ᐊᐅᓚᐅᓯᕆᔨᒻᒪᕆᐅᕖᑦ ᖃᐅᔨᒪᓂᖃᖅᓱᑎᑦ ᐱᐅᓂᖅᐹᒃᑯᑦ ᐱᓕᕆᔾᔪᓯᕐᒥᑦ ᐊᐅᓚᑦᓯᓂᕐᒧᑦ ᐱᓕᕆᐊᓂᓪᓗ ᐊᐅᓚᑦᓯᓂᕐᒧᑦ ᐱᓕᕆᔾᔪᓯᕐᓂᑦ? ᐊᐅᓚᑦᓯᒍᓐᓇᖅᑮᑦ ᐃᓄᒥ, ᑮᓇᐅᔭᓕᕆᓂᕐᒧᑦ ᐱᖁᑎᖃᖅᑎᑦᓯᓂᕐᒥᓪᓗ, ᖃᓄᖅᑑᕈᓐᓇᕐᓂᕐᒥᑦ ᓇᓕᒧᑎᑦᓯᓂᕐᒥᓪᓗ ᓯᕗᓪᓕᐅᔾᔭᐅᔭᕆᐊᓕᓐᓂᑦ ᐊᒥᓱᓄᑦ-ᐱᖃᖃᑕᐅᔪᓄᑦ? ᑕᐃᒪᐃᑉᐸᑦ, ᓯᕗᓕᐅᖅᑎᐅᓂᕐᒧᑦ ᑲᒪᒋᔭᖃᕈᓐᓇᖅᑐᑎᑦ.
ᐃᖃᓗᓐᓃᑦᑐᖅ, ᓄᓇᕗᒻᒥ ᐊᖓᔪᖅᑳᖃᕐᓗᓂᓗ ᐊᖓᔪᖅᑳᖓᓐᓂᑦ ᐊᐅᓚᑦᓯᔨᒻᒪᕆᒻᒥᓪᓗ, ᓇᓗᓇᐃᖅᓯᓂᕐᒥᑦ ᐃᓘᓐᓇᒍᑦ ᑐᑭᒧᐊᑦᑎᑦᓯᓂᕐᒥᑦ ᑲᔪᓯᑎᑦᓯᓂᕐᒥᓪᓗ ᐅᑭᐅᖅᑕᖅᑐᒧᑦ ᐊᐅᓚᔪᓐᓇᐅᑏᑦ ᑮᓇᐅᔭᖁᑎᖏᓐᓂᑦ (AEF) ᑐᕌᒐᖃᕐᓂᕐᒥᑦ ᓴᓇᒃᑲᓐᓂᕐᓂᕐᒧᑦ ᓄᓇᓕᓐᓂᑦ ᐆᒻᒪᖅᑯᑎᖃᕐᕕᖏᓐᓂᑦ. ᑖᓐᓇ ᐃᖅᑲᓇᐃᔮᖅ ᐊᖏᔪᑲᓪᓚᒪᕆᐅᔪᖅ ᐱᓕᕆᐊᑦᓴᖅ ᑮᓇᐅᔭᓄᑦ ᐊᑐᖅᑐᑦᓴᓄᑦ ᐃᒪᓐᓇᐅᓗᐊᖅᑐᓂ $230 ᒥᓕᐊᓐᓂ, ᑕᑎᒋᔭᐅᓗᓂᓗ ᓇᓗᓇᐃᖅᓯᓂᕐᒥᑦ, ᖃᐅᔨᓴᕐᓂᕐᒥᑦ ᐊᐅᓚᑦᓯᓂᕐᒥᓪᓗ ᐱᓕᕆᐊᓂᑦ ᑐᓂᔭᐅᒋᐊᓕᓐᓂᑦ ᐊᐅᓚᑦᓯᓗᓂ ᐋᖅᑭᑦᓱᐃᓗᓂᓗ ᐃᓘᓐᓇᖏᓐᓂᑦ ᐊᑦᑐᓂᓕᓐᓄᑦ ᐊᑭᑐᔫᑎᓄᑦ ᐱᓕᕆᐊᓂᑦ. ᑐᑭᒧᐊᑦᑎᑦᓯᔨᐅᓗᓂ ᐅᑭᐅᖅᑕᖅᑐᒧᑦ ᐊᐅᓚᔪᓐᓇᐅᑏᑦ ᑮᓇᐅᔭᖁᑎᖏᓐᓂᑦ, ᑕᑯᑦᓴᐅᑎᑦᓯᓂᐊᖅᑐᑎᑦ ᐃᓅᖃᑎᖃᕈᓐᓇᓂᕐᒥᑦ ᑐᓴᐅᒪᖃᑦᑕᐅᑎᔪᓐᓇᓂᕐᒥᓪᓗ, ᐋᖅᑭᑦᓱᐃᓗᑎᑦ ᐊᑯᕐᖓᓂᑦ ᐊᒥᓱᓂ ᐃᓗᐊᓂ ᐱᓕᕆᕝᕕᐅᔪᓂᑦ, ᐱᕙᓪᓕᐊᑎᑦᓯᓂᕐᒥᑦ ᐱᓕᕆᖃᑎᒌᓐᓂᕐᒥᑦ ᓯᓚᑖᓃᑦᑐᓂᑦ ᐱᖃᖃᑕᐅᔪᓂᑦ, ᑭᒡᒐᖅᑐᐃᓗᓂᓗ ᐱᓕᕆᕝᕕᒻᒥ ᐱᔪᒪᓂᖏᓐᓄᑦ ᐃᓘᓐᓇᖏᓐᓂ ᐅᑭᐅᖅᑕᖅᑐᒧᑦ ᐊᐅᓚᔪᓐᓇᐅᑏᑦ ᑮᓇᐅᔭᖁᑎᖏᓐᓂᑦ ᐱᓕᕆᐊᖑᕙᓪᓕᐊᔪᒪᔪᓄᑦ, ᓇᓗᓇᐃᖅᓯᓂᕐᒥᓪᓗ ᒪᓕᑦᓯᐊᕐᓂᕐᒥᑦ ᐊᑐᖅᑐᓂᑦ ᑎᒥᐅᔪᓂ, ᓄᓇᕗᒻᒥ ᑲᓇᑕᒥᓪᓗ ᒪᓕᑦᑕᐅᒋᐊᖃᖅᑐᓂᑦ.