ᓄᓇᓕᖕᓂ ᓂᕈᐊᕐᓂᓕᕆᕙᓪᓕᐊᑎᓪᓗᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᑎᑦᑎᔪᒪᕗᑦ ᓄᓇᕗᒻᒥᐅᓂᒃ ᐊᑭᓐᓇᕐᒥᐅᑕᓂᒃ ᐃᓕᔭᐅᖃᑦᑕᖁᔨᙱᖦᖢᑎᒃ ᖃᐅᔨᒃᑲᐃᔾᔪᑎᓂᒡᓘᓐᓃᑦ ᓇᑉᐸᖅᑯᑎᓄᑦ. ᐊᑭᓐᓇᕐᒥᐅᑕᑦ ᓇᑉᐸᖅᑯᑎᓃᑦᑐᑦ ᒪᔪᕋᕐᕕᐅᔪᓐᓇᐃᓪᓕᔾᔪᑕᐅᔪᓐᓇᖅᑐᑦ, ᐊᒻᒪ ᐊᑦᑕᑎᖏᑦ ᓇᑉᐸᖅᑯᕐᒦᑎᑕᐅᓲᑦ ᐊᑦᑕᕐᓇᕈᑕᐅᕗᑦ ᐱᓕᕆᔾᔪᑎᓕᕆᔨᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐱᕆᒋᕗᑦ ᓄᓇᕗᒻᒥᐅᓂᒃ ᐅᔾᔨᖅᓱᐃᓐᓇᖁᔨᓪᓗᑎᒃ ᓇᑉᐸᖅᑯᑎᓂᒃ ᐅᑭᐅᓕᒫᖅ. ᐅᑯᐊ ᐳᐃᒍᖅᑕᐃᓕᓗᒋᑦ ᖃᒥᑦᑐᖃᖁᓇᒍ, ᐋᓐᓂᕐᔪᐊᖅᑐᖃᖁᓇᒍ, ᐃᓅᔪᓐᓃᖅᑐᖃᖁᓇᒍᓘᓐᓃᑦ:
- ᐳᐃᒍᖅᑕᐃᓕᒋᑦ ᐱᖓᓱᑦ ᒦᑕᓂᒃ ᐅᖓᓯᒋᔭᕆᐊᖃᕋᕕᒋᑦ ᓴᕕᒐᐅᔭᐃᑦ.
- ᐱᖁᑎᑦ ᐊᑐᖅᑕᐅᔪᑦ ᓇᑉᐸᖅᑯᑎᓄᑦ ᓲᕐᓗ ᓴᕕᒐᐅᔭᑦ ᑭᓱᓪᓘᓐᓃᑦ ᐊᐳᑎᒧᑦ ᓴᐅᓯᒪᑐᐃᓐᓇᕆᐊᖃᕐᒪᑕ. ᓇᑉᐸᖅᑯᑎᑦ ᐅᖓᓯᒋᓗᒋᑦ ᐃᖏᕐᕋᕙᒡᓗᓯ. ᐊᖁᑉᐸᒃᑐᓄᑦ ᑕᑯᔭᐅᔪᓐᓇᖁᓪᓗᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓕᐅᖅᑲᐃᓚᐅᖅᐳᑦ ᑕᖅᓵᖅᑐᓂᑦ ᓴᕕᒐᐅᔭᕐᓄᑦ ᐊᑐᖅᑕᐅᒐᔪᒃᑐᑎᒍᑦ ᐊᖅᑯᑎᒃᑯᑦ.
- ᐊᐳᑕᐃᔭᐃᕙᙱᓪᓗᑎᒃ ᓇᑉᐸᖅᑯᑎᓄᑦ ᐳᖅᑐᓯᑎᑦᑎᕙᙱᓪᓗᑎᓪᓘᓐᓃᑦ ᐊᐳᒻᒥᒃ ᓴᕕᒐᐅᔭᑦ ᖃᓂᒋᔮᒍᑦ. ᐃᓄᒃ ᐊᖁᑦᑐᕐᓘᓐᓃᑦ ᓴᕕᒐᐅᔭᒧᑦ ᐊᐳᖅᐸᑦ, ᐋᓐᓂᕈᓐᓇᒻᒪᕆᖕᒪᑦ ᐃᓅᔪᓐᓃᕐᓗᓂᓘᓐᓃᑦ.
- ᑕᑯᒋᐊᕈᑎᒥᒃ ᐊᑐᖅᐸᒡᓗᑎᑦ ᐃᖏᕐᕋᔾᔪᑎᒥᒃ ᐊᖁᓐᓂᐊᕌᖓᕕᑦ ᐊᖅᑯᑎᒋᓂᐊᖅᑕᐃᓪᓗ ᓇᓗᓇᕈᔪᒃᑳᖓᑦ. ᑕᐃᒪᐃᓕᐅᕆᐊᖃᕆᔭᐅᖕᒪᑕ ᓄᓇᕗᒥᐅᑦ ᐃᖅᑲᓇᐃᔭᖅᑎᑦ ᓄᓇᕗᒻᒥ ᐃᖅᑲᓇᐃᔮᒧᑦ ᐋᓐᓂᐊᖃᖅᑕᐃᓕᒪᓂᖅ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᑐᐊᒐᐃᑦ ᐅᕙᙵᑦ ᖃᕆᑕᐅᔭᒃᑯᑦ ᐱᔭᒃᓴᐅᔪᑦ: www.wscc.nu.ca.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᔪᒪᕗᑦ ᓄᓇᕗᒻᒥᐅᓂᒃ ᐃᑲᔪᐃᓐᓇᖅᐸᖕᓂᖏᓐᓄᑦ ᐊᑐᖅᖢᑎᒃ ᐊᑦᑕᕐᓇᙱᑦᑐᓂᑦ ᓇᑉᐸᖅᑯᑎᓂᒃ ᓴᕕᒐᐅᔭᐃᓪᓗ ᖃᓂᒋᔮᒍᑦ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᐲᐱ ᐱᓗᑑ
ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7520
bbilodeau@qec.nu.ca
File Attachment