ᐃᖃᓗᐃᑦ, ᓄᓇᕗᑦ (ᐅᑐᐱᕆ 25, 2018)−ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ, ᑐᓴᖅᑎᑦᑎᖕᒪᑕ ᐱᖓᓱᓂᑦ ᓄᑖᓂᑦ ᑲᑎᒪᔨᙳᖅᑎᑕᐅᔪᓂᑦ ᑎᒥᖁᑎᒋᔭᑦ ᑲᑎᒪᔨᖏᓐᓄᑦ; ᔪᐊᓂ ᐸᓪᓗᖅ ᐃᖃᓗᖕᒥᐅᑦ, ᓇᔅᑖᓐᓂᐊ ᒪᓕᓐ ᐃᖃᓗᖕᒥᐅᑦ, ᕌᒃᓵᓐ ᕉᑎᒍᓗ ᑲᖏᖅᖠᓂᖕᒥᐅᑦ. ᐅᑐᐱᕆ 18, 2018−ᖑᑎᓪᓗᒍ, ᒥᓂᔅᑕᐃᑦ ᐊᖏᕐᓯᓚᐅᖅᐳᑦ ᑲᑎᒪᔨᙳᖅᑎᑕᐅᔪᓂᑦ ᐊᕐᕌᒍᓄᑦ ᐱᖓᓱᓄᑦ.
"ᓄᑖᑦ ᑲᑎᒪᔨᙳᖅᑐᑦ ᐃᓚᓕᐅᑎᕗᑦ ᐆᒻᒪᖅᑯᑎᓕᕆᔨᒃᑯᑦ ᖁᕕᐊᓇᖅᑐᒃᑰᓕᖅᑎᓪᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᐱᕈᖅᐸᓪᓕᐊᑎᓪᓗᒋᑦ ᓴᖅᑭᑦᑐᖃᖅᐸᓪᓕᐊᓪᓗᓂ ᐱᐅᔪᓂᑦ ᐱᓕᕆᔾᔪᑎᒃᓴᓂᑦ ᐆᒻᒪᖅᑯᑎᓕᕆᔨᒃᑯᓪᓗ ᐱᓇᓱᐊᕈᒪᓪᓗᑎᒃ ᐱᓕᕆᔾᔪᑎᒃᓴᓂᑦ ᐊᑲᐅᓈᖁᓪᓗᒋᑦ ᓂᐅᕕᖅᐸᒃᑐᓕᒫᑦᑎᐊᑦ," ᐅᖃᖅᑐᕕᓂᖅ ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ. "ᓂᕆᐅᒃᐳᖓ ᐃᑲᔪᕐᓂᕆᓛᖅᑕᖏᑦᑕ ᐅᖃᐅᓯᕆᔭᖏᓐᓂᒃ ᐊᔪᕆᖅᓯᐅᔾᔨᓯᒪᓂᖓᓂᓗ ᐊᑐᐃᓐᓇᐅᑎᑦᑎᓂᖃᖅᑎᓪᓗᒋᑦ ᐊᑦᑕᕐᓇᙱᑦᑐᓂ ᐊᑐᕐᓂᖃᑦᑎᐊᖅᑐᓂᒡᓗ ᐆᒻᒪᖅᑯᑎᑖᕆᔭᐅᕙᒃᑐᓂ ᓄᓇᕗᒻᒥᐅᓂᒃᑦ ᐱᕙᒌᔭᕐᓂᕐᓂᒡᓗ ᓄᓇᕗᒻᒥ ᐆᒻᒪᖅᑯᑎᖏᓐᓂᒃ ᓯᕗᓂᒃᓴᒥ.
ᐃᓚᓕᐅᑎᓵᖅᑐᑦ ᐃᓚᒋᐅᕈᑕᐅᕗᑦ ᑲᑎᒪᔨᓂᑦ ᖁᓕᐅᓕᖅᖢᑎᒃ ᑲᑎᒪᔩᓪᓗ 50 ᐳᓴᓐᑎᖏᑦ ᓄᓇᕗᒻᒥᐅᑦ ᐃᓄᖏᓐᓄᑦ ᑭᒡᒐᖅᑐᖅᑕᐅᓪᓗᑎᒃ.
"ᐊᓕᐊᓇᐃᒍᓱᒃᖢᖓ ᑐᙵᓱᒃᑎᑉᐸᒃᑲ ᔪᐊᓂ, ᓇᔅᑖᓐᓂᐊ, ᕌᒃᓵᓐᓗ ᑲᑎᒪᔨᖁᑎᑦᑎᓐᓄᑦ," ᐅᖃᖅᑐᕕᓂᖅ ᑏ ᐴᑦ ᕉᔅ, ᐆᒻᒪᖅᑯᑎᓕᕆᔨᒃᑯᑦ ᑲᑎᒪᔨᖏᑦᑕ ᐃᒃᓯᕙᐅᑖ. "ᐊᔾᔨᐅᙱᓐᓂᖏᑦ ᐊᔪᙱᓐᓂᖏᑦ ᖃᐅᔨᒪᓂᖏᓪᓗ ᐃᓄᐃᑦ ᐃᓕᖅᑯᓯᖏᓐᓂᑦ ᐃᑲᔫᑎᓂᐊᖅᑐᖅ ᓴᙱᓂᕆᔭᓂᑦ ᑲᑎᒪᔨᐅᔪᓂᑦ ᒫᓐᓇ ᑐᑭᒧᐊᒃᓯᑎᓪᓗᒋᑦ ᓄᓇᕘᑉ ᐆᒻᒪᖅᑯᑎᓕᕆᔨᑐᐊᖏᓐᓂᑦ.
###
ᑐᓴᒐᒃᓴᓕᕆᔨᑦ:
ᕆᓂ ᐳᓲ
ᐊᐅᓚᑦᑎᔨᐅᑲᐃᓐᓇᖅᑐᖅ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524
rboucher@qec.nu.ca