ᐅᒻᒪᕆᒃᓯᓇᔭᖅᑐᑎᑦ ᐱᓕᕆᕝᕕᒃᑕᕈᕕᑦ ᐅᑭᐅᖅᑕᖅᑐᒥ!
ᕿᓂᓚᐅᕈᖅ ᖁᕕᐊᒋᓇᔭᖅᑕᐃᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᔪᓐᓇᑐᑎᑦ ᐱᓕᕆᖃᑎᒋᑦᑎᐊᖅᑐᓂ ᐃᓕᑦᑎᓯᒪᔪᑦ ᐱᓕᕆᕕᐅᕙᒃᑐᓂ ᐃᓕᑦᑎᓯᒪᔪᑦ ᐊᑐᐃᓐᓇᐅᑎᑦᑎᒐᑉᑕ ᐅᓗᕆᐊᓇᖏᑦᑐᒥᑦ ᐊᑐᑎᖃᑦᑎᐊᖅᑐᖅ ᐊᒻᒪ ᐊᑭᑐᓗᐊᖏᑦᑐᖅ ᐃᑯᒪᔪᑕᐅᓱᖅ ᓄᓇᕗᒥ.
ᐃᖅᑲᓇᐃᔭᖃᓂᖅ ᓄᓇᕗᒥ
ᓄᓇᕗᑦ ᑲᓇᑕᒥ ᓄᑕᒻᒪᕆᐅᒪᑦ ᓄᓇᖓ ᐊᖏᓚᖑᑉᓗᓂ ᐊᒻᒪ ᐱᕙᓪᓕᐊᔪᓯ ᐱᕈᐊᓚᑉᓗᓂ ᐱᕈᖅᐸᓕᐊᖏᓇᖢᓂᓗ ᑲᓇᑕᒥ. ᑲᑦᔭᓇᖅᑐᒪᕆᐅᔪᖅ ᓄᓇ ᐊᒻᒪ ᑲᔭᕐᓇᖅᑐᑉᓗᑎᒃ ᐊᑐᐃᓐᓇᐅᔪᑦ ᑕᑯᔭᒃᓴᑦ, ᐅᐱᓐᓇᖅᑐᒥᑦ ᑕᑯᕙᓂᐊᖅᑐᑎᑦ ᐃᖃᓇᐃᔭᕕᐅᑉ ᓯᓚᑕᓂ ᐃᖃᓇᐃᔭᖏᓕᕋᖓᕕᑦ. ᐃᓱᒪᒋᔪᓐᓇᑕᑎᑦ ᕿᒥᓯᑦ ᖃᒧᑕᐅᔭᑦ ᖃᔭᖅ ᐅᕙᓗᓐᓂᑦ ᓴᓇᖑᐊᒐᑦ ᐊᔾᔨᐅᖏᑦᑐᑦ ᐊᐅᓚᓴᕐᓂᖅ ᑐᓴᕐᓇᕈᓯᐅᔪᖅ ᑕᑯᔭᒃᑎᐊᕙᖃᐅᑐᖅ ᓄᓇᕗᑦ.
ᖁᓪᓕᒃᑯᑦ ᐅᒪᖁᑎᓕᕆᔨᖏᑦᑕ ᑎᒥᖁᑕ
ᖁᓪᓕᒃᑯᑦ ᐅᒪᖁᑎᓕᕆᔨᖏᑦᑕ ᑎᒥᖁᑕ (QEC) ᑎᓕᔭᐅᓯᒪᔪᑦ ᐊᑐᐃᓐᓚᐅᑎᑦᑎᓗᑎᒃ ᐅᓗᕆᐊᓇᖏᑐᒥᑦ ᐃᑯᒪᖁᑎᒥᑦ ᐱᔨᑦᑎᕕᐅᔪᓄᑦ ᓄᓇᕗᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓄᑦ ᐊᐅᓚᑕᐅᓪᓗᓂ ᐃᓴᒃᓯᒪᓂᒃᑯᑦ ᓄᓇᕗᒥ ᑯᐊᐳᕆᓴᖃᐅᑎᒃᑯᑦ, QEC ᐱᑕᓕᒃ ᓴᕕᒐᐅᔭᖃᐅᓯᒥᑦ ᐊᒻᒪ ᐅᖁᓴᐃᔪᒥᑦ ᓄᓇᕗᒥ. ᐅᑯᐊ ᐊᓯᖏᑦᐅᒻᒪᖁᑎᓕᕆᔨᑦ ᑲᓇᑕᒥ, QEC ᐱᑕᓕᒃ ᐊᔾᔨᐅᖏᐅᔭᑐᒥᑦ ᑲᒪᔨᐅᑎᓪ 25−ᓂ ᐃᓚᑯᖓᔪᑦ ᐅᖅᓱᐊᓗᒧᑦ ᔨᓄᕆᑕᖃᕕᐅᔪᑦ ᐊᒻᒪ ᐊᑐᓂ ᓄᓇᓕᐅᔪᑦ ᐅᒻᒪᖁᑎᓕᕆᔪᑎᓂᒃ ᐱᑕᖃᐅᒪᑕ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ-19-054 ᐊᐅᓚᐅᓴᓕᕆᔨ
ᐃᖃᓗᐃᑦ, ᓄᓇᕗᑦ ᐊᒻᒪᓗ ᐅᓂᒃᑳᒐᔅᓴᓕᐅᕐᓂᖅ ᐃᓱᒪᑕᒧᑦ, ᐊᐅᓚᐅᓴᓕᕆᔨ, ᑕᒪᓐᓇ ᐃᖅᑲᓇᐃᔮᔅᓴᖅ ᐱᔾᔪᑎᖃᖅᑐᑦ ᐊᐅᓚᐅᓴᓕᕆᓂᕐᒧᑦ ᐊᖅᑯᑎᓕᕆᓂᕐᒧᑦ ᐋᖅᑭᒃᓱᐃᔨ ᐱᔨᑦᑎᕋᐅᑎᑦ ᐱᓕᕆᐊᔅᓴᒃᑯᑦ ᐋᖅᑭᒃᓱᐃᓂᕐᒧᑦ ᐊᐅᓚᑦᑎᔨ. ᐊᐅᓚᐅᓴᓕᕆᔨ ᐱᓕᕆᐊᔅᓴᖏᑦ ᓂᕈᐊᕐᓗᓂ ᐱᖁᑎᓂᒃ ᐋᖅᑭᒃᓱᐃᓂᕐᒧᑦ, ᓇᓗᓇᐃᔭᐃᓗᓂ ᐋᖅᑭᒃᓱᐃᓂᖓᓄᑦ ᐊᒻᒪᓗ ᓇᓗᓇᐃᔭᑦᑎᐊᕐᓗᒋᑦ ᐸᕐᓇᐅᑎᑦ, ᐊᒻᒪᓗ ᑎᑎᕋᕐᓂᖅ ᐊᒻᒪᓗ ᑎᑎᕋᖅᓯᒪᔪᓂᒃ.
ᐱᔭᒃᓴᕆᔭᐅᔪᑦ ᐊᒻᒪ ᑲᒪᒋᔭᐅᔭᕆᐊᓖᑦ:
- ᐋᖅᑭᒃᓱᐃᓂᖅ ᐊᐅᓚᐅᓴᓕᕆᓂᕐᒧᑦ ᐋᖅᑭᒃᓯᒪᔪᑦ ᐅᐊᔭᒨᖅᑐᓄᑦ ᐱᓕᕆᐊᔅᓴᓄᑦ ᓇᓗᓇᐃᔭᑦᑎᐊᕐᓗᓂ ᐱᓕᕆᐊᕆᔭᐅᔪᓄᑦ, ᐊᑭᖏᓐᓂᒃ ᖃᐅᔨᓴᕐᓗᓂ, ᐊᐅᓚᐅᓴᐅᓕᕆᓂᕐᒧᑦ ᓈᓴᐅᓯᓕᕆᓂᖅ, ᐊᒻᒪᓗ ᓴᖅᑭᑎᑦᑎᓗᓂ ᓇᓗᓇᐃᔭᖅᓯᒪᑦᑎᐊᖅᑐᓂᒃ ᑎᑎᖅᑐᒐᕐᓂᒃ (AutoCAD).
