ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᖢᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᒐᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᒥᒃᓴᐅᖦᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᐱᓕᕆᐊᒃᓴᓕᕆᓂᕐᒧᑦ ᐊᐅᓚᑦᑎᔨ, ᐊᓯᐊᒍᖔᖅ ᐊᓯᔾᔨᒐᒃᓴᐅᔪᓪᓗ ᐆᒻᒪᖅᑯᑎᓄᑦ (QEC-24-015)
ᐃᖃᓗᐃᑦ, ᓄᓇᕗᑦ (ᒪᕐᕉᒃ ᐃᖅᑲᓇᐃᔮᒃᓵᒃ)
ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐅᐊᔭᓕᖅᓱᐃᕙᓪᓕᐊᓂᕐᒧᑦ ᐸᕐᓇᐃᓂᕐᒧᑦ, ᐱᓕᕆᐊᒃᓴᓄᑦ ᐊᐅᓚᑦᑎᔨ, ᐊᓯᐊᒍᖔᖅ ᐊᒻᒪ ᐊᓯᔾᔨᒐᒃᓴᐅᔪᑦ ᐆᒻᒪᖅᑯᑎᑦ ᑲᒪᒋᔭᖃᕐᓂᐊᖅᑐᖅ ᐊᐅᓚᑦᑎᓂᕐᒥᒃ ᑲᓇᑕᒥ ᐊᒻᒪ ᐊᓯᖏᓐᓂᒃ ᑮᓇᐅᔭᖃᖅᑎᑦᑎᔨᓂᒃ ᐊᓯᔾᔨᒐᒃᓴᐅᔪᓄᑦ ᐊᒻᒪ ᐊᓯᐊᒍᑦ ᐆᒻᒪᖅᑯᑎᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ ᑮᓇᐅᔭᓂᒃ. ᐃᖅᑲᓇᐃᔮᖅᑖᖅᑐᖅ ᑕᑎᒋᔭᐅᓂᐊᖅᐳᖅ ᐊᑐᓕᖅᑎᑦᑎᓂᕐᒥᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᓯᐊᒍᖔᖅ ᐆᒻᒪᖅᑯᑎᖃᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᑦ ᑲᒪᒋᔭᖃᕐᓂᕐᒥᓪᓗ ᐱᓕᕆᐊᒥᑦ ᐱᔭᕇᖅᓯᓂᕐᒥᑦ. ᖃᐅᔨᓴᖅᑎᑦᑎᓗᑎᒃ ᐊᒻᒪ ᐊᐅᓚᑦᑎᓗᑎᒃ ᐊᓯᖏᓐᓂᒃ ᑭᒡᒐᖅᑐᐃᕕᐅᔪᓂᒃ ᐊᒻᒪ ᐆᒻᒪᖅᑯᑎᓂᒃ ᐱᕙᓪᓕᐊᑎᑦᑎᓂᕐᒧᑦ ᐆᒻᒪᖅᑯᑎᓄᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ ᐊᒻᒪ ᐱᓕᕆᐊᒃᓴᒥᒃ ᐆᒻᒪᖅᑯᑎᓕᕆᔨᒃᑯᓐᓄᑦ ᒪᓕᑦᑎᐊᖁᓪᓗᒋᑦ ᐱᓕᕆᐊᒃᓴᖏᓐᓂᒃ ᒥᒃᖠᒋᐊᖅᑎᑦᑎᓂᕐᒧᑦ ᑕᑎᖃᕐᓂᕐᒥᒃ ᑲᓇᑕᐅᑉ ᓯᓚᑖᓂᙶᖅᑐᓂᒃ ᐅᖅᓱᐊᓗᒃᓴᓂᒃ. ᐊᑐᐃᓐᓇᐅᑎᓪᓗᒋᑦ ᐱᓕᕆᓂᒃᑯᑦ ᖃᐅᔨᓴᖅᑕᐅᒋᐊᓕᓕᒫᑦ ᑕᒪᐃᓐᓂᒃ ᓄᓇᒥᙶᖅᑐᓂᒃ/ᐊᓯᐊᒍᖔᖅ ᐆᒻᒪᖅᑯᑎᓄᑦ ᐱᓕᕆᐊᒃᓴᓂᒃ (ᓄᓇᕗᒻᒥ ᐆᒻᒪᖅᑯᑎᓄᑦ ᐊᑭᓕᒐᒃᓴᓄᑦ, ᑮᓇᐅᔭᓕᐅᕋᓱᖕᓂᕐᒧᑦ ᐊᒻᒪ ᐆᒻᒪᖅᑯᑎᖃᕐᕕᖕᒥ ᐆᒻᒪᖅᑯᑎᓕᕆᓂᕐᒧᑦ ᐊᒻᒪ ᐃᓛᒃᑰᖅᑐᓄᑦ ᐆᒻᒪᖅᑯᑎᓕᕆᔨᓄᑦ).
