ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᑎᑦᑎᒋᐊᕈᒪᕗᖅ ᑕᒪᒃᑯᓄᖓ ᐃᓱᒪᒋᔭᖃᖅᓯᒪᔪᓄᑦ ᖃᐅᔨᓴᐅᑎᙳᐊᖃᕐᓂᕐᒧᑦ ᐱᓕᕆᐊᖑᕙᒃᑐᒥᒃ ᐅᖃᖃᑎᖃᖁᓪᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ ᓂᐅᕕᓚᐅᙱᓐᓂᕐᒥᓂᒃ ᐊᓯᔾᔨᒋᐊᒐᒃᓴᐅᔪᓂᒃ ᐆᒻᒪᖅᑯᓯᐅᕐᓂᕐᒧᑦ ᐊᑐᖅᑕᐅᕙᒃᑐᓂᒃ. ᐱᓇᔪᒍᑕᐅᔪᑦ ᐃᓕᐅᖅᑲᐃᓂᐊᕐᓗᓂ ᐊᑕᓕᖅᑎᑦᑎᓂᐊᕐᓗᓂᓗ ᐊᓯᔾᔨᒋᐊᒐᒃᓴᐅᔪᓂᒃ ᐆᒻᒪᖅᑯᓯᐅᕐᓂᕐᒧᑦ ᐊᑐᖅᑕᐅᕙᒃᑐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐆᒻᒪᖅᑯᑎᖃᕐᕕᒋᕙᒃᑕᖏᓐᓄᑦ ᕿᒥᕐᕈᐊᖅᑕᐅᒃᑲᓐᓂᕆᐊᖃᖅᐳᑦ ᐊᖏᖅᑕᐅᓗᑎᒡᓗ ᑎᒥᖁᑎᒋᔭᐅᔪᒧᑦ.
ᓇᒻᒥᓂᖅ ᐊᐅᓚᔪᓐᓇᐅᑎᓕᓐᓄᑦ ᐱᓕᕆᐊᑦ ᓇᓗᓇᐃᔭᑦᑎᐊᕐᓯᒪᔪᓂᑦ ᑭᒡᓕᓖᑦ ᑐᒃᓯᕋᖅᑑᑉ ᒪᓕᒋᐊᓕᖏᑦ. ᑐᒃᓯᕋᖅᑐᑦ ᐃᒪᐃᑦᑕᕆᐊᓖᑦ:
- ᐃᒡᓗᖃᖅᑎᐅᓗᑎᒃ ᓂᐅᕕᖅᐸᒃᓗᑎᒃ ᕼᐋᒻᓚᐅᓗᑎᒡᓘᓐᓃᑦ (ᐊᑕᐅᓯᖅ ᐊᑕᐅᓯᖕᒧᑦ ᕼᐋᒻᓚᑦᒧᑦ);
- ᓇᖕᒥᓂᖃᖅᑎᐅᙱᓪᓗᓂ ᓂᐅᕕᖅᐸᒃᑐᖅ; ᐊᒻᒪᓗ
- ᓇᓗᙱᑦᑎᐊᖅᑐᖃᕐᓗᓂ ᐊᓯᔾᔨᖅᐸᓪᓕᐊᕙᒃᑐᒥᒃ ᐆᒻᒪᖅᑯᒻᒥᒃ ᐃᓕᐅᖅᑲᐃᔪᖃᕐᓂᖓ ᖄᖏᐅᑎᙱᒃᑲᓗᐊᕐᒪᖔᑕ 10 kilowatts−ᓂᒃ.
ᐱᓕᕆᐊᖑᔫᑉ ᐃᓗᓕᒃᑲᓐᓂᖏᑦ ᐅᕙᓂ ᓇᓂᔭᐅᔪᓐᓇᖅᐳᑦ www.qec.nu.ca/customer-care/net-metering-program.
ᐆᒻᒪᖅᑯᓯᐅᖅᐸᒃᑐᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᖃᐅᔨᓴᐅᑎᙳᐊᖃᖅᑎᑦᑎᓂᕐᒧᑦ ᐱᓕᕆᐊᕆᕙᒃᑕᖓᒍᑦ, ᑖᓐᓇ ᑎᒥᖁᑎᒋᔭᐅᔪᖅ ᓂᕆᐅᒋᔭᖃᖅᐳᖅ ᓴᖅᑭᑎᑦᑎᓛᕐᓂᕐᒥᒃ ᐃᓛᒃᑰᖅᑐᒥᒃ ᐆᒻᒪᖅᑯᓯᐅᑎᒧᑦ ᐱᓕᕆᐊᖑᕙᒃᑐᒥᒃ 2019−ᒥ. ᐱᓕᕆᐊᒃᓴᐅᑉ ᐃᓗᓕᒃᑲᓐᓂᖏᑦ ᒪᓂᒪᓂᐊᖅᐳᑦ ᐅᕙᓂ www.qec.nu.ca ᐱᔭᐅᑐᐃᓐᓇᕆᐊᖃᓕᑐᐊᖅᐸᑕ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓯᐊᐃ
ᐊᐅᓚᑦᑎᔨᐅᑲᐃᓐᓇᖅᑐᖅ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524
rboucher@qec.nu.ca