ᐊᔪᙱᓐᓂᕐᒥᒃ−ᑲᔪᓯᓂᖃᕐᓂᖃᖅᐲᑦ, ᑕᐅᑐᙳᐊᕈᓐᓇᕐᓂᖃᕐᓗᑎᑦ ᓯᕗᓕᐅᖅᑎᐅᓂᕐᒥᒃ ᐊᑕᖐᔪᒥᒃ ᑕᐅᑐᒡᓗᓂ ᐊᐅᓚᓂᕆᔭᐅᕙᒃᑐᓂᒃ ᐊᒻᒪ ᑲᒪᒋᔭᐅᔭᕆᐊᖃᖅᑐᓕᕆᓂᕐᒥ? ᑐᙵᓱᒃᑎᑦᑎᕙᒃᐲᑦ ᖃᓄᖅᑑᕈᑎᒃᓴᓂᒃ ᐱᓕᕆᓂᐊᖅᑎᓪᓗᑎᑦ ᐱᓕᕆᐊᕆᔭᐅᔭᕆᐊᖃᕐᓂᐊᖅᑐᓕᕆᓂᕐᒥᒃ ᐊᔪᙱᑎᑦᑎᓂᕐᒥᒃ ᐊᓂᒍᐃᓂᖃᖅᓯᒪᔪᒥᒃ ᑲᒪᒋᔭᖃᕐᓂᕐᒥᒃ ᐊᐅᓚᓂᕆᖃᑦᑕᖅᑕᑦᑕ ᐸᕐᓇᐅᑎᓕᐊᖑᓯᒪᔪᓂᒃ, ᓈᒻᒪᓈᖅᑐᒃᑯᑦ ᐱᔭᐅᔪᒪᔪᓂᒃ ᑐᓂᓯᓯᒪᖃᑦᑕᕐᓗᓂ ᐊᒻᒪ ᓴᖅᑭᔮᖅᑎᑦᑎᔪᓐᓇᕐᓗᓂ ᐱᔨᑦᑎᕋᑦᑎᐊᕐᕈᓐᓇᕐᓂᕐᒥᒃ, ᓱᓕ ᐊᑭᖏᓐᓂᒃ−ᐊᑐᕐᓂᖃᐃᓐᓇᖅᐹ? ᑕᐃᒪᐃᒃᑯᓂ, ᑕᒪᓐᓇ ᐅᖃᐅᓯᕆᔪᓐᓇᖅᐸᕗᑦ ᒪᓕᖁᔭᐅᓯᒪᔪᖅ.
ᐅᖃᕐᕕᖃᖅᐸᒡᓗᓂ ᐊᖓᔪᖅᑳᕐᒧᑦ ᐊᐅᓚᑦᑎᔨᓪᓗᐊᑕᕐᒧᓪᓗ, ᓯᕗᓕᐅᖅᑎᐅᓂᐊᖅᐳᑎᑦ ᐊᐅᓚᔾᔪᑎᓄᑦ ᐱᓕᕆᕝᕕᖕᒥ ᓴᓇᔭᐅᔭᕆᐊᖃᖅᑐᓕᕆᓂᕐᒥᒃ ᐊᐅᓚᓂᕆᖃᑦᑕᖅᑕᖏᑦᑕᓗ ᐆᒻᒪᖅᑯᑎᓕᕆᔨᓕᒫᑦ ᓄᓇᕗᒻᒥ. ᐱᓇᓱᐊᖅᑕᕐᓄᑦ ᑐᕌᒐᕆᔭᑎᑦ ᑐᑭᒧᐊᒃᑎᑦᑎᔨᐅᓂᕐᒧᑦ ᐊᐅᓚᓂᕆᖃᑦᑕᖅᑕᖏᓐᓂᒃ ᑐᕌᒐᖃᕐᓂᐊᕐᓗᓂ ᓇᓗᓇᐃᖅᓯᓂᕐᒥᒃ ᐃᖏᕐᕋᑎᑦᑎᓗᓂᓗ ᑲᔪᓯᓂᖃᖅᑐᓂᒃ ᐱᕚᓪᓕᕈᑎᒃᓴᓂᒃ ᑕᒪᐃᓐᓄᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖏᑦᑕ ᐊᐅᓚᓂᕆᕙᒃᑕᖏᓐᓂᒃ, ᐃᓚᒌᖕᓂᕐᒧᑦ ᓴᖅᑭᑕᐅᓯᒪ ᔪᒃᑯᑦ ᓴᓇᔭᐅᔭᕆᐊᖃᖅᑐᓕᕆᓂᕐᒧᑦ, ᐊᑐᑦᑎᐊᒃᑲᓐᓂᕈᓐᓇᖅᓯᑎᑦᑎᓂᕐᒥᒃ ᐊᑐᕈᓐᓇᕐᓂᖃᑦᑎᐊᖅᑐᓄᑦ, ᐊᑐᕐᓂᖃᑦᑎᐊᖅᑐᓄᓪᓗ ᑕᑎᒋᔭᐅᔪᓐᓇᕐᓗᓂ ᐅᐊᔭᓕᕆᓂᕐᒧᑦ ᐱᔨᑦᑎᕋᕈᑕᐅᕙᒃᑐᑦ ᐃᓄᖕᓄᑦ ᓄᓇᕗᒻᒥ. ᐊᔪᕈᓐᓃᖅᓴᖅᓯᒪᓂᖅ ᑲᒪᒋᔭᐅᓂᕐᓗ ᐊᐅᓚᓂᕆᖃᑦᑕᖅᑕᖏᑦᑕ ᐱᒋᐊᕈᑎᒃᓴᖏᑦ ᓴᖅᑭᑎᑦᑎᒋᐊᕐᓂᕐᒥᒃ ᐱᔭᕇᖅᓯᓂᕐᒥᒃ ᑎᒥᒋᔭᐅᔪᒧᑦ ᑐᕌᒐᕆᔭᐅᓪᓗᐊᑕᖅᑐᓄᑦ ᓴᖅᑭᔮᑦᑎᐊᕋᓱᖕᓂᕐᒥᑦ ᓵᑕᐅᔪᓐᓇᕐᓂᕐᒥᒡᓗ ᒪᓕᒃᑕᐅᑦᑎᐊᕋᓗᐊᕐᒪᖔᑦ ᐆᒻᒪᖅᑯᑎᓄᑦ ᐱᐅᔪᓂᒃ ᓂᕆᐅᒋᔭᐅᖃᑦᑕᖅᑐᑦ ᒪᓕᒃᑕᐅᕙᒃᑐᓪᓗ ᐅᐊᖕᓇᖓᓂᑦ ᐊᒥᐊᓕᒃᑲᒥᐅᑦ ᐆᒻᒪᖅᑯᑎᓕᕆᔨᒃᑯᖏᓐᓂᒃ.