ᐃᖃᓗᐃᑦ, ᓄᓇᕗᑦ (ᐊᐃᕆᓕ 3, 2017) –ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᑕ (ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ) ᑭᒡᒐᖅᑐᐃᔨᖏᑦ ᑲᑎᖃᑎᖃᓚᐅᖅᐳᑦ ᓄᓇᓕᖕᒥᐅᑦ ᑭᒡᒐᖅᑐᖅᑎᖏᓐᓂᑦ ᓄᓇᓕᖕᒥᐅᑕᓂᓪᓗ ᐅᓪᓗᒥ ᖁᕕᐊᓲᑎᖃᖕᓂᐊᖅᖢᑎᒃ ᐅᒃᑯᐃᖅᑕᐅᑦᑎᐊᖕᓂᖓ ᓄᑖᖅ ᐸᖕᓂᖅᑑᑉ ᐊᐅᓚᐅᑎᖃᕐᕕᖓᓂ. ᓯᕗᓪᓕᐅᓚᐅᖅᑐᖅ ᐊᐅᓚᐅᑎᖃᕐᕕᒃ, ᓇᑉᐸᖅᑎᑕᐅᓚᐅᖅᑐᖅ 1971−ᒥᑦ, ᐃᑯᒪᒧᑦ ᓇᐅᙳᓚᐅᖕᒪᑦ ᐊᐃᕆᓕ 2015−ᒥᑦ.
“ᖁᔭᓕᔪᒪᕗᖓ ᐸᖕᓂᖅᑑᖕᒥᐅᑕᓂᑦ ᐃᑲᔪᖅᑐᐃᒻᒪᕆᖕᓂᕆᓚᐅᖅᑕᖏᓐᓂᑦ ᕿᓄᐃᓵᖕᓂᕆᓚᐅᖅᑕᖏᓐᓄᓪᓗ ᑖᒃᑯᐊ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦ ᐊᓯᔾᔨᖅᓯᑎᓪᓗᒋᑦ ᑐᙵᕕᐊᓂᑦ ᖁᓛᓄᑦ,” ᐅᖃᓚᐅᖅᑐᖅ ᒪᓕᒐᓕᐅᖅᑎ ᔮᓂ ᒪᐃᒃ, ᑲᒪᒋᔭᓕᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᓐᓂᑦ. “ᐊᓕᐊᓇᐃᒍᓱᑦᑎᐊᖅᑐᖓ ᓄᓇᓕᖕᒥᐅᑦ ᒫᓐᓇ ᖃᓄᐃᙱᑦᑎᐊᖅᑐᒥᑦ ᐊᑐᒐᒃᓴᓂᒡᓗ ᐆᒻᒪᖅᑯᑎᖃᕈᓐᓇᓕᖕᒪᑕ ᐊᑐᖅᑐᒻᒪᕆᒃ ᐸᖕᓂᖅᑑᑉ ᐱᕙᓪᓕᐊᓂᖓᓄᑦ ᖃᓄᐃᙱᑦᑎᐊᖕᓂᖓᓄᓪᓗ.”
ᐊᐅᓚᐅᑎᖃᕐᕕᒃ ᐃᓗᓕᖃᖅᑐᖅ ᐱᖓᓱᓂᑦ ᓄᑖᓂᑦ ᐅᖅᓱᖅᑐᓗᐊᙱᑦᑐᓂᑦ ᐊᐅᓚᐅᑎᓂᑦ ᐃᓚᒋᐊᖅᓯᒪᓕᖅᖢᓂᓗ ᓴᙱᓂᖏᑦ 3.75 ᒦᖓᐅᐊᑦᔅᓂᑦ 1(megawatts) ᓄᑭᓪᓚᐅᑎᓂᑦ. ᓄᑖᙳᕆᐊᖅᓯᒪᔪᓂᒡᓗ ᐃᑭᔾᔭᐃᒃᑯᑎᓂᑦ ᖁᖁᐊᑲᐅᑎᒋᓲᓂᒡᓗ, ᑖᓐᓇ ᓄᑖᓂᑦᑕᐅᖅ ᐱᓕᕆᔾᔪᑎᖃᓕᖕᒥᔪᖅ ᓂᐱᒃᑭᐅᓗᐊᖁᓇᒋᑦ ᐃᓯᐊᕿᓗᐊᖅᑕᐃᓕᒪᔾᔪᑎᓂᒡᓗ.
“ᐱᓕᕆᐊᓂᒃᓗᒍ ᐊᖑᒻᒪᑎᓪᓗᓂ ᐊᑐᓗᐊᖏᓪᓗᓂᓗ ᑮᓇᐅᔭᖅᑑᑎᒃᓴᓂᑦ ᓯᕗᓪᓕᖅᐸᐅᑎᓚᐅᖅᐸᕗᑦ ᐊᕐᕌᒍᒥᑦ. ᐊᓕᐊᓇᐃᒍᓱᑦᑎᐊᖅᑐᖓ ᑕᒪᓐᓇ ᐊᑐᑦᑎᐊᓚᐅᕋᑦᑕᒍᑦ” ᐅᖃᖅᑐᕕᓂᖅ ᑉᕉᓄ ᐳᕉᕋ, ᐊᖓᔪᖅᑳᕆᔭᖅ ᑐᑭᒧᐊᒃᑎᑦᑎᔨᓗ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᓐᓄ.
ᐸᖕᓂᖅᑑᑉ ᐊᐅᓚᐅᑎᖃᕐᕕᒃᑖᖓ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᐊᖏᔫᓪᓗᓂ ᐱᖓᔪᒋᓕᖅᐸᐅᒃ ᐱᐊᓂᒃᖢᓂᔾᔪ ᐊᕐᕌᓂᐅᓚᐅᖅᑐᒥᑦ, ᑕᒪᖕᒥᒡᓗ ᐃᓚᓕᐅᔾᔨᔪᐃᓐᓇᐅᓪᓗᑎᒃ ᐊᑐᒃᑲᓐᓂᒐᒃᓴᓂᑦ ᓄᑭᓪᓚᐅᑎᓂᑦ.