ᑐᑭᒧᐊᑦᑎᑦᓯᔨ, ᐃᖅᑲᓇᐃᔭᖅᑐᓕᕆᔨᓄᑦ

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ! ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ. ᐱᓕᕆᖃᑎᒌᖕᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᓕᕆᔾᔪᑎᐅᔪᑦ ᑲᓇᑕᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᓕᕆᔨᒃᑯᑦ ᐊᔾᔨᐅᖏᑦᑐᒥᑦ ᐊᒃᓱᕉᑎᖃᕆᐊᖃᓲᖑᕗᑦ ᐊᐅᓚᑎᑦᑎᒻᒪᑕ ᐆᒻᒪᖅᑯᑎᓂᑦ 25ᓂᑦ ᐅᖅᓱᐊᓗᖕᒨᖅᑐᓂᑦ ᐊᒻᒪ ᐊᑐᓂᑦ ᓄᓇᓕᓐᓃᑦᑐᒡᒍᑕᐅᓪᓗᑎᑦ ᐆᒻᒪᖅᑯᑎᖃᕐᕕᖏᑦ ᓄᓇᕗᒻᒥ ᓄᓇᓕᓐᓂᑦ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ-20-030 ᑐᑭᒧᐊᑦᑎᑦᓯᔨ, ᐃᖅᑲᓇᐃᔭᖅᑐᓕᕆᔨᓄᑦ (ᐊᕐᕌᒍᓄ ᐱᖓᓱᓄᑦ ᐃᖅᑲᓇᐃᔮᕆᔭᐅᒐᔭᖅᑐᖅ) ᖃᒪᓂ'ᑐᐊᖅᒦᒐᔭᖅᑐᖅ, ᓄᓇᕗᒻᒥ ᖃᐅᔨᒃᑲᐅᑎᖃᑦᑕᕐᓗᓂᓗ ᐊᖓᔪᖅᑳᖓᓐᓄᑦ ᐊᐅᓚᑦᓯᔨᒻᒪᕆᖓᓄᓪᓗ, ᑐᑭᒧᐊᑦᑎᑦᓯᔨ, ᐃᖅᑲᓇᐃᔭᖅᑐᓕᕆᔨᓄᑦ ᐊᑐᐃᓐᓇᐅᑎᑦᓯᓂᐊᖅᑐᖅ ᐱᓕᕆᐊᖑᔪᒪᔪᒧᑦ ᑐᕌᒐᖅᓄᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ. ᐃᖅᑲᓇᐃᔮᖅ ᑲᒪᒋᔭᖃᕐᓂᐊᖅᑐᖅ ᓇᓗᓇᐃᖅᓯᓂᕐᒧᑦ ᐱᕙᓪᓕᐊᓂᕐᒧᑦ, ᐊᑐᓕᖅᑎᑦᓯᓂᕐᒧᑦ ᖃᐅᔨᓴᕐᓂᕐᒧᓪᓗ ᐃᓘᓐᓇᖏᓐᓄᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᕐᓂᕐᓄᑦ ᐃᓚᒋᔭᐅᓗᓂ, ᑭᓯᐊᓂ ᑭᓪᓕᖃᖅᑎᑕᐅᖏᑦᑐᖅ: ᐃᖃᓇᐃᔭᖅᑎᒃᓴᕐᓯᐅᕐᓂᕐᒧᑦ ᐃᖃᓇᐃᔭᖅᑎᖃᕐᓂᕐᒧᓪᓗ, ᐃᖅᑲᓇᐃᔭᖅᑎᓂᑦ ᐊᒻᒪᓗ ᐃᓄᐃᑦ ᐃᖅᑲᓇᐃᔭᖅᑎᑕᐅᒐᓱᐊᕐᓂᖏᓐᓄᑦ, ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᑦ, ᐊᑭᓕᖅᓯᓂᕐᒧᑦ ᐱᓕᒻᒪᑦᓴᕐᓂᕐᒧᓪᓗ ᐱᕙᓪᓕᐊᑎᑦᓯᓂᕐᒧᓪᓗ. ᐱᓕᕆᐊᑦᓴᐃᑦ ᑲᒪᒋᔭᑦᓴᐃᓪᓗ: • ᐃᑲᔪᖅᑐᐃᔨ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑎᒥ (IEP); ᐃᓚᒋᔭᐅᑦᓱᓂ ᑭᓯᐊᓂ ᑭᓪᓕᖃᖏᑦᑐᖅ, ᐃᓄᓐᓄᑦ ᐃᖅᑲᓇᐃᔮᕆᔭᐅᔪᒪᔪᓂᒃ ᐱᕙᓪᓕᐊᑎᑦᓯᓂᕐᒧᑦ ᐱᕙᒌᔭᐅᑎ (ICDP), ᐃᓄᐃᑦ ᓯᕗᓕᖅᑎᙳᖅᐸᓪᓕᐊᓂᕐᒧᑦ ᐱᓕᕆᐊᒃᓴᑦ (ILDP), ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᕐᓂᕐᒧᑦ ᐃᓕᓐᓂᐊᕐᓂᖅ, ᐅᐱᕐᖔᒃᑯᑦ ᐃᓕᓐᓂᐊᖅᑎᓂᑦ ᐱᓕᕆᐊᖅ (SSP) ᐊᒻᒪᓗ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑎᒥ ᐃᓄᐃᓪᓗ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᓂᑦ. • ᑕᒪᐃᓐᓂ ᑎᒥᐅᑉ ᐊᑐᕆᐊᓕᖏᓐᓂᑦ ᐊᑦᑐᐊᓂᖃᑦᑐᓂᑦ ᐃᖅᑲᓇᐃᔭᖅᑎᓄ ᐃᖅᑲᓇᐃᔭᖅᑎᓂᓪᓗ ᐱᓕᕆᖃᑎᒌᓐᓂᕐᒧᑦ; ᐃᓚᒋᓗᒍ ᑭᓯᐊᓂ ᑭᓪᓕᖃᖏᑦᑐᖅ, ᑲᑐᔾᔨᖃᑎᒌᓂᑦ ᐃᓅᖃᑎᒌᖃᑦᑕᐅᑎᓂᕐᓂᑦ, ᑲᑐᔾᔨᖃᑎᒌᑦ ᐊᖏᖃᑎᒌᒍᑎᓂᑦ ᐃᖅᑲᓇᐃᔭᕐᓂᕐᒧᑦ ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔭᖅᑎᑦᓯᓂᕐᒧᑦ ᐊᐅᓚᑦᓯᓂᕐᒧᑦ, ᑲᑐᔾᔨᖃᑎᒌᑦ ᐋᔩᖃᑎᒌᓐᓂᒃᑯᑦ, ᖃᐅᔨᓴᕐᓂᕐᒧᑦ, ᐱᕙᓪᓕᐊᓂᖏᓄᓪᓗᑦ ᐃᓂᖅᑎᕆᖃᑦᑕᕐᓂᕐᒧᑦ ᐃᓚᒋᔭᐅᓗᓂᓗ ᓄᖅᑲᑎᑦᓯᓂᕐᒥᑦ ᐃᖅᑲᓇᐃᔭᕐᓂᕐᒧᑦ. • ᓇᓗᓇᐃᖅᓯᓂᕐᒧᑦ ᒪᓕᓐᓂᖏᓐᓂᑦ ᐃᓘᓐᓇᑎᒃ ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᐊᑐᐊᒐᕐᓂᑦ, ᐱᓕᕆᔾᔪᓯᕐᓂᑦ ᒐᕙᒪᒃᑯᓐᓂᓪᓗ ᐃᖅᑲᓇᐃᔭᕐᕕᖏᑦᑕ ᑎᓕᓯᔾᔪᑕᐅᔪᓂᑦ ᐊᐅᓚᑦᓯᓂᕐᒧᑦ ᐃᖅᑲᓇᐃᔮᓂᑦ, ᐃᖅᑲᓇᐃᔭᖅᑎᑖᕐᓂᕐᒧᑦ, ᓂᕈᐊᕐᓂᕐᒧᑦ, ᐱᔭᑦᓴᑖᖅᑎᑦᓯᓂᕐᒧᑦ ᐃᖅᑲᓇᐃᔭᖅᑎᑖᖅᑎᑦᓯᓂᕐᒧᓪᓗ ᐃᓘᓐᓇᖏᓐᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᓇᐃᔭᖅᑎᖏᑦ ᒪᓕᓐᓂᖏᓐᓄᑦ ᓄᓇᕗᒻᒥ ᓯᕗᓪᓕᖅᐸᐅᔾᔨᓂᖅ ᐃᖅᑲᓇᐃᔭᖅᑎᑖᕋᓱᓐᓂᕐᒧᑦ ᐊᑐᐊᒐᕐᒥᑦ. • ᓇᓗᓇᐃᖅᓯᓂᕐᒧᑦ ᐃᓘᓐᓇᑎᒃ ᐊᑕᐃᓐᓇᖅᑐᓄᑦ ᐊᑕᑲᐃᓐᓇᖅᑐᓄᓪᓗ ᐃᖅᑲᓇᐃᔭᖅᑎᑖᕐᓂᕐᒧᑦ ᖃᓄᐃᓕᐅᕈᑕᐅᔪᓂᑦ ᐃᑲᔪᖅᑐᕐᑕᐅᒪᖔᑕ ᓈᒻᒪᑦᑐᓄᑦ ᑎᑎᕋᖅᓯᒪᔪᓂᑦ (ᓲᕐᓗ. ᐃᖅᑲᓇᐃᔮᓄᑦ ᐱᓕᕆᐊᖑᔪᓄᑦ ᑐᑦᓯᕋᐅᑎᓂᑦ (JAR) ᐅᕝᕙᓘᓐᓃᑦ ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᐱᓕᕆᐊᖑᔪᓄᑦ (SA). • ᑲᒪᒋᔭᖃᕐᓂᐊᖅᑐᖅ ᐃᖅᑲᓇᐃᔮᓄᑦ ᓴᓇᒻᒪᖏᓐᓂᑦ, ᑮᓇᐅᔭᑦᓵᖏᓐᓂᑦ ᑮᓇᐅᔾᔭᑦᓵᖏᓐᓄᓪᓗ ᐋᖅᑭᑦᓯᒪᓂᖏᓐᓂᑦ, ᑮᓇᐅᔭᑦᓵᓄᑦ ᐊᑐᐊᒐᕐᓂᑦ ᓇᓗᓇᐃᖅᓯᓂᕐᒥᑦ ᒪᓕᓐᓂᖏᓐᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᓇᐃᔮᓄᑦ ᖃᐅᔨᓴᕐᓂᕐᒧᑦ ᐊᑐᖅᑕᐅᖃᑦᑕᖅᑐᒥᑦ, ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐱᖁᔭᖓᓂᑦ, ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᒪᓕᒐᖓᓂᑦ, ᑲᑐᔾᔨᖃᑎᒌᑦ ᐊᒻᒪᓗ ᐊᖏᖃᑎᒌᒍᑎᖓᓂᑦ ᐃᖅᑲᓇᐃᔭᕐᓂᕐᒧᑦ ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔭᖅᑎᑦᓯᓂᕐᒧᑦ, ᐊᑐᐊᒐᕐᓂᑦ, ᒐᕙᒪᒃᑯᑦ ᓄᓇᕗᒻᒥ ᑎᓕᓯᔾᔪᑕᐅᔪᓂᑦ, ᓈᒻᒪᓛᒃᑯᑦ ᐱᓕᕆᔾᔪᓰᑦ ᐊᓯᖏᓐᓂᓪᓗ ᐊᑦᑐᐊᓂᓖᑦ ᐱᔪᓐᓇᕐᓂᖃᕐᓂᕐᒧᑦ, ᐃᓚᒋᓪᓗᒍ ᐊᔾᔨᒌᒃᑐᓂᒃ ᐊᑭᓕᖅᓱᐃᖃᑦᑕᕐᓂᕐᒧᑦ ᑕᒪᒃᑮᓐᓂᒃ ᐃᓗᐊᓂᑦ ᐊᑦᑐᐊᓂᖃᑦᑐᓄᓪᓗ ᓯᓚᑖᓂᑦ • ᓯᕗᒃᑲᖅᑕᐃᔪᖅ ᑲᒪᒋᔭᖃᕐᓂᐊᖅᑐᕐᓗ ᐃᓘᓐᓇᖏᓐᓂᑦ ᐱᓕᕆᕝᕕᐅᑉ ᓱᓕᕆᓂᖏᓐᓂᑦ ᐃᓚᒋᓪᓗᒍ ᐋᖅᑭᑦᓯᒪᓂᖏᓐᓄᑦ ᑐᕌᒐᐃᑦ ᑎᑭᑕᐅᓇᓱᐊᖅᑐᓄᓪᓗ ᐱᕙᒌᔭᐅᑎᓂᑦ, ᖃᐅᔨᓴᕐᓂᕐᒧᑦ ᕿᒥᕐᕈᓂᕐᒥᓪᓗ, ᐊᕐᕌᒍᓕᒫᖅᓯᐅᑎᑦ ᐱᓕᕆᕝᕕᒻᒥ ᑮᓇᐅᔭᐃᑦ ᐊᑐᖅᑐᑦᓴᐃᑦ ᐱᕙᓪᓕᐊᓂᖏᓐᓄᑦ, ᑮᓇᐅᔭᓕᕆᓂᕐᒧᑦ ᑲᒪᒋᔭᖃᕐᓂᐊᖅᑐᖅ ᐃᓚᒋᓪᓗᒍ ᑕᖅᑭᒥ ᐊᔾᔨᒌᙱᔾᔪᑎᖓᓂ ᖃᐅᔨᓴᕐᓂᕐᒥᑦ ᕿᒥᕐᕈᓂᕐᒥᓪᓗ ᐃᑲᔫᑎᑦᓴᓄᑦ ᓅᑕᐅᑦᓯᐊᕐᓂᖏᓐᓄᑦ. • ᑕᑎᒋᔭᐅᔪᖅ ᐃᓘᓐᓇᖏᓐᓄᑦ ᐃᓗᐊᓂ ᓯᓚᑖᓂᓗ ᐃᖅᑲᓇᐃᔭᖅᑐᓕᕆᓂᕐᒧᑦ ᐅᓂᒃᑳᓕᐅᕐᓂᕐᒧᑦ ᐱᔭᕆᐊᖃᖅᑐᓂᑦ. ᐊᔪᙱᑕᕆᐊᖃᖅᑕᖏᑦ ᐅᑯᐊᖑᕗᑦ: • ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᖅᑲᓇᐃᔭᖅᑐᓕᕆᓂᕐᒧᑦ. • ᐱᓕᕆᔨᒻᒪᕆᐅᓂᕐᒧᑦ ᑐᕌᖅᑎᑦᑎᓂᖅ ᓲᕐᓗ ᐸᐃᑉᐹᖅᑖᖅᓯᒪᔪᖅ ᐱᓕᕆᔨᒻᒪᕆᒃ ᐃᖅᑲᓇᐃᔭᖅᑐᓕᕆᓂᕐᒧᑦ (CPHR). • ᐊᕐᕌᒍᓐᓄᑦ ᖁᓕᓄᑦ (10) ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᓯᓂᕐᒧᑦ ᐱᓕᕆᓯᒪᓂᑰᓗᓂ ᓴᖅᑭᔮᕐᕕᐅᓗᓂ ᐃᓘᓐᓇᖏᓐᓄᑦ ᐊᖏᔫᑎᓄᑦ ᐊᐅᓚᓂᖏᓐᓄᑦ ᐱᓕᕆᔾᔪᓯᕐᓄᑦ ᑕᓪᓕᒪᓄᑦ (5) ᐊᕐᕌᒍᓐᓄᑦ ᐱᓕᕆᓯᒪᓂᑰᓗᓂ ᐊᖓᔪᖅᑳᖑᓂᕐᒧᑦ ᐱᕙᓪᓕᐊᑎᑦᓯᓂᕐᒥᓪᓗ ᐊᐅᓚᑦᓯᓂᕐᒧᑦ ᐅᓂᒃᑳᖅᓂᑦ. • ᐱᓕᕆᖃᑦᑕᖅᓯᒪᓂᖅ ᑲᑐᔾᔨᖃᑎᒌᓕᕆᓂᕐᒧᑦ ᒐᕙᒪᒃᑯᓐᓄᑦ ᐊᐅᓚᑕᐅᔪᓂᑦ. ᐃᑲᔪᕐᓂᖃᕋᔭᖅᑐᑦ: • ᐃᖅᑲᓇᐃᔭᕐᓂᑰᓗᓂᑦ ᐆᒻᒪᖅᑯᓯᕆᔨᓂᑦ ᐃᑲᔫᑎᖃᕐᓂᐊᖅᑐᖅ. • ᖃᐅᔨᒪᓗᓂ ᓄᓇᕗᒻᒥᒃ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ. • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ. ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $169,903−ᒥᑦ $191,080−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $24,381−ᓂᒃ ᐊᕐᕌᒍᒧᑦ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ. ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ, ᑎᑎᖅᑲᒃᑯᕕᒃ. Box 420, Baker Lake, NU X0C 0A0 ᑎᑎᖅᑲᑦᑯᑦ ᐱᓇᓱᐊᕐᓗᑎ, ᓯᑎᐱᕆ 4, 2020. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.