ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᑦ ᐅᑭᐅᖅᑕᖅᑐᒥ!
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑲᒪᒋᔭᒃᓴᖃᖅᐳᑦ ᐊᑦᑕᕐᓇᙱᑦᑐᒥᒃ ᐊᑐᓐᓇᐅᑎᑦᑎᓗᑎᒃ ᐊᑐᕈᓐᓇᑦᑎᐊᖅᑐᒥᒡᓗ ᐆᒻᒪᖁᑎᖃᖅᑎᑦᑎᕙᒡᓗᑎᒃ ᐊᑭᓕᖅᓱᐃᔨᓄᑦ ᓄᓇᕗᓕᒫᒥᑦ. ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐆᒻᒪᖁᑎᖃᖅᑎᑎᔨᐅᕗᖅ ᓄᓇᕗᒻᒥ ᐊᐅᓚᑦᑎᓪᓗᑎᒡᓗ 25-ᓂᒃ ᐃᒻᒥᒃᑰᖅᑐᓂᒃ ᐅᖅᓱᐊᓗᖕᒧᑦ ᐊᐅᓚᐅᑎᕐᔪᐊᓂᒃ ᐊᒻᒪᓗ ᐆᒻᒪᖁᑎᖃᖅᑎᑦᑎᔨᐅᓪᓗᑎᒃ ᓄᓇᕗᓕᒫᒥᑦ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᖃᐅᔨᒪᔭᐅᕗᖅ ᑲᔾᔮᕐᓇᖅᑐᒥ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ. ᐃᓚᐅᖃᑕᐅᒋᑦ ᐱᓕᕆᖃᑎᒋᔭᑦᑎᓐᓂ ᐊᒻᒪᓗ ᖃᐅᔨᕙᓪᓕᐊᓗᒋᑦ ᐅᑭᐅᒃᑯᑦ ᑲᔾᔮᕐᓇᕐᓂᖓ ᓯᑭᑑᒃᑯᑦ, ᐅᒥᐊᖅᑐᕐᕕᐅᕙᓚᐅᖅᑐᓂᑦ ᖃᔭᖅᑐᕐᓂᖅ, ᐱᓱᔪᒡᓗᓂ ᓄᓇᖓᓂ ᐆᒪᔪᖃᐅᖅᑐᒥᑦ, ᐅᕝᕙᓗᓐᓃᑦ ᖃᐅᔨᓗᒋᑦ ᐃᓕᖅᑯᓯᕆᔭᐅᔪᖅ ᐃᓕᓴᕆᔭᐅᓯᒪᔪᑦ ᓴᓇᙳᐊᖅᑕᐅᕙᒃᑐᓂ, ᓂᔾᔭᐅᓯᔭᖅᑎᑦ ᐊᒻᒪᓗ ᓂᕿᖏᑦ. ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᐱᖁᑎᖃᖅᑎᑦᑎᕙᒃᑐᓄᑦ ᐊᐅᓚᑦᑎᔨ (QEC-23-009)
ᖃᒪᓂ'ᑐᐊᖅ, ᓄᓇᕗᑦ
ᐅᖃᕐᕕᖃᖅᐸᒡᓗᓂ ᑮᓇᐅᔭᓕᕆᔨᒻᒪᕆᖕᒧᑦ, ᐊᐅᓚᑦᑎᔨ, ᐱᖁᑎᖃᖅᑎᑦᑎᕙᒃᑐᓄᑦ ᑲᒪᒋᔭᖃᕐᓂᐊᖅᑐᖅ ᐊᐅᓚᑦᑎᓂᕐᒥᒃ ᑎᒥᐅᔪᓕᒫᓂᒃ ᐊᒻᒪ ᓇᖕᒥᓂᖃᖃᑕᐅᔪᓂᒃ ᐃᓚᐅᖃᑕᐅᔪᓂᒃ ᓂᐅᕕᕐᓂᕐᒥᒃ ᐊᑐᕈᓐᓇᕐᓂᓕᒫᖏᓐᓂᒃ ᐊᔾᔨᒌᙱᕈᓘᔭᖅᑐᓄᑦ ᓂᐅᕕᐊᒃᓴᓄᑦ ᐱᔨᑦᑎᕋᐅᑎᓄᓪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ (QEC). ᑖᓐᓇ ᐃᖅᑲᓇᐃᔮᖅ ᑲᒪᒋᔭᖃᕐᓂᐊᖅᑐᖅ ᐊᔾᔨᒌᒥᑦ ᐊᑐᖅᑎᑦᑎᖃᑦᑕᕐᓂᕐᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ ᑳᓐᑐᕌᓂᑦ ᓂᐅᕕᕐᓂᕐᒥᑦ ᐱᓕᕆᔾᔪᓯᕐᓂᓪᓗ ᒪᓕᓪᓗᒋᑦ ᓄᓇᕗᒻᒥ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᖅ, ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎ (ᑎᑎᕋᖅᓯᒪᓂᓕᒃ 24), ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ (NNI) ᐊᑐᐊᒐᖓ, ᐊᒻᒪᓗ ᐊᓪᓚᕝᕕᖓ ᖃᐅᔨᓴᖅᑎᒻᒪᕆᐅᑉ (OAG) ᒪᓕᒐᖏᑦ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᓇᓗᓇᐃᕆᕙᒡᓗᓂ ᐊᔾᔨᒌᓂᒃ ᖁᓪᓕᒃᑯᑦ ᑳᓐᑐᕌᓕᕆᖃᑦᑕᕐᒪᖔᑦ ᓂᐅᕕᕈᓯᖃᕐᒪᖔᓪᓗ ᐊᒻᒪᓗ ᒪᓕᒋᐊᓕᖃᕐᒪᖔᑦ, ᒪᓕᒡᓗᒍ ᑮᓇᐅᔭᓕᕆᑦᑎᐊᕐᓂᕐᒧᑦ ᐊᑐᕈᓰᑦ ᐊᒃᑐᐊᓂᓖᓪᓗ ᑳᓐᑐᕌᓄᑦ ᐊᑐᐊᒐᐃᑦ.
- ᐊᐅᓚᑦᑎᕙᒡᓗᓂ ᐅᖅᓱᐊᓗᒃᑖᖃᑦᑕᕐᓂᕐᒥᑦ 40 ᒥᓕᐊᓐ ᓖᑕᓂᒃ ᐊᕐᕌᒍᑕᒫᑦ, ᐅᒥᐊᕐᔪᐊᒃᑰᕈᑎᓂᒃ ᐋᖅᑭᒃᓱᐃᕙᒡᓗᓂ ᐊᖏᔫᑎᑦ ᐱᖁᑎᓄᑦ, ᐃᑲᔪᖅᐸᒡᓗᒋ ᐱᖁᑎᖃᕐᕕᖕᓂ ᐃᖅᑲᓇᐃᔭᖅᑏᑦ ᓂᐅᕕᕐᕕᒃᓯᐅᕐᓗᑎᒃ ᑳᓐᑐᕌᒃᑎᓯᐅᖅᑎᓪᓗᒋᓪᓗ ᐃᖏᕐᕋᓂᕐᒧᑦ ᐋᖅᑭᐅᒪᑎᑦᑎᓂᕐᒧᓪᓗ ᖁᓪᓕᒃᑯᓐᓂᑦ, ᐊᒻᒪᓗ ᐊᑭᑐᔫᑎᓄᑦ ᐱᓕᕆᐊᒃᓴᕐᓄᑦ.
- ᐋᖅᑭᒃᓯᕙᒡᓗᓂ ᐸᐸᑦᑎᕙᒡᓗᓂᓗ ᐱᓕᕆᖃᑎᒌᑦᑎᐊᕐᓂᕐᒥᑦ ᓴᓇᔪᓕᕆᔨᓂᑦ, ᐃᖏᕐᕋᑎᑦᑎᔨᓂᑦ, HS&E−ᓂᑦ, ᓇᖕᒥᓂᓕᕆᔨᓂᑦ ᐊᓯᖏᓐᓂᒡᓗ ᐱᓕᕆᕝᕕᖕᓂᑦ, ᓯᓚᑖᓂᓪᓗ ᐱᓕᕆᔨᒻᒪᕆᖕᓂᑦ ᓇᓗᓇᐃᕆᖁᓪᓗᒍᑦ ᐱᔭᐅᔭᕆᐊᓕᖕᓂᑦ ᓯᕗᓪᓕᐅᑎᔭᕆᐊᓕᖕᓂᓪᓗ.
