ᓄᒃᑭᒃᓴᕈᒃ ᐃᖅᑲᓇᐃᔮᕆᔪᓐᓇᖅᑕᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᑎᒍᑦ ᐆᒻᒪᕆᒃᑎᐊᖅᑐᑦ ᐱᓕᕆᖃᑦᑕᖅᓯᒪᓂᑰᑦᑎᐊᖅᑐᑦ ᐱᓕᕆᕝᕕᖕᒥ ᐱᓕᕆᔨᒻᒪᕇᑦ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᕈᓐᓇᑦᑎᐊᖅᑐᒥ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᓂᒃ ᓄᓇᕗᓕᒫᒥ.
ᐱᓕᕆᖃᑎᒌᓐᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᕕᒃᓴᖃᑦᑎᐊᖅᑎᓪᓗᑎᓪᓗ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᑲᑕᒡᓗᑎᑦ, ᐃᖃᓗᑲᑕᒡᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᒨᖓᑦᑎᐊᖅᑐᓂ ᓴᓇᙳᐊᖅᑕᐅᔪᓂ ᓂᔾᔭᐅᓯᔭᖅᑕᐅᔪᓂᒡᓗ, ᓄᓇᕗᑦ ᐃᓂᐅᕗᖅ ᐃᓕᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᔾᔨᒌᖕᓂᖏᑦ ᐊᓯᖏᓐᓄᑦ ᐆᒻᒪᖁᑎᓕᕆᓂᕐᒧᑦ ᑲᓇᑕᒥ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᔾᔨᒌᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᑐᑦ ᐊᐅᓚᑦᑎᖃᑦᑕᕐᓂᖏᓐᓄᑦ 25-ᓂᑦ ᐃᓛᒃᑰᖅᑐᓂᑦ ᐅᖅᓱᐊᓗᖕᒨᖅᑐᓂᑦ ᐊᐅᓚᐅᑎᖃᕐᕕᒡᔪᐊᕐᓂ ᐊᒻᒪ ᖃᐅᒻᒪᖅᑯᑎᖃᖅᑎᑦᑎᔾᔪᑎᓂᑦ ᓄᓇᕗᓕᒫᒥ ᓄᓇᓕᖏᓐᓂ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ-19-059 ᓄᓇᓕᒥ ᑐᓂᐅᖅᑲᐃᓂᕐᒧᑦ ᐃᓱᒪᑕᓯᖅ
ᐃᖃᓗᑦᑑᑦᑎᐊᖅ, ᓄᓇᕗᑦ ᐊᒻᒪᓗ ᐅᓂᒃᑳᒐᔅᓴᓕᐅᕐᓗᓂ ᐃᓱᒪᑕᒧᑦ, ᑐᓂᐅᖅᑲᐃᓂᕐᒧᑦ, ᓄᓇᓕᒥ ᑐᓂᐅᖅᑲᐃᓂᕐᒧᑦ ᐃᓱᒪᑕᖅ ᑲᒪᒋᔭᖃᖅᑐᑎᖅ ᖃᐅᔨᓴᕐᓗᓂ ᑲᔪᓯᑎᑕᐅᔭᕆᐊᖃᖅᑐᓄᑦ ᐃᖅᑲᓇᐃᔭᖅᑎᓄᑦ, ᐊᐅᓚᑦᑎᓗᓂ ᐱᓕᕆᐊᔅᓴᓄᑦ ᐊᒻᒪᓗ ᓴᓇᔭᐅᔭᕆᐊᖃᖅᑐᓄᑦ ᐱᓕᕆᐊᔅᓴᓄᑦ ᕿᑎᕐᒥᐅᒃ ᐊᒻᒪᓗ ᑭᕙᓪᓕᖅ ᓄᓇᓕᖏᓐᓂ, ᐊᒻᒪᓗ ᐅᖓᑖᒍᑦ ᑕᐅᑦᑐᖃᕐᓗᓂ ᑲᔪᓯᑎᑕᐅᔭᕆᐊᖃᖅᑐᓄᑦ ᐊᒻᒪᓗ ᑐᐊᕈᕐᓇᖅᑐᓄᑦ ᑭᐅᔾᔪᑎᓄᑦ ᐱᓕᕆᐊᔅᓴᐃᑦ ᐊᒻᒪᓗ ᒪᓕᒃᑕᐅᔭᕆᐊᖃᖅᑐᑦ ᐃᓚᖃᖅᑐᑦ ᐊᐅᓚᑦᑎᓂᕐᒧᑦ ᑐᓂᐅᖅᑲᐃᓂᕐᒧᑦ.