ᐱᓕᕆᐊᒃᓴᑦ ᑲᒪᒋᔭᒃᓴᓪᓗ:
- ᐊᐅᓚᑦᑐᓐᓇᕐᓗᒋᑦ ᑎᑎᖅᑲᓂᑦ ᐊᐅᓚᑕᐅᒋᐊᓕᑦ, ᖃᐅᔨᓴᖅᓯᓂᕐᒥᑦ ᐊᒻᒪᓗ ᑎᑎᕋᕐᓂᕐᒥᑦ ᑳᓐᑐᕌᓂᑦ, ᑐᑭᓯᐅᒪᓂᕐᒥᑦ ᑳᓐᑐᕌᑎᒍᑦ ᐱᔭᐅᔭᕆᐊᓕᖕᓂᑦ ᐊᒻᒪᓗ ᑐᓴᐅᒪᖃᑦᑕᐅᑎᓂᕐᒥᑦ ᓯᓚᑖᓂ ᐊᒻᒪᓗ ᐃᓗᐊᓂ ᐱᓕᕆᖃᑕᐅᔪᓂᑦ.
- ᐊᑐᐃᓐᓇᕈᖅᑎᓪᓗᒋᑦ ᐊᐅᓚᐅᓯᕆᔨᓄᑦ ᖃᐅᔨᓴᕈᑎᑦ ᓄᑖᓄᑦ ᐱᓇᔫᑎᓄᑦ. ᐊᐅᓚᑦᑎᖃᑎᖃᕐᓗᓂ ᖃᐅᔨᒃᑲᐃᔨᓂᒃ ᖃᐅᔨᓴᕐᓂᐊᖅᑎᓪᓗᒋᑦ.
- ᓯᓚᑖᓂᙶᖅᑐᓂᑦ ᖃᐅᔨᓴᖃᑎᖃᕐᓗᑎᒃ ᐱᓕᕆᐊᖏᓐᓂᑦ ᐅᖃᖃᑎᖃᕐᓗᑎᒃ ᐆᒻᒪᖅᑯᑎᓕᕆᔨᒃᑯᑦ ᐃᓗᐊᓂᑦ ᐊᑐᒐᒃᓴᓂᑦ ᓯᓚᑖᓂᓪᓗ ᐅᖃᐅᔾᔪᐃᔨᓂᑦ.
- ᐋᖅᑭᒃᓯᓗᑎᑦ ᐊᑭᒋᓂᐊᕋᓱᒋᔭᐅᔪᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᑐᒃᑲᓐᓂᕈᓐᓇᖅᑐᓄᑦ/ᐊᓯᐊᒎᖅᑐᓄᑦ ᐆᒻᒪᖅᑯᑎᓄᑦ ᐱᓕᕆᐊᒃᓴᓄᑦ (ᓲᕐᓗ, ᓄᓇᕗᒻᒥ ᐆᒻᒪᖅᑯᑎᓄᑦ ᐊᑭᓕᒐᒃᓴᓄᑦ, ᑮᓇᐅᔭᓕᐅᕋᓱᖕᓂᕐᒧᑦ ᐊᒻᒪ ᐆᒻᒪᖅᑯᑎᖃᕐᕕᖕᒥ ᐆᒻᒪᖅᑯᑎᓕᕆᓂᕐᒧᑦ, ᐃᓛᒃᑰᖅᑐᓄᑦ ᐆᒻᒪᖅᑯᑎᓕᕆᔨᓄᑦ).
- ᐱᓕᕆᖃᑎᒋᓗᒋᑦ ᐊᐅᓚᑦᑎᔾᔪᑎᑦ ᖃᐅᔨᒪᔭᐅᖁᓪᓗᒋᑦ ᐊᐅᓚᑕᐅᒐᓗᐊᕐᒪᖔᑕ, ᐱᓗᐊᖅᑐᒥᒃ ᐱᓕᕆᐊᖑᑎᓪᓗᒋᑦ.
