ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᑐᓴᖅᑎᑦᑎᔪᒪᕗᑦ ᓄᓇᕗᒻᒥᐅᓂ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓄᑖᙳᖅᑎᕆᓂᕐᒧᑦ ᐋᖅᑭᐅᒪᑎᑦᓯᓂᕐᒧᓪᓗ ᐱᒋᐊᖅᐸᓪᓕᐊᓯᒪᓕᖅᑐᑦ.
ᐅᖅᑰᓇᕐᓂᖅᓴᐅᓕᕋᐃᒻᒪᑦ ᓯᓚ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᔭᕇᖅᓯᖃᑦᑕᖅᑐᑦ ᓴᓇᔭᐅᓂᖏᓐᓄᑦ, ᓄᑖᙳᕆᐊᖅᑕᐅᓂᖏᓐᓄᑦ ᐋᖅᑭᐅᒪᑎᑦᓯᓂᕐᒧᓪᓗ ᐆᒻᒪᖅᑯᑎᖃᕐᕕᓐᓂᑦ ᐆᒻᒪᖅᑯᑏᓪᓗ ᐅᐊᔭᖏᓐᓂᑦ ᐊᑐᖅᑕᐅᔪᓂᑦ. ᑖᓐᓇ ᐱᓕᕆᐊᖑᔭᕆᐊᖃᕐᒪᑦ ᓇᓗᓇᐃᖅᓯᓂᕐᒧᑦ ᐆᒻᒪᖅᑯᑎᖃᖅᑏᑦ ᐊᑦᑕᕐᓇᙱᑦᑐᒥ ᑕᑎᒋᔭᒃᓴᐅᔪᒥᓪᓗ ᐆᒻᒪᖅᑯᑎᖃᕐᕕᖃᕐᓂᕐᒥᑦ ᐊᕐᕌᒍᓕᒫᒥ. ᐆᒻᒪᖅᑯᑎᖃᖅᑏᑦ ᖃᐅᔨᒃᑲᖅᑕᐅᖃᑦᑕᕐᓂᐊᖅᑐᑦ ᐆᒻᒪᖅᑯᑏᑦ ᖃᒥᑦᑕᐅᓂᐊᓕᖅᑎᓪᓗᒋᑦ ᓈᓚᐅᑎᒃᑯᑦ, ᐃᓄᓐᓄᑦ ᑐᓴᐅᒪᔾᔪᑎᑎᒍᑦ, ᐃᕐᖐᓐᓈᖅᑕᐅᑎᒃᑯᓪᓗᑦ.
ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᐊᖏᖅᓯᒪᔪᖅ ᓄᓇᕗᒻᒥ ᐊᐅᓪᓚᖃᑦᑕᕐᓂᕐᒧᑦ ᐃᖃᓗᓐᓄᓪᓗ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᐃᖅᑲᓇᐃᔭᖅᑎᓂᑦ ᐱᔭᕇᖅᓯᓂᕐᒧᑦ ᐃᖅᑲᓇᐃᔮᕆᔭᐅᒋᐊᖃᓪᓚᕆᑦᑐᓄᑦ ᐆᒻᒪᖅᑯᑎᓄᑦ ᐊᑐᖅᑕᐅᔪᓂᑦ (ᐃᓚᒋᓗᒍ ᐋᖅᑭᐅᒪᔾᔪᑎᐅᒋᐊᖃᓪᓚᕆᑦᑐᓄᑦ ᑐᐊᕕᕐᓇᖅᑐᓕᕆᓂᕐᒧᓪᓗ). ᑎᒥᖁᑎᒋᔭᐅᔪᑦ ᐱᓕᕆᑦᓯᐊᖏᓐᓇᖅᑐᐃᑦ ᓇᓗᓇᐃᖅᓯᓂᕐᒧᑦ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᓄᓇᕗᒻᒥ ᓄᓇᓕᐅᔪᓂᑦ ᓴᖅᑭᑎᑦᓯᓂᒃᑯᑦ ᐊᑐᖁᔭᐅᓚᕆᑦᑐᓂᑦ ᓯᐊᒻᒪᑎᑦᓯᑕᐃᓕᒪᓂᕐᒧᑦ ᓄᕙᕐᔪᐊᕐᓇᖅ-19-ᒥ ᐊᐅᓪᓚᖃᑦᑕᕐᑎᓪᓗᒋᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᕗᑦ ᓄᓇᕗᒻᒥᐅᓂᑦ ᑐᑭᓯᐅᒪᑦᑎᐊᕐᓂᖏᓐᓄᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᓯᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524