ᐱᔭᒃᓴᕆᔭᐅᔪᑦ ᐊᒻᒪ ᑲᒪᒋᔭᐅᔭᕆᐊᓖᑦ:
- ᐸᕐᓇᐅᑎᑦ, ᐊᑎᓕᐅᕐᓗᓂ ᐊᒻᒪᓗ ᖃᐅᔨᓴᕐᓗᓂ ᐃᖅᑲᓇᐃᔭᖅᑎᓄᑦ ᐱᓕᕆᐊᔅᓴᓄᑦ ᐅᖃᖃᑎᒌᓐᓂᕐᒧᑦ ᐃᓕᓯᓂᐊᕐᓗᓂ, ᐋᖅᑭᒃᓱᐃᓂᐊᕐᓗᓂ ᐊᒻᒪᓗ ᑲᔪᓯᑎᑦᑎᓂᐊᕐᓗᓂ ᐊᐅᓚᑕᐅᔪᓄᑦ ᐋᖅᑭᒃᓯᒪᔪᓄᑦ, ᐃᓚᒋᓗᒍ ᑐᓂᐅᖅᑲᐃᓂᖅ ᐋᖅᑭᒃᓯᒪᔪᓄᑦ ᐅᐊᔭᒨᖅᑐᓄᑦ ᓇᓗᓇᐃᔭᐃᓗᓂ ᐱᓕᕆᐊᔅᓴᐃᑦ ᒪᓕᓪᓗᒋᑦ QEC ᒪᓕᒐᖏᓐᓂᒃ, ᐱᓕᕆᐊᔅᓴᒧᑦ ᓴᐳᒻᒥᔾᔪᑎᔅᓴᐃᑦ ᓇᓗᓇᐃᒃᑯᑕᖓ ᐊᒻᒪᓗ ᐊᑐᐃᓐᓇᐅᔭᕆᐊᖃᖅᑐᑦ ᒪᓕᒐᓄᑦ.
- ᐋᖅᑭᒃᓱᐃᓗᓂ, ᐊᑎᓕᐅᕐᓗᓂ ᐊᒻᒪᓗ ᖃᐅᔨᓴᕐᓗᓂ ᐃᓕᔭᐅᔪᓄᑦ, ᐋᖅᑭᒃᓱᖅᑕᐅᔪᓄᑦ ᐊᒻᒪᓗ ᑲᔪᓯᑎᑦᑎᓂᕐᒧᑦ ᐅᐊᔭᒨᖅᑐᓕᒫᓄᑦ ᐋᖅᑭᖅᓯᒪᔪᓄᑦ ᐊᒻᒪᓗ ᐃᓚᒋᔭᖏᑦ ᓴᓇᕐᕈᑎᑦ ᑐᕌᒋᔭᐅᔪᓄᑦ ᓄᓇᓕᓄᑦ.
- ᐃᑲᔪᕐᓗᓂ ᐸᕐᓇᒃᑕᐅᔪᓄᑦ ᐅᓂᒃᑳᒐᔅᓴᓕᐊᓄᑦ ᐱᔾᔪᑎᖃᖅᑐᑦ ᐋᖅᑭᒃᓱᖅᑕᐅᔪᓄᑦ ᐊᒻᒪᓗ ᑲᔪᓯᑎᑦᑎᓂᕐᒧᑦ.
