ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᐱᓕᕆᐊᒃᓴᖃᖅᐳᑦ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒡᓗ ᐆᒻᒪᖁᑎᖃᖅᑎᑦᑎᕙᒡᓗᑎᒃ ᐊᑭᓕᖅᓱᐃᔨᓄᑦ ᓄᓇᕘᓕᒫᒥᑦ. ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐆᒻᒪᖁᑎᖃᖅᑎᑎᔨᐅᕗᑦ ᓄᓇᕗᒻᒥ ᐊᐅᓚᑦᑎᓪᓗᑎᒡᓗ 25-ᓂᒃ ᐃᒻᒥᒃᑰᖅᑐᓂᒃ ᐅᖅᓱᐊᓗᖕᒧᑦ ᐊᐅᓚᐅᑎᕐᔪᐊᓂᒃ ᐊᒻᒪᓗ ᐆᒻᒪᖁᑎᖃᖅᑎᑦᑎᔨᐅᓪᓗᑎᒃ ᓄᓇᕗᓕᒫᒥᑦ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᖃᐅᔨᒪᔭᐅᕗᖅ ᑲᔾᔮᕐᓇᖅᑐᒥᒃ ᑕᐅᑦᑐᖃᕐᒪᑦ ᓄᓇᖓ ᓂᕆᐅᓇᙱᑦᑐᓂᓪᓗ ᐱᕕᒃᓴᑦᑎᐊᕆᒃᖢᑎᒃ. ᐃᓚᐅᖃᑕᐅᒋᑦ ᐱᓕᕆᖃᑎᒋᔭᑦᑎᓐᓂ ᐊᒻᒪᓗ ᖃᐅᔨᕙᓪᓕᐊᓗᒋᑦ ᐅᑭᐅᒃᑯᑦ ᑲᔾᔮᕐᓇᕐᓂᖓ ᓯᑭᑑᒃᑯᑦ, ᐅᒥᐊᖅᑐᕐᕕᐅᕙᓚᐅᖅᑐᑦ ᖃᔭᒃᑯᑦ, ᐱᓱᔪᒡᓗᓂ ᓄᓇᖓᓂ ᐆᒪᔪᖃᐅᖅᑐᒥᑦ, ᐅᕝᕙᓘᓐᓃᑦ ᖃᐅᔨᓗᒋᑦ ᐃᓕᖅᑯᓯᕆᔭᐅᔪᑦ ᐃᓕᓴᕆᔭᐅᓯᒪᔪᑦ ᓴᓇᙳᐊᖅᑕᐅᕙᒃᑐᓂ, ᓂᔾᔭᐅᓯᔭᖅᑎᓂᒃ ᐊᒻᒪᓗ ᓂᕿᖏᑦ. ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕘᓕᒫᒥ.
ᓇᓪᓕᐅᒃᑯᒫᓄᑦ ᐃᑦᑐᖅᓯᐅᑏᑦ ᐃᑲᔫᓯᐊᒃᓴᓄᓪᓗ ᐊᐅᓚᑦᑎᔨ (QEC-23-011)
ᖃᒪᓂ'ᑐᐊᖅ, ᓄᓇᕗᑦ
ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᑮᓇᐅᔾᔭᒃᓵᓄᑦ, ᐃᓐᓇᖅᓯᐅᑎᑖᕆᔭᐅᕙᒃᑐᓄᑦ ᐃᑲᔫᑎᓄᓪᓗ, ᐃᓐᓇᖅᓯᐅᑎᑖᕆᔭᐅᕙᒃᑐᓄᑦ ᐸᕐᓇᐅᑎᓄᑦ ᐊᐅᓚᑦᑎᔨ ᑲᒪᒋᔭᒃᓴᖃᕐᓂᐊᖅᐳᖅ ᐊᐅᓚᑕᐅᒋᐊᓕᖕᓂᒃ ᐆᒻᒪᖅᑯᑎᖃᕐᕕᖕᒥ ᐃᑲᔫᑎᓄᑦ ᐃᑦᑐᖅᓯᐅᑎᓄᓪᓗ ᐸᕐᓇᒃᑕᐅᒋᐊᓕᖕᓄᑦ, ᐃᓚᓕᐅᔾᔭᐅᓪᓗᑎᒃ ᐃᖅᑲᓇᐃᔭᖅᑎᑖᖅᐸᓪᓕᐊᓕᖅᑎᓪᓗᒋᑦ ᑎᑎᖅᑲᐅᓯᕆᔭᐅᒋᐊᓕᑦ ᑐᓐᓂᖅᑯᑕᐅᒋᐊᓕᓪᓗ, ᐊᓂᑦᑎᓂᐊᕐᓗᓂ ᐱᓕᕆᔾᔪᓰᑦ, ᐃᓅᓯᓕᕆᕙᒡᓗᒋᑦ ᐃᖅᑲᓇᐃᔭᖅᑏᑦ ᖃᓂᒋᔭᖏᓐᓂᒃ ᐃᓅᔪᓐᓃᖅᑐᖃᖅᑎᓪᓗᒍ ᐊᒻᒪ ᑎᒥᒥᒍᑦ ᐊᔪᕈᑎᓕᖕᓄᑦ ᐱᓇᔫᑎᓄᑦ, ᑐᓴᐅᒪᑎᑦᑎᔨᐅᕙᒡᓗᓂᓗ ᐃᑲᔫᓯᐊᖅᑎᑦᑎᔨᓄᑦ ᐊᒻᒪ ᐃᓐᓇᐅᓗᐊᓕᖅᑐᓄᑦ ᐃᖅᑲᓇᐃᔭᖅᑎᐅᔪᓐᓃᖅᑐᑦ ᓄᖅᑲᖅᑎᓪᓗᒋᑦ ᐊᖓᔪᖅᑲᐅᑎᖃᕐᕕᖕᒥᐅᑕᑦ, ᑕᒻᒪᖅᓯᒪᔪᖅᓯᐅᑎᑦ ᐊᒻᒪ ᐋᖅᑭᒃᐸᒡᓗᒋᑦ ᐊᐃᑦᑑᑎᑦ ᐊᒻᒪ ᑮᓇᐅᔾᔭᒃᓵᓂᒃ ᐲᔭᖅᑕᐅᒋᐊᓕᑦ, ᑐᓐᓂᖅᑯᑎᒋᕙᒡᓗᓂᒋᓪᓗ ᑕᖅᑭᑕᒫᑦ ᐃᑦᑐᖅᓯᐅᑎᑦ ᐊᒻᒪ ᐃᑲᔫᑎᓄᑦ ᐊᑭᓕᐅᑎᑦ.
ᐱᓕᕆᐊᒃᓴᑦ ᑲᒪᒋᔭᒃᓴᓪᓗ:
- ᑐᓴᐅᒪᑎᑦᑎᕙᒡᓗᓂ ᐃᖅᑲᓇᐃᔭᖅᑎᓄᑦ ᐊᒃᑐᐊᓂᖃᕐᓂᖓᓄᑦ ᐃᓐᓇᖅᓯᐅᑎᑖᕆᔭᐅᕙᒃᑐᓄᑦ ᐃᑲᔫᑎᓄᓪᓗ, ᒪᓕᒐᖅᑎᒍᑦ ᐊᖏᕈᑕᐅᓯᒪᔪᑦ ᓂᐅᕕᕐᓂᐊᕐᓗᓂ, ᑎᒥᒥᒍᑦ ᐊᔪᕈᑎᓕᖕᓄᑦ ᐱᓕᕆᐊᖑᖔᕈᓐᓇᖅᑐᑦ, ᐃᓐᓇᐅᓕᕐᓂᕐᒧᑦ ᐃᖅᑲᓇᐃᔭᕈᓐᓃᖅᑐᓄᑦ, ᓄᖅᑲᖓᓂᖅ ᐊᑭᓕᖅᓱᖅᑕᐅᙱᓪᓗᓂ, ᓯᖓᐃᓂᕐᒧᑦ ᐊᖓᔪᖅᑳᓄᓪᓗ ᓄᖅᑲᖓᓂᕐᒧᑦ ᑲᒪᒋᔭᐅᓂᕐᒧᓪᓗ ᐊᑭᓕᖅᑕᐅᔾᔪᑎᓄᑦ.
