ᓯᕗᓕᖅᑎᐅᑉ ᐃᑲᔪᖅᑎᖓ - ᓴᓇᔭᐅᓂᐊᖅᑐᓄᑦ

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ! ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ. ᐱᓕᕆᖃᑎᒌᖕᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥᑦ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᖃᖅᑎᑦᑎᕙᒃᑐᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔾᔨᖃᙱᑦᑐᒥᒃ ᐱᓇᔪᒋᐊᖃᖃᑦᑕᖅᐳᑦ 25−ᓂᒃ ᐃᓛᒃᑰᖅᑐᓂᒃ ᐅᖅᓱᐊᓗᒃᑐᖅᑐᓂᒃ ᐊᐅᓚᐅᑎᖃᕐᕕᖕᓂᒃ ᐊᐅᓚᑦᑎᖃᑦᑕᕐᒪᑕ ᖃᐅᒻᒪᖅᑯᑎᖃᖅᑎᑦᑎᕙᒃᖢᑎᒡᓗ ᑕᒪᐃᓐᓂ ᐅᑭᐅᖅᑕᖅᑐᒥ ᓄᓇᓕᖏᓐᓂ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 21-006 ᓯᕗᓕᖅᑎᐅᑉ ᐃᑲᔪᖅᑎᖓ - ᓴᓇᔭᐅᓂᐊᖅᑐᓄᑦ ᐃᓂᖃᕐᓗᓂ ᐃᖃᓗᓐᓂᑦ, ᓄᓇᕗᒻᒥ ᐅᓂᒃᑳᖅᐸᓪᓗᓂᓗ ᑐᑭᒧᐊᑦᑎᑦᓯᔨᒧ, ᓴᓇᔭᐅᓂᐊᖅᑐᓄᑦ, ᓯᕗᓕᖅᑎᐅᑉ ᐃᑲᔪᖅᑎᖓ - ᓴᓇᔭᐅᓂᐊᖅᑐᓄᑦ ᐱᔭᕆᐊᖃᓪᓚᕆᑦᑐᓂᑦ ᐃᑲᔪᖅᑐᐃᔨᐅᓂᐊᖅᑐᖅ ᐊᐅᓚᑦᓯᓂᕐᒧᑦ ᖃᐅᑕᒫᑦ ᐊᓪᓚᕝᕕᓕᕆᓂᐅᔪᓂᑦ ᐱᓕᕆᕝᕕᒻᒥ ᐊᔾᔨᒌᖏᑦᑐᓄᑦ ᐊᐅᓚᔾᔪᑎᓄᑦ ᐋᖅᑭᐅᒪᔾᔪᑎᓄᓪᓗ (O&M), ᐊᒻᒪ ᐊᑭᑐᔫᑎᓄᑦ ᐱᓕᕆᐊᓄᑦ. ᐃᖅᑲᓇᐃᔮᖅ ᑲᒪᒋᔭᖃᕐᓂᐊᖅᑐᖅ ᐊᐅᓚᑦᓯᓂᕐᒧᑦ ᖃᐅᔨᓴᕐᓂᕐᒧᓪᓗ ᐱᓕᕆᐊᑦ ᖃᓄᐃᓕᖓᓕᕐᓂᖓᓄᑦ ᓄᑖᙳᑎᑦᓯᓂᕐᒧᑦ ᐊᑭᓕᐅᑎᓄᓪᓗ, ᐊᑐᐃᓐᓇᐅᑎᑦᓯᓂᕐᒥᓪᓗ ᐊᓪᓚᕝᕕᓕᕆᓂᕐᒧᑦ ᐃᑲᔪᖅᑐᐃᓂᕐᒧᑦ ᑐᑭᒧᐊᑦᑎᑦᓯᔨᖓᓄᑦ ᓴᓇᔭᐅᓂᐊᖅᑐᓄᑦ. ᐱᓕᕆᐊᑦᓴᐃᑦ ᑲᒪᒋᔭᑦᓴᐃᓪᓗ: • ᐊᐅᓚᑦᓯᓂᕐᒧᑦ ᐊᓪᓚᕝᕕᓕᕆᓂᕐᒧᑦ ᓇᓗᓇᐃᖅᓯᓂᕐᒥᓪᓗ ᐊᐅᓚᓂᕆᔭᐅᔪᓂᑦ ᖃᐅᔨᓴᕐᓂᕐᒥᓪᓗ ᐱᕙᓪᓕᐊᓂᐅᔪᓂᑦ ᐱᓕᕆᕝᕕᒻᒥ ᐊᔾᔨᒌᖏᑦᑐᓄᑦ ᐊᐅᓚᔾᔪᑎᓄᑦ ᐋᖅᑭᐅᒪᓪᔪᑎᓄᓪᓗ (O&M) ᐊᑭᑐᔫᑎᓄᓪᓗ ᐱᓕᕆᐊᓄᑦ. • ᑲᒪᒋᔭᖃᕐᓂᕐᒧᑦ ᐱᓕᕆᕝᕕᐅᑉ ᑎᑎᖅᑲᖁᑎᖏᓐᓂᑦ ᐱᓕᕆᔾᔪᓯᕐᓂᑦ, ᓇᓗᓇᐃᖅᓯᓂᕐᒧᓪᓗ ᑐᓴᐅᒪᔾᔪᑎᑦᓴᐃᑦ ᐅᓪᓗᒥᒨᖓᓂᖏᓐᓂᑦ ᓈᒻᒪᑦᑐᒥᓪᓗ ᐊᐅᓚᑦᓯᓂᕐᒥᑦ ᓴᐳᔾᔨᔾᔪᑎᑦᓴᖅᑕᖃᕐᓂᖓᓂᑦ ᐊᑦᑕᕐᓇᖅᑐᒦᑎᑦᓯᑕᐃᓕᒪᓂᕐᒧᑦ. • ᑲᒪᒋᔭᖃᕐᓂᕐᒧᑦ ᑮᓇᐅᔭᓕᕆᓂᕐᒥᑦ ᑮᓇᔭᖁᑎᖃᕐᕕᓐᓂᓪᓗ, ᐃᓚᒋᓗᒍ ᐊᑭᓕᖅᑕᐅᔪᒪᔾᔪᑎᓂᑦ ᐱᓕᕆᕙᓪᓕᐊᓂᖏᓐᓄᑦ ᐋᖅᑭᐅᒪᑎᑦᓯᓂᕐᒥᓪᓗ ᑮᓇᐅᔭᓕᕆᔾᔪᑎᓕᒫᓂᑦ. • ᐊᑐᐃᓐᓇᕈᖅᑎᕆᓂᕐᒧᑦ ᐊᐅᓚᑦᓯᓂᕐᒧᓪᓗ ᑎᑎᕋᖅᑕᐅᓯᒪᔪᓂᑦ ᐱᓕᕆᕝᕕᒻᒥ ᑲᑎᒪᓂᕐᓄᑦ, ᐃᓚᒋᓗᒍ ᑎᑎᕋᖃᑦᑕᕐᓂᕐᒧᑦ ᑐᓂᐅᖅᑲᐃᓂᕐᒧᓪᓗ ᑲᑎᒪᔾᔪᑎᕕᓂᐅᔪᓂᑦ. • ᐊᐅᓚᑦᓯᓂᕐᒧᑦ ᐊᔾᔨᒌᖏᑦᑐᓂᑦ ᐊᑭᑐᔫᑎᓄᑦ ᐱᓕᕆᐊᓂᑦ ᑲᔪᓯᑎᑦᓯᓂᕐᒧᑦ ᐱᓕᕆᐊᑦᓴᖃᖅᑎᑕᐅᓂᕐᓄᑦ, ᐱᓕᕆᖃᑎᖃᕐᓗᓂ ᐊᐅᓚᑦᓯᔨᓂᑦ ᓂᐅᕕᕐᓂᕐᒧᓪᓗ ᑲᔪᓯᑎᑦᓯᓂᕐᒧᑦ ᐊᑭᑐᔫᑎᓄᑦ ᐱᓕᕆᐊᓂᑦ ᑭᙳᕙᖏᑦᑐᒃᑯᑦ. • ᑲᒪᒋᔭᖃᕐᓂᕐᒧᑦ ᐊᓯᖏᓐᓂᑦ ᐊᓪᓚᕝᕕᓕᕆᓂᕐᒧᑦ ᐱᓕᕆᐊᓂᑦ ᐱᔭᑦᓴᖃᖅᑎᑕᐅᓂᕐᒧᑦ ᑐᑭᒧᐊᑦᑎᑦᓯᔨᒧᑦ, ᓴᓇᔭᐅᓂᐊᖅᑐᓄᑦ. ᐅᑯᐊ ᐊᔪᙱᑦᑕᕆᐊᓖᑦ: • ᐃᓱᓕᑦᑎᓯᒪᒋᐊᓕᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒧᑦ, ᑎᑎᕋᕐᕕᓕᕆᔪᓂ ᐊᐅᓚᑦᑎᓂᕐᒧᑦ ᐊᔾᔨᐸᓗᖓᓂᓪᓘᓐᓃᑦ ᑖᒃᑯᓂᖓᓕᕆᔪᓂ. • ᑕᓪᓕᒪᓄᑦ ᐊᕐᕌᒍᓄᑦ ᐱᓕᕆᖃᑦᑕᖅᓯᒪᓂᖅ ᐊᓪᓚᕝᕕᓕᕆᓂᕐᒧᑦ ᐃᑲᔪᖅᑐᐃᓂᕐᒥᑦ. ᐃᑲᔪᕐᓂᖃᕋᔭᖅᑐᑦ: • ᐱᓕᕆᖃᑦᑕᖅᓯᒪᓂᖅ ᒐᕙᒪᒃᑯᓐᓄᑦ ᓂᐅᕕᕐᓂᐅᔪᓂᑦ, ᑳᓐᑐᕌᒃᓂ ᐊᓪᓚᕝᕕᓕᕆᓂᕐᒧᑦ, ᐱᓕᕆᐊᓂᓪᓘᓐᓃᑦ ᐊᐅᓚᑦᓯᓂᕐᒧᑦ ᐊᑲᐅᓇᔭᖅᑐᖅ. • ᐱᓕᕆᖃᑦᑕᖅᓯᒪᓂᖅ ᐊᑐᐃᓐᓇᐅᑎᑦᓯᓂᕐᒧᑦ ᐊᓪᓚᕝᕕᓕᕆᓂᕐᒧᑦ ᐃᑲᔪᖅᑐᐃᓂᕐᒧᑦ ᓴᓇᔭᐅᓂᐊᖅᑐᓄᑦ, ᓴᓇᔭᐅᓂᖓ, ᐊᐅᓚᔾᔪᑎᓕᕆᓂᕐᒧᓪᓘᓐᓂᑦ ᐊᕙᑎᒥ ᐊᑲᐅᓇᔭᖅᑐᖅ. • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐱᖅᑯᓯᖏᓐᓂ. • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ. ᐊᔾᔨᐸᓗᖏᑦ: • ᐃᓕᓐᓂᐊᕐᕕᐊᓗᒻᒥ ᐱᔭᕇᕈᓯᐊᖅᓯᒪᓗᓂ • 7-ᓄ ᐊᕐᕌᒍᓄᑦ ᐱᓕᕆᖃᑦᑕᖅᓯᒪᓂᖅ ᐊᓪᓚᕝᕕᓕᕆᓂᕐᒧᑦ ᐃᑲᔪᖅᑐᐃᓂᕐᒥᑦ. ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $87,204−ᒥᑦ $101,146−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᓪᓗᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐱᑕᖃᙱᑉᐸᑦ ᓄᓇᕗᒥᙶᖅᑐᒥ ᐃᓄᖕᒥᒃ, ᑖᓐᓇ ᐃᖅᑲᓇᐃᔮᒃᓴᖅ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒎᖕᓄᑦ ᐱᖓᓱᓄᑦ ᐃᖅᑲᓇᐃᔮᕆᔭᐅᓚᐅᑲᒡᓗᓂ. ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0 ᑎᑎᖅᑲᑦᑯᑦ ᐱᓇᓱᐊᕐᓗᑎ, ᕕᐅᓪᓗᐊᓕ 26, 2021 ᑐᖔᓂ. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.