ᐱᔪᒥᓇᒃᑲᓐᓂᖅᑐᒥᒃ ᐃᖃᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᓄᐊᑦᓯᓂᕐᒧᑦ ᐃᑲᔪᖅᑎ (QEC-22-042) ᒪᕐᕉᒃ ᐃᖅᑲᓇᐃᔮᑦᓵᒃ
ᑲᖏᖅᖠᓂᖅ, ᓄᓇᕗᑦ
ᐅᖃᕐᕕᖃᖅᐸᓪᓗᓂ ᓄᐊᑦᓯᓂᕐᒧᑦ ᐊᖓᔪᖅᑳᖓᓐᓂᒃ, ᓄᐊᑦᓯᓂᕐᒧᑦ ᐃᑲᔪᖅᑎ ᑲᒪᒋᔭᖃᕐᓂᐊᖅᑐᖅ ᐱᒋᐊᖅᑎᑦᑎᖃᑦᑕᕐᓂᐊᖅᐳᑎᑦ, ᖃᐅᔨᓴᖅᐸᒡᓗᑎᑦ ᐊᒻᒪ ᐃᑲᔪᖅᓱᐃᕙᒡᓗᑎᑦ ᐊᑭᓕᖅᓱᐃᔨᓄᑦ ᐊᐅᓚᓂᕆᔭᐅᔪᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᐅᓚᓪᓗᒋᑦ ᓈᒻᒪᖅᑰᑦᑎᓗᑎᒃ ᑲᑎᖅᓱᕆᐊᓖᑦ ᐆᒻᒪᖅᑯᑎᓄᑦ ᑮᓇᐅᔭᑦ ᐅᑎᖅᑐᒃᓴᑦ. ᑖᓐᓇ ᐃᖅᑲᓇᐃᔮᖅ ᓄᑖᙳᖅᑎᕆᖃᑦᑕᕐᓂᐊᖅᑐᖅ ᑲᒪᒋᔭᖃᕐᓗᓂᓗ ᑕᒪᖅᓯᒪᖏᑦᑐᓂᑦ ᑎᑎᕋᖅᓯᒪᔪᓂᑦ ᐊᑭᓕᖅᑐᐃᔨᓄᑦ ᐱᔾᔪᑎᖃᖅᑐᓂᑦ ᓄᐊᑦᓯᓂᕐᒧᑦ ᐃᓗᐊᓂ ᐊᑭᓕᖅᑐᐃᔩᑦ ᑐᓴᒐᒃᓴᓂᒃ ᑲᑎᖅᓱᐃᕝᕕᒃ ᖃᕆᑕᐅᔭᑎᒍᑦ ᐊᑐᖅᑕᐅᖃᑦᑕᖅᑐᒥᒃ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᕿᒥᕐᕈᓂᕐᒧᑦ ᑮᓇᐅᔭᓂᑦ ᐅᑎᖅᑐᑦᓴᓂᒃ ᑕᖅᑭᑕᒫᑦ ᖃᐅᔨᒃᑲᐃᖃᑦᑕᕐᓗᓂᓗ ᐊᑭᓖᓯᒪᖏᑦᑐᓂᒃ ᐊᑭᓕᕆᐊᓂᓐᓄᑦ.
- ᐊᑐᐃᓐᓇᕈᖅᑎᕆᓂᕐᒧᑦ 48-ᐃᑲᕐᕋᐃᑦ ᐆᒻᒪᖅᑯᑎᖏᑦ ᑭᐱᔭᐅᓂᐊᕐᓂᖏᓐᓄᑦ ᖃᐅᔨᒃᑲᐃᔾᔪᑎᓂᑦ ᐊᑭᓖᓯᒪᖏᑦᑐᓂᒃ ᖃᐅᔨᒋᐊᕐᕕᖃᑲᓐᓂᖃᑦᑕᕐᓂᕐᒧᓪᓗ ᐆᒻᒪᖅᑯᑎᖃᕐᕕᐅᑉ ᐃᖅᑲᓇᐃᔭᖅᑎᖏᓐᓂᒃ ᓇᓗᓇᐃᖅᓯᓂᕐᒧᑦ ᑲᔪᓯᑎᑦᓯᓂᕐᒧᑦ ᖃᐅᔨᒃᑲᐃᔾᔪᑎᓂᒃ.
