ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓴᓂᕋᔭᖕᒥᐅᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓗᓂ ᖃᒥᙶᑲᑕᑐᐃᓐᓇᕆᐊᖃᕐᓂᐊᕐᒪᑕ ᐅᑐᐱᕆ 8-ᒥᑦ 12-ᒧᑦ ᑎᑭᓪᓗᒍ ᐅᐊᔭᓕᕆᔩᑦ ᐆᒻᒪᖅᑯᑎᖃᕐᕕᖕᒥ ᐊᒻᒪ ᖃᐅᒻᒪᖅᑯᑎᖃᖅᑎᑦᑎᔾᔪᑎᖏᓐᓂᒃ ᐋᖅᑭᒃᓱᖅᑕᐅᔪᓂᑦ ᐱᐊᓂᒐᓱᒃᑎᓪᓗᒋᑦ.
ᐊᐃᑉᐹᓂ ᐱᒋᐊᖅᖢᓂ, ᐅᑐᐱᕆ 6, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓄᓇᓕᖕᓂ ᐅᖓᓯᒃᑐᒥᓪᓗ ᐱᓕᕆᐊᖑᑲᑕᒃᓯᒪᖕᒪᑦ ᓄᓇᓕᖕᓂ ᖃᐅᒻᒪᖅᑯᑎᑦ ᐃᑭᑎᑕᐅᒃᑲᓐᓂᕋᓱᒃᖢᑎᒃ. ᓯᓚᕈᔫᓂᖓᓄᑦ ᓱᕋᒃᓯᒪᔪᓕᕆᔩᑦ ᓴᕕᒐᐅᔭᓕᕆᔩᓪᓗ ᐃᖃᓗᖕᓂ ᖃᖓᑦᑕᕈᓐᓇᐃᓪᓕᓚᐅᖅᐳᑦ ᐃᑲᔪᕆᐊᕋᓱᒃᑐᑦ ᐋᖅᑭᒋᐊᖅᑕᐅᒃᑲᓐᓂᕋᓱᒃᑎᓪᓗᒍ.
ᓯᓚ ᐱᐅᓯᕚᓪᓕᕐᒪᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᒃᑲᓐᓂᖏᓐᓂᒃ ᓴᓂᕋᔭᓕᐊᖅᑐᖃᓚᐅᖅᐳᖅ ᐱᖓᔪᐊᓂ, ᐅᑐᐱᕆ 7, ᑕᐃᑲᓂᓗ ᐱᓕᕇᓐᓇᓕᖅᖢᑎᒃ ᐆᒻᒪᖅᑯᑎᖃᕐᕕᖓᓂ ᖃᐅᒻᒪᖅᑯᑎᖃᖅᑎᑦᑎᔾᔪᑎᖓᓂᓪᓗ ᓱᕋᒃᓯᒪᔪᑦ ᐋᖅᑭᒃᑕᐅᓇᓱᒃᖢᑎᒃ. ᖃᒥᙶᒃᑲᓐᓂᕆᐊᖃᕐᓂᐊᖅᑐᒃᓴᐅᔪᑦ ᐅᐊᔭᓕᕆᔩᑦ ᓴᓇᔭᕆᐊᓕᖕᓂᑦ ᐱᐊᓂᒐᓱᒃᑎᓪᓗᒋᑦ. ᐸᕐᓇᒃᑕᐅᓯᒪᔪᒥᑦ ᖃᒥᙶᖅᑎᑕᐅᔭᕆᐊᖃᖅᐸᑕ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓯᕗᓂᐊᒍᑦ ᑐᓴᖅᑎᑦᑎᓂᐊᖅᐳᑦ ᓴᓂᕋᔭᖕᒥᐅᓂᒃ ᖃᕆᓴᐅᔭᒃᑯᑦ ᐊᒻᒪ ᓈᓚᐅᑎᒃᑯᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᑐᐃᓐᓇᕆᐊᖃᖅᐸᑦ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524