ᐋᓐᓂᐊᖅᑕᐃᓕᒪᔪᓕᕆᕐᒧᑦ, ᐊᑦᑕᓇᖅᑕᐃᓕᒪᔪᓕᕆᓂᕐᒧᑦ, ᐊᕙᑎᓕᕆᓂᕐᒧᓪᓗ ᑲᒪᔨ

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ! ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ. ᐱᓕᕆᖃᑎᒌᖕᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥᑦ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᖃᖅᑎᑦᑎᕙᒃᑐᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔾᔨᖃᙱᑦᑐᒥᒃ ᐱᓇᔪᒋᐊᖃᖃᑦᑕᖅᐳᑦ 25−ᓂᒃ ᐃᓛᒃᑰᖅᑐᓂᒃ ᐅᖅᓱᐊᓗᒃᑐᖅᑐᓂᒃ ᐊᐅᓚᐅᑎᖃᕐᕕᖕᓂᒃ ᐊᐅᓚᑦᑎᖃᑦᑕᕐᒪᑕ ᖃᐅᒻᒪᖅᑯᑎᖃᖅᑎᑦᑎᕙᒃᖢᑎᒡᓗ ᑕᒪᐃᓐᓂ ᐅᑭᐅᖅᑕᖅᑐᒥ ᓄᓇᓕᖏᓐᓂ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 21-002 ᐋᓐᓂᐊᖅᑕᐃᓕᒪᔪᓕᕆᕐᒧᑦ, ᐊᑦᑕᓇᖅᑕᐃᓕᒪᔪᓕᕆᓂᕐᒧᑦ, ᐊᕙᑎᓕᕆᓂᕐᒧᓪᓗ ᑲᒪᔨ ᐃᓂᖃᕐᓗᓂ ᐃᖃᓗᓐᓂᑦ, ᓄᓇᕗᒻᒥ ᐅᖃᕐᕕᖃᖃᑦᑕᕐᓗᓂ ᐊᐅᓚᑦᓯᔨᖓᓂᑦ, ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ, ᐊᑦᑕᕐᓇᖅᑕᐃᓕᒪᔪᓕᕆᓂᕐᒧᑦ, ᐊᕙᑎᓕᕆᓂᕐᒧᓪᓗ, ᐋᓐᓂᐊᖅᑕᐃᓕᒪᔪᓕᕆᕐᒧᑦ, ᐊᑦᑕᓇᖅᑕᐃᓕᒪᔪᓕᕆᓂᕐᒧᑦ, ᐊᕙᑎᓕᕆᓂᕐᒧᓪᓗ ᑲᒪᔨ ᑲᒪᒋᔭᖃᕐᓂᐊᖅᑐᖅ ᓇᓗᓇᐃᖅᓯᓂᕐᒧᑦ ᒪᓕᓐᓂᕐᒧᑦ ᑲᓇᑕᒥ ᓄᓇᕗᒻᒥᓪᓗ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ, ᐊᑦᑕᕐᓇᖅᑕᐃᓕᒪᔪᓕᕆᓂᕐᒧᑦ, ᐊᕙᑎᓕᕆᓂᕐᒧᓪᓗ ᒪᓕᒐᕐᓂᑦ ᒪᓕᒋᐊᓕᓐᓂᓪᓗ ᐊᑦᑐᐊᓂᖃᕐᒪᑕ ᑯᐊᐳᕇᓴᐅᑉ ᐊᑭᑐᔫᑎᓄᑦ ᐊᐅᓚᓂᕐᒧᓪᓗ ᐊᒻᒪᓗ ᐊᐅᓚᑦᓯᓂᕐᒧᑦ ᐱᓕᕆᐊᓂᑦ. ᐃᖅᑲᓇᐃᔮᖅ ᑲᒪᒋᔭᖃᕐᓂᐊᕐᒥᔪᖅ ᐊᑐᐃᓐᓇᐅᑎᑦᓯᓂᕐᒧᑦ ᑳᓐᑐᓛᖃᖅᑎᐅᔪᑦ ᖃᐅᔨᑎᑕᐅᒃᑲᓐᓂᕐᓂᖏᓐᓄᑦ ᐃᖅᑲᓇᐃᔭᖅᑎᓕᒫᓄᑦ, ᓇᓗᓇᐃᖅᓯᓂᕐᒧᑦ ᖃᐅᔨᒪᓕᖅᑎᑕᐅᒃᑲᓐᓂᕈᑕᐅᔪᑦ ᐱᔭᐅᓯᒪᒐᓗᐊᕐᒪᖔᑕ ᐃᓂᒋᔭᐅᔪᒥ, ᑲᒪᒋᔭᖃᕐᓂᕐᒧᑦ ᐅᓗᕆᐊᓇᖅᑐᒥᑦ ᖃᐅᔨᓴᕐᓂᕐᒥᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᖃᐅᔨᓴᕐᓂᕐᒧᑦ ᐃᖅᑲᓇᐃᔭᕐᕕᐅᔪᓂᑦ, ᐱᔭᕇᖅᓯᓂᕐᒧᑦ ᖃᐅᔨᓴᖅᑕᐅᓂᖏᓐᓄᑦ ᓇᓗᓇᐃᖅᓯᓂᕐᒥᑦ ᒪᓕᒐᓗᐊᕐᒪᖔᑕ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒋᐊᓕᓐᓂᑦ, ᓇᓗᓇᐃᖅᓯᓂᕐᒧᓪᓗ ᑳᓐᑐᕌᖅᑏᑦ ᐱᔭᕆᐊᖃᖅᑕᓕᒫᖏᓐᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᓂᑦ ᓯᕗᕐᖓᒍᑦ-ᐱᔪᓐᓇᕐᓂᕆᒋᐊᖃᖅᑕᖏᓐᓂᑦ, ᐱᓕᒻᒪᑦᓴᕐᓂᕐᒧᑦ ᑎᑎᕋᖅᑕᐅᓯᒪᔪᑦ, ᓈᒻᒪᖅᑐᓂᓪᓗ ᐊᔪᙱᑕᖃᕐᓂᕐᒧᑦ ᐃᖅᑲᓇᐃᔭᖅᑎᓂᑦ. ᐱᔭᑦᓴᕆᔭᐅᔪᑦ ᑲᒪᒋᔭᑦᓴᕆᔭᐅᔪᓪᓗ: • ᐃᓕᓐᓂᐊᑎᑦᑎᓗᓂ ᐋᓐᓂᐊᖅᑐᓕᕆᓂᕐᒧ ᐊᒻᓴ ᐊᑦᑕᓇᐃᖅᓯᒪᓂᕐᒧᑦ, ᐅᖃᐅᔾᔨᒋᐊᕐᓗᓂ ᐊᒻᒪ ᑐᑭᒧᐊᖅᑎᑦᑎᓗᓂ ᐊᑭᑦᑐᕋᐅᑎᓕᐅᓂᕐᒥᑦ ᐊᒻᒪ ᑐᔅᓯᕌᖑᔪᓂᑦ ᐱᔪᒪᔾᔪᑎᓄᑦ, ᓯᕗᓂᐊᒍᑦ ᐱᔪᓐᓇᖅᑎᑕᐅᔪᑦ ᑳᓐᑐᕌᖅᑏᑦ, ᐊᒻᒪ ᖃᐅᔨᓴᕐᓂᖅ ᑳᓐᑐᕌᖅᑎᓂᑦ ᐊᑦᑕᓇᐃᖅᓯᒪᓂᕐᒧᑦ ᖃᓄᐃᓘᖅᑕᐅᔪᓂᑦ. • ᐅᔾᔨᕈᓱᑦᑎᑦᑎᓂᖅᓴᐅᓗᓂ ᐊᑦᑕᓇᐃᖅᓯᒪᓂᕐᒥᑦ ᐊᒻᒪ ᖃᓄᐃᓘᕐᓂᕆᔭᖏᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᓇᐃᔭᖅᑎᑦ ᐊᒻᒪ ᑳᓐᑐᕌᖅᑏᑦ ᐅᖃᐅᔾᔨᒋᐊᕐᓂᒃᑯᑦ ᐊᒻᒪ ᐃᓕᓐᓂᐊᑎᑦᑎᓂᒃᑯᑦ, ᑎᑎᕋᖅᑕᐅᓯᒪᓂᖏᑦ ᐃᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᓂᕐᒧᑦ, ᐊᒻᒪ ᖃᐅᔨᓴᐃᓐᓇᖃᑦᑕᕐᓂᖅ ᑐᕌᒐᖃᕐᓂᕐᒧᑦ ᐱᓕᕆᐊᓂᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᕙᒌᔭᕐᓂᕐᒧᑦ ᑳᓐᑐᕌᖅᑎᓂᓪᓗ ᐊᑦᑕᓇᐃᖅᓯᒪᓂᕐᒧᑦ ᐊᐅᓚᑦᓯᓂᕐᒥᑦ. • ᑲᒪᒋᔭᖃᕐᓂᕐᒧᑦ ᓇᓗᓇᐃᔭᖅᓯᒪᑦᑎᐊᖅᑐᓂᑦ, ᐃᓪᓗᒥᑦ ᐊᒻᒪ ᐃᖅᑲᓇᐃᔭᕐᕕᐅᔪᒥᑦ ᖃᐅᔨᓴᓂᕐᒥᑦ ᐊᒻᒪ ᖃᐅᔨᓴᖅᑕᐅᓂᖏᑦ ᖃᐅᔨᓴᖅᑕᐅᓗᑎ ᐃᖅᑲᓇᐃᔮᕆᔭᐅᔪᑦ ᐊᒻᒪ ᒪᓕᑦᑕᐅᔭᕆᐊᓖᖅ. • ᐊᑐᐃᓐᓇᕈᖅᑎᕆᓂᕐᒧᑦ ᖃᐅᔨᓴᕐᓂᕐᒧᑦ ᐅᓂᒃᑳᖅᓂᑦ ᓇᓗᓇᐃᖅᓯᓂᕐᒥᓪᓗ ᐱᓕᕆᔾᔪᓰᑦ ᖃᖓᒃᑯᓪᓗ ᐱᓕᕆᐊᖑᖃᑦᑕᕐᓂᐊᕐᓂᖏᑦ ᐋᖅᑭᒋᐊᕈᑎᑦᓴᖏᓐᓄᑦ ᖃᖓᑐᐃᓐᓇᖅ ᐊᑲᐅᖏᓕᐅᕈᑎᒋᔭᐅᔪᑦ ᓇᓗᓇᐃᖅᑕᐅᒐᐃᑉᐸᑕ. • ᑐᑭᒧᐊᖅᑎᑦᑎᓗᓂ ᐊᐅᓚᑦᑎᔨᓄᑦ, ᐱᓕᕆᐊᒧᑦ ᐊᐅᓚᑦᑎᔨᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ ᓇᓗᓇᐃᖅᑕᐅᓂᖏᓐᓄᑦ ᐊᒻᒪ ᐊᑐᖅᑕᐅᓂᖏᓐᓄᑦ ᐃᖅᑲᓇᐃᔭᕐᓂᒃᑯᑦ ᐋᓐᓂᐊᖅᑐᓕᕆᓂᕐᒧᑦᒃ ᐊᑦᑕᓇᐃᖅᓯᒪᓂᕐᒧᓪᓗ ᐊᕙᑎᓕᕆᓂᕐᒧᓪᓗ ᐊᑐᐊᒐᖏᑎᒍᑦ ᒪᓕᑦᑕᐅᔭᕆᐊᓖᑦ. • ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᖃᐅᔨᒋᐊᕐᕕᐅᓗᐊᑕᖅᓗᓂ ᑳᓐᑐᕌᖅᑎᓄᑦ ᐱᓕᕆᐊᓄᓪᓗ ᐊᐅᓚᑦᓯᔨᓄᑦ ᐱᔾᔪᑎᖃᖅᑐᓂᑦ ᐱᕙᓪᓕᐊᓂᖏᑦ ᐊᑐᖅᑕᐅᒋᐊᓖᓪᓗ ᐱᔾᔪᑎᖃᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᓂᑦ (WSCC) ᐊᓯᖏᓐᓂᓪᓗ ᒪᓕᒐᖅᑎᒍᑦ ᑐᑦᑕᕐᕕᐅᔪᓄᑦ. • ᐃᑲᔪᕐᓂᖅ ᓴᖅᑭᑎᑦᑎᓂᕐᒥᑦ, ᐊᑐᓕᖅᑎᑦᑎᓂᕐᒥᑦ ᐊᒻᒪ ᖃᐅᔨᓴᓂᕐᒥᑦ ᐊᑐᐊᒐᕐᓂᑦ, ᐊᑐᖅᑕᐅᒋᐊᓕᓐᓂᑦ, ᑕᑕᑎᕆᐊᓖᑦ, ᒪᓕᒐᐃᑦ, ᐊᑐᐊᒐᐃᑦ, ᑐᓴᖅᑎᑎᔾᔪᑏᑦ ᐊᒻᒪ ᑕᑯᔅᓴᐅᑎᑕᐅᔪᑦ ᐃᑲᔪᐃᓂᖃᖅᑐᓂᑦ ᑐᑭᒧᐊᖅᑕᖓᓂᑦ ᑯᐊᐳᕇᓴᐅᑉ. • ᐊᐅᓚᑦᓯᓂᕐᒧᑦ ᓈᒻᒪᑦᓯᐊᖅᑐᓂ ᐱᓕᒻᒪᑦᓴᖅᑎᑦᓯᓂᕐᒧᑦ, ᑐᓴᐅᖃᑦᑕᐅᑎᓂᕐᒧᑦ ᖃᐅᔨᓴᕐᓂᕐᒧᓪᓗ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᓗ ᐱᓕᕆᔾᔪᓯᕐᓂᑦ ᑯᐊᐳᕇᓴᒃᑯᓐᓂᑦ. • ᐊᐅᓪᓚᖃᑦᑕᕐᓗᓂ ᐅᖓᓯᑦᑐᒥᐅᓄᑦ ᓄᓇᓕᓐᓄᑦ ᑲᒪᒋᔭᖃᕐᓂᕐᒧᑦ ᓇᓗᓇᐃᔭᖅᓯᒪᑦᑎᐊᖅᑐᓂᑦ, ᐃᓪᓗᒥᑦ ᐊᒻᒪ ᐃᖅᑲᓇᐃᔭᕐᕕᐅᔪᒥᑦ ᖃᐅᔨᓴᓂᕐᒥᑦ ᐊᒻᒪ ᖃᐅᔨᓴᖅᑕᐅᓂᖏᑦ ᖃᐅᔨᓴᖅᑕᐅᓗᑎ ᐃᖅᑲᓇᐃᔮᕆᔭᐅᔪᑦ ᐊᒻᒪ ᒪᓕᑦᑕᐅᔭᕆᐊᓖᖅ. ᐅᑯᐊ ᐊᔪᙱᓐᓂᕆᔭᕆᐊᓖᑦ: • ᐱᔭᕇᖅᓯᒪᓗᓂ ᓯᓚᑦᑐᖅᓴᕐᕕᒻᒥ ᐱᔭᕇᕈᓯᐊᖅᒥ ᐃᖅᑲᓇᐃᔭᕐᕕᒻᒥᑦ ᖃᓄᐃᙱᑦᓯᐊᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ. • ᑕᓪᓕᒪᓄᑦ ᐊᕐᕌᒍᓐᓄᑦ ᐱᓕᕆᖃᑦᑕᖅᓯᒪᓗᓂ ᐋᖅᑭᑦᓱᐃᓂᕐᒥᑦ ᐊᐅᓚᑦᓯᓂᕐᒥᓪᓗ ᑳᓐᑐᕌᓕᕆᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦᒃ ᐊᑦᑕᓇᐃᖅᓯᒪᓂᕐᒧᓪᓗ ᐊᕙᑎᓕᕆᓂᕐᒧᓪᓗ ᐱᓕᕆᐊᓂᑦ. • ᐱᓕᕆᖃᑦᑕᖅᓯᒪᓂᖅ ᐊᑐᖅᑎᑦᓯᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦᒃ ᐊᑦᑕᓇᐃᖅᓯᒪᓂᕐᒧᓪᓗ ᐊᕙᑎᓕᕆᓂᕐᒧᓪᓗ ᒪᓕᒐᕐᓂᑦ. ᐃᑲᔪᕐᓂᖃᕋᔭᖅᑐᑦ: • ᐱᓕᕆᔨᒻᒪᕆᐅᓗᓂ ᑲᓇᑕᒥ ᑎᑎᕋᖅᑕᐅᓯᒪᔪᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᔨᒻᒪᕇᑦ (CRSP), ᐅᕝᕙᓘᓐᓃᑦ ᓇᓗᓇᐃᒃᑯᑕᖃᕐᓂᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᒃᑲᐃᔨᐅᓂᕐᒧᑦ (CHSC) ᐊᑲᐅᓇᔭᖅᑐᖅ. • ᑲᓇᑕᒥ ᓴᓇᓂᕐᒧᑦ ᐊᑦᑕᕐᓇᖅᑕᐃᓕᒪᔪᓕᕆᔨᐅᓗᓂ (NCSO), ᓴᓇᔭᐅᔪᓄᑦ ᐊᑦᑕᓇᖅᑕᐃᔪᓕᕆᔨ (CSO) ᐊᑲᐅᓇᔭᖅᑐᖅ. • ᐊᕙᑎᓕᕆᓂᕐᒧᑦ ᐱᓕᕆᖃᑦᑕᖅᓯᒪᓂᖅ ᐊᑲᐅᓇᔭᖅᑐᖅ. • ᐆᒻᒪᖅᑯᑎᖃᕐᕕᒻᒥ ᐱᓕᕆᖃᑦᑕᖅᓯᒪᔭᕆᐊᓕᒃ ᐊᑲᐅᓇᔭᖅᑐᖅ. • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐱᖅᑯᓯᖏᓐᓂ. • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ. ᐊᔾᔨᐸᓗᖏᑦ: • ᐃᓕᓐᓂᐊᕐᕕᐊᓗᒻᒥ ᐱᔭᕇᕈᓯᐊᖅᓯᒪᓗᓂ • 7-ᓄ ᐊᕐᕌᒍᓐᓄᑦ ᐱᓕᕆᖃᑦᑕᖅᓯᒪᓗᓂ ᐋᖅᑭᑦᓱᐃᓂᕐᒥᑦ ᐊᐅᓚᑦᓯᓂᕐᒥᓪᓗ ᑳᓐᑐᕌᓕᕆᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦᒃ ᐊᑦᑕᓇᐃᖅᓯᒪᓂᕐᒧᓪᓗ ᐊᕙᑎᓕᕆᓂᕐᒧᓪᓗ ᐱᓕᕆᐊᓂᑦ. • ᐱᓕᕆᖃᑦᑕᖅᓯᒪᓂᖅ ᐊᑐᖅᑎᑦᓯᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦᒃ ᐊᑦᑕᓇᐃᖅᓯᒪᓂᕐᒧᓪᓗ ᐊᕙᑎᓕᕆᓂᕐᒧᓪᓗ ᒪᓕᒐᕐᓂᑦ. ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $93,268−ᒥᑦ $108,946−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᓪᓗᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ. ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ. ᐱᑕᖃᙱᑉᐸᑦ ᓄᓇᕗᒥᙶᖅᑐᒥ ᐃᓄᖕᒥᒃ, ᑖᓐᓇ ᐃᖅᑲᓇᐃᔮᒃᓴᖅ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒎᖕᓄᑦ ᐱᖓᓱᓄᑦ ᐃᖅᑲᓇᐃᔮᕆᔭᐅᓚᐅᑲᒡᓗᓂ. ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0 ᑎᑎᖅᑲᑦᑯᑦ ᐱᓇᓱᐊᕐᓗᑎ, ᕕᐅᓪᓗᐊᓕ 19, 2021 ᑐᖔᓂ. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.