- ᐋᖅᑭᒃᓱᐃᓗᓕ ᖃᐅᔨᓴᖅᑕᐅᔪᓄᑦ ᐊᒻᒪᓗ ᐊᑐᖅᑕᐅᔪᓄᑦ ᖃᐅᔨᓴᕐᓂᖅ ᑕᐃᒪᐅᑐᓐᓇᕆᐊᖃᖅᑐᓄᑦ ᓄᑖᙳᖅᑎᑕᐅᔭᕆᐊᖃᖅᑐᓄᑦ ᐊᒻᒪᓗ ᐅᑎᖅᑎᑕᐅᔭᕆᐊᖃᖅᑐᓄᑦ ᐱᓕᕆᐊᔅᓴᓂᒃ ᐅᕙᓘᓐᓃᑦ ᓴᓇᓂᕐᒧᑦ ᓄᑖᓄᑦ ᓴᓇᕕᓂᒃ.
- ᐋᖅᑭᒃᓱᐃᓗᓂ ᐱᔨᑦᑎᕋᐅᑎᓂᒃ ᐃᓚᖃᖅᑐᑦ ᐸᕐᓇᐅᑎᓂᒃ, ᑎᑎᕋᖅᓯᒪᔪᓂᒃ, ᑎᑎᖅᑐᒐᕐᓂᒃ, ᐊᒻᒪᓗ ᐊᑭᖏᓐᓂᒃ ᓇᓚᐅᖅᑖᕐᓂᒃᑯᑦ ᐊᐅᓴᐅᔭᓕᕆᓂᕐᒧᑦ ᐊᖅᑯᑎᓕᕆᓂᕐᒧᑦ ᐃᓚᖃᖅᑐᑦ ᐱᓕᕆᐊᔅᓴᓄᑦ.
- ᑲᒪᓗᓂ ᓇᔪᕐᕕᒋᔭᒥ ᖃᐅᔨᓴᕐᓂᖅ ᐅᖓᓯᑦᑐᓂ ᓄᓇᓕᓂ ᐃᒻᒥᒃᑯᑦ ᐱᓕᕆᐊᔅᓴᓄᑦ ᓴᓇᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ, ᐊᒻᒪᓗ ᑐᓂᓯᓗᓂ ᓴᓇᔭᕆᐊᖃᖅᑐᓄᑦ ᐃᑲᔪᕐᓗᓂ ᐊᒻᒪᓗ ᐊᐅᓴᐅᔭᓕᕆᓂᕐᒧᑦ ᐋᖅᑭᒃᓱᐃᓂᖅ ᖃᐅᔨᓴᕐᓗᓂ ᐊᒥᓱᑲᓪᓚᓄᑦ ᑲᔪᓯᔪᓄᑦ ᐊᖅᑯᑎᓕᕆᓂᕐᒧᑦ ᐱᓕᕆᐊᔅᓴᓄᑦ.
- ᒪᓕᓪᓗᓂ ᒪᓕᒃᑕᐅᔭᕆᐊᖃᖅᑐᓂᒃ ᐊᑕᖏᖅᑐᒃᑯᑦ ᑲᓇᑕᒥ ᓴᓇᓂᕐᒧᑦ ᒪᓕᒃᑕᐅᔭᕆᐊᖃᖅᑐᓂᒃ ᐃᓚᒋᓗᒋᑦ ᑭᓯᐊᓂ ᑭᒡᓕᖃᙱᑦᑐᒃᑯᑦ ᑲᓇᑕᒥ ᒪᓕᒃᑕᐅᔭᕆᐊᖃᖅᑐᑦ ᑲᑐᔾᔨᖃᑎᒌᖏᑦ (CSA), ᑲᓇᑕᒥ ᓴᓇᓂᕐᒧᑦ ᓇᓗᓇᐃᒃᑯᑕᖓ (NBC) ᐊᒻᒪᓗ ᐊᒥᐊᓕᑲᒃᑯᑦ ᑲᑐᔾᔨᖃᑎᒌᖏᑦ ᐊᐅᓚᐅᓴᓕᕆᓂᕐᒧᑦ (ASME) ᒪᓕᒐᖏᓐᓂᒃ.
