒍᑏᑦ ᑐᐊᕕᕐᓇᖅᑐᒥᓗ ᓴᓇᒋᐊᓖᑦ ᑎᒥᐅᔪᑦ ᐅᖅᓱᐊᓗᑐᐃᓐᓇᖅᑐᖅᑐᖁᑎᖏᑦ ᐃᓪᓗᐃᑦ. ᑖᓐᓇ ᐃᖅᑲᓇᐃᔮᖅ ᓯᕗᓕᕐᓂᐊᖅᑐᖅ ᐊᐅᓚᐅᓯᕆᓂᐅᒋᐊᓕᓕᒫᓄᑦ ᐅᐊᔭᓕᕆᔭᐅᒋᐊᓕᓐᓄᓪᓗ ᓴᓇᔭᐅᓂᖏᓐᓄᑦ ᐊᐅᓚᓂᐅᔪᓄᑦ ᖃᐅᔨᓴᕐᓗᓂᓗ ᓴᓇᔭᐅᔪᓕᒫᑦ ᑎᑭᐅᑎᓱᒪᑦᓯᐊᕋᓗᐊᕐᒪᖔᑕ ᐊᑑᑎᒋᐊᓕᓐᓄᑦ ᑎᑭᐅᒪᒋᐊᓕᓐᓄᑦ.
ᑲᒪᒋᒋᐊᓖᑦ ᑎᒍᒥᐊᖅᑕᐅᔪᓪᓗ:
- ᖃᐅᔨᓴᓲᖅ ᐊᑐᓕᖅᑎᑕᐅᓂᖏᓐᓂᒃ ᓴᓇᔭᑦᓴᕐᓅᖓᔪᑦ ᐃᓘᓐᓇᖏᓐᓄᑦ ᐊᐅᓚᑎᓕᓐᓄᑦ ᐅᐊᔭᓕᓐᓄᓪᓗ, ᑐᙵᕕᐅᓗᓂ ᐸᕐᓇᑕᐅᓂᖅ/ᐋᖅᑭᓱᖅᑕᐅᓂᖅ ᐊᒻᒪᓗ ᓴᐳᔾᔨᓂᖅ/ᓂᕆᐅᓇᖅᑐᓂᓪᓗ ᓴᓇᖃᑦᑕᕐᓂᖅ 25−ᓂᒃ ᐊᐅᓚᑎᖃᕐᕕᐊᓗᓐᓂ ᓄᓇᕗᒻᒥ.
- ᐸᕐᓇᐃᓲᖅ, ᐋᖅᑭᑦᓱᐃᓲᖅ, ᑎᓕᓯᓲᖑᑦᓱᓂ ᖃᐅᔨᓴᓲᖑᑦᓱᑎᓐᓗ ᑐᑭᒧᐊᑦᑎᑕᐅᓂᖓᓂᒃ ᐱᓕᕆᖃᑎᖃᕐᓗᓂ ᐊᖓᔪᖅᑲᓂᒃ ᓴᓇᓂᕐᒧᑦ ᐊᒻᒪᓗ ᓯᕗᓕᖅᑎᓂᒃ ᐃᖅᑲᓇᐃᖅᔭᑎᓂᒃ ᐃᓚᐅᔪᓂᒃ ᓴᓇᓂᕐᒨᖓᔪᓄᑦ.
- ᐱᕙᓪᓕᐊᑎᑦᓯᓲᖅ, ᑲᔪᓯᑎᑦᓯᓲᖅ ᖃᐅᔨᓴᓲᖑᑦᓱᓂ ᐅᓂᒃᑳᓕᐅᓲᖅ ᐊᕐᕌᒍᑕᒫᑦ ᓴᓇᒋᐊᓕᓐᓅᖓᔪᓂᒃ ᑮᓇᐅᔭᖅᑑᑎᑦᓴᓂ.
- ᒪᑭᒪᑦᓯᓗᓂ ᖃᕆᑕᐅᔭᒃᑰᖓᔪᓂᒃ ᓴᓇᔭᑦᓴᓂᒃ ᐊᐅᓚᑦᓯᔾᔪᑎᒥᒃ (CMMS) ᖃᐅᔨᓴᕈᑎᒋᓗᒍ ᐃᖅᑲᓇᐃᔮᖑᒋᐊᓕᓐᓂᒃ, ᐃᓚᑦᓴᓂᒃ, ᓴᓇᔭᐅᓯᒪᓂᖏᓐᓂᓪᓗ ᐊᐅᓚᐅᑎᖃᕐᕕᐊᓘᑉ ᓱᓇᒃᑯᑎᖏᓐᓂ.