- ᐊᑑᑎᓕᖕᓂ ᑐᓴᐅᒪᑎᑦᑎᕙᒡᓗᓂ−ᓅᑎᑦᑎᓂᕐᒧᑦ ᐃᑲᔫᑎᓂᒃ ᐱᖁᑎᒃᓴᓄᓪᓗ ᐱᕙᒌᔭᐃᓂᕐᒥᑦ ᑎᑭᐅᒪᖁᓪᓗᒍᑦ ᖁᓪᓕᒃᑯᑦ ᐱᔭᕆᐊᓕᖏᓐᓄᑦ, ᐃᑲᔪᖅᐸᒡᓗᓂᑦ ᐱᓕᕆᕝᕕᖕᒥᑦ ᐱᕙᒌᔭᐃᑎᓪᓗᒍᑦ ᐋᖅᑭᒃᓱᐃᑎᓪᓗᒍᓗ ᐊᒥᐊᒃᑯᓂᑦ ᐃᒋᑕᒃᓴᓂᑦ ᐊᒃᑕᒐᒃᓴᓂᓪᓗ.
- ᐃᑲᔪᖅᐸᒡᓗᓂ ᑮᓇᐅᔭᓕᕆᔨᒻᒪᕆᖕᒥ ᐸᕐᓇᐃᑎᓪᓗᒋᑦ ᐊᒻᒪ ᐊᑐᓕᖅᑎᑦᑎᑎᓪᓗᒋᑦ ᐱᖁᑎᖃᖅᑎᑦᑎᕙᒃᑐᑦ ᑐᕌᒐᖏᓐᓂᒃ ᐊᒻᒪ ᑎᑭᑕᐅᔪᒪᔪᓂᒃ ᐋᖅᑭᒃᓱᐃᓗᑎᒡᓗ ᑲᑐᔾᔨᖃᑎᒌᑦ ᓂᐅᕕᖃᑦᑕᕐᓂᕐᒧᑦ ᐊᑐᐊᒐᖓᓂᒃ ᐊᒻᒪ ᑐᑭᒧᐊᒍᑎᖏᓐᓂᒃ.
- ᐱᓕᕆᖃᑎᖃᕐᓗᓂᑦ ᐊᕕᒃᑐᖅᓯᒪᔪᓂ ᐃᖅᑲᓇᐃᔭᖅᑎᓂᒃ ᐱᐅᓯᒋᐊᖅᑎᑦᑎᕙᓪᓕᐊᖏᓐᓇᖁᓪᓗᒋᑦ ᖃᕆᓴᐅᔭᓕᕆᔾᔪᑎᓂᒃ ᖃᕆᓴᐅᔭᒃᑯᑦ ᑎᑎᕋᖅᓯᒪᔪᑦ ᓱᓕᑦᑎᐊᖁᓪᓗᒋᑦ ᓈᒻᒪᖅᑰᑦᑎᓗᑎᒃ, ᑕᒻᒪᖅᓯᒪᙱᓪᓗᑎᒃ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐅᕐᓂᕐᒥᒃ.
- ᐱᓕᕆᖃᑎᖃᖅᐸᒡᓗᓂᑦ ᐊᑭᓕᕆᐊᓕᖕᓄᑦ ᐊᖓᔪᖅᑳᕐᒥᑦ ᐊᒻᒪ ᐱᓕᕆᐊᒃᓴᓄᑦ ᑮᓇᐅᔭᓕᕆᔨᒥᑦ, ᐊᑐᓂ, ᐱᔭᐅᔪᑦ ᐊᒻᒪ ᑐᓂᔭᐅᔪᒪᔪᑦ ᑎᑎᕋᖅᑕᐅᑦᑎᐊᖃᑦᑕᖁᓪᓗᒋᑦ ᑕᒻᒪᖅᑕᖅᓯᒪᙱᓪᓗᑎᒃ, ᓈᒻᒪᖅᑰᑦᑎᓗᑎᒃ, ᐊᒻᒪ ᓴᓂᕐᕙᒃᑕᐅᑦᑎᐊᖅᐸᒡᓗᑎᒃ ᐊᑭᑐᔫᑎᓄᑦ, ᓈᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑎᖏᑦ ᐅᕝᕙᓘᓐᓃᑦ ᐃᖏᕐᕋᓂᕐᒧᑦ ᑮᓇᐅᔭᖃᕐᕕᖏᓐᓄᑦ
ᐅᑯᐊ ᐊᔪᙱᑕᐅᔭᕆᐊᓖᑦ:
- ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓇᖕᒥᓂᖅ ᐊᐅᓚᑦᑎᔨᐅᓂᕐᒧᑦ, ᑮᓇᐅᔭᓕᕆᓂᕐᒧᑦ, ᒪᓕᒐᓕᕆᓂᕐᒧᑦ ᐅᕝᕙᓘᓐᓃᑦ ᐊᔾᔨᑲᓴᖓᓂ ᐃᓕᓴᕆᔭᐅᓯᒪᔪᒥᑦ ᓯᓚᑦᑐᖅᓴᕐᕕᒡᔪᐊᕐᒥᑦ.
