ᐃᖃᓗᐃᑦ, ᓄᓇᕗᑦ (ᓯᑎᐱᕆ 22, 2017) – ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᓕᐊᓇᐃᒍᓱᒃᑐᑦ ᑐᓂᓯᔭᕆᐊᒃᓴᖅ 2017 ᓘᕋ ᐅᓪᓗᕆᐊᖅ ᖒᑎᐊᐃ ᐃᓕᓐᓂᐊᕆᐊᕈᑖᓂ ᓄᓇᕗᒻᒥᐅᑕᒧᑦ ᐃᓕᓐᓂᐊᕐᑎᒧᑦ. ᓴᖅᑭᑕᐅᓚᐅᖅᓯᒪᓪᓗᓂ 2001−ᒥᑦ, ᑖᓐᓇ $5,000 ᑐᓐᓂᖅᑯᓯᐊᒃᓴᖅ ᑐᓐᓂᖅᑯᑕᐅᕙᒃᐳᖅ ᐊᕐᕌᒍᑕᒫᑦ ᐃᓕᓐᓂᐊᕐᑎᓄᑦ ᐃᓕᓐᓂᐊᒃᑲᓐᓂᕋᓱᒃᑐᓄᑦ.
ᐋᑦ ᓵᑎᐊᓇ ᑲᖏᖅᖠᓂᖕᒥᐅᑕᖅ ᑕᒪᑐᒪᓂ ᐊᕐᕌᒍᒥᑦ ᑐᓂᔭᐅᓂᐊᖅᐳᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᑕ ᐃᓕᓐᓂᐊᕆᐊᕈᑎᒃᓴᖓᓂ ᒪᓕᒃᖢᓂ ᐱᓕᕆᑦᑎᐊᖕᓂᖓᓂ ᐃᓚᐅᑦᑎᐊᖕᓂᖓᓂᒡᓗ ᓄᓇᓕᖕᓂᑦ. ᐋᑦ ᐃᓕᓐᓂᐊᖅᑐᖅ ᐋᓐᓂᐊᖅᑕᐃᓕᒪᓂᓕᕆᓂᖕᒧᑦ ᐊᑐᐃᓐᓇᐅᔪᓂᑦ ᓯᓚᑦᑐᖅᓴᕐᕕᒡᔪᐊᒥᑦ ᒫᓂᑑᐸᒥ, ᐱᒻᒪᕆᐅᔪᖅ ᐊᑐᖅᑕᖓ ᖃᐅᔨᔾᔪᑎᒋᓪᓗᓂᐅᒃ ᓘᒃᑖᙳᕈᒪᓂᖕᒥᓂᒃ ᓄᓇᕗᒻᒥᑦ.
“ᐊᓕᐊᓇᐃᒍᓱᒃᑐᖓ ᑖᒃᑯᐊ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑮᓇᐅᔭᑎᒍᑦ ᐃᑲᔪᖅᑐᐃᔪᓐᓇᖕᒪᑕ ᐋᑦ ᐃᓕᓐᓂᐊᕐᓂᖓᓄᑦ,” ᐅᖃᖅᑐᕕᓂᖅ ᒪᓕᒐᓕᐅᖅᑎ ᔮᓂ ᒪᐃᒃ, ᒥᓂᔅᑕ ᑲᒪᒋᔭᓕᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ. “ᓇᓗᓇᙱᑦᑐᖅ ᐋᑦ ᐃᑲᑦᑐᕆᖕᓂᖓ ᐱᔪᒃᓯᑦᑎᐊᖕᓂᖓᓗ ᓄᓇᓕᖕᓄᑦ ᐃᑲᔪᕆᐊᒃᓴᖅ ᐅᐱᒍᓱᒍᑕᐅᕗᖅ ᒐᕙᒪᑦ ᓯᕗᓕᖅᑎᐊᓂᑦ ᑖᓐᓇ ᐃᓕᓐᓂᐊᕆᐊᕈᓯᐊᒃᓴᖅ ᐊᑦᑎᖅᑕᐅᓯᒪᓂᖓᓄᑦ.”
ᓘᕋ ᐅᓪᓗᕆᐊᖅ ᖒᑎᐊᐃ ᑭᒡᒐᖅᑐᐃᔨᐅᓚᐅᖅᐳᖅ ᖃᐅᔨᒪᓪᓗᓂ ᐱᒻᒪᕆᐅᓂᖓᓂ ᓄᓇᓕᖕᓂᑦ ᓇᖕᒥᓂᖁᑎᒋᔭᓂᑦ ᐊᐅᓚᑕᐅᔪᓂᒡᓗ ᐆᒻᒪᖅᑯᑎᓂᑦ. ᐃᓕᓐᓂᐊᕆᐊᕈᑎᒃᓴᖅ ᑐᕌᖓᕗᖅ ᑖᑉᓱᒧᖓ ᐃᑲᒧᖅᑐᐃᕙᓚᐅᖕᓂᖓᓄ ᓴᖅᑭᑦᑎᓇᓱᐊᖕᓂᖕᓂᑦ ᐃᓛᒃᑰᖅᑐᓂᑦ ᐆᒻᒪᖅᑯᑎᓕᕆᔨᓂᑦ ᓄᓇᕗᒻᒧᑦ ᐃᓅᔪᓐᓃᑳᓪᓚᓚᐅᖅᑳᕋᓂ 2000−ᒥᑦ.
“ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᑦᑎᐊᖅᑐᑦ ᖒᑎᐊᐃᒃᑯᑦ ᐃᓚᖏᓐᓄᑦ, ᔅᑕᕚᓐ ᐊᒪᓐᑕ ᕿᓚ1ᕝᕙᒃᑯᒃ, ᐃᑲᔪᖅᑐᐃᖏᓐᓇᖅᐸᖕᓂᖏᓐᓄᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᓂᕈᐊᖅᑎᓪᓗᒋᑦ ᐃᓕᓐᓂᐊᕐᑎᑦᑎᐊᕙᖕᒥᑦ,” ᐅᖃᖅᑐᕕᓂᖅ ᐊᖓᔪ1ᖅᑳᕆᔭᖅ ᑐᑭᒧᐊᒃᑎᑦᑎᔨᓗ, ᑉᕉᓄ ᐳᕌᕋ.
###
ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᓰᓚ ᐸᐸ
ᐊᐅᓚᑦᑎᔨ, ᐊᖓᔪᖅᑳᖃᕐᕕᖕᒥᑦ ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ
(867) 979-7529
spapa@qec.nu.ca