ᐆᒻᒪᖅᑎᒋᐊᒃᑲᓐᓂᕈᒃ ᐃᖃᓇᐃᔮᖅ ᐅᑭᐅᖅᑕᖅᑐᒥᑦ
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑲᒪᒋᔭᒃᓴᖃᖅᐳᑦ ᐊᑐᐃᓐᓇᐅᑎᑦᑎᓂᕐᒥᑦ ᐊᑦᑕᕐᓇᖏᑦᑐᒥ ᐊᒻᒪᓗ ᐊᑐᕈᓐᓇᑦᑎᐊᖅᑐᒥ ᐆᒻᒪᖁᑎᖃᕐᑎᑦᑎᓂᕐᒥᑦ ᓂᐅᕕᖅᐸᒃᑐᓄᑦ ᓄᓇᕗᒻᒥᑦ. ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐆᒻᒪᖁᑎᖃᖅᑎᑎᔨᐅᕗᖅ ᓄᓇᕗᒻᒥᑦ ᐊᒻᒪᓗ ᐊᐅᓚᔪᓐᓇᐅᑎᓕᒃ 25 ᒪᑭᒪᔾᔪᑎᒥ ᐅᖅᓱᐊᓗᖕᒧᑦ ᐊᐅᓚᐅᑎᖃᓕᒃ ᐊᒻᒪᓗ ᐅᒻᒪᖁᑎᑖᖅᑎᑦᑎᕙᒃᑐᖅ ᓄᓇᕗᓕᒫᒥᑦ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᖃᐅᔨᒪᔭᐅᕗᖅ ᑲᔾᔮᕐᓇᖅᑐᒥ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ. ᐃᓚᐅᖃᑕᐅᒋᑦ ᐱᓕᕆᖃᑎᒋᔭᑦᑎᓐᓂ ᐊᒻᒪᓗ ᖃᐅᔨᕙᓪᓕᐊᓗᒋᑦ ᐅᑭᐅᒃᑯᑦ ᑲᔾᔮᕐᓇᕐᓂᖓ ᓯᑭᑑᒃᑯᑦ, ᐅᒥᐊᖅᑐᕐᓗᓂ ᐅᒥᐊᖅᑐᕐᕕᐅᖃᑦᑕᖅᑐᑐᖃᕕᓂᕐᓂ ᖃᔭᒃᑯᑦ, ᐱᓱᔪᒡᓗᓂ ᐊᑭᑐᔪᕐᔪᐊᒥᑦ ᓄᓇᖓᓂ ᐆᒪᔪᖃᐅᕐᖢᓂ, ᐅᕝᕙᓗᓐᓃᑦ ᖃᐅᔨᓗᒋᑦ ᐃᓕᖁᓯᕆᔭᐅᔪᖅ ᐃᓕᓴᕆᔭᐅᓯᒪᔪᑦ ᓴᓇᙳᐊᕐᑕᐅᕙᒃᑐᓂ, ᓂᔾᔭᐅᓯᔭᖅᑕᐅᔪᑦ ᐊᒻᒪᓗ ᓂᕿᖏᑦ. ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᒪᓕᒐᓕᕆᔨᒃᑯᑦ (QEC-23-012)
ᐃᖃᓗᐃᑦ, ᓄᓇᕗᑦ
