ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.
ᖁᓕᖅ ᐆᒻᒪᖅᑯᑎᓕᕆᔨᒃᑯᑦ 21-055 ᓂᐅᕕᐊᓄᑦ ᑲᒪᔨ
ᐃᖃᓗᖕᓃᖦᖢᓂ, ᓄᓇᕗᒻᒥ ᑐᓴᖅᑎᑦᑎᕙᒃᖢᓂᓗ ᓱᓇᒃᑯᑖᖃᖅᑎᑦᑎᕙᒃᑐᑦ ᐊᐅᓚᑦᑎᔨᖓᓄᑦ, ᓂᐅᕕᐊᓄᑦ ᑲᒪᔨ ᐱᓕᕆᐊᒃᓴᖃᖅᐳᖅ ᓇᓗᓇᐃᖅᓯᕙᒡᓗᓂ ᖁᓪᓕᒃᑯᑦ ᓂᐅᕕᐊᕆᕙᒃᑕᖏᑦ ᐱᓕᕆᐊᖑᖃᑦᑕᕐᓂᖏᓐᓂ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᓂᐅᕕᐊᖏᓐᓄᑦ ᑳᑦᑐᓛᖏᑕᓗ ᐊᑐᐊᒐᖏᓐᓂᒃ, ᐱᓕᕆᔾᔪᓯᖏᓐᓂᒃ, ᐊᑐᐊᒐᖏᓐᓂᒃ, ᐊᒻᒪ ᒪᓕᒐᖏᓐᓂᒃ. ᑖᔅᓱᒥᖓ ᐃᖅᑲᓇᐃᔮᓕᒃ ᐱᓕᕆᐊᒃᓴᖃᕆᕗᖅ ᐅᖃᐅᔾᔨᕙᒡᓗᓂ, ᐊᔪᕆᖅᓲᔾᔨᕙᒡᓗᓂ, ᐊᒻᒪ ᐃᑲᔪᖅᑐᐃᕙᒡᓗᓂ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᑳᑦᑐᓛᖏᑕ ᐱᓕᕆᔾᔪᓯᖏᓐᓂᒃ, ᑲᒪᒋᔭᖃᖅᖢᓂ ᓇᓗᓇᐃᔭᖅᓯᒪᔪᒥᒃ ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖓᓂ ᐊᑭᑦᑐᕋᐅᑎᓕᒫᓄᑦ ᐊᒻᒪ ᑳᑦᑐᓛᓕᒫᓄᑦ, ᐊᒻᒪ ᐋᖅᑭᒋᐊᕈᑎᒃᓴᓂᒃ ᐋᖅᑭᒃᓯᕙᒡᓗᓂ ᐱᔭᕆᑐᔪᑦ ᓂᐅᕕᐊᖑᔪᑦ ᐱᓕᕆᐊᒃᓴᖏᓐᓂᒃ ᐋᖅᑭᒃᓱᐃᓗᓂ.
ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
- ᐊᔪᕆᖅᓱᐃᔾᔨᕙᒡᓗᓂ ᐊᑐᓕᖁᔨᕙᒡᓗᓂᓗ ᑐᒃᓯᕋᐅᑏᑦ ᐱᓕᕆᔾᔪᓯᖏᓐᓂᒃ (ᑭᒃᑯᑐᐃᓇᓄᑦ ᐊᑭᑦᑐᕋᐅᑎᑦ, ᓂᕈᐊᖅᑕᐅᓯᒪᔪᓂ ᖃᐃᖁᔨᔾᔪᑎᓂᒃ, ᑐᕌᖓᓪᓚᑦᑖᖅᑐᓂ ᖃᐃᖁᔨᔾᔪᑎᓂᒃ) ᑭᓱᑖᕆᔭᐅᕙᓪᓕᐊᔭᕆᐊᓕᖕᓄᑦ ᐱᓕᕆᔾᔪᓯᓂᒃ (ᑐᒃᓯᕋᐅᑦ ᐊᑭᑦᑐᕋᐅᑎᓄᑦ, ᑐᒃᓯᕋᐅᑎᓂᒃ ᐱᔪᒪᔾᔪᑎᓂᒃ, ᐊᓯᖏᓪᓗ.)