- ᑲᒪᒋᔭᓕᒃ ᑕᒪᖅᓯᒪᖏᑦᑐᓂᒃ ᑎᑎᕋᖅᓯᒪᔪᓂᑦ ᖃᐅᔨᒃᑲᐃᔾᔪᑎᓄᑦ ᑲᔪᓯᑎᑦᓯᓂᕐᒧᑦ ᐊᑭᓕᖅᑐᐃᔨᓄᑦ ᐃᓗᐊᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᑭᓕᖅᑐᐃᔪᓄᑦ ᑐᓴᒐᒃᓴᓂᒃ ᑲᑎᖅᓱᐃᕝᕕᒃ ᖃᕆᑕᐅᔭᑎᒍᑦ ᐊᑐᖅᑕᐅᖃᑦᑕᖅᑐᓂᑦ.
- ᐊᑐᖅᑎᑦᑎᕙᒃᐳᖅ ᓈᒻᒪᒃᑐᓂᒃ ᐊᑭᓕᒐᒃᓴᓂᒃ ᐊᑐᖅᑏᑦ ᐊᑭᓕᖅᓴᖃᕐᕕᒋᔭᖏᓐᓄᑦ ᐊᑕᔪᓐᓃᖅᑕᐅᓂᐊᕐᓗᑎᑦ ᖃᐅᔨᑎᑦᑎᔾᔪᑎᓂᒃ.
- ᑭᐅᖃᑦᑕᕐᓗᓂ ᐊᑭᓕᖅᑐᐃᔪᓄᑦ ᓄᐊᑦᓯᓂᕐᒧᑦ ᑐᑭᓯᒋᐊᕈᑕᐅᔪᓄᑦ, ᐋᔩᖃᑎᖃᕋᓱᐊᕐᓂᕐᒧᑦ ᐊᑭᓕᖅᑐᐃᓂᕐᒧᑦ ᐋᖅᑭᑦᓱᐃᓂᕐᒧᑦ ᖃᐅᔨᒃᑲᐃᖃᑦᑕᕐᓂᕐᒧᓪᓗ ᐊᑭᓖᖏᑦᑐᓂᒃ ᐊᑐᖅᑕᐅᔭᕆᐊᓕᓐᓄᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᑮᓇᐅᔭᒃᑯᕕᒻᒨᖅᓯᓂᕐᓂᒃ ᐆᒻᒪᖅᑯᑎᑖᑲᓐᓂᕐᓂᕐᒧᑦ ᐱᔨᑦᓯᕋᐅᑎᓄᑦ.
- ᖃᐅᔨᒪᒋᐊᖅᐸᓪᓗᒋᑦ ᓈᒻᒪᖕᒪᖔᑕ ᑲᑎᖅᓱᖅᑕᐅᔪᑦ ᖃᓄᐃᓕᖓᓂᖏᑦ ᐊᒻᒪ ᓇᓗᓇᐃᖅᓯᕙᒡᓗᑎᑦ ᐱᓕᕆᐊᕆᔭᐅᒃᑲᓐᓂᕆᐊᖃᕐᒪᖔᑦ;
- ᕿᒥᕐᕈᕙᒡᓗᒋᑦ ᐆᒻᒪᖅᑯᑎᓄᑦ ᐊᑭᓕᖅᓱᖅᑕᐅᕙᓚᐅᖅᑐᑦ ᐊᑐᕈᓐᓃᖅᑐᑦ ᐊᒻᒪ ᐊᑭᓕᖅᓱᐃᔨᓄᑦ ᐊᑭᓕᖅᓱᖅᑕᐅᔪᑦ ᐅᕝᕙᓘᓐᓃᑦ ᖄᖏᐅᑎᓪᓗᑎᒃ ᐊᑭᓕᐅᑕᐅᓯᒪᔪᑦ ᐊᑭᓕᒃᓴᐅᔅᓲᔭᖅᑐᓄᑦ.
- ᑐᓴᐅᒪᖃᑎᒋᕙᓪᓗᒋᑦ ᐊᑭᓕᒐᒃᓴᓕᕆᔨᑦ, ᑮᓇᐅᔭᑎᒍᑦ ᐊᑭᓖᔪᓄᑦ ᐊᑭᓕᒐᒃᓴᓕᕆᔨᑦ ᐊᒻᒪ ᐊᖓᔪᖅᑳᖅ, ᐊᑭᓕᖅᓱᐃᔨᑦ ᐊᑭᓕᒃᓴᖅᑖᕈᑎᖏᑦ ᓈᒻᒪᒃᓯᓕᖅᐸᒡᓗᒋᑦ ᐋᖅᑭᒋᐊᖅᐸᒡᓗᒋᓪᓗ ᓈᒻᒪᖅᑰᑦᑎᓗᑎᑦ.
