ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᖢᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᒐᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᒥᒃᓴᐅᖦᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᑮᓇᐅᔭᓕᕆᔩᑦ ᑲᒪᔨᖓ (QEC-24-008)
ᖃᒪᓂ'ᑐᐊᖅ, ᓄᓇᕗᑦ
ᐅᓂᒃᑳᖅᐸᒡᓗᓂ ᐊᖏᔪᖅᑳᖅ ᑮᓇᐅᔭᓕᕆᓂᕐᒧᑦ, ᑮᓇᐅᔭᓕᕆ ᑲᒪᔨᖓ ᖃᐅᔨᓴᖃᑦᑕᕐᓂᐊᖅᑕᖏᑦ ᐊᐅᓚᑦᑎᕙᒡᓗᓂᓗ ᑮᓇᐅᔭᐃᑦ ᐊᐅᓚᓂᖏᓐᓂᒃ ᓇᐅᑦᑎᖅᓱᕐᓂᖅ, ᐅᓂᒃᑳᑦ, ᐊᐅᓚᑦᑎᓗᓂ, ᐱᓕᕆᔭᕆᐊᓖᑦ ᐱᓕᕆᐊᒃᓴᑦ. ᑖᓐᓇ ᐃᖃᓇᐃᔮ ᐊᐅᓚᑦᑎᖃᑦᑕᓂᐊᕐᒥᔪ ᐊᕐᕌᒍᒧ ᐱᖁᑎᑦ ᐊᑭᑐᔪᑦ ᐊᐅᓚᔾᔪᑏᑦ ᐊᕿᐅᒪᔾᔪᑎᓪᓗ ᐸᕐᓇᒃᑕᐅᓯᒪᔪᑦ ᐱᓕᕆᐊᖑᕙᒃᑐᑦ, ᐱᓕᕆᐊᖃᕐᓗᓂ ᑮᓇᐅᔭᑦ ᖃᐅᔨᓴᖅᑕᐅᕙᓪᓕᐊᔪᑦ ᓇᓚᐅᑦᑖᑕᐅᔪᓪᓗ. ᐊᕿᒃᓱᐃᕙᒡᓗᓂ ᑭᓇᐅᔭᑦ ᐅᓂᒃᒡᑲᖏᓐᓂᑦ ᐅᓂᒃᑳᖅᑲᑦᑕᕐᓗᓂᓗ, ᐊᕿᐅᒪᑎᑎᖃᑦᑕᕐᓗᓂᓗ ᐊᕌᒍᑕᒫᑦ ᑮᓇᐅᔭᓕᕆᐊᕆᕙᒃᑕᑦ ᖃᐅᔨᓴᖅᑕᐅᒻᒪᕆᖕᓂᖏᑦᓂ. ᑕᓐᓇ ᐃᖃᓇᐃᔮ ᑲᒪᒋᔭᖃᓂᐊᖅᑐ ᓯᕗᓕᖅᑎᐅᓂᕐᒥᑦ ᐋᕿᐅᒪᑎᑎᓗᓂ ᑮᓇᐅᔭᓕᕆᔨᓂᑦ ᐊᐅᓚᑦᑎᐊᕋᓗᐊᕐᒪᖔᑕ ᒪᓕᒃᑕᐅᔭᕆᐊᓖᑦ ᒐᕙᒪᑐᖃᒃᑯᑦ ᓄᓇᕗ ᒐᕙᒪᖏᑕ ᐱᖁᔭᖏᓐᓂᑦ, ᒪᓕᒃᑕᐅᔭᕆᐊᓖᕐ, ᑎᑎᕋᕕᓕᕆᓂᕐᒧᑦ ᒪᓕᒃᑕᐅᔭᕆᐊᓕᑦ, ᐊᑐᐊᒐᑦ, ᐱᓕᕆᔾᔪᓰᓪᓗ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᐊᐅᓚᑎᓗᓂ ᖃᐅᔨᓴᖃᑦᑕᕐᓗᓂᓗ ᐊᐅᓚᔾᔪᑎᓪᓗ ᑮᓇᐅᔭᓕᕆᓂᕐᒧᑦ ᐊᐅᓚᔪᑕᐅᓲᑦ ᐅᔾᔨᓱᕐᐸᒡᓗᓂ ᑮᓇᐅᔭᑦ ᐊᐅᓚᑦᑎᐊᕋᓗᐊᕐᒪᖔ ᑯᐊᐳᕇᓴᒃᑯᑦ ᐊᐅᓚᓂᖏᓪᓗ, ᐱᖃᓯᐅᑎᔾᓗᓂ ᖃᐅᔨᓴᖅᐸᒡᓗᓂ ᐅᓪᓗᒥᒧᑦ ᑮᓇᐅᔭᑦ ᒪᓕᒐᖏᑦ ᐊᑐᐊᒐᖏᓪᓗ ᐊᑐᓕᖅᑎᑎᕙᒡᓗᓂ ᐱᓕᕆᐊᖑᔪᑦ ᐊᐅᓚᔾᔪᑏᑦ ᐱᕚᓪᓕᖁᓪᓗᒋᑦ.