- ᐊᐅᓚᑦᑎᓗᓂ ᐃᓚᒋᔭᐅᔪᑦ ᐱᔨᑦᑎᕋᖅᑕᐅᔪᓄᑦ, ᐊᓪᓚᕕᐅᑉ ᐊᑐᐃᓐᓇᐅᔪᔅᓴᖏᓐᓄᑦ, ᐊᒻᒪᓗ ᐱᖓᓱᒋᔭᐅᔪᑦ ᐃᑲᔪᖅᑎᒌᖑᔪᓄᑦ ᐆᑦᑑᑎᒋᓗᒍ ᓂᐅᕕᐊᔅᓴᓕᕆᔭᐅᔪᓄᑦ, ᐊᖏᖃᑎᒌᓐᓂᖅ ᐃᖅᑲᓇᐃᔮᔅᓴᓄᑦ, ᐱᔨᑦᑎᕋᐅᑎᓄᑦ ᐊᖏᕈᑎᓄᑦ (ESA), ᐊᒻᒪᓗ ᐅᐊᔭᒨᖅᑐᓄᑦ.
- ᑭᖑᓪᓕᒃᑯᑦ ᑎᑎᕋᕐᓗᓂ ᐊᒻᒪᓗ ᑐᓂᓯᓗᓂ ᑮᓇᐅᔭᓕᕆᓂᕐᒧᑦ ᑐᒃᓯᕋᖅᑕᐅᔪᑦ ᑲᔪᓯᑎᑦᑎᓂᕐᒧᑦ ᐊᒻᒪᓗ ᐋᖅᑭᒃᑕᐅᔪᓄᑦ, ᐃᖏᕐᕋᓂᕐᒧᑦ, ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑐᐃᓐᓇᐅᔭᕆᐊᖃᖅᑐᓄᑦ.
- ᑲᒪᓗᓂ ᖃᕋᓴᐅᔭᒃᑯᑦ ᑲᔪᓯᑎᑦᑎᓂᖅ ᐊᐅᓚᑦᑎᓂᕐᒧᑦ ᐋᖅᑭᒃᓯᒪᔪᓂᒃᑯᑦ (CMMS) ᖃᐅᔨᓴᕐᓗᓂ ᑎᑭᓴᐃᑕᐅᔪᓄᑦ, ᐱᖁᑎᓄᑦ, ᐊᒻᒪᓗ ᑲᔪᓯᑎᑦᑎᓂᕐᒧᑦ ᐊᑐᖅᑕᐅᓂᑯᑦ ᑎᑎᕋᖅᓯᒪᔪᑦ ᐱᖁᑎᔅᓴᓄᑦ.
ᐊᔪᙱᔾᔪᑕᐅᔭᕆᐊᓖᑦ ᒪᑯᐊᖑᔪᑦ:
- ᑕᐅᒃᓰᖃᑦᑕᕐᓂᕐᒧᑦ ᐃᖅᑲᓇᐃᔭᖅᑎ ᓄᓇᓕᒋᔭᐅᔪᓄᑦ ᐊᐅᐸᓗᒃᑐᖅ ᓇᑦᑎᖅ ᐸᐃᑉᐹᖃᖅᑐᖅ ᓇᓗᓇᐃᒃᑯᑕᓂᒃ ᐅᐊᔭᒨᓕᕆᓂᕐᒧᑦ ᓴᓇᔨ.
- ᑕᓪᓕᒪᓂᒃ (5) ᐅᑭᐅᓂᒃ ᐃᓕᓯᒪᓗᓂ ᐅᐊᔭᒨᓕᕆᓂᕐᒧᑦ ᑐᓂᐅᖅᑲᐃᓂᖅ ᐋᖅᑭᒃᓯᒪᔪᓄᑦ, ᐊᒻᒪᓗ ᒪᕐᕉᓐᓂᒃ (2) ᐅᑭᐅᓂᒃ ᐃᓕᓯᒪᓗᓂ ᐊᐅᓚᑦᑎᓂᕐᒧᑦ ᖃᐅᔨᒪᓗᓂ.
