ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᑐᓴᐅᒪᑎᑦᑎᔪᒪᔪᑦ ᑲᖏᖅᖠᓂᕐᒥᐅᓂᑦ ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔮᖅᑖᑎᑕᖅ ᓄᓇᓕᖕᓃᓐᓂᐊᕐᓂᖓᓄᑦ ᐱᒋᐊᕐᓗᒍ ᔪᓚᐃ 23−ᒥᑦ 27−ᒧᑦ ᖃᐅᔨᓴᕆᐊᕐᑐᕐᓗᑎᒃ ᓂᒡᓕᓴᐅᑎᐅ ᐃᒪᖓᓂᑦ ᑯᕕᔪᕕᓂᕐᒥᑦ ᐅᑭᐊᒃᓵᖑᓚᐅᕐᑐᒥᑦ. ᐃᒻᒪᖄ 30,000−ᒥᑦ 40,000−ᒥᓪᓘᓐᓃᑦ ᓖᑕᔅᓂᑦ 50/50 ᓂᒡᓕᓴᐅᑎᒥᑦ ᐃᒪᕐᒥᓗ ᐃᓚᖃᕐᑐᖅ ᑯᕕᔪᖃᓚᐅᕐᒪᑦ ᐊᕕᒃᑐᖅᓯᒪᔪᒥᑦ ᐅᖂᓴᐅᑎᖃᕐᕕᖕᒥᑦ ᐱᔾᔪᑎᒋᓪᓗᒍ ᐊᐅᓚᐅᑎ ᐃᖏᕐᕋᔪᓐᓃᓚᐅᕐᐳᖅ. ᓂᒡᓕᓴᐅᑎ ᑕᖅᓴᖃᖏᓚᖅ, ᑎᐱᖃᖏᓪᓚᖅ ᕿᖓᒃᑯᑦ ᐅᖃᒃᑯᓗ ᐃᒪᐅᓪᓗᓂ ᓇᓂᔭᐅᔪᓐᓇᕐᑐᑦ ᓂᕿᓂᑦ, ᐱᐅᓴᐅᑎᓂᑦ ᐊᒻᒪᓗ ᐃᓅᓕᓴᐅᑎᓂᑦ, ᐊᒻᒪᓗ ᖃᓂᒻᒪᖕᓇᖏᖢᓂ ᐃᓄᖕᓄᑦ ᓂᕐᔪᑎᓄᓪᓗ.
ᐱᓕᕆᐊᖑᔪᖅ ᐱᔭᕆᐊᖃᕐᓂᐊᕐᑐᖅ ᑲᑎᖅᓱᐃᓂᕐᒥᑦ ᖃᐅᔨᓴᒐᒃᓴᓂᓪᓗ ᑲᑎᖅᓱᐃᓂᕐᒥᑦ ᐊᐅᓚᐅᑎᕐᔪᕐᒧᑦ ᐃᓂᒋᔭᐅᔪᒥ ᑎᑎᖅᑕᐅᓯᒪᔪᑦ ᐊᐅᐸᖅᑐᒥ ᓄᓇᙳᐊᕐᒥᑦ. ᑭᕙᓪᓕᕐᒥᐅᑦ ᐃᖏᕐᕋᔾᔪᑎᖏᑦ ᓅᑕᐅᖁᔭᐅᕗᖅ ᐃᓂᒋᔭᐅᔪᒥᑦ ᑲᔪᓯᓂᖃᑦᑎᐊᖁᓪᓗᒋᑦ ᐊᑦᑕᕐᓇᖏᑦᑐᒥᑦ.
ᑲᑐᔾᔨᖃᑎᒌᖑᔪᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᕐᑕᐃᓕᒪᔪᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᔩᑦ ᖃᐅᔨᓴᓚᐅᕐᑐᑦ ᖃᓄᐃᓕᖓᓂᖓ ᓇᓗᓇᐃᔭᐃᓂᕐᒧᑦ ᖃᓄᐃᓕᐅᕐᑕᐅᒃᑲᓐᓂᕆᐊᖃᕐᓂᖓ ᐊᕙᑎᓕᕆᓂᕐᒧᑦ ᐱᖁᔭᑎᒍᑦ ᒪᓕᑦᑎᐊᕐᓂᕐᒧᑦ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔪᖏᓐᓂᓕᒫᒥᒍᑦ ᑭᒡᓕᓕᐅᕐᐸᒃᑐᑦ ᐊᕙᑎᒥᑦ ᑐᒥᑖᕐᑎᑦᑎᑕᐃᓕᒪᓂᕐᒧᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒪᒥᐊᑉᐳᑦ ᑕᒪᓐᓇ ᐊᑲᐅᙱᓕᐅᕈᑕᐅᓂᐊᕐᓂᖅᐸᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524