ᐱᖁᑎᓂᑦ ᒪᑭᒪᑎᑦᑎᓂᕐᒧᑦ ᐊᒻᒪ ᐸᕐᓇᐃᓂᕐᒧᑦ ᐊᐅᓚᑦᑎᔨ

ᐱᐅᓯᑎᒃᑲᓐᓂᕆᐊᕈ ᐃᖅᑲᓇᐃᔮᕆᔭᐃᑦ ᐅᑭᐅᑕᖅᑐᒥ! ᓇᓂᓂᐊᖅᑲᐃᑦ ᐅᕕᐊᒋᔭᖃᕐᓂᕆᔭᐃᑦ ᑲᓇᑕᒥ ᐅᑭᐅᑕᖅᑐ! ᐃᓚᒋᔭᐅᓕᕆᑦ ᐃᖅᑲᓇᐃᓄᑦ ᑲᔪᖑᖅᓯᒪᑦᑎᐊᖅᑐᑦ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᔪᑦ ᐊᔪᖏᓐᓂᓖᑦ ᐱᑕᖃᖅᑎᑦᑎᒐᑦᑕ ᐊᑦᑕᓇᖏᑦᑐᒥ, ᑐᓐᖓᕕᒋᔅᓴᐅᔪᓂᑦ, ᐊᒻᒪ ᑮᓇᐅᔭᖅᑐᓗᐊᖏᑦᑐᓂᑦ ᐆᒻᒪᖅᑯᑎᓂᑦ ᓄᓇᕗᒻᒥᑦ. ᐃᖅᑲᓇᐃᔭᕐᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᒻᒪ ᐊᖏᓛᖑᓪᓗᓂ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ ᐊᒻᒪ ᓱᑲᓐᓂᖅᐹᖑᖃᑕᐅᔪᖅ ᐱᕈᖅᐸᓪᓕᐊᓂᖓ ᑮᓇᐅᔭᓕᕆᓂᕐᒧ ᑲᓇᑕᒥ. ᑕᑯᒥᓇᖅᑐᑕᖃᒻᒪᕆᑦᑐᑎᑦ ᓄᓇᖏᓐᓂᑦ ᐊᒻᒪ ᐊᐅᓚᕕᔅᓴᐅᓂᕐᒧᑦ, ᓇᓂᓯᓂᐊᖅᑐᑎᑦ ᖁᕕᐊᒋᔭᖃᓂᕐᒥᑦ ᐃᕝᕕᑦ ᐃᖅᑲᓇᐃᔮᑐᐊᕆᖏᑕᖓᓂᑦ, ᑭᓯᐊᓂ ᐃᕝᕕᑦ ᐱᕕᔅᓴᖃᕐᓂᖓᓂᑦᑕᐅᖅ. ᐃᓱᒪᒋᔭᖃᕐᓂᕈᕕᑦ ᕿᒧᔅᓯᓂᕐᒥᑦ, ᖃᒧᑕᐅᔭᓂᕐᒥᑦ, ᖃᔭᖅᑐᓂᕐᒥᑦ, ᓯᑯᒃᑯᑦ ᐃᖃᓗᒐᓱᐊᓂᕐᒥᑦ, ᐅᕝᕙᓘᓐᓃᑦ ᕿᒥᕐᕈᓂᕐᒧᑦ ᐱᖅᑯᓯᓂᑦ ᓴᓇᐅᒐᖃᐅᖅᑐᓂᑦ ᐊᒻᒪ ᓂᔾᔭᐅᓯᔭᕐᓂᖅ ᑐᓴᖅᓴᐅᓂᖏᑦ, ᓄᓇᕗᑦ ᐃᓕᓐᓅᕗᖅ. ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ (QEC) ᐅᑉᐱᕆᔭᐅᔪᑦ ᐱᑕᖃᖅᑎᑦᑎᓗᑎ ᐊᑦᑕᓇᖏᑦᑐᓂᑦ, ᑐᓐᖓᕕᒋᔭᔅᓴᐅᔪᓂᑦ ᐆᒻᒪᖅᑯᑎᓂ ᓂᐅᕕᖃᑦᑕᖅᑐᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓄᑦ ᐊᒻᒪ ᐊᐅᓚᑕᐅᓪᓗᓂ ᑎᒥᖁᑎᒋᔭᐅᓪᓗᓂ ᓄᓇᕗᒻᒧᑦ ᑯᐊᐳᕇᓴᓐ, QEC ᐊᑕᐅᓯᐅᓪᓗᓂ ᐆᒻᒪᖅᑯᑎᖃᖅᑎᑦᑎᔪᖅ ᐊᒻᒪ ᐊᕕᑦᑐᖅᓯᒪᔪᒧᑦ ᐅᖅᑰᑎᑦᑎᓂᕐᒧᑦ ᓄᓇᕗᒻᒥ. ᐊᔾᔨᒋᑎᓐᖑᐊᖅᑐᒍ ᐊᓯᖏᓐᓄᑦ ᐆᒻᒪᖅᑯᑎᖃᖅᑎᑦᑎᔪᓄᑦ ᑲᓇᑕᒥ, QEC ᓵᖓᑦᑎᔪᑦ ᐊᔾᔨᐅᖏᑦᑐᓂᑦ ᐊᔅᓱᕈᕈᑕᐅᔪᓂᑦ ᐊᐅᓚᑦᑎᖃᑦᑕᕐᓂᖏᓐᓄᑦ 25 ᐃᒻᒥᑰᖅᑐᑦ ᐅᖅᓱᐊᓄᑦᑐᖅᑐᑦ ᐆᒻᒪᖅᑯᑎᓕᐅᕈᑏᑦ ᐊᒻᒪ ᑐᓂᐅᖅᑲᐃᖃᑦᑕᕐᓂᖓ ᐊᑐᖅᑕᐅᔪᑦ ᐊᑐᓂ ᓄᓇᕗᒻᒥ ᓄᓇᓕᓐᓃᑦᑐᑦ. QEC-20-027 ᐱᖁᑎᓂᑦ ᒪᑭᒪᑎᑦᑎᓂᕐᒧᑦ ᐊᒻᒪ ᐸᕐᓇᐃᓂᕐᒧᑦ ᐊᐅᓚᑦᑎᔨ (ᐊᕐᕌᒍᓄᑦ ᐱᖓᓱᓄᑦ ᐃᖅᑲᓇᐃᔭᓚᐅᑲᒐᔭᖅᑐᖅ) ᐃᖃᓗᓐᓃᑦᑐᓂ, ᓄᓇᕗᒻᒥ ᐊᒻᒪ ᐊᖏᔪᖅᑳᖃᖅᑐᓂ ᐊᐅᓚᑦᑎᔨᒥᑦ, ᐃᓪᓗᓂᑦ, ᐱᖁᑎᓂᑦ ᒪᑭᒪᑎᑦᑎᓂᕐᒧᑦ ᐊᒻᒪ ᐸᕐᓇᐃᓂᕐᒧᑦ ᐊᐅᓚᑦᑎᔨᐱᑕᖃᖅᑎᑦᑎᔪᖅ ᑐᑭᓯᒋᐊᕈᑎᓂᑦ ᐊᔪᖏᓐᓂᖃᓂᕐᒧᑦ ᐊᑐᖅᑕᐅᓂᖓᓄᑦ ᐱᖁᑎᓄᑦ ᐸᕐᓇᐅᑎᓕᐅᕈᑦ ᖃᕋᓴᐅᔭᒃᑯᑦ (Asset Planner Software) (APS). ᑖᓐᓇ ᐃᖅᑲᓇᐃᔮᔅᓴᖅᑲᒪᒋᔭᖃᖅᑐᖅ ᑖᒃᑯᐊ ᑯᐊᐳᕇᓴᒃᑯᑦ ᐊᑐᖅᑐᐊᖅᑕᐅᔪᑦ ᐱᖁᑎᐅᔪᑦ ᒪᑭᒪᑎᑕᐅᓗᑎ ᐊᑯᓂᐅᓂᖓᓄᑦ ᐊᑐᖅᑐᐊᕈᑦ, ᐊᒻᒪ ᓇᒻᒥᓂᕆᔭᐅᔪᑦ ᐃᓪᓗᐃᑦ ᒪᑭᒪᑎᑕᐅᓗᑎ ᐊᑯᓂᐅᓂᕆᒋᐊᖃᖅᓯᒪᔭᖏᓐᓄᑦ. ᑖᓐᓇ ᐃᖅᑲᓇᐃᔮᔅᓴᖅ ᑲᒪᒋᔭᖃᕐᒥᔪᖅ ᐱᓕᕆᔭᕆᐊᖃᕐᒥᔪᖅ ᐊᒻᒪ ᒪᑭᒪᑎᑦᑎᓗᓂ ᖃᐅᔨᓴᐃᓂᕐᒥᑦ ᐊᒻᒪ ᖃᐅᔨᓴᖃᑦᑕᓂᕐᒥᑦ ᒪᑭᒪᑎᑕᐅᓂᖏᓐᔾᓄᑦ ᐊᒻᒪ ᐊᑯᓂᐅᓂᕆᒋᐊᖃᖅᑕᖏᓐᓄᑦ ᐊᓯᔾᔨᖅᑕᐅᓂᖏᓐᓄᑦ ᐸᕐᓇᐅᑎᓂᑦ ᑯᐊᐳᕇᓴᒧᑦ ᐃᓪᓗᖏᓐᓄᑦ. ᐱᓕᕆᒋᐊᓕᖏᑦ ᐊᒻᒪᑲᒪᒋᔭᕆᐊᓕᖏᑦ: • ᐱᓕᕆᖃᑎᖃᖅᑐᖅ ᐊᐅᓚᑦᑎᔨᒥᑦ,ᐃᓪᓗᓄᑦ, ᐃᖅᑲᓇᐃᔭᖅᑏᑦ, ᐅᖃᐅᔾᔨᒋᐊᖅᑏᑦ, ᑳᓐᑐᕌᖅᑏᑦ ᐊᐅᓚᑦᑎᓗᓂ ᖃᐅᔨᓴᐃᓂᕐᒥᑦ, ᖃᐅᔨᓴᖃᑦᑕᓂᕐᒥᑦ, ᓴᓇᒋᐊᖅᑕᐅᔪᓂᑦ, ᓴᓇᔭᐅᔪᓂᑦ, ᐊᓯᖏᓪᓗ. ᑯᐊᐳᕇᓴᒧᑦ ᐃᓪᓗᖏᓐᓄᑦ. • ᕿᒥᕐᕈᔪᖅ, ᖃᐅᔨᓴᐃᔪᖅ ᐊᒻᒪ ᑐᓂᐅᖅᑲᐃᔪᖅ ᑐᑭᓯᒋᐊᕈᑎᓂᑦ ᒪᓕᓐᓂᖃᖅᑐᓂ ᐱᓕᕆᐊᖃᕐᓗᓂ ᐃᓱᒫᓘᑕᐅᔪᓂᑦ ᓴᖅᑭᖅᑐᓂᑦ ᖃᐅᔨᓴᐃᓂᕐᒥᑦ, ᓴᓇᒋᐊᖅᑕᐅᓂᖏᓐᓄᑦ, ᓴᓇᔭᐅᓂᖏᓐᓄᑦ ᐊᓯᖏᓪᓗ, ᓴᖅᑭᑎᑦᑎᔪᖅ ᐱᔨᑦᑎᕈᑎᒥᑦ ᑐᔅᓯᕋᐅᒻᒥᑦ ᐱᑕᖃᕆᐊᖃᖅᑎᑕᐅᑎᓪᓗᒍ ᑕᒻᒪᖅᓯᒪᖁᓐᓇᒋᑦ ᑐᑭᓯᒋᐊᕈᑏᑦ ᐊᑐᖅᑐᔅᓴᓕᐅᓂᕐᒧᑦ, ᒥᔅᓴᐅᓴᓂᕐᒧᑦ, ᐊᒻᒪ ᒪᑭᒪᑎᑦᑎᓂᕐᒧᑦ ᐱᔾᔪᑕᐅᔪᓂᑦ. • ᓴᖅᑭᑎᑦᑎᔪᖅ ᐊᖏᓂᖓᓂ ᐃᖅᑲᓇᐃᔮᖑᒋᐊᓕᒻᒥᑦ, ᐊᒻᒪ ᓂᐅᕕᖅᑐᖅ ᑭᓱᑐᐃᓐᓇᕐᓂᑦ ᐊᒻᒪ ᐱᔨᑦᑎᖅᑕᓂᑦ ᐊᑐᖅᑕᐅᒋᐊᓕᒃᑯᑦ ᓈᒻᒪᑦᑐᒥ ᓂᐅᕕᓂᕐᒧᑦ ᐊᐅᓚᓂᖓᓄᑦ (ᑐᓂᔭᐅᓇᓱᐊᖅᑐᑦ ᐊᖏᕈᑏᑦ, ᓄᓇᓕᒻᒥ ᓂᐅᕕᕈᑏᑦ, ᑐᔅᓯᕋᐅᑏᑦ ᐊᑭᖏᓐᓄᑦ, ᑐᔅᓯᕋᐅᑏᑦ ᐊᑭᑦᑐᕋᐅᑎᔾᔪᑎᓂᑦ, ᐊᓯᖏᓪᓗ,) ᒪᑭᑕᑎᒍᓐᓇᓂᐊᕐᓗᒍ ᐅᕙᓘᓐᓃᑦ ᓴᓇᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᐱᖁᑎᖏᑦ. • ᑐᓂᓯᖃᑦᑕᖅᑐᖅ ᐱᕙᓪᓕᐊᑎᑕᐅᓂᖓᓄᑦ ᐊᒻᒪ ᐋᖅᑭᒋᐊᖅᑕᐅᓂᖓᓄᑦ ᐃᓗᐃᑦ ᖃᐅᔨᓴᖅᑕᐅᓂᖏᓐᓄᑦ/ᖃᐅᔨᓴᖅᑕᐅᖃᑦᑕᕐᓂᖏᓐᓄᑦ ᐱᕙᓪᓕᐊᓂᖏᑦ ᒪᓕᓐᓂᖃᕐᓗᑎ ᐱᓕᕆᖃᑦᑕᖅᑐᓂᑦ ᐱᐅᓛᓂᑦ ᐊᑐᖅᑕᐅᔪᓂᑦ, ᐊᑐᐊᒐᐃᑦ, ᓂᐅᕕᓂᕐᒧᑦ ᐊᑐᐊᒐᐃᑦ, ᑲᓇᑕᒥ ᐃᓪᓗᓄᑦ ᒪᓕᒐᐃᑦ, ᐊᑦᑕᓇᐃᖅᓯᒪᓂᕐᒧᑦ ᒪᓕᑦᑕᐅᔭᕆᐊᓖᑦ ᐊᒻᒪ ᐊᑐᐊᒐᐃᑦ, ᐊᒻᒪ ᐊᓯᖏᑦ ᐊᑦᑐᐊᓂᓖᑦ ᒪᓕᑦᑕᐅᔭᕆᐊᓖᑦ/ᒪᓕᒐᐃᑦ. • ᐱᓯᒪᑦᑎᔪᖅ, ᐋᖅᑭᒋᐊᖅᓯᒪᔪᖅ ᐊᒻᒪ ᓇᓗᓇᐃᖅᓯᔪᖅ ᑐᑭᓯᒋᐊᕈᑎᓂᑦ ᐃᓗᐊᓂ APS ᑐᑭᓯᒋᐊᕈᑎᓄᑦ ᐊᑐᖅᑕᐅᔪᒥᑦ. • ᐱᔨᑦᑎᖅᑕᓂᑦ ᐃᑲᔪᖃᑦᑕᖅᑐᖅ APS−ᒧᑦ ᐊᒻᒪ ᐅᐊᔭᒨᖅᑐᓄᑦ ᐃᓪᓗᒨᕋᔅᓴᐅᓂᖓ ᐊᑐᖅᑕᐅᔪᖅ. • ᑭᐅᖃᑦᑕᖅᑐᖅ ᐊᒻᒪ ᐋᖅᑭᓯᓪᓗᓂ ᒥᑭᔪᓂᑦ ᐊᖏᔪᓄᑦ ᓴᓇᔭᐅᔪᓂᑦ ᐊᒻᒪ ᒪᑭᒪᑎᑕᐅᔪᓂᑦ ᐃᓱᒫᓘᑕᐅᔪᓂᑦ ᑕᒪᒃᑭᓐᓄᑦ ᐊᑐᖅᑐᐊᖅᑕᐅᔪᓄᑦ ᐊᒻᒪ ᓇᒻᒥᓂᕆᔭᐅᔪᓄᑦ ᐱᖁᑎᕐᔪᐊᑦ. • ᒪᓕᓐᓂᖃᖅᑐᖅ ᐊᑕᖏᖅᑐᒋᑦ ᐊᑐᖅᑐᐊᓂᕐᒧᑦ ᒪᓕᒐᕐᓂᑦ ᐱᔾᔪᑎᖃᖅᑐᓂᑦ ᐊᖏᕋᖃᓂᕐᒧᑦ ᐊᑐᖅᑐᐊᓂᕐᒧᑦ ᐱᖁᔭᖅ ᐊᒻᒪ ᑎᒥᐅᑉ ᐃᓗᐊᓂ ᐊᑐᐊᒐᐃᑦ ᐊᒻᒪ ᐊᑐᖅᑐᐊᕈᑏᑦ. • ᐊᑐᐃᓐᓇᐅᖃᑦᑕᖅᑐᖅ ᐅᖄᓚᕕᐅᔪᓐᓇᕐᓗᓂ ᐊᒻᒪ ᑭᖑᕐᕕᖅᑎᐅᓗᓂ ᑐᐊᕕᕐᓇᖅᑐᑦ ᐃᓱᒫᓘᑕᐅᔪᑦ ᐱᓕᕆᐊᖑᓗᑎ. ᐱᑕᖃᕆᐊᖃᖅᑎᑕᐅᔪᑦ ᐱᔪᓐᓇᕐᓂᕆᒋᐊᓕᖏᑦ: • ᐃᓕᓐᓂᐊᕆᐊᒃᑲᓂᖅᓯᒪᓂᕐᒧᑦ ᓇᓗᓇᐃᒃᑯᑕᖅ ᐊᐅᓚᑦᑎᓂᕐᒧᑦ ᐅᕝᕙᓘᓐᓃᑦ ᐊᔾᔨᐸᓗᐊᓂ ᐃᖅᑲᓇᐃᔮᒧᑦ ᐃᓕᓐᓂᐊᕐᓂᐅᔪᒥᑦ. • ᒪᕐᕉᓐᓂ ᐊᕐᕌᒎᓐᓂ ᐊᑦᑐᐊᓂᓕᓐᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐱᖃᓯᐅᔾᔨᔪᓂᑦ ᐊᔾᔨᒌᖏᑦᑑᑎᓂᑦ ᐱᖁᑎᓂᑦ ᐸᕐᓇᐃᓂᕐᒥᑦ, ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐊᐅᓚᑦᑎᓂᕐᒥᑦ ᑕᑯᔅᓴᐅᑎᑦᑎᓗᓂ ᖃᐅᔨᒪᓂᖓᓂ ᐃᓗᓐᓂᑦ ᖃᐅᔨᓴᖃᑦᑕᓂᕐᒧᑦ, ᐃᓪᓗᐃᑦ ᓴᓇᔭᐅᓂᖏᑦ, ᒪᑭᒪᑎᑕᐅᓂᖏᑦ, ᐊᐅᓚᐅᑎᓅᖓᔪᖏᑦ ᐊᒻᒪ ᐅᐊᔭᖏᑦ ᐊᐅᓚᓂᖏᓐᓄᑦ ᐊᑐᕐᓗᓂ ᖃᕋᓴᐅᔭᒃᑰᖅᑐᒧᑦ. • ᐊᑕᖐᔪᒥᑦ ᐱᓕᕆᐊᒥᑦ ᐊᐅᓚᑦᑎᓂᕐᒧᑦ ᐃᖅᑲᓇᐃᔭᖃᑦᑕᖅᓯᒪᓗᓂ. ᐱᑕᖃᕆᐊᖃᖅᑐᑦ: • ᓇᓗᓇᐃᒃᑯᑕᖃᕐᓂᖅ ᐱᖁᑎᓂᑦ ᐊᐅᓚᑦᑎᓂᕐᒧᑦ. • ᐱᓕᕆᐊᓂᑦ ᐊᐅᓚᑦᑎᓂᕐᒧᑦ ᐊᔪᖏᓐᓂᖃᓂᕐᒧᑦ (PMP) ᐃᓕᓴᕆᔭᐅᓯᒪᓂᖓ. • ᖃᐅᔨᒪᓂᖃᕐᓂᖅ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓐᓂ ᐊᒻᒪ ᐱᖅᑯᓯᖏᓐᓂ. • ᓱᑐᓴᐅᒪᔾᔪᑎᓕᕆᔪᓐᓇᕐᓗᓂ ᐃᓄᑦᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ. ᐊᔾᔨᐸᓗᖏᓐᓂᖏᓐᓂ ᐱᓯᒪᑦᑎᔪᑦ ᑲᑎᓐᖓᔪᓂᑦ ᐊᑦᑐᐊᓂᓖᑦ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ ᐃᓱᒪᒋᔭᐅᔪᓐᓇᖅᑐᑦ. ᐱᒋᐊᕐᖃᖅᑐᖅ ᑮᓇᐅᔾᔭᔅᓵᖓ ᐊᑯᓐᓂᖏᓐᓂ $87,204 ᑎᑭᑦᑐᒍ $101,146, ᐅᑭᐅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᑦ $15,016 ᐊᑕᐅᓯᕐᒧᑦ ᐊᕐᕌᒍᒧᑦ, ᐱᔪᓐᓇᖅᑎᑕᐅᔪᖅ ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ ᐃᖅᑲᓇᐃᔭᓂᕐᒧᑦ, ᐃᑲᔫᓯᐊᑦ ᐱᖃᓯᐅᑎᓪᓗᑎ ᓇᓗᓇᐃᖅᓯᒪᑦᑎᐊᖅᑐᑦ ᐃᑲᔫᓯᐊᑦ ᐱᓕᕆᐊᒧᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐃᓪᓗᔅᓴᖃᖅᑎᑕᐅᔪᖅ. ᑖᓐᓇ ᐃᖅᑲᓇᐃᔮᔅᓴᖅ ᐃᓚᒋᔭᐅᔪᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑯᔾᔨᖃᑎᒌᖏᑦ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ. ᐃᖅᑲᓇᐃᔮᖅᑖᕆᓇᓱᐊᕐᓗᒍ ᐊᐅᓪᓚᑎᓪᓗᒋᑦ ᐃᖅᑲᓇᐃᔮᖅᑖᕋᓱᐊᕈᑎᑎᑦ ᖃᕋᓴᐅᔭᒃᑯᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᑎᑎᖅᑲᑎᒍᑦ ᐅᕗᖓ ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ, ᑎᑎᖅᑲᒃᑯᕕᖓ 420, ᖃᒪᓂᑦᑐᐊᖅ, NU X0C 0A0 ᑎᑎᕋᕐᓗᑎᑦ ᑎᑭᓚᐅᖅᑎᓐᓇᒍ ᐋᒡᒌᓯ 14, 2020. ᐃᖅᑲᓇᐃᔮᖅᑖᕋᓱᐊᕈᑏᑦ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ ᐃᓱᒪᒋᔭᐅᔪᓐᓇᖅᑐᑦ ᓯᕗᓂᔅᓴᒥ ᐃᖅᑲᓇᐃᔮᔅᓴᓄᑦ QEC−ᑯᓐᓂᑦ. ᖁᔭᓐᓇᒦᖅᑕᕗᑦ ᐃᖅᑲᓇᐃᔮᖅᑖᕋᓱᐊᖅᑐᓕᒫᑦ, ᑭᓯᐊᓂᓕ, ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᐊᖅᑐᖅ ᖃᐅᔨᒋᐊᕐᕕᑐᐊᖑᓂᐊᖅᑐᑦ.