- ᐅᖃᐅᔾᔪᕐᓗᒋᑦ ᐊᐅᓚᑦᑎᔨᑦ ᐊᒻᒪ/ᐅᕝᕙᓘᓐᓃᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᔾᔪᑎᓄᑦ ᐃᓱᒫᓘᑎᓄᓪᓗ ᐊᒃᑐᐃᔪᓄᑦ ᐃᓐᓇᖅᓯᐅᑎᒃᓴᑦ ᐊᒻᒪ ᐃᑲᔫᑎᑦ (ᑮᓇᐅᔭᑎᒍᑦ ᐊᒻᒪ ᐊᒡᓚᕝᕕᓕᕆᔾᔪᑎᓄᑦ).
- ᐊᑐᐃᓐᓇᕈᖅᑎᓪᓗᒋᑦ ᐊᑐᓕᖁᔭᐅᔪᑦ ᖃᐅᔨᒪᔭᐅᑎᓪᓗᒋᑦ ᒪᓕᑦᑎᐊᕋᓗᐊᕐᒪᖔᑕ ᐃᓐᓇᖅᓯᐅᑎᒃᓴᓄᑦ ᐃᑲᔫᓯᐊᓄᓪᓗ ᒪᓕᒋᐊᓕᖕᓄᑦ ᐊᒻᒪ ᒪᓕᒐᖅᑎᒍᑦ ᐱᔭᐅᒋᐊᓕᖕᓄᑦ.
- ᓇᓗᓇᐃᕐᓗᒋᑦ ᐊᒻᒪ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᑦ ᐃᓐᓇᖅᓯᐅᑎᒃᓴᑦ ᐃᑲᔫᓯᐊᓪᓗ ᐊᐅᓚᑦᑎᓂᕐᒧᑦ ᓯᕗᓪᓕᐅᔾᔭᐅᔪᒪᔪᑦ ᖃᐅᔨᒪᔭᐅᖁᓪᓗᒋᑦ ᐃᓱᓕᕝᕕᒃᓴᐃᑦ ᐋᖅᑭᒃᑕᐅᓯᒪᔪᑦ ᓯᓚᑖᓂᙶᖅᑐᓂᒃ ᑲᑐᔾᔨᖃᑎᒌᒡᕕᖕᓂ ᐊᒻᒪ ᒐᕙᒪᒃᑯᓐᓂ ᑐᑦᑕᕐᕕᒋᔭᐅᔪᓂᒃ ᒪᓕᒃᑕᐅᒐᓗᐊᕐᒪᖔᑕ.
- ᐱᓕᕆᖃᑎᒋᑦᑎᐊᕐᓗᒋᑦ ᑮᓇᐅᔭᒃᓴᓕᕆᔨᒃᑯᑦ ᐃᖅᑲᓇᐃᔭᖅᑎᑦ ᐊᑎᓕᐅᖅᑕᐅᓯᒪᑦᑎᐊᖁᓪᓗᒋᑦ ᓈᒻᒪᒃᑐᓂᑦ ᐸᕐᓇᐅᑎᓂᑦ ᑕᒻᒪᖅᓯᒪᙱᑦᑐᓂᒡᓗ ᐲᔭᖅᑕᐅᒐᓗᐊᕆᐊᒃᓴᖏᓐᓂᑦ.
- ᐱᓯᒪᐃᓐᓇᕐᓗᒋᑦ ᐅᓪᓗᒥᒧᑦ ᐊᖑᒻᒪᑎᔪᑦ ᖃᐅᔨᒪᓂᕆᔭᐅᔪᑦ ᐃᓐᓇᖅᓯᐅᑎᒃᓴᓄᑦ ᐃᑲᔫᑎᓄᓪᓗ ᒪᓕᒐᓕᐊᖑᔪᒪᔪᑦ ᐱᔨᑦᑎᕋᕐᓂᕆᔭᐅᕙᒃᑐᓄᓪᓗ ᒪᓂᒪᑎᑕᐅᕙᒃᑐᓄᑦ ᐊᓯᔾᔨᖅᑐᓄᑦ.