ᐃᖃᓗᐃᑦ, ᓄᓇᕗᒻᒦᖦᖢᓂ ᐅᓂᒃᑳᓕᐅᖅᐸᒡᓗᓂᓗ ᐊᖓᔪᖅᑳᒧᑦ ᐊᒻᒪ ᐊᐅᓚᑦᑎᔨᒻᒪᕆᖕᒧᑦ, ᒪᓕᒐᓕᕆᔨ ᑲᒪᒋᔭᒃᓴᖃᕐᓂᐊᖅᐳᖅ ᐊᑐᐃᓐᓇᕈᖅᑎᑉᐸᒡᓗᒋᑦ ᖃᓄᖅᑑᕈᑎᑦ ᒪᓕᒐᖅᑎᒍᑦ ᐅᖃᐅᔾᔪᖅᑕᐅᕙᒡᓗᑎᒃ ᑐᑭᒧᐊᒃᑎᐅᓗᓂᓗ ᐆᒻᒪᖅᑯᑎᓕᕆᔨᒃᑯᓐᓄᑦ ᖃᓄᑐᐃᓐᓈᓗᒃ ᒪᓕᒐᓕᕆᓂᕐᒧᑦ ᐱᔾᔪᑕᐅᔪᓂᒃ. ᐃᖅᑲᓇᐃᔮᖅᑖᕐᓂᐊᖅᑐᖅ ᑲᒪᒋᔭᒃᓴᖃᖅᐳᖅ ᓴᐳᑎᒋᐊᖃᖅᖢᓂᒋᑦ ᐊᒻᒪ ᓴᐳᑎᒋᐊᖃᕆᓪᓗᓂᒋᑦ ᐆᒻᒪᖅᑯᑎᓕᕆᔨᒃᑯᑦ ᐊᑎᖓᓄᑦ ᐱᔾᔪᑕᐅᔪᑦ ᓴᖅᑭᑕᐅᓂᑯᑦ ᐃᖅᑲᖅᑐᐃᕕᒃᑯᑦ ᐊᒻᒪ ᐃᖅᑲᖅᑐᖅᑕᐅᔪᖃᖅᑎᓪᓗᒍ. ᐃᖅᑲᓇᐃᔮᖅᑖᕐᓂᐊᖅᑐᖅ ᑐᑭᒧᐊᒃᑎᒋᔭᐅᓂᐊᖅᐳᖅ ᓇᓗᓇᐃᔭᐃᔨᒋᔭᐅᓗᓂᓗ ᒪᓕᒐᕐᓂᒃ ᐱᔾᔪᑎᓕᖕᓄᑦ, ᒪᓕᒐᕐᓄᑦ, ᒪᓕᒋᐊᓕᖕᓄᑦ, ᑳᓐᑐᓛᒃᑕᐅᔪᓄᑦ, ᓂᐅᕕᐊᓄᑦ, ᓇᖕᒥᓂᖁᑎᒋᔭᐅᔪᑦ ᐃᒡᓗᓄᑦ ᓄᓇᒧᓪᓗ, ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᐊᑐᐃᓐᓇᕈᖅᑎᓪᓗᒋᑦ ᒪᓕᒐᓕᕆᔨᒃᑯᑦ ᐊᒻᒪ ᐊᖓᔪᖅᑲᐅᑎᑦ ᑲᑎᒪᔨᑦ, ᐊᖓᔪᖅᑳᒧᑦ ᐊᒻᒪ ᐊᐅᓚᑦᑎᔨᒻᒪᕆᖕᒧᑦ, ᐊᐅᓚᑦᑎᔨᒻᒪᕆᖕᓄᑦ, ᐊᒻᒪ ᐱᓕᕆᔨᒻᒪᕆᖕᓄᑦ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᔾᔨᒌᙱᑦᑐᑦ ᒪᓕᒐᖅᑎᒍᑦ ᐱᔾᔪᑎᓕᖕᓂᒃ ᑳᓐᑐᓛᒃᑕᐅᔪᓄᑦ, ᓂᐅᕕᐊᓄᑦ, ᐊᕙᑎᒧᑦ, ᐱᔪᓐᓇᐅᑎᑖᕐᓂᕐᒧᑦ, ᐃᖅᑲᓇᐃᔮᖃᕐᓂᕐᒧᑦ, ᐊᓯᖏᓐᓄᓪᓗ ᒪᓕᒐᓕᕆᓂᕐᒨᖓᔪᓄᑦ ᐅᕝᕙᓘᓐᓃᑦ ᒪᓕᒐᕐᓂᒃ ᐱᔾᔪᑎᓕᖕᓄᑦ.