- ᑎᑎᖅᑲᑎᒍᑦ ᑐᓴᐅᒪᑎᑦᓯᕙᓪᓗᓂ ᐊᐅᓚᔾᔪᑎᓄᑦ ᐃᖅᑲᓇᐃᔭᖅᑎᓂᑦ ᐱᔾᔪᑎᖃᖅᑐᓂᑦ ᑐᑦᓯᕋᐅᑎᓄᑦ ᓯᕿᕐᖑᔭᐅᔭᕐᓂ ᖃᐅᔨᓇᓱᐊᕐᓂᕐᒧᑦ ᐃᑲᔪᖅᑐᐃᓂᕐᒧᑦ ᖃᓄᐃᑦᑐᑐᐃᓐᓇᕐᓂᑦ ᓄᐊᑦᓯᓂᕐᒧᑦ ᓱᓕᕆᓂᐅᔪᓂᑦ ᖃᐅᔨᒋᐊᑲᓐᓂᖃᑦᑕᕐᓗᓂᓗ ᐊᑭᓕᖅᑐᐃᔨᓂᑦ ᖃᐅᔨᒃᑲᕐᓂᐊᕐᓗᒋᑦ ᖃᓄᐃᓕᐅᕐᐸᓪᓕᐊᓂᐅᔪᓄᑦ ᐱᔾᔪᑎᓕᓐᓂᒃ ᑐᑭᓯᒋᐊᑲᓐᓂᕈᑕᐅᔪᓄᑦ ᐊᑲᐅᙱᓪᓕᐅᕈᑕᐅᔪᓄᓪᓗ.
ᐱᔭᐅᓯᒪᔭᕆᐊᓖᑦ ᐊᔪᙱᓐᓂᕆᔭᐅᔪᑦ ᐅᑯᓂᖓ ᐃᓚᖃᖅᐳᑦ:
- ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐊᓂᒍᐃᔾᔪᑎ.
- ᐊᕐᕌᒍᓕᒫᒥ ᐊᑭᓕᖅᓱᐃᔪᓂ ᐱᔨᑦᑎᕋᕐᓂᑰᓗᓂ.
- ᐊᑕᐅᓯᕐᒥᒃ ᐊᕐᕌᒍᒥᒃ ᐱᓕᕆᖃᑦᑕᖅᓯᒪᓂᑰᓗᓂ ᑎᑎᕋᕐᕕᖕᒥ ᐊᐅᓚᑦᑎᕝᕕᖃᕐᓂᕐᒥᒃ.
ᐃᑲᔪᕐᓂᖃᕋᔭᖅᑐᑦ:
- ᐊᑭᓕᒃᓴᕆᔭᐅᔪᓂᒃ ᓄᐊᑦᑎᖃᑦᑕᕐᓂᑰᒃᐸᑦ ᐃᑲᔫᑎᖃᕋᔭᖅᑐᖅ ;
- ᖃᐅᔨᒪᓗᓂ ᓄᓇᕗᒻᒥ, ᓄᓇᒥᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐃᑲᔫᑎᖃᕋᔭᖅᑐᖅ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ ᐃᑲᔫᑎᖃᕋᔭᖅᑐᖅ.
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $66,690.00−ᒥ $75,172.50-ᒧ ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᓪᓗᓂ $18,517.00−ᒥ ᐊᕐᕌᒍᒧᑦ. ᐊᑐᐃᓐᓇᐅᑎᑦᓯᖕᒥᔪᒍᑦ ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca.
ᑎᑎᖅᑲᒃᑯᑦ ᐱᓇᓱᐊᕐᓗᑎ, ᔭᓐᓄᐊᓕ 6, 2023 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᐃᓐᓂᒃ ᐱᓇᓱᖃᑕᐅᔪᒪᔪᓕᒫᑦ. ᑭᓯᐊᓂᑦᑕᐅᖅ, ᐱᓇᔪᒃᑐᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.