- ᐊᔾᔨᒌᓕᖅᑎᓪᓗᒋᑦ ᐊᑭᓕᐅᑎᓂᑦ ᓇᓗᓇᐃᖅᑕᐅᖁᓪᓗᒋᑦ ᑕᒻᒪᖅᓯᒪᙱᒻᒪᖔᑕ ᓄᖅᑲᖓᑎᑦᑎᓂᕐᒥᓪᓗ ᑐᖓᐅᑦᑎᔪᓂᒃ ᐊᑭᓖᓗᐊᕐᓂᕐᒧᓪᓘᓐᓃᑦ, ᐱᔭᕇᖅᓯᒪᒋᐊᓕᖕᓂᑦ ᑮᓇᐅᔭᓄᑦ ᑎᑎᖅᓯᕕᖕᒧᑦ ᐃᓚᐅᖃᑕᐅᓇᓲᑎᓂᑦ ᐱᔭᕆᐊᖃᕌᖓᑕ.
- ᐃᑲᔪᖅᐸᒡᓗᓂ ᐊᐅᓚᑦᑎᔨᒥᒃ−ᑮᓇᐅᔭᒃᓴᓕᕆᔨᒥᒃ, ᐃᓐᓇᖅᓯᐅᑎᑖᕆᔭᐅᕙᒃᑐᓂᒃ ᐃᑲᔫᓯᐊᖅᑐᓕᕆᔨᒥᒡᓗ ᐅᓂᒃᑳᓄᑦ ᑕᐃᒪᐃᑦᑕᕆᐊᖃᕌᒐᒥ.
- ᐱᓕᕆᖃᑎᖃᕐᓗᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᑲᑐᔾᔨᖃᑎᒌᓄᓪᓗ ᐱᕙᓪᓕᐊᑎᑦᑎᔨᒥᒃ ᐱᖁᓪᓗᒍ ᐊᑎᓕᐅᖅᑕᐅᓯᒪᔪᑦ ᑎᑎᖅᑲᑦ ᐱᑎᑕᑦ ᑎᑎᖅᑲᓪᓗ ᓄᖅᑲᕐᓂᕐᒧᑦ/ᐊᓂᑕᐅᓂᕐᒧᑦ ᑕᒻᒪᖓᙱᓪᓗᑎᒃ ᐱᔭᕇᖅᓯᒪᓗᑎᒡᓗ, ᐊᔾᔨᖃᕐᓗᑎᒃ ᒫᓐᓇᐅᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐊᒐᖏᓐᓂᒃ, ᐃᓚᐅᖃᑕᐅᔪᓕᒫᓄᑦ ᐊᖏᖃᑎᒌᒍᑎᓄᑦ, ᒪᓕᒐᓕᐊᓄᑦ ᐱᔭᕆᐊᓕᑦ ᐃᓕᔭᐅᓗᑎᒡᓗ ᐊᑭᓕᖅᑕᐅᔾᔪᑎᓄᑦ ᐃᓕᓐᓂᐊᕈᑎᒧᑦ.
- ᖃᐅᔨᒋᐊᒃᑲᓐᓂᖅᐸᒡᓗᒋᑦ ᐃᖅᑲᓇᐃᔭᖅᑎᒧᑦ ᖃᓄᑐᐃᓐᓇᖅ ᐱᖃᑖᓂᒃ ᑐᓴᐅᒪᔾᔪᑎᒃᓴᓂᑦ ᑐᒃᓯᕋᖅᑕᓂ ᓯᓚᑖᓃᑦᑐᓄᑦ ᐱᓕᕆᕝᕕᖕᓄᑦ.