- ᑖᓐᓇ ᐃᓄᒃ ᐱᓕᕆᖃᑎᖃᖃᑦᑕᕐᓂᐊᖅᑐᖅ ᐆᒻᒪᖅᑯᑎᓕᕆᔨᒃᑯᓐᓂᑦ, ᑮᓇᐅᔭᓕᕆᔨᒃᑯᓐᓂᑦ ᐊᒻᒪᓗ ᑎᑎᕋᐅᔭᖅᑎᓂᑦ.
- ᐱᓕᕆᔾᔪᑎᓂᒃ ᖃᐅᔨᓴᕐᓂᖅ ᑕᒪᐃᓐᓂᒃ ᐱᖓᓱᓂᒃ ᐱᓕᕆᐊᒃᓴᓂᒃ (ᓄᓇᕗᒻᒥ ᐆᒻᒪᖅᑯᑎᓄᑦ ᐊᑭᓕᒐᒃᓴᓄᑦ, ᑮᓇᐅᔭᓕᐅᕋᓱᖕᓂᕐᒧᑦ ᐊᒻᒪ ᐆᒻᒪᖅᑯᑎᖃᕐᕕᖕᒥ ᐆᒻᒪᖅᑯᑎᓕᕆᓂᕐᒧᑦ ᐊᒻᒪ ᐃᓛᒃᑰᖅᑐᓄᑦ ᐆᒻᒪᖅᑯᑎᓕᕆᔨᓄᑦ)
- ᐱᓕᕆᖃᑎᒋᓗᒋᑦ ᐊᐅᓚᐅᓯᕆᔨᒃᑯᑦ, ᓯᓚᑖᓂᙶᖅᑐᑦ ᖃᐅᔨᒃᑲᐃᔨᑦ ᐃᓚᐅᕙᒡᓗᓂᓗ ᖃᐅᔨᓴᖅᑐᓂᒃ ᐱᕙᓪᓕᐊᑎᑦᑎᔾᔪᑎᒃᓴᓂᒃ/ᐱᒋᐊᖅᑎᑦᑎᔾᔪᑎᒃᓴᓂᒃ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓄᑦ ᐱᓕᕆᐊᓂᒃ ᐃᓚᓕᐅᔾᔭᐅᓂᐊᖅᑐᓂᒃ ᐃᓚᒋᔭᐅᓗᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᐅᑎᖏᓐᓄᑦ (ᐊᐅᓚᐅᑎᑦ/ᖃᐅᒻᒪᖅᑯᑎᖃᖅᑎᑦᑎᔾᔪᑎᑦ).
- ᐋᖅᑭᒃᓱᐃᓗᓂ ᐱᓕᕆᔾᔪᑎᓄᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐅᓂᒃᑳᓂᒃ ᐊᑐᕆᐊᓕᖏᑦ ᒪᓕᒡᓗᒋᑦ ᐊᓯᔾᔨᒐᒃᓴᐅᔪᑦ ᐊᒻᒪ ᐊᑐᖅᑕᐅᖔᕈᓐᓇᖅᑐᑦ ᐆᒻᒪᖅᑯᑎᓄᑦ ᑮᓇᐅᔭᑦ ᐱᓕᕆᐊᒃᓴᑦ. ᑖᒃᑯᐊ ᐅᓂᒃᑳᑦ ᑐᓂᐅᖅᑲᐅᑕᐅᓂᐊᖅᑐᑦ ᐃᓗᐊᓂ ᓯᓚᑖᓂᓗ ᐊᑐᖅᑕᐅᓂᕐᒧᑦ.
ᐅᑯᐊ ᐊᔪᙱᓐᓂᕆᔭᐅᔭᕆᐊᓖᑦ:
- ᐃᓕᓐᓂᐊᖅᓯᒪᓂᕐᒧᑦ ᐱᔭᕇᕈᓯᐊᕐᒥᒃ ᐱᔪᒥᒋᔭᐅᓗᐊᖅᑐᖅ ᐅᖃᐅᔾᔪᐃᓂᕐᒥᒃ ᑲᔪᓰᓐᓇᕈᓐᓇᖅᑐᒥᒃ ᐆᒻᒪᖅᑯᑎᖃᕐᓂᕐᒥᒃ, ᐸᕐᓇᐃᓂᕐᒥᒃ, ᓴᓇᔪᓕᕆᓂᕐᒥᒃ, ᐅᕝᕙᓘᓐᓃᑦ ᑮᓇᐅᔭᓕᕆᓂᕐᒥᒃ.
