ᐱᔪᒥᓇᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᐱᓕᕆᐊᒃᓴᖃᖅᐳᑦ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒡᓗ ᐆᒻᒪᖁᑎᖃᖅᑎᑦᑎᕙᒡᓗᑎᒃ ᐊᑭᓕᖅᓱᐃᔨᓄᑦ ᓄᓇᕘᓕᒫᒥᑦ. ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐆᒻᒪᖁᑎᖃᖅᑎᑎᔨᐅᕗᑦ ᓄᓇᕗᒻᒥ ᐊᐅᓚᑦᑎᓪᓗᑎᒡᓗ 25-ᓂᒃ ᐃᒻᒥᒃᑰᖅᑐᓂᒃ ᐅᖅᓱᐊᓗᖕᒧᑦ ᐊᐅᓚᐅᑎᕐᔪᐊᓂᒃ ᐊᒻᒪᓗ ᐆᒻᒪᖁᑎᖃᖅᑎᑦᑎᔨᐅᓪᓗᑎᒃ ᓄᓇᕗᓕᒫᒥᑦ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᖃᐅᔨᒪᔭᐅᕗᖅ ᑲᔾᔮᕐᓇᖅᑐᒥᒃ ᑕᐅᑦᑐᖃᕐᒪᑦ ᓄᓇᖓ ᓂᕆᐅᓇᙱᑦᑐᓂᓪᓗ ᐱᕕᒃᓴᑦᑎᐊᕆᒃᖢᑎᒃ. ᐃᓚᐅᖃᑕᐅᒋᑦ ᐱᓕᕆᖃᑎᒋᔭᑦᑎᓐᓂ ᐊᒻᒪᓗ ᖃᐅᔨᕙᓪᓕᐊᓗᒋᑦ ᐅᑭᐅᒃᑯᑦ ᑲᔾᔮᕐᓇᕐᓂᖓ ᓯᑭᑑᒃᑯᑦ, ᐅᒥᐊᖅᑐᕐᕕᐅᕙᓚᐅᖅᑐᑦ ᖃᔭᒃᑯᑦ, ᐱᓱᔪᒡᓗᓂ ᓄᓇᖓᓂ ᐆᒪᔪᖃᐅᖅᑐᒥᑦ, ᐅᕝᕙᓘᓐᓃᑦ ᖃᐅᔨᓗᒋᑦ ᐃᓕᖅᑯᓯᕆᔭᐅᔪᑦ ᐃᓕᓴᕆᔭᐅᓯᒪᔪᑦ ᓴᓇᙳᐊᖅᑎᓂᒃ, ᓂᔾᔭᐅᓯᔭᖅᑎᓂᒃ, ᓂᕆᔭᐅᓲᓂᓪᓗ. ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕘᓕᒫᒥ.
ᑮᓇᐅᔭᒃᓴᓕᕆᔨᒻᒪᕆᒃ (QEC-23-012)
ᖃᒪᓂ'ᑐᐊᖅ, ᓄᓇᕗᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᕿᓂᖅᑐᑦ ᑮᓇᐅᔾᔭᒃᓴᓕᕆᔨᒻᒪᕆᖕᒥᑦ, ᖃᒪᓂ'ᑐᐊᒥᑦ. ᑮᓇᐅᔭᒃᓴᓕᕆᔨᒻᒪᕆᒃ ᐊᐅᓚᑦᑎᖃᑦᑕᕐᓂᐊᖅᐳᖅ ᐸᕐᓇᐃᕙᒡᓗᓂ ᐋᖅᑭᒃᓱᐃᕙᒡᓗᓂᓗ ᖃᐅᑕᒫᑦ ᐱᓕᕆᐊᕆᕙᒃᑕᖏᓐᓂᒃ ᑮᓇᐅᔭᒃᓴᓕᕆᔨᒃᑯᓐᓂ. ᐃᖅᑲᓇᐃᔮᓕᒃ ᑕᑎᒋᔭᐅᔪᓐᓇᕐᓂᐊᕆᕗᖅ ᐱᓕᕆᖃᑎᖃᕈᓐᓇᕐᓗᓂ ᐊᐅᓚᑦᑎᔨᒥᑦ, ᑮᓇᐅᔭᒃᓴᓕᕆᔨᓂᑦ, ᐃᓐᓇᖅᓯᐅᑎᓂᑦ ᐃᑲᔫᓯᐊᓂᓪᓗ ᓇᓗᓇᐃᖅᓯᕙᒡᓗᓂ ᐃᖅᑲᓇᐃᔭᖅᑎᓕᒫᑦ ᐊᑭᓕᖅᑕᐅᑦᑎᐊᕈᓐᓇᖁᓪᓗᒋᑦ ᑭᖑᕙᖏᓪᓗᑎᒃ ᑕᒻᒪᖅᑕᖅᓯᒪᖏᑦᑐᓂᒡᓗ, ᑕᒪᐃᓐᓂᒃ ᐊᑭᓕᖅᑕᐅᔾᔪᑎᓄᑦ ᐊᐱᖅᑯᑕᐅᔪᑦ ᑲᒪᒋᔭᐅᑲᐅᑎᒋᕙᒡᓗᑎᒃ ᐱᓕᕆᔨᒻᒪᕆᖕᓄᑦ ᐱᓕᕆᖃᑎᒋᔭᐅᔪᓪᓗ ᓯᓚᑖᓂ ᐱᔨᑦᑎᕋᖅᑎᑦ ᒐᕙᒪᒃᑯᓪᓗ ᑐᑦᑕᕐᕕᖏᓐᓂᑦ ᑲᒪᒋᔭᐅᑦᑎᐊᕐᓂᖏᓐᓂ.
ᐱᓕᕆᐊᒃᓴᑦ ᑲᒪᒋᔭᒃᓴᓪᓗ:
- ᐱᓇᓱᐊᕈᓰ ᒪᕐᕉᒃ ᑮᓇᐅᔭᒃᓴᖅᑖᖅᐸᒃᑐᓂᑦ 250-ᒧᑦ ᑎᑭᖦᖢᒍ ᑲᑐᔾᔨᖃᑎᒌᓂᑦ ᐃᓚᒋᔭᐅᙱᑦᑐᓪᓗ ᐃᖅᑲᓇᐃᔭᖅᑎᑦ; ᐅᑯᐊᓗ ᐃᑲᕐᕋᓕᐅᕈᑎᑦ ᖃᐅᔨᓴᖅᐸᒡᓗᒋᑦ, ᑎᑎᕋᖅᓯᒪᔪᑦ ᓇᓗᓇᐃᖅᐸᒡᓗᒋᑦ, ᐊᔾᔨᒌᓕᖅᑎᑉᐸᒡᓗᒋᑦ ᐋᖅᑭᒋᐊᖅᐸᒡᓗᒋᓪᓗ ᑎᑎᕋᖅᐸᓪᓕᐊᔪᑦ ᖃᕆᓴᐅᔭᒥᙶᖅᑐᑦ ᐊᒻᒪ ᐃᑲᕐᕋᓕᐅᕈᑎᒥᑦ ᑮᓇᐅᔭᒃᓴᓕᐅᖅᑕᐅᔪᑦ.
- ᓇᓗᓇᐃᖅᐸᒡᓗᓂ ᒪᓕᒃᑲᓗᐊᕐᒪᖔᑦ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐱᖁᔭᖓᓂᒃ, ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᔪᑦ ᒪᓕᒐᖏᓐᓂᒃ, ᐃᖅᑲᓇᐃᔭᖅᑎᓄᑦ ᒪᓕᒃᑕᐅᕙᒃᑐᑦ, ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎ, ᐊᒡᓚᒡᕕᖕᒥ ᐊᑐᐊᒐᕐᓂᒃ, ᐊᒻᒪ ᐊᑭᓕᖅᓱᐃᓂᕐᒧᑦ ᐊᑐᕈᒥᓇᕐᓂᖅᐹᓂᒃ.
- ᓈᓴᐃᑦᑎᐊᖅᐸᒡᓗᓂ ᐊᑭᓕᐅᑎᓂᑦ ᐋᖅᑭᒋᐊᖅᑕᐅᔪᓂᑦ, ᐊᑭᓕᐅᑕᐅᔭᕆᐊᖃᓚᐅᖅᑐᓂᑦ, ᐊᓯᖏᓐᓂᓪᓗ ᐊᔾᔨᐅᖏᑦᑐᓂᑦ ᐊᑭᓕᐅᑎᓂᑦ ᓲᕐᓗ ᓄᖅᑲᖅᑐᓄᑦ, ᖃᐅᔨᒃᑲᐃᓯᒪᓂᕐᒧᑦ, ᐊᒻᒪᓗ ᐊᑭᓕᖅᓱᖅᑕᐅᔪᓄᑦ ᓄᖅᑲᖓᓂᕐᒧᑦ ᐋᖅᑭᒋᐊᖅᑕᐅᔪᓂᑦ ᑕᒻᒪᖅᓯᒪᖏᑦᑐᓂᓪᓗ ᐊᑭᓕᖅᑕᐅᕙᒡᓗᑎᒃ ᐊᑭᓕᖅᑕᐅᕝᕕᖏᓐᓂ.