- ᖃᐅᔨᓴᑦᓯᐊᓲᖅ ᐊᐅᓚᓂᐅᔪᓕᒫᓂᒃ ᐊᐅᓚᔾᔭᒋᐊᕈᑕᐅᔪᓂᓪᓗ ᒪᓕᑦᓯᐊᖅᑐᓂᒃ ᐊᔾᔨᒌᙱᑦᑐᓂᒃ ᑎᒥᐅᔪᒨᖓᔪᓂᒃ, ᐊᕕᑦᑐᖅᓯᒪᔪᑦ ᐊᒻᒪᓗ ᒐᕙᒪᑐᖃᒃᑯᓐᓂ ᑎᑭᐅᒪᔭᕆᐊᓕᓐᓄᑦ, ᐱᖃᓯᐅᑎᑦᓱᑎᒃ ᑲᓇᑕᒥ ᐅᐊᔭᓕᕆᓂᕐᒨᖓᔪᓄᑦ ᒪᓕᒐᐃᑦ (CEC), ᑲᓇᑕᒥ ᑎᑭᐅᒪᔭᕆᐊᓕᓐᓄᑦ ᑲᑐᔾᔨᖃᑎᒌᖏᑦ (CSA), ᑲᓇᑕᒥ ᓴᓇᓂᕐᒧᑦ ᑎᑭᐅᒪᔭᕆᐊᓖᑦ (NBC), ᐊᒻᒪᓗ ᑲᓇᑕᒥ ᐃᑭᑦᑕᐃᓕᒪᓂᕐᒧᑦ ᒪᓕᒐᖅ (NFC).
ᐱᔪᓐᓇᕐᓂᐅᖃᓯᐅᑎᒋᐊᓖᑦ:
- ᐊᕕᑦᑐᖅᓯᒪᔪᓅᖓᔪᖅ ᐊᐅᐸᖅᑐᒥᒃ ᓇᕿᑦᑕᒐᖃᕐᓂᖅ ᓴᓐᓇᕕᓐᓂ ᐅᐊᔭᓕᕆᔨᐅᓂᕐᒧᑦ, ᐊᐅᓚᔾᔪᑎᓄᑦ ᐅᐊᔭᓕᕆᔨᐅᓂᕐᒥᒃ, ᐅᖁᒪᐃᑦᑐᕐᓂᐅᑎᓕᕆᔨᐅᓂᕐᒧᑦ ᐊᔾᔨᒐᓚᖏᓐᓂᓘᓐᓃᑦ ᐊᐅᓚᔾᔪᑎᓅᖔᔪᓂᒃ ᓴᓇᔨᐅᓂᕐᒥᒃ.
- ᓯᑕᒪᐅᔪᙱᒐᖅᑐᑦ (7) ᐃᓕᓐᓂᐊᖅᓯᒪᓗᓂ ᓴᓇᔨᐅᓂᕐᒥᓪᓗ ᐱᓕᒻᒪᑦᓯᒪᓗᓂ ᐊᐅᓚᔾᔪᑎᓕᕆᓂᕐᒨᖓᔪᓂᒃ ᐊᕐᕌᒍᐃᑦ ᓯᑕᒪᑦ ᐊᑖᓂᐅᙱᑦᑐᖅ ᐊᖓᔪᖅᑳᖑᓯᒪᓗᓂ.
- ᐱᓕᒻᒪᑦᓯᒪᑦᓯᐊᕐᓗᓂ ᐅᐊᔭᓕᕆᓂᕐᒨᖓᔪᓂᒃ.
- ᐃᓗᓕᖅᑐᔪᒥᒃ ᑐᑭᓯᒪᓂᖃᕐᓗᓂ ᐅᖅᓱᐊᓗᑐᐃᓐᓇᑐᖅᑐᓂᒃ ᐃᓪᓗᓂᒃ ᓴᓇᒋᐊᓕᓐᓄᓪᓗ ᐊᐅᓚᓂᐅᔪᓂᒃ.
- ᐱᓕᒻᒪᑦᓯᒪᓗᓂ ᐸᕐᓇᐃᓂᕐᒥᒃ ᐊᑭᑐᔫᑎᓅᖓᔪᓂᒃ ᐊᐅᓚᓂᕐᒧᓪᓗ ᑮᓇᐅᔭᖅᑑᑎᑦᓴᓂ.
- ᐊᑐᖅᑐᒥᒃ ᐊᖁᒍᓐᓇᐅᑎᖃᕐᓂᖅ ᓈᒻᒪᓈᖅᓯᒪᔪᒥᒃ.
ᐃᑲᔫᑎᓖᑦ:
ᐃᑲᔫᑎᓖᑦ:
- ᐃᓕᓐᓂᐊᖅᓯᒪᓗᓂ ᑎᑎᖅᑑᔭᖅᑎᒻᒪᕆᐅᓂᕐᒥᒃ ᑐᑭᓯᐅᒪᔭᕆᐊᓕᓐᓄᑦ (CET) ᐅᕝᕙᓗ ᑎᑎᕋᖅᓯᒪᓗᓂ ᑎᑎᖅᑑᔭᖅᑎᒻᒪᕆᐅᒋᐊᖓ (P.Eng.).