- ᐱᓕᕆᖃᑦᑕᕐᓂᐊᖅᐳᖅ ᐱᒋᐊᖅᑎᑦᑎᕙᒡᓗᓂ ᓇᓗᓇᐃᖅᓯᕙᒡᓗᓂ, ᖃᐅᔨᓴᖅᐸᒡᓗᓂ ᑭᒡᓕᓯᓂᐊᖅᐸᒡᓗᓂ, ᐊᒻᒪ ᖃᐅᔨᓇᓱᒃᐸᒡᓗᓂ ᐱᑕᖃᖅᐸᒌᖅᑐᓂᒃ ᓴᖅᑭᑉᐸᓪᓕᐊᔪᓂᒡᓗ ᒪᓕᒐᕐᓂᒃ, ᒪᓕᒐᓕᐊᖑᔪᒪᔪᓂᒃ, ᐊᒻᒪ ᒪᓕᒐᓕᐊᖑᔪᒪᔪᓂᒃ ᐱᕙᓪᓕᐊᑎᑦᑎᕙᒡᓗᓂ ᐃᖅᑲᖅᑐᖅᑕᐅᔾᔪᑎᕕᓃᑦ ᒪᓕᒡᓗᒋᑦ ᐃᖅᑲᖅᑐᐃᓂᐅᔪᑦ ᐊᒃᑐᐃᑐᐃᓐᓇᕆᐊᓖᑦ ᐆᒻᒪᖅᑯᑎᓕᕆᔨᒃᑯᑦ ᐱᓕᕆᐊᒃᑯᒥᒋᔭᖏᓐᓂᒃ ᐅᕝᕙᓘᓐᓃᑦ ᐊᑎᖓᓄᑦ.
- ᑎᑎᕋᖅᑕᐅᒋᐊᕐᖓᖅᑐᑦ, ᕿᒥᕐᕈᔭᐅᔪᑦ, ᐊᒻᒪ ᐱᐅᓯᕚᓪᓕᖅᑎᓪᓗᒋᑦ ᑎᑎᖅᑲᙳᖅᑎᑕᐅᔪᑦ, ᐃᓚᓕᐅᑎᓗᒋᑦ ᑲᒪᒋᔭᐅᓗᑎᒃ ᑎᑎᖅᑐᖅᑕᐅᒋᐊᓕᑦ ᐊᒻᒪ ᑕᑕᑎᕆᐊᓕᑦ ᒪᓕᒃᑕᐅᒋᐊᓕᑦ, ᑎᑎᖅᑲᑦ, ᑳᓐᑐᓛᑦ, ᐊᒻᒪ ᑳᓐᑐᓛᒃᑎᑦᑎᓂᐊᕐᓗᓂ ᑎᑎᕋᖅᓯᒪᕙᒌᖅᑐᑦ, ᐊᑭᑦᑐᕋᐅᑎᓃᑦ, ᐅᓂᒃᑳᑦ, ᑐᓴᒐᒃᓴᑦ, ᐱᖁᔨᕗᖔᓕᐊᕆᔭᑦ ᐊᒻᒪ ᐊᑐᐊᒐᑦ, ᒪᓕᒐᖅᑎᒍᑦ ᑐᑭᓕᐅᖅᓯᒪᔪᑦ, ᐃᖅᑲᓇᐃᔭᕐᓂᕐᒧᑦ ᐱᔾᔪᑕᐅᓲᑦ, ᕿᒃᓵᖕᓃᑦ, ᐊᒻᒪ ᐊᑲᐅᙱᓪᓕᐅᕈᑎᑦ ᐋᖅᑭᒋᐊᖅᑕᐅᕙᒡᓗᑎᒃ, ᒪᓕᒐᓕᕆᔨᒃᑯᓐᓂ ᐊᒻᒪ ᑮᓇᐅᔭᑦ ᐱᓕᕆᐊᖑᑎᓪᓗᒋᑦ, ᓂᐅᕕᕐᓂᐊᖅᑎᓪᓗᒋᑦ ᐅᖃᐅᔾᔭᐅᕙᒡᓗᑎᒃ, ᑳᓐᑐᓛᓂᒃ ᐋᔩᖃᑎᖃᖅᐸᒡᓗᑎᒃ, ᑳᓐᑐᓛᓂᒃ ᐊᑲᐅᙱᓪᓕᐅᕈᑎᑦ ᑲᒪᒋᓗᒋᑦ, ᑳᓐᑐᓛᑦ ᕿᒥᕐᕈᔭᐅᓗᑎᒃ ᐊᖏᖅᑕᐅᓗᑎᒡᓗ, ᐊᓯᖏᓪᓗ ᒪᓕᒐᓕᕆᔨᒃᑯᓐᓂ ᐊᒻᒪ ᒪᓕᒐᓕᕆᓂᕐᒨᖓᔪᑦ ᓴᖅᑭᑐᐃᓐᓇᕆᐊᓕᑦ ᑲᒪᒋᕙᖕᒥᓗᒋᑦ.
- ᖃᐅᔨᓴᕈᑎᑦ, ᖃᐅᔨᓇᓱᖕᓃᑦ ᐊᒻᒪ ᑐᓴᐅᒪᖃᑎᒌᖕᓂᖅ ᒪᓕᒐᖅᑎᒍᑦ ᐊᒻᒪ ᒪᓕᒋᐊᓕᒃᑎᒍᑦ ᐊᑦᑕᕐᓇᓕᕈᓐᓇᖅᑐᑦ ᐱᔾᔪᑎᒋᓗᒋᑦ ᓇᖕᒥᓂᖃᕐᓂᕐᒧᑦ ᐃᓱᒪᓕᐅᕈᑕᐅᔪᑦ ᐊᒻᒪ ᐊᐅᓚᓂᕆᐅᔪᑦ ᐅᖃᐅᔾᔪᖅᑐᐃᕙᒡᓗᑎᒡᓗ ᐊᑑᑎᖃᑦᑎᐊᖅᑐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᐅᓚᑦᑎᔾᔪᓯᕐᓄᑦ ᐊᒻᒪ ᒪᓕᒐᓕᕆᔾᔪᑎᑦ ᑎᑎᕋᖅᑕᐅᒋᐊᓕᑦ ᐃᓱᒪᒋᖃᓯᐅᑎᕙᒡᓗᒋᑦ.
- ᐱᓕᕆᖃᑎᖃᖅᐸᒡᓗᓂ ᐱᔾᔪᑎᓕᖕᓄᑦ ᖃᐅᔨᒪᔨᑕᕐᓂᒃ ᑐᑭᓕᐅᕐᓂᐊᕐᓗᒋᑦ ᒪᓕᒐᓕᐊᖑᔪᒪᔪᑦ ᒪᓕᒋᐊᓕᑦ ᐊᑐᐃᓐᓇᕈᖅᑎᓪᓗᒋᓪᓗ ᒪᓕᒐᖅᑎᒍᑦ ᐱᓕᕆᐊᖑᖔᕈᓐᓇᖅᑐᑦ ᐊᒻᒪ ᐅᖃᐅᔾᔪᖅᓱᕐᓗᒋᑦ ᐱᓕᕆᕝᕖᑦ ᐅᖃᐅᔾᔪᖅᓱᖁᔭᐅᒑᖓᑕ.
- ᕿᒥᕐᕈᕙᒡᓗᒋᑦ ᑳᓐᑐᓛᓕᐊᕆᔭᐅᔪᑦ, ᐊᑐᖅᑐᐊᖅᑕᐅᔪᑦ, ᐊᓯᖏᓪᓗ ᒪᓕᒐᖅᑎᒍᑦ ᑎᑎᖅᑲᖁᑎᒋᔭᐅᔪᑦ; ᖃᐅᔨᓴᖅᐸᒡᓗᒋᑦ ᒪᓕᒐᖅᑎᒍᑦ ᐱᔾᔪᑎᓖᑦ ᐊᒻᒪ ᐱᖁᔨᕗᖔᓕᐅᖅᐸᒡᓗᒋᑦ ᐋᖅᑭᒋᐊᖅᑕᐅᔭᕆᐊᖃᖅᑐᖃᕌᖓᑦ.
- ᑭᒡᒐᖅᑐᐃᕙᒡᓗᑎᒃ ᐅᕝᕙᓘᓐᓃᑦ ᑲᒪᒋᕙᒡᓗᒋᑦ ᑭᒡᒍᖅᑐᖅᑕᐅᓂᖏᑦ ᒪᓕᒐᓕᕆᔨᒃᑯᓐᓂ ᐊᒻᒪ ᐊᒡᓚᕝᕕᓕᕆᔨᒃᑯᓐᓂ ᐱᓕᕆᐊᖑᔪᓂᒃ ᐊᒻᒪ ᐋᔩᖃᑎᖃᖅᑎᓪᓗᒋᑦ ᐊᓯᖏᓐᓂᒃ ᑎᒥᖁᑎᒋᔭᐅᔪᓂᒃ, ᑲᑐᔾᔨᖃᑎᒌᓂᒃ, ᐅᕝᕙᓘᓐᓃᑦ ᓄᓇᕗᑦ ᒐᕙᒪᒃᑯᓐᓂ ᐱᓕᕆᕝᕕᖕᓂ.