- ᐊᑐᖅᑐᒥ ᐊᖁᑦᑐᓐᓇᐅᑎᖃᕐᓗᓂ ᐊᒻᒪ ᐊᖁᖃᑦᑕᕐᓂᖏᑕ ᐅᓂᒃᑳᖏᑦ ᖃᓄᐃᖏᓪᓗᑎ.
ᐱᓯᒪᒋᐊᓕᖏᑦ:
- ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒧᑦ ᐱᓕᕆᔨᒻᒪᕆᒃ (PMP) ᓂᕈᐊᖅᓯᔨ.
- ᐱᓕᕆᐊᒃᓴᓄᑦ ᐊᐅᓚᑦᑎᓂᑰᓗᓂ ᐸᕐᓇᐃᓂᕐᒧᑦ ᐊᒻᒪ ᐋᖅᑭᒃᓱᐃᓂᕐᒧᑦ, ᐃᑲᔫᑎᒃᓴᓂ ᐊᐅᓚᑦᑎᓂᕐᒥ, ᒥᔅᓴᐅᓴᐃᓂᕐᒥ ᐊᒻᒪ ᐱᕙᓪᓕᐊᓂᕐᒥ ᐅᓂᒃᑳᓕᐅᕐᓂᕐᒥ.
- ᐃᓕᓯᒪᓗᓂ ᐊᑐᕐᓗᓂ CMMS.
- ᖃᐅᔨᒪᓂᖃᕆᐊᓕᒃ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᑦ.
ᑐᓂᓯᓲᖑᔪᒍᑦ ᐊᑭᓕᖅᑐᐃᓂᖅ $111,467-$132,121, ᑎᑭᓪᓗᒍ, ᐅᑭᐅᖅᑕᖅᑐᒥᐅᑕᐅᓂᕐᒧᑦ $19,716 ᐅᑭᐅᑕᒫᑦ, ᐱᔪᓐᓇᐅᑎᖃᖅᑐᑦ ᐅᖓᑖᓄᑦ ᐃᑲᕐᕋᓄᑦ ᐃᖅᑲᓇᐃᔮᕐᓂᕐᒧᑦ, ᐊᒻᒪᓗ ᐊᑲᐅᓈᖅᑐᒃᑯᑦ ᐃᑲᔪᓯᐊᓄᑦ ᐃᓚᒋᓗᒋᑦ ᐃᑲᔫᓯᐊᑦ ᐃᖅᑲᓇᐃᔮᕋᓂᖕᓂᕐᒧᑦ ᐱᓕᕆᐊᔅᓴᓄᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᒋᔭᐅᙱᑦᑐᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑦ ᐃᓄᐃᑦ ᐃᓱᒪᒋᔭᐅᓂᖅᓴᐅᓂᐊᖅᑐᑦ.
ᐱᓇᔫᑎᓯ ᓇᒃᓯᐅᑎᓗᒍ ᐃᕐᖐᓐᓈᖅᑕᐅᑎᒃᑯᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᑎᑎᖅᑲᑎᒍᑦ ᐅᕗᖓ: ᐃᓄᓕᕆᓂᕐᒧᑦ ᐊᑐᐃᓐᓇᐅᔪᔅᓴᐃᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ, ᑎᑎᖅᑲᓂᐊᕐᕕᒃ 420, ᖃᒪᓂᑦᑐᐊᖅ, ᓄᓇᕗᑦ X0C 0A0
ᑎᑎᖅᑲᒃᑯᑦ ᐱᓇᓱᐊᕐᓗᑎ, ᓄᕕᒻᐳᕆ 15, 2019 ᑐᖔᓂ.
ᐱᓇᔪᖃᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓂ. ᐱᓇᔪᖃᑕᐅᔪᓕᒫᑦ ᖁᔭᓐᓇᒦᖅᑕᕗᑦ; ᑭᓯᐊᓂ, ᑕᐃᒃᑯᐊᑐᐊᖅ ᐃᓱᒪᒋᔭᐅᔪᑦ ᑐᓴᖅᑎᑕᐅᒐᔭᖅᑐᑦ.