- ᓇᓗᓇᐃᖅᐸᒡᓗᒋᑦ ᐱᔭᐅᔭᕆᐊᓖᑦ ᑕᑕᑎᕆᐊᓖᑦ ᐱᔭᕇᖅᓯᒪᒐᓗᐊᕐᒪᖔᑕ, ᑐᖅᑯᖅᑕᐅᓯᒪᒐᓗᐊᕐᒪᖔᑕ, ᑐᓂᔭᐅᒐᓗᐊᕐᒪᖔᑕᓗ ᓯᓚᑖᓃᑦᑐᓄᑦ ᑐᑦᑕᕐᕕᒋᔭᐅᔪᓄᑦ.
ᐱᔭᐅᓯᒪᔭᕆᐊᓖᑦ ᐊᔪᙱᓐᓂᕆᔭᐅᔪᑦ ᐅᑯᓂᖓ ᐃᓚᖃᖅᐳᑦ:
- ᐅᑭᐅᖕᓄᑦ ᒪᕐᕉᖕᓄᑦ ᓯᓚᑦᑐᖅᓴᕐᕕᖕᒥ ᐱᔭᕇᕈᓯᐊᖅᑖᖅᓯᒪᓗᓂ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᔨᐅᓂᕐᒧᑦ, ᐃᖅᑲᓇᐃᔭᖅᑐᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ, ᐅᕝᕙᓘᓐᓃᑦ ᐊᔾᔨᐸᓗᐊᓂᒃ ᐋᖅᑭᒃᓯᒪᔪᒧᑦ.
- ᐅᑭᐅᓄᑦ ᐱᖓᓱᓄᑦ ᐱᓕᕆᖃᑦᑕᖅᓯᒪᓂᑰᓗᓂ ᐃᓐᓇᖅᓯᐅᑎᑖᖅᑎᑦᑎᕙᒡᓗᓂ ᐃᑲᔫᓯᐊᖅᑎᑦᑎᕙᒡᓗᓂᓗ
ᐃᑲᔪᕐᓂᖃᕋᔭᖅᑐᑦ:
- ᐱᐊᓂᒃᓯᒪᓗᓂ ᐱᓕᕆᓗᓂᓘᓐᓃᑦ ᓇᓕᐊᖕᓄᑦ ᐊᑖᓃᑦᑐᓄᑦ ᓇᓗᓇᐃᒃᑯᑕᕐᓄᑦ ᐃᓱᒪᒋᔭᐅᓂᐊᖅᑐᖅ ᐱᔭᕆᐊᖃᕐᓂᖓᓂᒃ: (CEBS, GBA, RPA, PCP).
- ᖃᐅᔨᒪᓗᓂ ᓄᓇᕗᒻᒥ, ᓄᓇᒥᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐊᑲᐅᑦᑎᐊᕋᔭᖅᑐᖅ.
- ᐃᓄᒃᑐ, ᐃᓄᐃᓐᓇᖅᑐᓐ ᐅᖃᕈᓐᓇᖅᑐᑦ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ ᐃᑲᔪᕐᓂᖃᕋᔭᖅᑐᖅ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᓗᓂ $80,161.48−ᒥ $91,616.04-ᒧ ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $24,281.00−ᒥ ᐊᕐᕌᒍᒧᑦ. ᐱᑎᑦᑎᕙᒃᑭᕗᒍᑦᑕᐅᖅ ᐃᓗᓕᖃᐅᑦᑎᐊᖅᑐᒥᒃ ᐱᕚᓪᓕᕈᑕᐅᕙᒃᑐᓄᑦ ᑲᑎᖅᓱᖅᓯᒪᔪᒥᒃ, ᐃᓚᖃᖅᖢᓂ ᓇᓗᓇᐃᔭᖅᓯᒪᔪᒥᒃ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᓄᑦ ᐱᓕᕆᐊᖅᑎᒍᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ careers@qec.nu.ca.
ᐱᓇᔪᖕᓂᐊᖅᐳᑎᑦ ᐅᓪᓗᑐᐃᓐᓇᒧᑦ ᑎᑭᓪᓗᒍ, ᒫᑦᓯ 31, 2023 - 11:59-ᒥᑦ ᐅᓪᓗᕈᒻᒥᑕᕐᓇᒥ. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ; ᑭᓯᐊᓂᑦᑕᐅᖅ, ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓇᔭᖅᑐᑦ.