ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 23-039 ᐊᐅᓚᑦᑎᔨ, ᑮᓇᐅᔾᔭᔅᓵᑦ, ᐊᑭᓕᖅᑕᐅᔾᔪᑏᑦ ᐊᒻᒪᓗ ᐃᑲᔫᓯᐊᖅᑖᖑᕙᑦᑐᓄᑦ
ᐃᓂᖃᖅᑐᖅ ᖃᒪᓂ'ᑐᐊᕐᒥ, ᓄᓇᕗᑦ ᖃᐅᔨᑎᑦᑎᕙᒃᓗᓂᓗ ᑮᓇᐅᔭᓕᕆᔨᒧᑦ, ᐊᐅᓚᑦᑎᔨ, ᑮᓇᐅᔾᔭᔅᓵᑦ, ᐊᑭᓕᖅᑕᐅᔾᔪᑏᑦ ᐊᒻᒪᓗ ᐃᑲᔫᓯᐊᖅᑖᖑᕙᑦᑐᓄᑦ ᑲᒪᒋᔭᖃᕐᓗᓂ ᑕᑯᓇᖕᓂᕐᓂ ᐊᑐᖅᑎᑦᑎᓂᕐᓂ ᑎᑎᕋᕐᕕᖕᒥᐅᑕᓕᕆᔾᔪᑎᓂᒃᓗ ᑎᒥᐅᔪᒧᑦ ᑮᓇᐅᔭᒃᓴᓕᕆᓂᕐᓂ, ᓇᓪᓕᐅᒃᑯᒫᑦ ᐃᓐᓇᑐᖃᐅᓯᐊᑦ ᐸᕐᓇᐅᑎ, ᐊᒻᒪ ᐱᕚᓪᓕᕈᑎᑦ ᐱᓕᕆᐊᒃᓴᖓᓂ. ᐃᖅᑲᓇᐃᔮᒃᓴᖅ ᑲᒪᒋᔭᖃᕐᒥᓗᓂ ᑎᑎᕋᕐᕕᖕᒥᐅᑕᓕᕆᔾᔪᑎᓂᒃ ᐃᖅᑲᓇᐃᔭᓕᖅᑎᑕᐅᓵᖅᑐᑦ ᑎᑎᖅᑲᖁᑎᖏᓐᓂ ᑐᓂᓯᓂᕐᓂ, ᐃᖅᑲᓇᐃᔭᕈᓐᓃᖅᑎᑕᐅᔪᓄᑦ ᐱᕙᓪᓕᐊᔾᔪᑎᖏᓐᓂ, ᑕᒻᒪᖅᓯᒪᔪᖅᓯᐅᕐᓂᖅ ᐋᖅᑭᒃᓱᐃᓂᕐᓗ ᐊᐃᑦᑑᑎᓂᒃ ᐲᔭᖅᑕᐅᔪᓂᒃᓗ, ᑐᓂᓯᖃᑦᑕᕐᓂᖅ ᑕᖅᑭᑕᒫᑦ ᓇᓪᓕᐅᒃᑯᒫᑦ ᐃᓐᓇᑐᖃᐅᓯᐊᑦ ᐱᕚᓪᓕᕈᑎᖏᓐᓂᒃᓗ ᑮᓇᐅᔭᓕᕆᔨᒃᑯᓐᓄᑦ, ᖃᐅᔨᒪᒋᐊᕐᓗᓂ ᒪᓕᑦᑎᐊᕐᓂᕐᓂ ᑕᒪᐃᓐᓂᒃ ᒐᕙᒪᑐᖃᒃᑯᑦ ᓄᓇᕗᒻᒥᓗ ᐊᑐᐊᒐᖏᓐᓂᒃ ᐊᒻᒪ ᐃᓗᐊᓃᑦᑐᓂᒃ ᐊᑐᐊᒐᓂᒃ ᐱᓕᕆᔾᔪᓯᕐᓂᒃᓗ, ᑐᑦᑕᕐᕕᐅᓗᓂ ᑎᒥᐅᔪᒧᑦ, ᐱᕚᓪᓕᕈᑎᓕᕆᔨᓂᑦ, ᐊᒻᒪ ᓄᕐᖃᖅᑐᖅᓯᐅᑎᑦ ᐊᐅᓚᑦᑎᕕᒃ, ᐋᖅᑭᒃᓱᐃᕙᒃᓗᓂᓗ ᐊᑐᐊᒐᓂᑦ ᐱᓕᕆᔾᔪᓯᓂᒃᓗ ᐱᔭᕆᐊᓕᒃ.
ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:
- ᑕᑯᓇᒃᐸᒃᓗᓂ ᖃᖓᒃᑰᕆᐊᓕᒃᑯᑦ, ᒪᓕᑦᑎᐊᖅᑐᓂᒃ, ᐱᕙᓪᓕᐊᑎᑦᑎᑎᐊᕐᓂᕐᓗ ᑮᓇᐅᔭᒃᓴᓂᒃ ᐃᓕᐅᖅᑲᐃᓂᕐᓂ ᐃᓚᐅᓗᑎᒃ: ᑮᓇᐅᔾᔭᒃᓵᑦ, ᐱᕚᓪᓕᕈᑎᑦ, ᓇᓪᓕᐅᒃᑯᒫᑦ ᐃᓐᓇᑐᖃᐅᓯᐊᑦ, ᐊᑭᓖᑎᑕᐅᓂᖅ ᑮᓇᐅᔾᔭᓴᖏᑎᒍ, ᑖᒃᓰᔭᕈᑎᑦ, ᐊᓯᖏᓐᓂᒃᓗ ᐲᔭᖅᑕᐅᔭᕆᐊᓕᖕᓂᒃ.
- ᖃᐅᔨᕙᒃᓗᓂ ᑮᓇᐅᔭᒃᓵᓄᑦ ᐊᑭᓕᒃᓴᓂᑦ ᐊᖏᖅᓯᓂᒃᑯᑦ ᓈᓴᐅᓯᕆᔭᐅᔪᓂᒃ ᐃᖅᑲᓇᐃᔭᖅᑎᒧᑦ ᒐᕙᒪᑐᖃᒃᑯᓐᓄᑦ ᓄᓇᕗᒻᒥᓗ ᑮᓇᐅᔭᓕᐊᓂᑦ ᑖᒃᓰᔭᕈᑎᖏᓐᓂᒃᓗ, ᐊᒻᒪ ᐃᖅᑲᓇᐃᔭᖅᑎᑦ ᐊᑭᓖᒋᐊᖃᖅᑎᑦᓯᓂᖓ ᐱᕋᔭᒡᕕᒋᔭᒥᓄᑦ ᐊᑭᓕᐅᑎᓂᑦ.
- ᖃᐅᔨᒪᒋᐊᕐᓗᓂ ᒪᓕᑦᑎᐊᕐᓂᕐᒥᒃ ᓇᓪᓕᐅᒃᑯᒫᑦ ᐃᓐᓇᑐᖃᐅᓯᐊᑦ ᐱᕚᓪᓕᕈᑎᐅᔭᕆᐊᓕᖏᓐᓂᒃᓗ ᑕᒪᐃᓐᓂᒃᓗ ᒪᓕᒐᖅᑎᒍᑦ ᐱᓕᕆᐊᒃᓴᐃᑦ, ᖃᐅᔨᒪᐃᓐᓇᕆᐊᖅᓯᓐᓈᑦ ᒪᓕᑦᑎᐊᕐᒪᖔᑕ ᖃᖓᒃᑰᕈᑎᖏᓐᓂᒃᓗ ᐊᑭᓕᐅᑎᓂᒃ ᑐᓂᓯᓂᕐᓂ.
- ᖃᐅᔨᒪᒋᐊᕐᓗᓂ ᐃᖅᑲᓇᐃᔮᖓ ᐃᖅᑲᓇᐃᔭᕐᕕᐅᑉ ᐱᓕᕆᐊᖑᓗᓂ ᒪᓕᑦᑎᐊᕐᓗᑎᒃ ᑕᒪᐃᓐᓂᒃ ᒐᕙᒪᑐᖃᒃᑯᓐᓄᑦ ᓄᓇᕗᒻᒥᓗ ᐱᖁᔭᑎᖏᒍᑦ ᐊᑐᐊᒐᖏᓐᓂᒃᓗ, ᐊᒻᒪᓗᑦᑕᐅᖅ ᐃᓗᐊᓃᑦᑐᓂᒃ ᐊᑐᐊᒐᓂᑦ ᐱᓕᕆᔾᔪᓯᖏᓐᓂᒃᓗ.
