ᐃᓐᓇᖅᓯᐅᑎᒃᓴᓕᕆᓂᖅ ᐃᑲᔫᓯᐊᓕᕆᓂᕐᓗ ᖁᕕᐊᒋᒍᕕᐅᒃ ᐱᓕᕆᐊᖃᕈᒪᓗᑎᒡᓗ ᑖᒃᑯᐊ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᖏ ᐱᓇᓱᐊᖅᑕᖏᓐᓂᑦ ᐃᓐᓇᖅᓯᐅᑎᒃᓴᓄᑦ ᐃᑲᔫᓯᐊᒃᓴᓄᓪᓗ ᐊᑐᖅᑕᐅᔭᕆᐊᓖᑦ ᒪᓕᒐᑎᒍᓪᓗ ᒪᓕᒋᐊᓕᖏᓐᓂ, ᐋᖅᑭᐅᒪᑦᑎᐊᕐᑐᓂᑦ ᑭᖑᕙᓯᙱᑦᑐᓂᒡᓗ ᑮᓇᐅᔭᒃᓴᓕᐅᖅᐸᕐᓗᓂ ᐱᔨᑦᑎᕋᑦᑎᐊᖅᐸᒡᓗᓂᓗ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᓐᓄᑦ ᓂᐅᕕᖅᐸᒃᑐᑦ, ᐅᖃᓕᒫᖏᓐᓇᕆᑦ.
ᐊᖓᔪᖅᑳᖃᕐᓗᓂ ᐊᐅᓚᑦᑎᔨᒥᑦ, ᑲᒪᒋᔭᖃᖕᓂᐊᖅᐳᑎᑦ ᑎᒥᖁᑎᐅᑉ ᐃᑲᔫᓯᐊᒃᓴᖏᑦᑕ ᐃᓐᓇᖅᓯᐅᑎᒃᓴᓄᓪᓗ ᐱᕙᒌᔭᐅᑎᓂᑦ, ᐃᓚᐅᓗᑎᒃ ᓄᑖᑦ ᓂᕈᐊᖅᑕᑦ ᑎᑎᖅᑲᖏᑦ ᓇᒃᓯᐅᑎᔭᕆᐊᓕᓪᓗ, ᓄᖅᑲᖅᑎᑕᐅᔪᓕᕆᓃᑦ, ᐅᖃᓪᓚᐅᔾᔨᓃᑦ ᐃᖅᑲᓇᐃᔭᖅᑎᓂᑦ ᑐᖁᔪᓄᑦ ᐊᔪᕈᑎᖃᓕᖕᓂᖕᒧᓪᓗ ᐱᔭᒃᓴᓂᑦ, ᑐᓴᐅᒪᖃᑎᖃᖃᑎᖃᖅᐸᒡᓗᓂ ᐃᑲᔫᓯᐊᖅᑖᖅᑎᑦᑎᔨᓂᑦ ᓄᖅᑲᕈᓯᐊᒃᓴᓕᕆᓂᖕᒧᓪᓗ ᑎᑎᕋᕐᕕᐊᓂᑦ, ᖃᐅᔨᓴᐃᓗᓂ ᐋᖅᑭᑦᑎᐊᖅᓯᒪᔪᓂᑦ ᐃᑲᔫᓯᐊᒃᓴᓕᕆᕙᓪᓗᓂ ᐲᔭᒐᒃᓴᓂᓪᓗ, ᓇᒃᓯᐅᔾᔨᕙᒡᓗᓂᓗ ᑕᖅᑭᑕᒫᑦ ᐲᔭᖅᑕᐅᓲᓂᑦ ᐃᑲᔫᓯᐊᓂᒡᓗ. ᐱᓕᕆᐊᕆᓪᓗᐊᑕᖅᑕᐃᑦ ᐱᓕᕆᖃᑎᖃᕈᓐᓇᖕᓃᓪᓗ ᓇᐃᓴᐅᑎᓂᑦ ᐊᑑᑎᖃᒻᒪᕆᖕᓂᐊᖅᐳᑦ ᐋᖅᑭᒃᓱᐃᕙᒡᓗᑎᑦ ᑮᓇᐅᔾᔭᒃᓵᓂᑦ ᐃᑲᔫᓯᐊᓂᒡᓗ ᑮᓇᐅᔭᓕᕆᔾᔪᑎᓄᑦ ᑎᑎᖅᑭᕆᔾᔪᑎᓄ ᓅᑦᑎᕙᓪᓕᐊᓗᑎᑦ ᑎᑎᖅᑲᖃᓂᑦ ᐊᐅᓚᑦᑎᓂᖕᒧᓪᓗ ᐅᓂᒃᑳᓂᑦ, ᐱᓕᕆᖃᑎᖃᕐᓗᑎᒡᓗ ᑮᓇᐅᔾᔭᒃᓵᓕᕆᔨᓂᑦ ᑕᒻᒪᖅᓯᒪᙱᑦᑐᓂᑦ ᐃᖅᑲᓇᐃᔭᖅᑎᑦ ᑎᑎᖅᑲᑲᖁᓪᓗᒋᑦ, ᐲᔭᖅᑕᓄᑦ ᐃᑲᔫᓯᐊᓄᓪᓗ.