ᐊᖓᔪᖅᑳᖅ ᓴᖅᑭᑕᐅᕙᓪᓕᐊᔪᓄᑦ - ᕿᑭᖅᑖᓗᒃ ᓂᒋᐊᓂ

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ! ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ. ᐱᓕᕆᖃᑎᒌᖕᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᓕᕆᔾᔪᑎᐅᔪᑦ ᑲᓇᑕᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᓕᕆᔨᒃᑯᑦ ᐊᔾᔨᐅᖏᑦᑐᒥᑦ ᐊᒃᓱᕉᑎᖃᕆᐊᖃᓲᖑᕗᑦ ᐊᐅᓚᑎᑦᑎᖕᒪᑕ ᐆᒻᒪᖅᑯᑎᓂᑦ 25−ᓂᑦ ᐅᖅᓱᐊᓗᖕᒨᖅᑐᓂᑦ ᐊᒻᒪ ᐊᑐᓂᑦ ᓄᓇᓕᖕᓃᑦᑐᒡᒍᑕᐅᓪᓗᑎᑦ ᐆᒻᒪᖅᑯᑎᖃᕐᕕᖏᑦ ᓄᓇᕗᒻᒥ ᓄᓇᓕᖕᓂᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ 20-031 ᐊᖓᔪᖅᑳᖅ ᓴᖅᑭᑕᐅᕙᓪᓕᐊᔪᓄᑦ - ᕿᑭᖅᑖᓗᒃ ᓂᒋᐊᓂ ᐃᓂᖃᖅᑎᑕᐅᓪᓗᓂ ᐃᖃᓗᖕᓂ, ᓄᓇᕗᒻᒥ ᐊᒻᒪ ᐅᓂᒃᑳᖅᐸᒡᓗᓂ, ᓴᖅᑭᑕᐅᕙᓪᓕᐊᔪᑦ ᐊᖓᔪᖅᑳᖓᓄᑦ, ᑖᔅᓱᒥᖓ ᐃᖅᑲᓇᐃᔮᓕᒃ ᐊᐅᓚᑦᑎᖃᑦᑕᕐᓂᐊᖅᐳᖅ ᖃᐅᑕᒫᑦ ᐊᐅᓚᓂᕆᔭᐅᔪᓂᒃ ᕿᑭᖅᑖᓗᖕᒥᐅᓄᑦ ᓄᓇᓕᖕᓂ ᐃᒐᓯᐅᒻᒨᖅᑐᓄᑦ ᐊᐅᓚᐅᑎᖃᕐᕕᖕᓄᑦ ᐱᔾᔪᑎᒋᓪᓗᒋᑦ ᓴᖅᑭᑕᐅᕙᓪᓕᐊᔪᑦ ᐆᒻᒪᖅᑯᑎᑖᖅᑎᑦᑎᕙᓪᓕᐊᔪᓪᓗ ᕿᑭᖅᑖᓗᖕᒥ. ᐱᓕᕆᖃᑎᖃᑦᑎᐊᖃᑦᑕᕐᓂᐊᕆᕗᖅ ᐊᐅᓚᐅᑎᖃᕐᕕᐅᑉ ᑲᒪᔨᖏᓐᓂᒃ ᐃᑲᔪᖅᑎᖏᓐᓂᒡᓗ ᖁᐊᖅᓵᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᑲᔪᓯᑦᑎᐊᖅᑐᒥᓪᓗ ᐊᑐᓂ ᐆᒻᒪᖅᑯᑎᖃᑦᑎᐊᖁᓪᓗᒋᑦ, ᐊᐅᓚᐅᑎᖃᕐᕕᓪᓗ ᐃᒃᐱᐊᕐᔪᖕᒥ, ᑲᖏᖅᖢᒑᐱᖕᒥ, ᐊᐅᓱᐃᑦᑐᒥ, ᓴᓂᕋᔭᖕᒥ, ᐃᒡᓗᓕᖕᒥ, ᒥᑦᑎᒪᑕᓕᖕᒥ, ᕿᑭᖅᑕᕐᔪᐊᕐᒥ ᐊᒻᒪ ᖃᐅᓱᐃᑦᑐᒥ ᒪᓕᑦᑎᐊᖅᑎᖕᒥᓗᒋᑦ ᑕᒪᐃᓐᓂᒃ ᐋᓐᓂᐊᖅᑐᓕᕆᓂᕐᒧᑦ, ᐊᑦᑕᕐᓇᖅᑕᐃᓕᒪᕐᓂᕐᒧᑦ, ᐊᒻᒪ ᐊᕙᑎᓕᕆᓂᕐᒧᑦ ᒪᓕᒐᖏᓐᓂᒃ, ᐊᑐᐊᒐᖏᓐᓂᒃ, ᒪᓕᒋᐊᓕᖏᓐᓂᒡᓗ. ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ: • ᑲᒪᔨᐅᖃᑦᑕᕐᓂᐊᕆᕗᖅ ᓴᖅᑭᑦᑎᕙᓪᓕᐊᔪᑦ ᐃᖅᑲᓇᐃᔭᖅᑎᖏᓐᓂᒃ ᐃᒃᐱᐊᕐᔪᖕᒥ, ᑲᖏᖅᖢᒑᐱᖕᒥ, ᐊᐅᓱᐃᑦᑐᒥ, ᓴᓂᕋᔭᖕᒥ, ᐃᒡᓗᓕᖕᒥ, ᒥᑦᑎᒪᑕᓕᖕᒥ, ᕿᑭᖅᑕᕐᔪᐊᕐᒥ, ᐊᒻᒪ ᖃᐅᓱᐃᑦᑐᒥ ᐆᒻᒪᖅᑯᑎᖃᕐᕕᖏᓐᓂ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᒻᒪ ᑲᔪᓯᑦᑎᐊᖅᑐᒥᒃ ᐆᒻᒪᖅᑯᑎᖃᑦᑎᐊᖁᓪᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᔨᖏᓐᓄᑦ. ᐃᖅᑲᓇᐃᔭᖅᑎᙳᖅᑐᖅ ᐊᐅᓚᐅᑎᖃᕐᕕᖕᓂ ᒪᓕᑦᑎᐊᖅᑎᑦᑎᕙᒡᓗᓂ ᑕᒪᐃᓐᓂᒃ ᐱᓕᕆᕝᕕᐅᔪᑦ ᒪᓕᒋᐊᖃᖅᑕᖏᓐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐱᐅᔪᒥᒃ ᐊᑐᐃᓐᓇᐅᑎᑦᑎᕙᒡᓗᑎᒃ ᓴᐳᔾᔨᓯᒪᔪᒥᒃ ᐱᓕᕆᕝᕕᐅᔪᖅ ᐊᑐᕈᒥᓇᕐᓂᖅᐹᓂᒃ ᑲᔪᓯᑎᑦᑏᓐᓇᖅᐸᒡᓗᑎᒃ ᐱᔨᑦᑎᕋᖅᐸᒡᓗᑎᒡᓗ. • ᐊᐅᓚᑦᑎᔨᒥᒃ ᐱᓕᕆᖃᑎᖃᖅᐸᒃᖢᓂ, ᐋᖅᑭᐅᒪᑎᑦᑎᕙᒡᓗᓂ ᐊᕐᕌᒍᑕᒫᖅᓯᐅᑎᑦ ᐆᒻᒪᖅᑯᑎᖃᕐᕕᖕᓂ ᐱᓕᕆᐊᖑᔭᕆᐊᓖᑦ ᐱᓕᕆᐊᖑᑦᑎᐊᖃᑦᑕᖁᓪᓗᒋᑦ. • ᕿᒥᕐᕈᕙᒃᖢᓂ ᑕᒪᐃᓐᓂᒃ ᐆᒻᒪᖅᑯᑎᖃᕐᕖᑦ ᖃᐅᔨᓴᖅᑕᐅᔪᑦ ᐅᓂᒃᑲᐅᓯᕆᔭᐅᒐᔪᒃᑐᓂᑦ ᐋᖅᑭᒃᓯᒪᓕᖅᑎᑦᑎᕙᒡᓗᓂᓗ ᑕᒪᐃᓐᓂᒃ ᓈᒻᒪᙱᓕᐅᖅᑐᓂᒃ ᐋᖅᑭᒃᓯᒪᓕᖅᑎᑲᐅᑎᒋᕙᒡᓗᒋᓪᓗ. • ᐊᑭᓕᖅᓱᐃᔨᑦ ᐱᔨᑦᑎᖅᑕᐅᔭᕆᐊᓕᑦ, ᐊᑦᑕᑕᖅᑕᐅᔭᕆᐊᓕᑦ ᐊᒻᒪ ᓇᑲᑕᐅᔭᕆᐊᓕᑦ ᐱᐊᓂᒃᑕᐅᑦᑎᐊᖅᐸᒡᓗᒋᑦ ᐊᐅᓚᐅᑎᖃᕐᕕᑦ ᐊᖓᔪᖅᑳᖏᑦ ᓄᖅᑲᖓᓂᖏᓐᓂᒃ. • ᐊᐅᓚᐅᑎᖃᕐᕕᖕᓂ ᖃᐅᔨᓴᖅᐸᒡᓗᓂ ᓈᒻᒪᒃᓯᔭᕌᖓᑦ ᓄᓇᓕᖏᓐᓄᑦ ᐊᐅᓚᐅᑎᖃᕐᕕᖏᑦ ᒪᓕᑦᑎᐊᖁᓪᓗᒋᑦ ᐊᑦᑕᕐᓇᖅᑕᐃᓕᒪᕐᓂᕐᒧᑦ ᒪᓕᒋᐊᖃᖅᑕᖏᓐᓂᒃ, ᐊᒻᒪ ᑲᒪᒋᔭᐅᑎᑦᑎᐊᕐᓗᒋᑦ ᐊᐅᓚᑕᐅᑦᑎᐊᕐᓗᑎᒡᓗ. • ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᖃᑦᑕᑐᐃᓐᓇᕆᐊᓕᒃ ᑲᒪᒋᔭᕆᐊᖃᖅᑕᓕᒫᖏᑦ ᑲᔪᓯᑎᑕᐅᖁᓪᓗᒋᑦ ᐊᒻᒪ ᐃᓱᓕᕝᕕᒃᓴᖏᑦ ᒪᓕᒡᓗᒋᑦ. • ᐃᖅᑲᓇᐃᔮᓕᒃ ᐊᐅᓪᓚᓚᐅᑲᖃᑦᑕᕋᔭᖅᑐᖅ ᐃᓛᓐᓂᒃᑯᓪᓗ ᐊᑐᐃᓐᓇᐅᔭᕆᐊᖃᖅᐸᒡᓗᓂ ᐃᑲᕐᕌᓄᑦ 24-ᓄᑦ. ᐅᑯᐊ ᐊᔪᙱᑦᑕᕆᐊᓕᖏᑦ: • ᐊᕕᒃᑐᖅᓯᒪᔪᓂ ᐊᐅᐸᖅᑐᒥᒃ ᓇᕿᑕᐅᓯᒪᔾᔪᑎᒥᒃ ᐃᓕᓴᕆᔭᐅᔾᔪᑎᖃᕐᓗᓂ ᐆᒻᒪᖅᑯᑎᓕᕆᔨᐅᓗᓂ, ᓄᓇᒃᑰᕈᑎᕐᔪᐊᓕᕆᔨᐅᓗᓂ ᐊᒃᑐᐊᓂᓕᖕᓂᓪᓘᓐᓃᑦ ᐆᒻᒪᖅᑯᑎᓕᕆᓂᕐᒧᑦ ᒪᓕᒋᐊᖃᓪᓚᕆᒃᑐᓂᑦ. • ᐊᕐᕌᒍᓂᑦ ᑕᓪᓕᒪᓂᒃ ᐊᐅᓚᐅᑎᖃᕐᕕᓪᓚᑦᑖᒥ ᐱᓕᕆᖃᑦᑕᖅᓯᒪᓗᓂ. • ᐊᕐᕌᒍᓂᒃ ᒪᕐᕉᖕᓂᒃ ᐊᐅᓚᐅᑎᖃᕐᕕᖕᒥ ᑲᒪᔨᐅᖃᑦᑕᖅᓯᒪᓗᓂ. • ᐊᑐᕈᓐᓇᖅᑐᒥᒃ ᐊᖁᑦᑐᓐᓇᐅᑎᖃᕐᓗᓂ ᐊᖁᑦᑐᓐᓇᑦᑎᐊᕐᓗᓂᓗ. ᐃᑲᔪᕐᓂᖃᕋᔭᖅᑐᑦ: • ᐊᑐᖃᑦᑕᖅᓯᒪᓗᓂ ᐅᖅᓱᐊᓗᖕᒨᖅᑐᒥᒃ ᐊᐅᓚᐅᑎᖃᕐᕕᖕᒥ ᐃᑲᔪᕐᓂᖃᕋᔭᖅᑐᖅ. • ᐱᓕᕆᖃᑦᑕᖅᓯᒪᓗᓂ ᐊᐅᓚᓂᕆᔭᖓᑕ ᑮᓇᐅᔭᖅᑑᑎᒃᓴᖏᓐᓂᒃ ᐃᑲᔪᕐᓂᖃᕋᔭᖅᑐᖅ. • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ. • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ. ᐊᔾᔨᖏᓪᓗ ᐊᒻᒪ ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐃᖅᑲᓇᐃᔭᖃᑦᑕᖅᓯᒪᓂᖏᓪᓗ ᐃᓱᒪᒋᔭᐅᓂᐊᖅᑐᑦ. ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $113,692−ᒥᑦ $134,763−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ. ᐱᔭᐅᔪᒪᓂᐊᖅᑐᑦ ᑐᓂᔭᐅᓂᐊᖅᑐᑦ ᓄᓇᕗᒻᒥ ᐃᓄᓐᓄᑦ. ᓄᓇᕗᑦ ᐃᓄᐃᑦ ᓂᕈᐊᖅᑕᐅᙱᑉᐸᑕ, ᐃᖅᑲᓇᐃᔮᔅᓴᖅ ᑐᓂᔭᐅᓂᐊᖅᑐᑦ ᐱᖓᓱᓄᑦ (3) ᐅᑭᐅᓄᑦ. ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ, Box 420, Baker Lake, NU X0C 0A0 ᑎᑎᖅᑲᑦᑯᑦ ᐱᓇᓱᐊᕐᓗᑎ, ᓯᑎᐱᕆ 4, 2020 ᑐᖔᓂ. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.