- ᐊᐅᓚᑦᑎᔨᒥᒃ ᐱᓕᕆᖃᑎᖃᖅᐸᒡᓗᓂ, ᑮᓇᐅᔭᒃᓴᓕᕆᔨᒥᑦ ᐃᑲᔫᓯᐊᓕᕆᔨᒥᓪᓗ ᐋᖅᑭᒃᓱᐃᓗᑎᒃ ᑕᒪᐃᓐᓂᒃ ᐊᕐᕌᒎᑉ ᓄᙳᐊᓂ ᐊᑭᓕᖅᓱᖅᑕᐅᔾᔪᑎᓂᑦ ᐱᓕᕆᕙᓪᓕᐊᕙᒡᓗᒋᓪᓗ ᑐᖅᑯᖅᑐᖅᐸᒡᓗᒋᓪᓗ ᑕᒪᕐᒥᒃ ᐊᕐᕌᒎᑉ−ᓄᙳᐊᓂ ᑖᒃᓰᔭᕈᑎᑦ ᑎᑎᕋᕆᐊᓕᑦ ᓇᐃᓈᖅᓯᒪᔪᓪᓗ.
- ᓇᓗᓇᐃᖅᓯᕙᒡᓗᓂ, ᖃᐅᔨᓴᖅᐸᒡᓗᓂ, ᐃᑲᔪᖅᐸᒡᓗᓂᓗ ᐊᑐᓕᖅᑎᑕᐅᕙᓪᓕᐅᔪᓄᑦ ᐱᐅᓯᒋᐊᖅᑕᐅᔪᓂᑦ ᑮᓇᐅᔭᒃᓴᓕᕆᔨᑦ ᐱᓕᕆᕝᕕᖓᓂ.
ᐅᑯᐊ ᐊᔪᙱᓐᓂᕆᔭᕆᐊᓖᑦ:
- ᓯᓚᑦᑐᖅᓴᕐᕕᖕᒥ ᐃᓕᑕᕆᔭᐅᔾᔪᑎᑖᖅᓯᒪᓗᓂ ᑮᓇᐅᔭᓕᕆᓂᕐᒥᒃ, ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ, ᐅᕝᕙᓘᓐᓃᑦ ᐊᓯᖏᓐᓂᒃ ᐊᑐᕆᐊᓕᖕᓂᑦ ᐃᓂᖅᑎᕆᔾᔪᑎᓂᒃ, ᐃᓕᑕᕆᔭᐅᓯᒪᔪᒥᒃ ᑲᓇᑕᒥ ᓯᓚᑦᑐᖅᓴᕐᕕᒡᔪᐊᕐᒥ ᐊᔾᔨᐸᓗᐊᓂᒡᓘᓐᓃᑦ.
- ᑮᓇᐅᔭᒃᓴᓕᕆᔨᑦ ᒪᓕᑦᑎᐊᕐᓗᒋᑦ ᐱᓕᕆᔨᒧᑦ ᓇᓗᓇᐃᖅᑕᐅᓯᒪᔪᑦ.
- ᐊᕐᕌᒍᓂᒃ ᑕᓪᓕᒪᓂᒃ ᐱᕙᓪᓕᐊᓯᒪᓗᓂ ᑮᓇᐅᔭᒃᓴᓕᕆᔨᐅᓯᒪᓗᓂ, ᐱᖃᓯᐅᑎᓗᒍ ᐊᕐᕌᒎᑉ−ᓄᙳᐊᓂ.
- ᑐᑭᓕᐅᕆᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎᓂᒃ.
ᐱᔪᓐᓇᖅᑕᖏᑦ:
- ᓇᓗᓇᐃᒃᑯᑕᖃᕐᓗᓂ ᑮᓇᐅᔾᔭᒃᓵᓄᑦ ᐊᐅᓚᑦᑎᔨᐅᓂᕐᒧᑦ ᐊᑲᐅᓇᔭᖅᑐᖅ.
- ᑲᒪᔨᐅᓚᐅᖅᓯᒪᓂᖓᓄᑦ ᐃᓱᒪᒋᔭᐅᒐᔭᖅᑐᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᒥᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐊᑲᐅᑦᑎᐊᕋᔭᖅᑐᖅ.
- ᐃᓄᒃᑐ, ᐃᓄᐃᓐᓇᖅᑐᓐ ᐅᖃᕈᓐᓇᖅᑐᑦ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ ᐃᑲᔪᕐᓂᖃᕋᔭᖅᑐᖅ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᓗᓂ $91,634.92−ᒥ $106,291.66-ᒧ ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $24,281.00−ᒥ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᒥᒃ, ᐅᑯᓂᖓᓗ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.
ᐱᓇᔪᖃᑕᐅᔪᓐᓇᖅᐳᑎᑦ ᑎᑎᕋᕐᓗᑎᑦ ᐃᖅᑲᓇᐃᔮᕆᖃᑦᑕᖅᓯᒪᔭᕕᓪᓗ ᑎᑎᖅᑲᖓ ᐅᑯᓄᖓ: careers@qec.nu.ca
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ.
ᐱᓇᔪᖃᑕᐅᔪᓕᒫᑦ ᖁᔭᓕᔭᕗᑦ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.