- ᐅᖃᐅᔾᔨᒋᐊᖅᐸᒡᓗᓂ ᐱᕙᓪᓕᐊᓂᕐᒧᑦ ᐱᓕᕆᕝᕕᖕᒥᐅᑕᕐᓄᑦ ᒪᓂᒪᑎᑕᐅᔪᓄᑦ ᖃᖓᑐᐃᓐᓇᖅ ᐱᔭᐅᓇᓱᒍᓐᓇᖅᑐᓄᑦ ᐊᖏᕈᑎᓕᐊᓄᑦ ᐊᒻᒪ ᐱᔨᑦᑎᕋᕐᓂᒃᑯᑦ ᐊᖏᖃᑎᒌᒍᑎᒃᑰᖅᓯᒪᔪᓂᒃ ᐊᔪᙱᓐᓂᖅᓴᐅᖁᓪᓗᒋᑦ ᐊᐅᓚᓂᕆᔭᐅᔪᑦ ᐱᔨᑦᑎᕋᕐᓂᕐᒧᑦ ᐊᑐᖅᑕᐅᕙᒃᑐᑦ ᐊᔾᔨᑲᓴᖏᓐᓂᒃ ᐊᖏᖃᑎᒌᖕᓃᑦ ᐊᑐᖅᑕᐅᑎᓪᓗᒋᑦ.
- ᐋᖅᑭᒃᓱᐃᕙᒡᓗᓂ ᐊᑭᑦᑐᕋᐅᑎᓂᕐᒧᑦ ᑎᑎᖅᑲᖁᑎᒋᔭᐅᔪᓂ ᐊᐅᓚᑦᑎᕙᒡᓗᓂᓗ ᐊᑭᑦᑐᕋᐅᑎᔾᔪᑕᐅᔪᓂ ᐊᐅᓚᑦᑎᑦᑎᐊᕐᓂᕐᒧᑦ ᐊᑭᑐᔫᑎᓄᓪᓗ ᐱᓕᕆᐊᓄᑦ.
- ᐊᔪᕆᖅᓱᐃᔾᔨᕙᒡᓗᓂ ᐃᖅᑲᓇᐃᔭᖅᑎᓄᑦ ᐱᓕᕆᐊᒃᓴᓂᑦ ᐊᑭᑦᑐᕋᐅᑎᔾᔪᑎᓄᑦ ᐊᒃᑐᐊᓂᓕᖕᓂᑦ, ᐊᑭᑦᑐᕋᐅᑎᑦ ᐅᒃᑯᐃᖅᑕᐅᕙᓪᓕᐊᓂᖓ, ᐱᕙᒌᔭᖅᐸᒡᓗᓂᓗ ᐊᑭᑦᑐᕋᐅᑎᓂᑦ ᖃᐅᔨᓴᖅᑕᐅᔪᑦ ᐅᓂᒃᑳᖏᓐᓂ, ᐊᒻᒪ ᐊᑐᓕᖁᔨᔾᔪᑎᓂᒃ ᑎᑎᕋᖅᐸᒡᓗᓂ ᑳᑦᑐᓛᑖᖅᑎᑕᐅᓂᐊᖅᑐᓄᑦ.
- ᓄᑖᙳᕆᐊᖅᑎᑦᑎᕙᒃᑐᖅ ᐋᖅᑭᒋᐊᖅᓯᕙᒃᖢᓂᓗ ᑎᑎᕋᖅᓯᒪᕙᒌᖅᑐᓂᑦ, ᐅᖃᓕᒫᒐᕐᓂᑦ, ᑎᑎᕋᕆᐊᓕᖕᓂᒃ ᐊᒻᒪ ᐊᔪᕆᖅᓲᔾᔨᓯᒪᔪᓂᒃ ᒪᓕᒐᓕᕆᔨᒥᒃ ᑐᓴᕋᓱᖕᓂᐊᕐᓗᓂ.
- ᑲᒪᒋᔭᖃᖃᑦᑕᕐᓗᓂ ᑳᑦᑐᓛᓂᒃ ᓂᐅᕕᖅᑕᐅᕙᓪᓕᐊᔪᓂᓪᓗ ᐅᑯᓂᖓᓗ ᑮᓇᐅᔭᐃᑦ ᑎᑎᕋᖅᓯᒪᔪᖁᑎᖏᑦ.
