ᐃᖃᓗᐃᑦ, ᓄᓇᕗᑦ (ᔫᓐ 15, 2020) − ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᓄᓇᓕᐸᐅᔭᒃᑯᓪᓗ ᐃᖃᓗᓐᓂ ᐊᑎᓕᐅᖅᑐᑦ ᓄᑖᒥ ᐅᖅᑰᓴᐅᑎᓄᑦ ᐊᖏᖃᑎᒌᒍᑎᒥᑦ. ᐄᐳᓗ 6, 2020, ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓂᕈᐊᖅᑕᐅᑦᓱᓂ ᐊᑕᖏᖅᑐᓄᑦ ᓄᑖᒥ ᐊᖏᖃᑎᒌᒍᑎᑖᕐᓂᕐᒧᑦ ᑲᓲᑎᑎᑦᓯᓂᕐᒥᑦ ᐳᐃᔾᔪᕋᕐᕕᒻᒥᑦ, ᐃᒪᕐᒧᑦ ᓴᓗᒻᒪᖅᓴᐃᕕᒃ, ᐃᒥᖅᑕᕐᕕᒃ ᐃᒪᕐᒧᓪᓗ ᐆᓇᖅᑐᖃᐅᑎ ᐊᕙᑎᓄᑦ (20) ᐊᕐᕌᒍᓐᓄᑦ.
“ᑖᑦᓱᒧᖓ ᑲᑐᔾᔨᖃᑎᒌᓐᓂᕐᒧᑦ ᐱᐅᔪᖅ ᒥᑭᓪᓕᕚᓪᓕᑎᑦᓯᓂᕐᒧᑦ ᐃᖃᓗᐃᑦ ᑐᙵᕕᖃᕐᓂᖓᓄᑦ ᐅᖅᓱᐊᓗᒃᓴᓂᑦ ᑕᑯᑦᓴᐅᑎᑦᓯᓂᕐᒧᑦ ᑲᑐᔾᔨᖃᑎᒌᓐᓂᕐᒥᑦ ᐱᓕᕆᖃᑎᒌᓐᓂᕐᒥᓪᓗ ᐊᔾᔨᒌᖏᑦᑐᓂᑦ ᖁᑦᓯᓐᓂᓕᓐᓂᑦ ᒐᕙᒪᓂᒃ ᑲᔪᓯᑎᑦᓯᒍᓐᓇᖅᑐᑦ ᐱᐅᔪᓂᑦ ᓴᖅᑭᑎᑦᓯᓂᕐᒥᑦ ᓄᓇᓕᓐᓄᑦ,” ᐅᖃᖅᑐᖅ ᑭᐊᓂ ᕕᐅᓪ, ᒪᐃᔭᖓ ᐃᖃᓗᓐᓂᑦ.
ᖁᓪᓕᒃᑯᑦ ᐆᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᕕᑦᑐᖅᓯᒪᔪᓂᑦ ᐅᖅᑰᓴᐅᑎᓄᑦ ᐱᖃᑦᑕᖅᑐᑦ ᐆᓇᖅᑐᒧᑦ ᐆᒻᒪᖅᑯᑎᓂᑦ ᐊᐅᓚᐅᑎᓂᑦ ᐆᒻᒪᖅᑯᑎᓕᐅᖅᓱᑎᒃ ᓅᑎᑦᓯᖃᑦᑕᖅᓱᑎᓪᓗ ᐆᓐᓇᕐᓂᐅᔪᒥᑦ ᑲᓲᑎᓯᒪᔪᓄᑦ ᐃᓪᓗᓄᑦ ᑐᓂᐅᖅᑲᐃᕕᐅᔪᓂᑦ. ᐅᖅᑰᓴᐃᓂᕐᒥᑦ ᓄᓇᓕᐸᐅᔭᒃᑯᖏᓐᓂᑦ ᐃᖃᓗᐃᑦ ᐃᓪᓗᖁᑎᖏᓐᓂᑦ ᐊᓯᐊᒎᖅᑎᑦᓯᓂᕐᒧᑦ, ᓂᕆᐅᒋᔭᐅᔪᖅ ᓄᓇᓕᐸᐅᔭᒃᑯᑦ ᐃᕿᐊᑎᑦᓯᓚᖓᖏᑦᑐᑦ ᐅᖓᑖᓄᑦ 1,500 ᑕᓐᓂᒃ ᐳᔪᕐᓗᒥᒃ ᓯᓚᒨᖃᑦᑕᖅᑐᒥᑦ ᐊᕐᕌᒍᑕᒫᑦ ᐊᑐᓗᐊᖏᓪᓗᑎᓪᓗ ᑲᒪᒋᔭᐅᔭᕆᐊᓕᓐᓄᑦ ᐊᑭᓂᑦ.
“ᑖᓐᓇ ᐊᓯᐊᒍᖔᖅ ᐆᒻᒪᖅᑯᑎᖃᕈᓐᓇᕐᓂᕐᒧᑦ ᐊᖏᖃᑎᒌᒍᑎ ᐃᑲᔪᖅᑐᐃᔪᖅ ᐱᖓᓱᐃᓕᖓᔪᑎᒍᑦ−ᑲᓇᑕᒥᑦ ᑐᙵᕕᐊᓂᑦ ᓴᓗᒪᔪᒥᑦ ᓄᑭᓪᓚᐅᓯᕆᓂᓐᓄᑦ ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓᓄᑦ ᐃᑲᔪᕐᒥᔪᖅ ᓅᑎᑦᓯᓂᕐᒧᑦ ᓄᓇᕗᑦ ᓄᓇᓕᐸᐅᔭᖓᓂᑦ ᓴᓗᒪᔪᒥᑦ ᐆᒻᒪᖅᑯᑎᖃᕐᓂᕐᒧᑦ ᓯᕗᓂᑦᓴᕐᒥᑦ,” ᐅᖃᖅᑐᖅ ᕗᓘᓅ ᐳᕆᐅᕆᐊ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐊᖓᔪᖅᑳᖓ ᐊᐅᓚᑦᓯᔨᒻᒪᕆᖓᓗ. “ᓇᑯᕐᒦᕈᒪᔪᖓ ᓄᓇᓕᐸᐅᔭᒃᑯᖏᓐᓂᑦ ᐃᖃᓗᐃᑦ, ᒪᐃᔭ ᕕᐅᓪ, ᐊᒻᒪᓗ ᓄᓇᓕᐸᐅᔭᒃᑯᑦ ᑲᑎᒪᔨᖏᓐᓂᑦ ᑖᑦᓱᒧᖓ ᑲᑐᔾᔨᖃᑎᒌᓐᓂᕐᒧᑦ.”
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524