- ᐱᕙᓪᓕᐊᑎᑎᓗᓂ, ᐊᑐᓕᖅᑎᑎᕙᒡᓗᓂ, ᑲᒪᒋᔭᖃᓗᓂ ᓇᒪᑎᐊᕋᓗᐊᕐᒪᖔ ᑮᓇᐅᔭᑦ ᐱᓕᕆᔾᔪᓰᖏᑦ ᐊᐅᓚᑦᑎᕙᒡᓗᓂᓗ ᑯᐊᐳᕆᓴᒃᑯᑦ ᐊᐅᓚᓂᖓ ᒪᓕᑦᑎᐊᕋᓗᐊᕐᒪᖔ ᒐᕙᒪᑐᖃᒃᑯᑦ ᓄᓇᕗ ᒐᕙᒪᖏᑕ ᐱᖁᔭᖏᓐᓂᑦ, ᒪᓕᒃᑕᐅᔭᕆᐊᓖᕐ, ᑎᑎᕋᕕᓕᕆᓂᕐᒧᑦ ᒪᓕᒃᑕᐅᔭᕆᐊᓕᑦ, ᐊᑐᐊᒐᑦ, ᐱᓕᕆᔾᔪᓰᓪᓗ.
- ᐊᐅᓚᒃᑎᓗᓂ ᑯᐊᐳᕆᓴᒃᑯᑦ ᐱᖁᑏ ᐊᑭᑐᔪᑦ ᐊᐅᓚᑦᑎᔾᔪᑏᑦ ᐋᕿᐅᒪᔾᔪᑏᓪᓗ ᑮᓇᐅᔭᑦ ᐊᑐᖅᑐᒃᓴᓂ ᐸᕐᓇᐃᕙᒡᓗᓂ ᐊᒥᒐᖏᒃᑲᓗᐊᕐᒪᖔᑕ ᑮᓇᐅᔭᑦ ᐊᑐᖅᑕᐅᔪᓐᓇᕐᑐᑦ ᐊᑐᐃᓐᓇᐅᒪᖓ ᓈᒻᒪᑲᓗᐊᕐᒪᖔᑕᓗ ᑯᐊᐳᕆᓴᒃᑯᑦ ᐸᕐᓇᐅᑎᖏᑦ, ᐱᓕᕆᒡᔨᑦ, ᑎᑎᕋᕕ ᐊᐅᓚᓂᖏᑦ, ᐱᓕᕆᕕᐅᑉ ᑐᕌᒐᖏᑦ ᑎᑭᑕᐅᓇᓱᐊᖅᑐᓪᓗ.
- ᑲᑐᔾᔨᖃᑎᖃᕐᓗᑎ ᐃᒃᓯᕙᐅᑕᐅᑉ ᑐᖓᓕᐊᓂ ᑮᓇᐅᔭᓕᕆᔨ/ᐊᖏᔪᖅᑳᖅ ᑮᓇᐅᔭᓕᕆᓂᕐᒧᑦ, ᐱᕙᓪᓕᐊᑎᑎᓗᓂ ᐊᐅᓚᑦᑎᓗᓂ ᐊᐅᓚᑦᑎᔾᔪᑎᓂᑦ ᑲᔪᓯᑎᑎᔪᓐᓇᕐᓗᓂ ᓇᐃᑦᑐᒥᒃ, ᐊᑯᓐᓂᕐᓱᖅᑐᓂ, ᐊᑯᓂᐅᔪᒃᑯᓪᓗ ᑐᕌᒐᕆᔭᐅᔪᓂᑦ ᑎᑭᑕᐅᓇᓱᐊᑐᓂᓪᓗ.
- ᑲᒪᒋᔭᖃᕐᓗᓂ ᐊᒥᐊᒃᑯᑦ ᑲᑎᖅᓱᖅᑕᐅᔪᑦ ᐊᑭᓕᒃᓴᑦ ᑲᑎᖅᓱᖅᑕᐅᔪᑦ ᑮᓇᐅᔭᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓗᑎᑦ ᓇᖕᒥᓂᖃᑎᐅᑉ ᖃᓄᐃᓐᓂᕆᔭᖏᑦ ᐊᒻᒪᓗ ᐱᕙᓪᓕᐊᓂᖅ ᑲᒪᒋᑦᑎᐊᕐᓂᕐᓗ ᓈᒻᒪᓈᖅᑐᒃᑯᑦ ᑮᓇᐅᔭᑦ ᐅᓂᒃᑳᖏᓐᓂᑦ ᑮᓇᐅᔭᓕᕆᔾᔪᑏᑦ ᒦᒃᓴᓄᑦ ᖃᐅᔨᓴᕈᑕᐅᔪᑦ ᐊᑦᑕᕐᓇᖅᑐᒦᖁᓇᒋᑦ ᑮᓇᐅᔭᑦ ᖃᓄᐃᙱᑦᑎᐊᖁᓪᓗᒋᑦ ᑯᐊᐳᕆᓴᒃᑯᓐᓄᑦ.