ᐅᑯᐊ ᐊᔪᙱᑦᑕᕆᐊᓖᑦ:
- ᓯᓚᑦᑐᖅᓴᕐᕕᖕᒥ ᐃᓱᓕᑦᑎᓯᒪᒋᐊᓕᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᔨᐅᓂᕐᒧᑦ, ᑭᒃᑯᑐᐃᓐᓇᕐᓄᑦ ᐊᐅᓚᑦᑎᓂᕐᒧᑦ ᐊᒃᑐᐊᓂᓕᖕᓂᓪᓗ ᐋᖅᑭᒃᓱᐃᓂᕐᒥᒃ.
- ᐊᕐᕌᒍᓂ ᑕᓪᓕᒪᓂᒃ ᓂᐅᕕᕐᓂᕐᒧᑦ, ᐊᑭᑦᑐᕋᐅᑎᓂᕐᒧᑦ, ᐊᒻᒪ ᑳᑦᑐᓛᓂᒃ ᐊᐅᓚᑦᑎᓂᕐᒧᑦ ᐱᓕᕆᖃᑦᑕᖅᓯᒪᓗᓂ.
- ᑐᑭᓕᐅᕆᔪᓐᓇᕐᓗᓂ ᓂᐅᕕᖅᐸᒃᑐᑦ ᒪᓕᒐᖏᓐᓂᒃ, ᒪᓕᒋᐊᓕᖕᓂᒃ ᐊᒻᒪ ᐊᑐᐊᒐᖏᓐᓂᒃ.
ᐃᑲᔫᑎᖃᕋᔭᖅᑐᑦ:
- ᓇᓗᓇᐃᖅᓯᔪᓐᓇᑦᑎᐊᕐᓗᓂ ᓱᓇᒃᑯᑖᖃᖅᑎᑦᑎᕙᒃᑐᑦ ᐊᐅᓚᑦᑎᔨᒻᒪᕆᖓᓄᑦ, ᓂᐅᕕᖅᑕᐅᔪᓂᑦ ᑳᑦᑐᓛᒃᑕᐅᔪᓪᓗ ᐊᐅᓚᑦᑎᔨᖏᑕ ᐱᓕᕆᐊᖓᓂᒃ, ᐱᓕᕆᐊᒃᓴᓕᕆᔨᑦ ᐊᐅᓚᑦᑎᔨᒻᒪᕆᖏᑦ, ᐊᔾᔨᑲᓴᖓᓂᓪᓘᓐᓃᑦ ᑎᒃᑯᐊᖅᑕᐅᓯᒪᓗᓂ ᐃᑲᔪᕐᓂᖃᕋᔭᖅᑐᖅ.
- ᐱᓕᕆᖃᑦᑕᕐᓂᑰᓗᓂ ᒐᕙᒪᒃᑯᑦ ᐃᖅᑲᓇᐃᔭᕐᕕᖕᒥ ᐃᑲᔫᑎᖃᕋᔭᖅᐳᖅ.
- ᐱᓕᕆᖃᑦᑕᕐᓂᑰᓗᓂ ᐆᒻᒪᖅᑯᓯᓕᕆᔨᓂᑦ ᐃᑲᔫᑎᖃᕋᔭᖅᐳᖅ.
- ᐱᓕᕆᐊᒃᓴᒥᑦ ᐊᐅᓚᑦᑎᓕᒪᒋᐊᓕᒃ ᐸᕐᓇᖃᑦᑕᕐᓗᓂ ᐃᓂᒃᓴᓕᐅᖅᐸᒡᓗᓂᓗ, ᐊᑐᖅᑕᐅᖃᑦᑕᖅᑐᓂ ᐊᐅᓚᑦᑎᕙᒡᓗᓂ, ᓇᓚᐅᑦᑖᖅᐸᒡᓗ ᐱᕙᓪᓕᐊᔪᓂᒡᓗ ᐅᓂᒃᑳᓕᐅᖅᐸᒡᓗᓂ ᐊᔪᙱᑉᐸᑦ ᐃᑲᔪᕐᓂᖃᕋᔭᖅᑐᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂᒃ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $93, 268.50−ᒥ $108, 946.50−ᒧ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᑦᓱᑕ $15,016.00−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᕕᕝᕗᐊᓕ 11, 2022 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.