- 5-7 ᐅᖓᑖᓄᑦ ᐅᑭᐅᓄᑦ ᐃᖅᑲᓇᐃᔭᕐᓂᑰᓗᓂ ᐆᒻᒪᖅᑯᑎᓕᕆᓂᕐᒥᑦ ᐊᒻᒪᓗ/ᐅᕝᕙᓘᓐᓃᑦ ᐊᓯᐊᒍᑦ/ᐊᓯᔾᔨᕈᓐᓇᖅᑐᓂ ᐆᒻᒪᖅᑯᑎᓕᕆᓂᕐᒥᑦ.
ᐃᑲᔪᕐᓂᖃᕋᔭᖅᑐᑦ:
- P. Eng., PMP−ᒧᑦ ᑎᓕᔭᐅᓯᒪᓗᓂ ᐃᑲᔪᕐᓂᖃᕋᔭᖅᐳᖅ.
- ᐱᓕᕆᐊᒃᓴᓂᒃ ᐊᐅᓚᑦᑎᖃᑦᑕᖅᓯᒪᓗᓂ ᐊᑭᑐᔫᑎᓂᒃ ᐱᓕᕆᐊᒃᓴᓂᒃ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓂᒃ, ᐆᒻᒪᖅᑯᑎᓄᑦ ᒪᑭᒪᔾᔪᑎᓂᒃ, ᐊᕙᑎᓕᕆᓂᕐᒧᑦ ᒪᑭᒪᔾᔪᑎᓂᒃ ᐃᑲᔪᕐᓂᖃᕋᔭᖅᐳᖅ.
- ᐃᖅᑲᓇᐃᔭᕐᓂᑰᓗᓂ ᐆᒻᒪᖅᑯᓯᕆᔨᓂᑦ ᐃᑲᔫᑎᖃᕐᓂᐊᖅᑐᖅ.
- ᐱᓕᕆᖃᑦᑕᖅᓯᒪᓂᑰᓗᓂ ᑎᑎᕋᖅᓯᕙᓪᓕᐊᓂᕐᒥᒃ ᐱᕙᒌᔭᖅᓯᓂᕐᒥᒡᓗ ᐱᓕᕆᔾᔪᑎᓄᑦ ᑎᑎᕋᖅᓯᕙᓪᓕᐊᓂᕐᒥᒃ ᐱᓇᔪᒃᑐᓄᑦ ᐃᑲᔫᑎᖃᕐᓂᐊᖅᐳᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂᑦ ᐊᒻᒪ ᐱᖅᑯᓯᖏᓐᓂᑦ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $104,750.89−ᒥᑦ $123,274.91-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᓪᓗᓂ $16,008.00−ᒥᑦ ᐊᕐᕌᒍᒧᑦ. ᐱᑎᑦᑎᕙᒃᑭᕗᒍᑦᑕᐅᖅ ᐃᓗᓕᖃᐅᑦᑎᐊᖅᑐᒥᒃ ᐱᕚᓪᓕᕈᑕᐅᕙᒃᑐᓄᑦ ᑲᑎᖅᓱᖅᓯᒪᔪᒥᒃ, ᐃᓚᖃᖅᖢᓂ ᓇᓗᓇᐃᔭᖅᓯᒪᔪᒥᒃ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᓄᑦ ᐱᓕᕆᐊᖅᑎᒍᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᑦ ᐃᕐᖐᓐᓈᖅᑕᐅᒃᑯᑦ ᐅᑯᓄᖓ https://qeccareers.prevueaps.ca/jobs/
ᑎᑎᖅᑲᑎᒍᑦ ᐱᓇᔪᖃᑕᐅᔪᓐᓇᖅᑐᓯ ᐊᐃᕐᕆᓕ 5, 2024 ᑎᑭᓐᓇᓱᖕᓂᖓᓄᑦ .
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᐃᓐᓂᒃ ᐱᓇᔪᖃᑕᐅᔪᒪᔪᓕᒫᓂᒃ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.