- ᐱᓕᕆᕙᒡᓗᓂ ᐊᑕᖏᐅᒪᑦᑎᐊᕐᑐᓂᑦ ᑮᓇᐅᔭᑦ ᐅᓂᒃᑳᖏᓐᓂᑦ ᑲᔪᓯᓂᖃᑦᑎᐊᖁᓪᓗᒋᑦ ᐱᓕᕆᕝᕖᑦ ᐱᓕᕆᕕᐅᓪᓗ ᐊᖓᔪᖄᖃᕐᕕᖓ ᖃᐅᔨᓴᖅᐸᒡᓗᒋᑦ ᑮᓇᐅᔭᑦ ᖃᓄᐃᓕᖓᓕᕐᒪᖔᑕ ᑲᔪᓯᑦᑎᐊᖁᓪᓗᒋᑦ ᓇᐃᑦᑐᒃᑯ, ᐊᑯᓐᓂᕐᓱᖅᑐᒃᑯᑦ, ᐊᑯᓂᐅᔪᒃᑯᑦ ᑐᕌᒐᖏᑦ ᑎᑭᓇᑕᐅᓇᓱᐊᖅᑐᓪᓗ.
- ᑲᒪᒋᔭᖃᕐᓗᓂ ᑮᓇᐅᔭᓕᕆᓃᑦ ᖃᓄᐃᓕᐅᕈᑕᐅᕙᒃᑐᑦ ᐃᓗᖏᓐᓂᑦ ᒪᓕᒋᐊᓖᑦ ᐱᓕᕆᐊᖑᔪᑦ ᐆᒻᒪᖅᑯᑎᑦ ᐊᑭᖏᓐᓂᒃ ᐊᑭᑦᑐᕆᐊᖁᔨᓂᕐᒧᑦ ᑐᒃᓯᕋᐅᑦ, ᓇᒻᒥᓂᖅ ᐊᐅᓚᔪᓐᓇᐅᑎᓕᓐᓄᑦ ᐱᓕᕆᐊᖅ, ᐃᒻᒥᒃᑰᖓᓪᓗᑎᒃ ᐆᒻᒪᖅᑯᑎᑖᖅᐸᓪᓕᐊᕙᒃᑐᓄᑦ ᐱᓕᕆᐊᖑᔪᓪᓗ.
- ᐊᐅᓚᑎᓗᓂ ᑲᒪᒋᔭᖃᖃᑦᑕᕐᓗᓂᓗ ᐃᓛᒃᑯᖅᑐᑦ ᐊᒻᒪᓗ ᐊᕐᕌᒎᑉ ᐃᓱᐊᓂᑦ ᖃᐅᔨᓴᖅᐸᒡᓗᓂ, ᐃᓚᒋᓪᓗᒋᑦ ᖃᐅᔨᓴᖅᑕᐅᔪᑦ ᑖᒃᑯᓄᖓ ᑮᓇᐅᔭᓂᒃ ᑭᒡᓕᓯᓂᐊᖅᑎᒻᒪᕆᒃ ᑲᓇᑕᒥ ᐊᒡᓚᒡᕕᐊᓂᑦ.
- ᑲᒪᒋᔭᖃᕐᓗᓂ ᑮᓇᐅᔭᑦ ᓇᓕᖃᖏᑦ, ᑲᒪᒋᔭᖃᕐᓗᓂ ᑮᓇᐅᔭᖁᑎᒋᔭᐅᔪᑦ, ᓈᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑏᑦ, ᑮᓇᐅᔭᑦ ᐅᑎᖅᑐᒃᓴᑦ, ᐊᑭᓕᕆᐊᓖᑦ, ᓇᒪᓈᖅᑐᒃᑯᑦ ᐱᔭᕆᖃᑦᑕᕐᓗᓂ ᑕᖅᑭᑕᒫᕐᓯᐅᑎᓂᑦ, ᑕᕿ ᐱᖓᓱᑦ ᐊᓂᒍᕌᖓᑦ, ᑕᕿᑕᒡᒪᓪᓗ ᑮᓇᐅᔭᑦ ᐅᓂᒃᑳᖏᓪᓗ.