- ᐊᐅᓚᓂᓕᕆᔨᒻᒪᕆᐅᓂᖅ (PMP) ᑐᕌᒐᕆᓗᒍ.
- ᐊᐅᓚᓂᓕᕆᖃᑦᑕᖅᓯᒪᓗᓂ ᐸᕐᓇᓂᕐᒨᖓᔪᓂᒃ ᐋᖅᑭᑦᓱᐃᓂᕐᒧᓪᓗ ᐃᖅᑲᓇᐃᔭᖅᑐᓕᕆᓂᖅ, ᓇᓚᐅᑦᓵᕈᓐᓇᕐᓂᖅ ᐱᕙᓪᓕᐊᔪᓂᓪᓗ ᐅᓂᒃᑳᓕᐅᕐᓂᖅ.
- ᖃᐅᔨᒪᓂᖃᕐᓂᖅ ᓄᓇᕗᒻᒥᒃ, ᓄᓇᙵᒃ, ᐅᖃᐅᓯᕐᒥᒃ ᐱᖅᑯᓯᕐᒥᓪᓗ.
- ᐅᖃᕈᓐᓇᕐᓂᖅ ᐃᓄᒃᑎᑐᑦ, ᐃᓄᐃᓐᓇᖅᑐᑦ, ᐊᒻᒪᓗ/ᐅᕝᕙᓗ ᐅᐃᕖᑎᑐᑦ.
ᑲᑎᓯᒪᑎᓪᓗᒋᑦ ᐃᓕᓐᓂᐊᖅᓯᒪᓂᖅ ᐃᖅᑲᓇᐃᔭᖃᑦᑕᖅᓯᒪᓂᕐᓗ ᐃᓱᒪᒋᔭᐅᖃᓯᐅᑎᑐᐃᓐᓇᕆᐊᓖᑦ.
ᒪᓂᒪᑎᑦᓯᕗᒍᑦ ᑮᓇᐅᔾᔭᑦᓵᑦᓴᓂᒃ ᐊᑯᕐᖓᓐᓂ $119,142 - $142,313, ᐅᑭᐅᖅᑕᖅᑐᒦᑦᑐᖅᓯᐅᑦ $15,016
ᐊᕐᕌᒍᑕᒫᑦ, ᐆᕙᑕᐃᕈᓐᓇᖅᓱᓂ, ᐃᓗᓕᖅᑐᔪᓂᒃ ᐱᕚᓪᓕᕈᑎᑦᓴᓂᒃ ᐃᑲᔫᑎᖃᖅᓱᓂ ᐱᖃᓯᐅᔾᔨᑦᓱᓂ ᓇᓗᓇᐃᔭᖅᓯᒪᔪᖅ ᓴᓂᕐᕚᔭᑦᓴᓅᖓᔪᖅ ᐃᑲᔫᑎᓖᓪᓗ ᐃᓪᓗᖃᕐᓂᕐᒨᖓᔪᑦ. ᑖᓐᓇ ᐃᖅᑲᓇᐃᔮᖅ ᐃᓚᒍᑦᓯᐅᑎᓯᒪᙱᑦᑐᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᐃᖅᑲᓇᐃᔮᖅᑖᖁᔭᐅᓗᐊᙳᐊᖅᑐᑦ ᓄᓇᕗᒻᒥᐅᑦ ᐃᓄᐃᑦ.
ᐃᖅᑲᓇᐃᔮᖅᑖᕋᓱᐊᕈᒪᒍᕕᑦ ᐃᖅᑲᓇᐃᔮᖅᑖᕋᓱᐊᕈᑎᑎᑦ ᐊᐅᓪᓚᑎᓪᓗᒋᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑎᒥᖁᑎᖓᑦ, ᑎᑎᖅᑲᒃᕕᐊ 420, ᖃᒪᓂᑦᑐᐊᖅ, ᓄᓇᕗᑦ X0C 0A0
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᔫᓂ 26, 2020 ᑐᖔᓂ.
ᐃᖅᑲᓇᐃᔮᖅᑖᕋᓱᐊᖅᑐᑦ ᑖᑦᓱᒪᙵᑦ ᐃᓱᒪᒋᐅᔭᑐᐃᓐᓇᕆᐊᓖᑦ ᓯᕗᓂᕐᒥ ᐃᖅᑲᓇᐃᔮᑦᓴᓄᑦ ᖁᓪᓕᒃᑯᓐᓂ.
ᖁᔭᓐᓇᒦᖅᐸᕗᑦ ᐃᖅᑲᓇᐃᔮᖅᑖᕋᓱᐊᖅᑐᓕᒫᑦ; ᑭᓯᐊᓂᓕ ᐊᐱᖅᓱᖅᑕᐅᒍᒪᔪᑦ ᑐᓴᖅᑎᑕᑑᓛᖅᑐᑦ.