- ᓱᓇᒃᑯᑖᖃᖅᑎᑦᑎᕙᒃᑐᓄᑦ ᐊᐅᓚᑦᑎᔨᒻᒪᕆᐅᓂᕐᒧᑦ (SCMP) ᑎᒃᑯᐊᖅᑕᐅᓯᒪᓗᓂ ᐅᕝᕙᓘᓐᓃᑦ ᐊᔾᔨᑲᓴᖓᓂ ᐃᓕᓴᕆᔭᐅᔾᔪᑎᑖᖅᓯᒪᓗᓂ.
- ᐊᕐᕌᒍᓄᑦ ᑕᓪᓕᒪᓄᑦ (5) ᐱᖁᑎᖃᖅᑎᑦᑎᕙᒃᑐᓄᑦ ᐊᐅᓚᑦᑎᕕᖕᒥ ᐊᐅᓚᑦᑎᔨᐅᓂᑰᓗᓂ ᐅᕝᕙᓘᓐᓃᑦ ᐊᖓᔪᖅᑲᐅᑎᐅᖃᑕᐅᓗᓂ.
- ᐱᖓᓱᓂᒃ (3) ᐊᕐᕌᒍᓂᒃ ᐅᖓᑖᓄᓪᓘᓐᓃᑦ ᑲᒪᒋᔭᖃᖅᐸᒡᓗᓂ ᐃᖅᑲᓇᐃᔭᖅᑎᓂᒃ ᐊᔾᔨᑲᓴᖓᒍᑦ.
ᐃᑲᔪᕐᓂᖃᕋᔭᖅᑐᑦ:
- ᐊᑐᖃᑦᑕᖅᓯᒪᓗᓂ ᐅᖅᓱᐊᓗᖕᒨᖅᑐᒥᒃ ᐊᐅᓚᐅᑎᖃᕐᕕᖕᒥ ᐃᑲᔪᕐᓂᖃᕋᔭᖅᑐᖅ.
- ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᑦ ᐊᑐᐊᒐᖓᓂ ᐊᑐᖃᑦᑕᖅᓯᒪᓗᓂ ᐊᑲᐊᓇᔭᖅᐳᖅ.
- ᖃᐅᔨᒪᓗᓂ ᐃᖏᕐᕋᔪᓕᕆᓂᕐᒥᒃ ᑲᓇᐃᑎᐊᓐ ᓄᐊᑦᑯᑦ ᐊᖅᑯᑎᒋᔭᐅᕙᒃᑐᓂᒃ ᖃᖓᑕᓲᒃᑯᑦ ᐊᒻᒪ ᐃᒪᒃᑯᑦ ᓄᒃᑕᖅᑎᑦᑎᖃᑦᑕᕐᓂᒃᑯᑦ ᐃᑲᔫᑎᖃᑦᑎᐊᕋᔭᖅᐳᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᒥᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐊᑲᐅᑦᑎᐊᒻᒪᕆᒐᔭᖅᑐᖅ.
- ᐃᓄᒃᑐ, ᐃᓄᐃᓐᓇᖅᑐᓐ ᐅᖃᕈᓐᓇᖅᑐᑦ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ ᐊᑲᐅᑦᑎᐊᒻᒪᕆᒐᔭᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᓗᓂ $112,004.97−ᒥᑦ $132,778.78-ᒧ ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $24,281.00−ᒥ ᐊᕐᕌᒍᒧᑦ. ᐊᑐᐃᓐᓇᐅᑎᑦᑎᖕᒥᔪᒍᑦ ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᖢᑕ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ careers@qec.nu.ca.
ᐃᓐᓄᒐᓱᖕᓂᖓᓂᒃ ᒪᒃᐲᖓᓂᐊᖅᑐᖅ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ; ᑭᓯᐊᓂᑦᑕᐅᖅ, ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓇᔭᖅᑐᑦ.