ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᓄᓐᓂᑦ ᑐᓴᖅᑎᑕᐅᔪᒪᕗᑦ ᐃᓱᒪᒋᔭᖏᓐᓂᒃ ᐊᑭᖓᑕ ᐋᖅᑭᒃᓯᒪᓂᕆᓂᐊᖅᑕᖓᓂᒃ ᐆᒻᒪᖅᑯᑎᓕᕆᔨᒃᑯᑦ ᐱᓕᕆᐊᕆᔪᒪᔭᖓᓂᒃ ᑮᓇᐅᔭᓕᐅᕋᓱᕝᕕᓐᓂ ᐱᓕᕆᕝᕕᓐᓂᓪᓗ ᐆᒻᒪᖅᑯᑎᑖᖅᑎᑦᑎᕙᒃᑐᓂᒃ. ᑮᓇᐅᔭᓕᐅᕋᓱᕝᕕᓐᓂ ᐱᓕᕆᕝᕕᓐᓂᓗ ᐆᒻᒪᖅᑯᑎᑖᖅᑎᑦᑎᕙᒃᑐᑦ ᐱᓕᕆᐊᖓᓂᒃ ᑮᓇᐅᔭᓕᐅᕋᓱᕝᕖᑦ ᐱᓕᕆᕝᕖᓪᓗ ᐊᑭᓕᖅᓱᐃᕙᒃᑐᑦ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓂᒃ ᐱᒋᐊᖅᑎᑦᑎᖁᓪᓗᒋᑦ ᓇᖕᒥᓂᕆᔭᒥᓂᒃ ᐆᒻᒪᖅᑯᑎᓕᐅᖅᑕᐅᕙᓪᓕᐊᔪᓕᒫᓪᓗ ᓂᐅᕐᕈᑕᐅᕙᒡᓗᑎᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄ.
ᐆᒻᒪᖅᑯᑎᓕᕆᔨᒃᑯᑦ ᐱᓇᓱᐊᖅᑐᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᓄᑖᖅ ᐱᓕᕆᐊᑦᓴᖅ ᐊᖏᑦᑕᐅᖁᓪᓗᒍ. ᓄᓇᕗᒻᒥ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ, ᐃᒻᒥᒃᑰᖅᖢᑎᒃ ᐅᖃᐅᔾᔪᐃᔨᑦ, ᐊᐱᕆᔪᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᒃ ᑐᓴᖅᑕᐅᔪᓂᒃ ᐊᒻᒪ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒥᓂᔅᑕᖓᓄᑦ ᐅᖃᐅᔾᔨᓗᑎᒃ ᐱᓇᓱᐊᖅᑕᖏᓐᓂᑦ.
ᑭᒃᑯᑐᐃᓐᓇᐃᑦ ᐃᓚᐅᔪᓐᓇᖅᑐᑦ ᐱᓕᕆᐊᒧᑦ ᐱᕙᓪᓕᐊᑎᑦᓯᓂᕐᒧᑦ ᑐᓂᓯᓂᕐᒧᑦ ᐅᖃᐅᓯᑦᓴᖏᓐᓂᑦ ᐅᕗᖓ URRCnu@outlook.com ᑎᑎᖅᑲᓂᐊᕐᕕᒃᑯᓪᓘᓐᓃᑦ. Box 1000, Stn 200, Iqaluit, NU X0A 0H0 ᔪᓚᐃ 15, 2020-ᖑᕋᓱᖕᓂᖓᓂᑦ. ᑐᓴᒃᑲᓐᓂᕈᒪᒍᕕᑦ ᑖᔅᓱᒧᖓ ᐱᓇᓱᐊᕐᓂᕐᒧᑦ, ᐅᕗᖓ ᑕᑯᒋᐊᕐᓗᑎᑦ, www.qec.nu.ca.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524