ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 21-053 ᑐᑭᒧᐊᒃᑎᑦᑎᔨ ᐊᐅᓚᑦᑎᕕᖓᓄᑦ
ᐃᖃᓗᐃᑦ, ᓄᓇᕗᒻᒦᖦᖢᓂᑦ ᐅᓂᒃᑳᕐᕕᖃᖅᖢᓂᓗ ᐊᖓᔪᖅᑳᕐᒥᑦ ᐊᐅᓚᑦᑎᔨᒻᒪᕆᒡᓗ, ᑐᑭᒧᐊᒃᑎᑦᑎᔨ, ᐊᐅᓚᑦᑎᕕᖓᓄᑦ ᑲᒪᒋᔭᒃᓴᖃᖅᐳᖅ ᐅᐸᓗᖓᐃᔭᖅᓯᒪᔪᒃᑯᑦ ᐊᐅᓚᑦᑎᕕᖓᓂᑦ, ᐱᖃᓯᐅᑎᓪᓗᓂᑦ ᐱᓕᕆᕝᕕᐅᖃᑎᒋᙱᑕᖏᓐᓂᑦ ᑐᓴᐅᒪᖃᑎᒌᖕᓂᖅ, ᑎᒥᐅᑉ ᐅᓂᒃᑳᓕᐊᖏᑦ, ᐱᕙᒌᔭᑦᑎᐊᕐᓂᖅ, ᐃᖅᑲᓇᐃᔭᕐᕕᖕᒥᑦ ᓯᓚᑖᓂᓪᓗ ᑐᓴᐅᒪᖃᑦᑕᐅᑎᓂᖅ, ᐊᑐᐊᒐᓕᕆᓂᕐᓗ. ᐃᖅᑲᓇᐃᔮᓕᒃ ᑲᒪᒋᔭᒃᓴᖃᕆᕗᖅ ᒐᕙᒪᓕᕆᔨᒃᑯᓐᓂ ᑐᓴᐅᒪᑎᑦᑎᔨᓪᓗᐊᑕᐅᓗᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐊᒻᒪ ᓄᓇᕗᑦ ᒐᕙᒪᖓᓂ ᐅᑯᐊ ᐱᔾᔪᑎᒋᓪᓗᒋᑦ ᐊᑐᐊᒐᖅ, ᐸᕐᓇᐃᓂᖅ, ᐊᐅᓚᑦᑎᕕᖕᒥ ᑐᓴᐅᒪᑎᑦᑎᓂᕐᒥᒃ ᐊᒻᒪ ᒪᓕᒐᒃᓴᓕᐊᑦ ᐊᑐᕆᐊᓕᖏᓐᓂᒃ. ᐃᖅᑲᓇᐃᔮᓕᒃ ᐃᓚᒋᔭᐅᖃᑕᐅᒋᕗᖅ ᐊᐅᓚᑦᑎᔨᒻᒪᕇᑦ ᑲᑎᒪᔨᕋᓛᖏᓐᓂᑦ ᑭᒡᒐᖅᑐᐃᓪᓗᓂᓗ ᖁᓪᓕᒃᑯᓐᓂᑦ ᐊᒻᒪᓗ ᖁᓪᓕᒃᑯᑦ ᑲᑎᒪᔨᖏᓐᓂᑦ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᖃᐅᑕᒫ ᐊᐅᓚᓂᖏᑦ ᐊᐅᓚᑉᐸᒡᓗᒋᑦ ᐊᐅᓚᑎᕕᐅᓪᓗ ᐱᐅᓂᖏᑦ ᐱᓕᕆᐊᒃᓴᖏᓪᓗ ᐱᖃᖅᑎᐅᖃᑕᐅᔪᓄᑦ − ᐅᑯᐊᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᖃᖅᑎᓪᓗᐊᑕᖏᓐᓄᑦ, ᓄᓇᕗᑦ ᒐᕙᒪᒃᑯᑦ;
- ᑐᓴᐅᒪᑎᑦᑎᖃᑦᑕᕆᐊᖃᓪᓚᕆᒃᖢᓂ ᒥᓂᔅᑕᐅᑉ ᑎᑎᕋᕐᕕᖓᓂ ᐊᒻᒪ ᓄᓇᕗᑦ ᒐᕙᒪᒃᑯᑦ ᑐᑦᑕᕐᕕᓪᓗᐊᑕᖏᓐᓂᒃ (ᑮᓇᐅᔭᓕᕆᔨᒃᑯᑦ, ᒐᕙᒪᓕᕆᔨᒃᑯᑦ, ᒪᓕᒐᓕᕆᔨᒃᑯᑦ, ᐊᒻᒪ ᐃᓕᖅᑯᓯᓕᕆᔨᒃᑯᑦ).
