ᑐᑭᒧᐊᒃᑎᑦᑎᔨ, ᐊᐅᓚᑦᑎᕕᖓᓄᑦ

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ! ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ. ᐱᓕᕆᖃᑎᒌᖕᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥᑦ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᑕᐅᑐᒃᖢᒋᒃ ᐊᓯᖏᑦ ᐆᒻᒪᖅᑯᑎᓕᕆᕙᒃᑐᑦ ᑲᓇᑕᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔾᔨᖃᙱᑦᑐᓂᒃ ᐱᓇᔪᒋᐊᖃᖃᑦᑕᖅᐳᑦ 25−ᓂᒃ ᐃᓛᒃᑰᖅᑐᓂᒃ ᐅᖅᓱᐊᓗᒃᑐᖅᑐᓂᒃ ᐊᐅᓚᐅᑎᖃᕐᕕᖕᓂᒃ ᐊᐅᓚᑦᑎᖃᑦᑕᕐᒪᑕ ᖃᐅᒻᒪᖅᑯᑎᖃᖅᑎᑦᑎᕙᒃᖢᑎᒡᓗ ᑕᒪᐃᓐᓂ ᐅᑭᐅᖅᑕᖅᑐᒥ ᓄᓇᓕᖏᓐᓂ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 21-001, ᑐᑭᒧᐊᒃᑎᑦᑎᔨ, ᐊᐅᓚᑦᑎᕕᖓᓄᑦ ᐃᖃᓗᐃᑦ, ᓄᓇᕗᒻᒥ ᐃᓂᖃᖅᖢᓂ, ᐅᓂᒃᑳᖅᐸᒃᖢᓂᓗ ᐊᖏᔪᖅᑳᒧᑦ ᐊᐅᓚᑦᑎᔨᒻᒪᕆᖕᒧᓪᓗ, ᐊᐅᓚᑦᑎᕕᖓᓄᑦ ᑐᑭᒧᐊᒃᑎᑦᑎᔨ ᐱᓕᕆᐊᒃᓴᖃᖅᐳᖅ ᖃᓄᖅᑑᕈᑎᒃᓴᓂᑦ ᖃᓄᐃᓕᐅᖁᔨᕙᒡᓗᓂ ᐊᐅᓚᑦᑎᕕᖓᑕ ᐱᓕᕆᕝᕕᖓᓂ. ᑖᔅᓱᒥᖓ ᐃᖅᑲᓇᐃᔮᓕᒃ ᐱᓕᕆᐊᒃᓴᖃᖅᐳᖅ ᐱᓕᕆᕝᕕᖕᒥ ᒪᓕᒃᑎᑦᑎᕙᒡᓗᓂ ᐊᐅᓚᑦᑎᕕᐅᑉ ᖃᓄᖅᑑᕈᑎᒃᓴᖏᑕ ᑐᕌᒐᖏᓐᓂᒃ ᐃᓚᐅᕙᒡᓗᓂᓗ ᐊᐅᓚᑦᑎᔨᒻᒪᕇᑦ ᑲᑎᒪᔨᕋᓛᖏᓐᓂᒃ. ᐃᖅᑲᓇᐃᔮᓕᒃ ᓯᕗᓕᖅᑎᐅᖃᑦᑕᕐᓂᐊᖅᐳᖅ ᐊᐅᓚᑦᑎᑦᑎᐊᖅᐸᒡᓗᓂᓗ ᐊᐅᓚᑦᑎᕕᖕᒥ ᐱᓕᕆᐊᒃᓴᖏᓐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ, ᐅᑯᓂᖓᓗ ᒐᕙᒪᓕᕆᔨᒃᑯᓐᓂ, ᐊᒡᓚᕝᕕᖕᒥ ᐅᓂᒃᑳᓕᐊᓂᒃ, ᖃᓄᖅᑑᕈᑎᒃᓴᓄᑦ ᐸᕐᓇᐅᑎᓂᒃ, ᐱᓕᕆᕝᕕᖕᒥ ᓯᓚᑖᓃᑦᑐᓂᓪᓗ ᑐᓴᐅᒪᑎᑦᑎᓂᕐᒥᒃ ᐊᒻᒪ ᐊᑐᐊᒐᓕᐅᖅᐸᓪᓕᐊᓂᕐᒧᑦ. ᐃᖅᑲᓇᐃᔮᓕᒃ ᒐᕙᒪᓕᕆᔨᒃᑯᓐᓂ ᑐᓴᐅᒪᑎᑦᑎᔨᓪᓗᐊᑕᐅᓂᐊᖅᐳᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐊᒻᒪ ᓄᓇᕗᑦ ᒐᕙᒪᖓᓂ ᐅᑯᐊ ᐱᔾᔪᑎᒋᓪᓗᒋᑦ ᐊᑐᐊᒐᖅ, ᐸᕐᓇᐃᓂᖅ, ᐊᐅᓚᑦᑎᕕᖕᒥ ᑐᓴᐅᒪᖃᑎᒌᖕᓂᖅ ᐊᒻᒪ ᒪᓕᒐᒃᓴᓕᐊᑦ ᐊᑐᕆᐊᓕᖏᓐᓂᒃ. ᐃᖅᑲᓇᐃᔮᓕᒃ ᓯᕗᓕᖅᑎᒋᔭᐅᓗᓂ ᑭᒡᒐᖅᑐᐃᔨᐅᓂᐊᕆᕗᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐊᒻᒪ ᐊᐅᓚᑦᑎᕕᐅᑉ ᑲᑎᒪᔨᖏᓐᓂᒃ. ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ: • ᖃᐅᑕᒫ ᐊᐅᓚᓂᖏᑦ ᐊᐅᓚᑉᐸᒡᓗᒋᑦ ᐊᐅᓚᑎᕕᐅᓪᓗ ᐱᐅᓂᖏᑦ ᐱᓕᕆᐊᒃᓴᖏᓪᓗ ᐱᖃᖅᑎᐅᖃᑕᐅᔪᓄᑦ − ᐅᑯᐊᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᖃᖅᑎᓪᓗᐊᑕᖏᓐᓄᑦ, ᓄᓇᕗᑦ ᒐᕙᒪᒃᑯᑦ; • ᑐᓴᐅᒪᑎᑦᑎᖃᑦᑕᕆᐊᖃᓪᓚᕆᒃᖢᓂ ᒥᓂᔅᑕᐅᑉ ᑎᑎᕋᕐᕕᖓᓂ ᐊᒻᒪ ᓄᓇᕗᑦ ᒐᕙᒪᒃᑯᑦ ᑐᑦᑕᕐᕕᓪᓗᐊᑕᖏᓐᓂᒃ (ᑮᓇᐅᔭᓕᕆᔨᒃᑯᑦ, ᒐᕙᒪᓕᕆᔨᒃᑯᑦ, ᒪᓕᒐᓕᕆᔨᒃᑯᑦ, ᐊᒻᒪ ᐃᓕᖅᑯᓯᓕᕆᔨᒃᑯᑦ). • ᐱᓕᕆᐊᖑᓂᐊᖅᑐᓂᒃ ᐊᒻᒪ ᐱᖦᑦᑎᕋᕈᑕᐅᓂᐊᖅᑐᓂᒃ ᕿᒥᕐᕈᕙᒃᖢᓂ ᖃᐅᔨᓴᖅᐸᒃᖢᓂᓗ, ᖃᓄᐃᓕᐅᖁᔨᕙᒃᖢᓂᓗ ᐋᖅᑭᒋᐊᕈᑎᒃᓴᓂᒃ ᐊᑑᑎᖃᑦᑎᐊᓛᓂᒃ ᑎᑭᐅᑎᔪᓐᓇᖁᓪᓗᒋᑦ ᐊᐅᓚᑦᑎᕕᖕᒥ ᑲᔪᓯᔪᓐᓇᖅᑎᑕᐅᔪᓂᒃ. • ᐋᖅᑭᒃᓱᐃᕙᒃᑐᑦ ᐊᐅᓚᑦᑎᔨᒻᒪᕇᑦ ᑲᑎᒪᔨᖏᑦ ᐱᓕᕆᖃᑎᒋᓪᓗᒋᑦ ᐊᑐᐊᒐᕐᓂᒃ ᐸᕐᓇᐃᕙᒃᖢᑎᒡᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᑭᐅᑎᔪᓐᓇᑦᑎᐊᖁᓪᓗᒋᑦ ᑕᐅᑐᖅᑰᖅᑕᒥᓂᒃ ᓯᕗᓪᓕᐅᑎᔪᒪᔭᖏᓐᓂᒡᓗ, ᑐᑭᓕᐅᖅᑕᐅᓗᑎᒃ ᑖᒃᑯᐊ ᐊᓯᔾᔩᓪᓚᕆᖕᓂᐊᖅᑐᑦ ᐸᕐᓇᐅᑎᑦ ᓴᖅᑭᓯᒪᓕᖅᑐᓪᓗ. • ᐊᐅᓚᑦᑎᕕᖓᓂ ᓴᖅᑭᔮᖅᑎᑦᑎᑦᑎᐊᕐᓗᑎᒃ ᑕᑎᒋᔭᐅᔪᓐᓇᕐᓗᑎᒃ ᑐᑭᓯᒋᐊᕈᓐᓇᕐᓂᕐᒧᑦ ᓴᐳᔾᔨᓯᒪᓂᕐᒧᓪᓗ ᑲᙳᓇᖅᑐᓂᓪᓗ ᑐᒃᓯᕋᖅᑕᐅᔪᓂᒃ. • ᐊᐅᓚᑦᑎᕙᒃᖢᓂ ᐱᕙᒌᔭᖅᑕᐅᑎᓪᓗᒋᑦ ᐅᖃᐅᓯᐅᓂᐊᖅᑐ ᑎᑎᕋᖅᓯᒪᔪᑦ ᒪᓕᒐᓕᐅᕐᕕᖕᒥ ᑲᑎᒪᑎᓪᓗᒋᑦ ᐊᐅᓚᑦᑎᕙᒃᖢᓂᓗ ᑲᑎᒪᔪᓂᑦ ᖃᐅᔨᓴᖅᐸᓪᓕᐊᔪᓂᑦ ᐊᐱᖅᑯᑎᓂᒃ ᖃᐅᔨᒪᓇᓱᒃᖢᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐅᖃᐅᓯᐅᔪᓂᒃ, ᑎᑎᕋᖅᐸᓪᓕᐊᓪᓗᓂ ᑭᒡᒍᓯᖏᓐᓂᒃ ᑐᓂᑲᐅᑎᒋᕙᒃᖢᒋᓪᓗ ᑭᐅᔾᔪᑎᖏᑦ. • ᐊᐅᓚᑦᑎᕙᒡᓗᓂ ᑎᑎᕋᖅᑕᐅᕙᓪᓕᐊᔪᓂᑦ ᒥᓂᔅᑕᐃᑦ ᑎᑎᖅᑲᐅᓯᐊᖏᓐᓂᒃ ᐊᐅᓚᑦᑎᕕᖕᒥ ᐱᕙᒌᔭᖅᑎᑦ ᐊᐅᓚᑦᑎᔨᖓᓗ. • ᑲᒪᒋᔭᒃᓴᖃᖅᐳᖅ ᓴᐳᔾᔨᓯᒪᓗᓂ ᐸᖅᑭᒃᖠᑦᑎᐊᕐᓗᓂᓗ ᐊᐅᓚᑦᑎᕕᐅᑉ ᑕᐅᑐᖅᑰᖅᑕᖓᓂᒃ ᑕᐅᑐᒃᑕᐅᓂᖓᓂᒡᓗ. • ᐱᓕᕆᐊᖏᓐᓂᒃ ᐊᐅᓚᑦᑎᕙᒡᓗᓂ ᐅᓂᒃᑳᓕᐊᕆᓯᒪᓪᓚᕆᒃᑐᓂᒃ, ᐅᑯᐊ ᐱᖃᓯᐅᑎᓪᓗᒋᑦ, ᑖᒃᑯᐊᑐᐊᖑᙱᖦᖢᑎᒡᓗ, ᐊᕐᕌᒍᓕᒫᖅ ᐱᓕᕆᐊᕆᔭᐅᓯᒪᔪᑦ ᕿᒥᕐᕈᐊᕌᓂᒃᐸᒡᓗᒋᑦ, ᐱᓕᒻᒪᒃᓴᐃᕙᒡᓗᓂ ᑲᔪᖏᖅᓴᐃᕙᒡᓗᓂᓗ ᐱᕈᖅᐸᓪᓕᐊᒃᑲᓐᓂᖁᓪᓗᒋᑦ ᐃᖅᑲᓇᐃᔭᕐᕕᖕᒥᓗ ᐊᑲᐅᙱᓕᐅᕈᑎᑕᖃᖅᑎᓪᓗᒍ ᐋᖅᑭᒃᓯᓇᓱᒃᐸᒡᓗᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᐅᓚᑦᑎᖃᑎᖃᕐᓗᓂ. ᐅᑯᐊ ᐊᔪᙱᓐᓂᕆᔭᕆᐊᓖᑦ: • ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᒐᕙᒪᓕᕆᓂᕐᒧᑦ ᖃᐅᓴᕐᓂᕐᒧᑦ, ᒐᕙᒪᒃᑯᓐᓂ ᐊᐅᓚᑦᑎᔨᐅᓂᕐᒧᑦ, ᑐᓴᐅᒪᔪᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ ᐊᒃᑐᐊᓂᓕᖕᓂᓪᓗ ᖃᓄᖅᑑᖅᑕᐅᔪᓂᑦ. • ᐊᕐᕌᒍᓂᒃ ᖁᓕᓂᒃ ᐃᓄᖕᓂᑦ ᑐᓴᐅᒪᑎᑦᑎᔨᐅᖃᑦᑕᖅᓯᒪᓗᓂ, ᑭᒃᑯᑐᐃᓐᓇᑦ ᐊᑐᐊᒐᖓᓂᒃ ᐅᕝᕙᓘᓐᓃᑦ ᑐᓴᐅᒪᑎᑦᑎᓂᕐᒧᑦ. • ᐊᕐᕌᒍᓂᑦ ᑕᓪᓕᒪᓂᒃ ᐊᖓᔪᖅᑳᖑᖃᑦᑕᖅᓯᒪᓗᓂ ᐊᐅᓚᑦᑎᔨᐅᓗᓂ ᐊᖓᔪᖅᑳᒡᒍᑎᖕᓂᓪᓗ. ᐃᑲᔪᕐᓂᖃᕋᔭᖅᑐᑦ: • ᐃᖅᑲᓇᐃᔭᕐᓂᑰᓗᓂ ᐆᒻᒪᖅᑯᓯᕆᔨᓂᑦ ᐃᑲᔫᑎᖃᕐᓂᐊᖅᑐᖅ. • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ. • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ. ᐊᔾᔨᐸᓗᖏᑦ: • ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᒐᕙᒪᓕᕆᓂᕐᒧᑦ ᖃᐅᓴᕐᓂᕐᒥᒃ, ᒐᕙᒪᒃᑯᓐᓂ ᐊᐅᓚᑦᑎᔨᐅᓂᕐᒧᑦ, ᑐᓴᐅᒪᔪᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ ᐊᒃᑐᐊᓂᓕᖕᒥᓪᓘᓐᓃᑦ ᖃᓄᖅᑑᖅᑕᐅᔪᓂᑦ. • ᐊᕐᕌᒍᓂᒃ ᖁᓪᓕᓪᓗ ᒪᕐᕉᖕᓂᓪᓗ ᐃᓄᖕᓂᑦ ᑐᓴᐅᒪᑎᑦᑎᔨᐅᖃᑦᑕᖅᓯᒪᓗᓂ, ᑭᒃᑯᑐᐃᓐᓇᑦ ᐊᑐᐊᒐᖓᓂᒃ ᐅᕝᕙᓘᓐᓃᑦ ᑐᓴᒐᒃᓴᓕᕆᓂᕐᒧᑦ. • ᐊᕐᕌᒍᓂᑦ ᑕᓪᓕᒪᓂᒃ ᐊᖓᔪᖅᑳᖑᖃᑦᑕᖅᓯᒪᓗᓂ ᐊᐅᓚᑦᑎᔨᐅᓗᓂ ᐊᖓᔪᖅᑳᒡᒍᑎᓂᒡᓗ. ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $121,836−ᒥᑦ $146,562−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐱᑕᖃᙱᑉᐸᑦ ᓄᓇᕗᒥᙶᖅᑐᒥ ᐃᓄᖕᒥᒃ, ᑖᓐᓇ ᐃᖅᑲᓇᐃᔮᒃᓴᖅ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒎᖕᓄᑦ ᐱᖓᓱᓄᑦ ᐃᖅᑲᓇᐃᔮᕆᔭᐅᓚᐅᑲᒡᓗᓂ. ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. ᑎᑎᖅᑲᑯᕕᐊ 420, ᖃᒪᓂ'ᑐᐊᖅ, NU X0C 0A0 ᑎᑎᖅᑲᑦᑯᑦ ᐱᓇᓱᐊᕐᓗᑎ, ᕕᕝᕗᐊᕆ 5, 2021 ᑐᖔᓂ. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.