- ᐱᕙᓪᓕᐊᑎᑦᑎᓲᑦ ᐊᒻᒪ ᐃᖏᕐᕋᑎᑦᑏᓐᓇᓲᑦ ᐊᑑᑎᖃᑦᑎᐊᖅᑐᓂᒃ ᐱᓕᕆᖃᑎᒌᒍᓯᕐᓂᒃ ᓯᓚᓂᙶᖅᑐᓂᒃ ᐅᖃᐅᔾᔨᔨᓂᒃ ᐱᓇᔪᒃᑎᓪᓗᒋᑦ ᒪᓕᒐᖅᑎᒍᑦ ᐱᓕᕆᐊᖑᖔᕈᓐᓇᖅᑐᓂᒃ ᐅᕝᕙᓘᓐᓃᑦ ᑲᒪᒋᓂᐊᕐᓗᒋᑦ ᐱᓇᔪᒍᑕᐅᔪᑦ ᐊᒻᒪ ᐃᖅᑲᖅᑐᐃᕕᒃᑰᖅᑎᑦᑎᕙᒡᓗᑎᒃ ᐃᖅᑲᖅᑐᐃᕕᒃᑰᖅᑎᑦᑎᒋᐊᖃᕌᖓᑕ.
ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ:
- ᒪᓕᒐᓕᕆᔨᒃᑯᑦ ᑲᓇᑕᒥ ᐃᖅᑲᖅᑐᐃᕕᓕᕆᔨᒃᑯᓐᓂ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᕕᒃ.
- ᐃᓚᒋᔭᐅᔾᔪᑎᖃᖅᑐᑦ ᓄᓇᕗᒻᒥ ᐃᖅᑲᖅᑐᐃᕕᓕᕆᔨᒃᑯᓐᓂ.
- ᐅᑭᐅᓄᑦ ᑕᓪᓕᒪᓄᑦ ᐃᓚᓕᐅᑎᓗᒋᑦ ᖃᐅᔨᖃᑦᑕᖅᓯᒪᔭᑎᑦ ᑭᒃᑯᑐᐃᓐᓇᓂᒃ ᐊᒻᒪ ᐃᓄᖕᓂᒃ ᐱᓕᕆᐊᖑᖃᑦᑕᖅᓯᒪᔪᓂᒃ ᐊᒻᒪ ᐊᒡᓚᕝᕕᓕᕆᓂᕐᒧᑦ ᒪᓕᒐᕐᓂᒃ, ᐊᑲᐅᓇᔭᖅᖢᓂ ᐱᓕᕆᕝᕕᒋᔭᐅᔪᒦᑉᐸᑦ ᐅᕝᕙᓘᓐᓃᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓃᑉᐸᑦ.
- ᖃᐅᔨᖃᑦᑕᕐᓂᑰᓗᓂ ᑳᓐᑐᓛᒃᑎᑦᑎᓂᕐᒧᑦ ᓇᖕᒥᓂᖃᕐᕕᖕᒥ ᐋᔩᖃᑎᒌᒍᑎᓂᒃ, ᒐᕙᒪᒃᑯᓐᓂ ᓂᐅᕕᐊᖑᔪᓂᒃ, ᑐᑭᓕᐅᖅᑕᐅᔪᓂᒃ ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎᓂᒃ, ᕿᒃᓵᖕᓂᕐᒧᑦ ᒪᓕᒃᑕᐅᒋᐊᓕᖕᓂᒃ, ᐊᒻᒪ ᐊᑦᑕᑕᖅᑎᑕᐅᓯᒪᔪᑦ ᐋᔩᖃᑎᒌᒍᑎᓂᒃ.
ᐃᑲᔪᕐᓂᖃᕋᔭᖅᑐᑦ:
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $128,034.52−ᒥ $166,998.03−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $16,008−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᒍᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᒋᔭᐅᙱᑦᑐᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᑎᑎᖅᑲᒃᑯᑦ ᐱᓇᓱᐊᕐᓗᑎᑦ ᒪᐃ 26 , 2023-ᒥ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.