- ᐋᖅᑭᒃᓱᐃᕙᒃᑐᑦ ᐊᐅᓚᑦᑎᔨᒻᒪᕇᑦ ᑲᑎᒪᔨᖏᑦ ᐱᓕᕆᖃᑎᒋᓪᓗᒋᑦ ᐊᑐᐊᒐᕐᓂᒃ ᐸᕐᓇᐃᕙᒃᖢᑎᒡᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᑭᐅᑎᔪᓐᓇᑦᑎᐊᖁᓪᓗᒋᑦ ᑕᐅᑐᖅᑰᖅᑕᒥᓂᒃ ᓯᕗᓪᓕᐅᑎᔪᒪᔭᖏᓐᓂᒡᓗ, ᑐᑭᓕᐅᖅᑕᐅᓗᑎᒃ ᑖᒃᑯᐊ ᐊᓯᔾᔩᓪᓚᕆᖕᓂᐊᖅᑐᑦ ᐸᕐᓇᐅᑎᑦ ᓴᖅᑭᓯᒪᓕᖅᑐᓪᓗ.
- ᐊᐅᓚᑦᑎᕕᖓᓂ ᓴᖅᑭᔮᖅᑎᑦᑎᑦᑎᐊᕐᓗᑎᒃ ᑕᑎᒋᔭᐅᔪᓐᓇᕐᓗᑎᒃ ᑐᑭᓯᒋᐊᕈᓐᓇᕐᓂᕐᒧᑦ ᓴᐳᔾᔨᓯᒪᓂᕐᒧᓪᓗ ᑲᙳᓇᖅᑐᓂᓪᓗ ᑐᒃᓯᕋᖅᑕᐅᔪᓂᒃ.
- ᐊᐅᓚᑦᑎᕙᒃᖢᓂ ᐱᕙᒌᔭᖅᑕᐅᑎᓪᓗᒋᑦ ᐅᖃᐅᓯᐅᓂᐊᖅᑐ ᑎᑎᕋᖅᓯᒪᔪᑦ ᒪᓕᒐᓕᐅᕐᕕᖕᒥ ᑲᑎᒪᑎᓪᓗᒋᑦ ᐊᐅᓚᑦᑎᕙᒃᖢᓂᓗ ᑲᑎᒪᔪᓂᑦ ᖃᐅᔨᓴᖅᐸᓪᓕᐊᔪᓂᑦ ᐊᐱᖅᑯᑎᓂᒃ ᖃᐅᔨᒪᓇᓱᒃᖢᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐅᖃᐅᓯᐅᔪᓂᒃ, ᑎᑎᕋᖅᐸᓪᓕᐊᓪᓗᓂ ᑭᒡᒍᓯᖏᓐᓂᒃ ᑐᓂᑲᐅᑎᒋᕙᒃᖢᒋᓪᓗ ᑭᐅᔾᔪᑎᖏᑦ.
- ᐊᐅᓚᑦᑎᕙᒡᓗᓂ ᑎᑎᕋᖅᑕᐅᕙᓪᓕᐊᔪᓂᑦ ᒥᓂᔅᑕᐃᑦ ᑎᑎᖅᑲᐅᓯᐊᖏᓐᓂᒃ ᐊᐅᓚᑦᑎᕕᖕᒥ ᐱᕙᒌᔭᖅᑎᑦ ᐊᐅᓚᑦᑎᔨᖓᓗ.
- ᐱᓕᕆᐊᖏᓐᓂᒃ ᐊᐅᓚᑦᑎᕙᒡᓗᓂ ᐅᓂᒃᑳᓕᐊᕆᓯᒪᓪᓚᕆᒃᑐᓂᒃ, ᐅᑯᐊ ᐱᖃᓯᐅᑎᓪᓗᒋᑦ, ᑖᒃᑯᐊᑐᐊᖑᙱᖦᖢᑎᒡᓗ, ᐊᕐᕌᒍᓕᒫᖅ ᐱᓕᕆᐊᕆᔭᐅᓯᒪᔪᑦ ᕿᒥᕐᕈᐊᕌᓂᒃᐸᒡᓗᒋᑦ, ᐱᓕᒻᒪᒃᓴᐃᕙᒡᓗᓂ ᑲᔪᖏᖅᓴᐃᕙᒡᓗᓂᓗ ᐱᕈᖅᐸᓪᓕᐊᒃᑲᓐᓂᖁᓪᓗᒋᑦ ᐃᖅᑲᓇᐃᔭᕐᕕᖕᒥᓗ ᐊᑲᐅᙱᓕᐅᕈᑎᑕᖃᖅᑎᓪᓗᒍ ᐋᖅᑭᒃᓯᓇᓱᒃᐸᒡᓗᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᐅᓚᑦᑎᖃᑎᖃᕐᓗᓂ
ᐊᔪᙱᓐᓂᕆᔭᐅᔭᕆᐊᓖᑦ ᐅᑯᐊᖑᕗᑦ:
- ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᑭᒃᑯᑐᐃᓐᓇᕐᓄᑦ ᐊᐅᓚᑦᓯᓂᕐᒧᑦ , ᓇᖕᒥᓂᖅ ᐊᐅᓚᑦᑎᔨᐅᓂᕐᒧᑦ, ᒐᕙᒪᓕᕆᓂᕐᒥᒃ ᖃᐅᔨᓴᕐᓂᖅ ᐊᒃᑐᐊᓂᓕᓐᓂᓪᓘᓐᓃᑦ ᖃᓄᖅᑑᖅᑕᐅᔪᓂᑦ.
- ᐊᕐᕌᒍᓂᒃ 7−ᓂᒃ ᐃᓄᖕᓂᑦ ᑐᓴᐅᒪᑎᑦᑎᔨᐅᖃᑦᑕᖅᓯᒪᓗᓂ, ᑭᒃᑯᑐᐃᓐᓇᑦ ᐊᑐᐊᒐᖓᓂᒃ ᐅᕝᕙᓘᓐᓃᑦ ᑐᓴᐅᒪᑎᑦᑎᓂᕐᒧᑦ
- ᐊᕐᕌᒍᓂᑦ ᑕᓪᓕᒪᓂᒃ ᐊᖓᔪᖅᑳᖑᖃᑦᑕᖅᓯᒪᓗᓂ ᐊᐅᓚᑦᑎᔨᐅᓗᓂ ᐊᖓᔪᖅᑳᒡᒍᑎᖕᓂᓪᓗ.
ᐃᑲᔪᕐᓂᖃᕋᔭᖅᑐᑦ:
- ᐃᖅᑲᓇᐃᔭᕐᓂᑰᓗᓂᑦ ᐆᒻᒪᖅᑯᓯᕆᔨᓂᑦ ᐃᑲᔫᑎᖃᕐᓂᐊᖅᑐᖅ.
- ᖃᐅᔨᒪᓗᓂ ᓄᓇᕗᒻᒥᒃ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $121, 836.00−ᒥ $146,562.00−ᒧ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᑦᓱᑕ $15,016.00−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᔭᓄᐊᕆ ᕕᕝᕗᐊᓕ 11, 2022
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.