- ᐊᔪᕆᓱᐃᖃᑦᑕᕐᓗᓂ, ᑲᔪᖏᖅᓴᐃᖃᑦᑕᕐᓗᓂ, ᖃᐅᔨᓴᖅᐸᒡᓗᓂᓗ ᐃᖃᓇᐃᔭᖅᑏᑦ ᖃᐅᔨᓴᖅᑕᐅᔾᔪᑎᖏᓐᓂᑦ ᓇᖕᒥᓂᖁᑎᖏᑦ ᖃᐅᔨᓴᖅᑕᐅᔾᔪᑎᑦ.
ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ:
- ᓯᓚᑦᑐᖅᓴᕐᕕᒡᔪᐊᒥᑦ ᐃᓕᓴᕆᔭᐅᔾᔪᑎᑖᖅᓯᒪᓂᑰᓗᓂ ᓇᖕᒥᓂᖃᕐᕕᖕᓂᑦ ᐊᒡᓚᕝᕕᓕᕆᓂᕐᒧᑦ ᐅᕝᕙᓘᓐᓃᑦ ᑎᒥᐅᔪᒥᑦ ᑮᓇᐅᔭᓕᕆᓂᕐᒧᑦ.
- ᐱᓕᕆᔨᒻᒪᕇ ᓂᕈᐊᖅᑕᐅᓯᒪᔪᑦ ᓈᓴᐃᔨᒻᒪᕇᑦ (CPA) ᑕᒃᑯᓄᖓ ᓂᕈᐊᕆᔭᐅᓯᒪᔪᑦ ᑎᒍᒥᐊᖅᑐᑦ ᐃᓕᓴᕆᔭᐅᓯᒪᔪᑦ ᑮᓇᐅᔭᓕᕆᓂᕐᒧᑦ (CA) ᐅᕝᕙᓗᓐᓃᑦ ᓇᓗᓇᐃᔭᖅᓯᒪᔪᓄᑦ ᐊᐅᓚᑦᑎᓂᕐᒧᑦ ᑮᓇᐅᔭᓕᕆᔨᓄᑦ (CMA). ᐅᑭᐅᑦ ᑕᓪᓕᒪᑦ ᐃᖅᑲᓇᐃᔭᕐᓂᑰᓗᓂᑦ ᐊᖓᔪᖅᑳᖑᓗᓂᑦ ᑮᓇᐅᔭᓕᕆᓂᕐᒥᑦ.
- ᐊᕐᕌᒍᓄᑦ ᐱᖓᓱᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.
- ᑲᑎᓗᒋᑦ ᐱᔪᓐᓇᓂᖏᑦ ᐸᕐᓇᐃᓂᕐᒧᑦ ᑮᓇᐅᔭᑦ ᐅᓂᒃᑳᖏᓐᓂᑦ, ᐱᓕᕆᐊᖃᕐᓗᓂᓗ ᑮᓇᐅᔭᓂ ᖃᐅᔨᓴᖅᑕᐅᔾᔪᑎᖏᓐᓂᑦ, ᐊᐅᓚᑦᑎᖃᑦᑕᕐᓗᓂ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᓂᖏᓐᓂᑦ, ᐸᕐᓇᐃᖃᑦᑕᕐᓗᓂᓗ ᑮᓇᐅᔭᑦ ᐊᑐᖅᑐᒃᓴᓂᑦ.
ᐃᑲᔪᕐᓂᖃᕋᔭᖅᑐᑦ:
- ᐆᒻᒪᖅᑯᑎᖃᕐᕕᖕᒥ ᐱᓕᕆᖃᑦᑕᖅᓯᒪᑰᒍᓂ ᐊᑲᐅᓇᔭᖅᑐᖅ.
- ᐱᓕᕆᖃᑦᑕᕐᓂᑰᒍᓂ ᐆᒻᒪᖅᑯᑎᖃᕐᕕᖕᒥ ᐊᑲᐅᓇᔭᖅᑐᖅ.
- • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂᑦ ᐊᒻᒪ ᐱᖅᑯᓯᖏᓐᓂᑦ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $133,155.90−ᒥᑦ $160,177.60-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $24,281.00−ᒥᑦ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᓂᒃ, ᐱᖃᓯᐅᑎᓪᓗᒋᑦ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ, ᓇᒃᓯᐅᔾᔨᓗᑎᑦ ᑐᒃᓯᕋᐅᑎᒥᑦ ᐃᕐᖐᓈᖅᑕᐅᒃᑯᑦ ᐅᕗᖓ: https://qeccareers.prevueaps.ca/jobs/
ᑎᑎᖅᑲᑦᑯᑦ ᐱᓇᓱᐊᕐᓗᑎᑦ ᒫᑦᓯ 8, 2024 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᐃᓐᓂᒃ ᐱᓇᔪᖃᑕᐅᔪᒪᔪᓕᒫᓂᒃ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.