- ᐋᖅᑭᒃᓯᕙᒃᓗᓂ ᑮᓇᐅᔭᓕᕆᔪᓂᒃ ᐃᓕᐅᖅᑲᐃᓂᕐᓂᐱᐊᓂᒃᑎᓪᓗᒍ ᐊᑭᓕᖅᑕᐅᓐᓇᕐᓇᖅᑐᓕᒫᑦ ᑐᓂᓯᓂᐊᕐᓂᕐᓄᑦ ᕿᒥᕐᕈᔭᐅᓗᑎᒃᓗ ᐊᖏᔪᖅᑳᖅ ᑮᓇᐅᔭᓕᕆᓂᕐᒧᑦ.
- ᕿᒥᕐᕈᓃᑦ ᐋᖅᑭᒃᓱᐃᓃᓪᓗ ᐃᖅᑲᓇᐃᔭᖅᑎᑦ ᐊᕐᕌᒍ ᐃᓱᓕᑎᓪᓗᒍ ᑖᒃᓰᔭᐅᑎᑦ ᑎᑎᕋᖏᓐᓂ ᐊᑭᓕᖅᑐᓕᕆᔨᒃᑯᓐᓂ.
- ᖃᐅᔨᒪᒋᐊᕐᓗᓂ ᑕᒻᒪᖓᙱᑦᑐᓂᒃ ᖃᖓᒃᑰᕐᕕᒃᓴᖓᒍᑦᑎᐊᕐᓗ ᐱᕙᓪᓕᐊᑎᑦᑎᓂᕐᓂ ᓄᑖᓄᑦ ᐃᖅᑲᓇᐃᔭᓕᖅᑐᓄᑦ, ᐃᖅᑲᓇᐃᔭᕈᓐᓃᖅᑐᓄᑦ, ᐊᓯᔾᔨᖅᑐᓄᓪᓗ ᑮᓇᐅᔭᒃᓵᑦ ᐊᑭᖏᓐᓄᑦ
ᐅᑯᐊ ᐊᔪᙱᑦᑕᕆᐊᓖᑦ:
- ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᕌᓂᒍᓯᐊᖃᕐᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ, ᓇᖕᒥᓂᖃᕐᕕᖕᓂ ᐊᒡᓚᕝᕕᓕᕆᓂᕐᒧᑦ, ᐊᒃᑐᐊᓂᖃᖅᑐᓂᒡᓘᓐᓃᑦ ᐅᖃᐅᔾᔪᖅᑐᐃᓂᕐᒧᑦ
- ᐊᕐᕌᒍᓄᑦ ᑕᓪᓕᒪᓄᑦ ᐊᑐᕐᓂᑰᓗᓂ ᑎᑎᕋᕐᕕᖕᒥᐅᑕᓕᕆᓂᕐᓂ ᑮᓇᐅᔾᔭᒃᓵᓂᒃ, ᓇᓪᓕᐅᒃᑯᒫᑦ ᐃᓐᓇᑐᖃᐅᓯᐊᑦ, ᐊᒻᒪ ᐱᕚᓪᓕᕈᑎᓂᒃ
- ᐊᕐᕌᒍᓄᑦ ᒪᕐᕉᓐᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.
ᐃᑲᔫᑎᖃᕋᔭᖅᑐᑦ:
- ᓇᓗᓇᐃᒃᑯᑕᖃᕐᓗᓂ ᑮᓇᐅᔭᒃᓵᓕᕆᓂᕐᓄᑦ ᐊᐅᓚᑦᑎᔨᐅᓂᕐᒥᒃ ᐅᕝᕙᓘᓐᓃᑦ ᑮᓇᐅᔾᔭᒃᓵᓕᕆᔨ ᐱᖁᑎᒋᒋᐊᖃᖅᑕᖓ
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂᒃ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $104,757.35−ᒥ $123,290.25−ᒧ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᑦᓱᑕ $24,281−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.
ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐊᒻᒪ ᐃᖅᑲᓇᐃᔮᖃᕐᓂᒃᑯᑦ ᐱᓕᕆᖃᑦᑕᕐᓂᖏᑦ ᐃᓱᒪᒃᓴᖅᓯᐅᕈᑕᐅᔪᓐᓇᕐᒥᔪᑦ.
ᐱᓇᔪᖕᓂᐊᕐᓗᓂ: https://qeccareers.prevueaps.ca/jobs/
ᑎᑎᖅᑲᒃᑯᑦ ᐱᓇᓱᐊᕐᓗᑎ, ᑎᓯᒻᐱᕆ 29, 2023 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.