ᐊᔪᙱᔾᔪᑕᐅᔭᕆᐊᓖᑦ ᒪᑯᐊᖑᔪᑦ:
- ᐃᓕᓐᓂᐊᖅᓯᒪᓗᓂ ᐸᐃᑉᐹᒃᑯᑦ ᓇᓗᓇᐃᒃᑯᑕ ᐊᐅᓚᐅᓴᓕᕆᓂᕐᒧᑦ ᐊᖅᑯᑎᓕᕆᓂᕐᒧᑦ ᓯᓚᑦᑐᖅᓴᕐᕕᒥᑦ.
- ᑕᓪᓕᒪᓂᒃ ᐅᑭᐅᓂᒃ ᐊᐅᓚᐅᓴᓕᕆᓂᕐᒧᑦ ᐊᖅᑯᑎᓕᖕᓂᕐᒧᑦ ᐃᓕᓯᒪᓗᓂ ᐅᖅᓱᐊᓗᒃᑯᑦ ᐊᐅᓚᑕᐅᔪᓄᑦ ᐃᓕᓯᒪᓗᓂ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒧᑦ ᐱᕙᓪᓕᐊᔪᓄᑦ ᐊᐅᓚᑦᑎᓂᕐᒧᑦ.
- ᑎᑎᕋᖅᓯᒪᔪᒃᑯᑦ ᐱᔨᒻᒪᕆᐅᓗᓂ ᐊᐅᓚᐅᓴᓕᕆᓂᕐᒧᑦ (P. Eng) ᐊᑐᐃᓐᓇᐅᔭᕆᐊᖃᖅᑐᒃᑯᑦ ᑎᑎᕋᖅᓯᒪᔪᒃᑯᑦ ᓄᓇᑦᑎᐊᕗᑦ ᐊᒻᒪᓗ ᓄᓇᕗᑦ ᑲᑐᔾᔨᖃᑎᒌᖏᑦ ᐊᐅᓚᐅᓴᓕᕆᓂᕐᒧᑦ ᐊᖅᑯᑎᓕᕆᓂᕐᒧᑦ (NAPEG).
ᐱᓯᒪᒋᐊᓕᖏᑦ:
- ᐃᓕᓯᒪᓗᓂ ᐅᖅᑯᖅᓴᐅᑎᓂᒃ, ᓱᓗᓕᕆᓂᕐᒧᑦ ᐊᒻᒪᓗ ᓂᓪᓕᓇᖅᑐᓕᕆᓂᕐᒧᑦ (HVAC), ᐆᓇᖅᑐᓂᒃ ᐊᐅᓚᑦᑎᓂᖅ, ᐅᐊᔭᒨᓕᕐᓂᕐᒧᑦ ᐅᒡᕙᓘᓐᓃᑦ ᐆᓇᖅᑐᓂᒃ ᐊᒻᒪᓗ ᐅᐊᔭᒨᖅᑐᒃᑯᑦ (CHP) ᐅᖁᖅᓴᐅᑎᑦ.
- ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒧᑦ ᐱᓕᕆᔨᒻᒪᕆᒃ (PMP) ᓂᕈᐊᖅᓯᔨ.
- ᖃᐅᔨᒪᓂᖃᕆᐊᓕᒃ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔨᐸᓗᖏᑦ ᐱᓕᕆᐊᑦᓴᓂᑦ ᐃᓚᖃᑐᖅ ᐃᓕᓐᓂᐊᕈᑎᒃᓴᓂᒃ ᐃᓕᑕᐅᔪᑦᓴᓂ ᖃᐅᔨᒪᔭᐅᒧᒃᓴᓂ ᐅᐸᓗᖓᐃᔭᐃᔪᓐᓇᑦᓯᐊᕆᐊᓕᒃ ᐊᒻᒪ ᐊᐅᓚᑦᓯᔨᐅᓂᕐᒥᑦ ᐱᓕᒻᒪᓴᕐᓯᒪᓗᓂ ᐃᓱᒪᒋᔭᐅᓂᐊᑦ.
ᐃᖃᓇᐃᔭᒧᑦ ᑭᓇᐅᔭᓕᐅᕈᓯᐊ ᖃᓂᖁᓯᒪᔪ $104,500-ᒥᑦ ᐃᑯᖓ $123,864-ᒧᑦ, ᐅᑭᐅᑕᖅᑐᒥ ᐃᓚᔭᐅᓱᒥᑦ ᐃᒪᖃᑐᖅ $15,016 ᐃᑲᕕᐅᑉ ᐃᓗᐊᓂ, ᐃᑲᕋᓂ ᐅᖓᑕᓂ ᐃᖃᓇᐃᔭᕆᐊᖃᐸᑦ ᐊᑭᓕᖅᑐᑕᐅᔪᓐᓇᓚᖓᔪᖅ ᑕᒪᒃᑭᐅᒪᔪᒥᓗ ᐃᑲᔪᓯᐊᒥ ᐱᑕᖃᓚᖓᔪᖅ ᐃᓚᖃᓗᓂ ᐃᓂᖅᑐᓯᐅᒻᒥᑦ ᐊᒻᒪ ᐃᖃᓇᐃᔭᖅᑎᑦ ᐃᓪᓗᖃᐅᓯᐊᓂᒃ. ᑕᓐᓇ ᐃᖃᓇᐃᔭᒃᓴᖅ ᖁᒥᐅᑕᐅᓯᒪᔪᖅ ᐃᑯᖓ ᓄᓇᕗᒥ ᐃᖃᓇᐃᔭᖅᑎᑦ ᔪᓂᐊᓐᖓᒍᑦ.
ᓯᕗᓪᓕᐅᔾᔭᐅᕙᓐᓂᐊᖅᑐᑦ ᓄᓇᕗᑦᒥᐅᑕᐃᑦ ᐃᓄᐃᑦ.
ᐃᕐᖐᓇᖅᑕᐅᑎᒃᑯᑦ ᑐᓂᔪᓐᓇᖅᑕᑎᑦ ᐃᖅᑲᓇᐃᔮᖅᑖᕋᓲᑎᑎᑦ ᐅᕗᖓ careers@qec.nu.ca ᐅᕙᓗᓐᓂᑦ ᑎᑎᕋᓂᐊᕕᑯᑦ ᐅᕙ ᑐᕋᕈᑕᑦ: Human Resources, Qulliq Energy Corporation, P.O. Box 420, Baker Lake, NU X0C 0A0
ᐅᑦᑐᕈᓐᓇᑐᑎᑦ ᐸᐃᑉᐸᑯᑦ ᑎᑎᕋᖅᓯᒪᔪᑯᑦ ᐅᒃᑐᐳᕆ 25, 2019 ᒪᑐᕕᑦᓴᖓ.
ᑕᑕᑎᕈᑎᒃᑯᑦ ᐅᕙᓂ ᐅᑦᑐᖃᑕᐅᔪᑦ ᓯᕗᓂᐊᒍᑦ ᐊᑐᐃᓐᓇᖅᑕᖃᓕᐸᑦ ᐃᖃᓇᐃᔭᒥᑦ QEC ᐊᑐᐃᓐᓇᐅᑎᑦᑎᐸᑕ ᐃᓱᒪᒋᔭᐅᖃᑕᐅᔪᓐᓇᓚᖓᔪᑦ.
ᓇᑯᒥᑕᕗᑦ ᐃᓗᓐᓇᑎᒃ ᐅᒃᑐᖅᑐᑦ, ᑭᓯᐊᓂ ᑕᒃᑯᐊ ᐊᒧᖅᓴᑕᕗᑦ ᐃᓱᒪᓴᓯᐅᕈᑎᒋᓂᐊᖅᑕᕗᑦ ᐅᖃᓗᕕᒋᓗᒋᑦ.