ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑐᓂᔭᐅᓚᐅᕐᒪᑕ ᐊᑐᓚᐅᐱᓪᓚᖕᓂᐊᖅᑐᒥᑦ ᒥᓂᔅᑕᒥᑦ ᐊᖏᖅᑕᐅᓯᒪᔪᒥᑦ ᐊᑐᓕᖅᑎᑦᑎᓂᕐᒧᑦ ᓇᖕᒥᓂᖅᓱᖅᑐᒥᑦ ᐅᒻᒪᖁᑎᒥᑦ ᐱᓕᕆᐊᖅ ᐊᒻᒪᓗ ᐱᔪᓐᓇᐅᑎᖃᕐᓗᓂ ᑐᒃᓯᕋᐅᑎᓂ ᐱᓕᕆᔾᔪᑎᓄᑦ ᑲᔪᓯᑎᒐᒃᓴᐅᓂᕐᒧᑦ ᖃᐅᔨᓴᖅᑕᐅᓗᓂ IPP ᖦᓕᕆᐊᒃᓴᒧᑦ, ᐱᔾᔪᑎᒋᓪᓗᒍ ᐅᑯᓂᖓ:
- ᐊᑐᓚᐅᐱᓪᓚᖕᓂᐊᖅᑐᒥᑦ ᐱᖃᑕᐅᒋᐊᖃᖏᑦᑐᑦ ᐊᑐᖅᑕᐅᔪᖅ ᐃᓄᐃᑦ ᑲᑐᔾᔨᖃᑎᒋᓄᑐᐊᖅ, ᐃᓄᐃᑦ ᓇᖕᒥᓂᖁᑎᖏᑦᑕ ᑲᑐᔾᔨᖃᑎᒋᖏᑦ ᐊᒻᒪᓗ ᕼᐊᒻᒪᓚᒃᑯᑦ.
- IPP ᐱᓇᔪᒃᓯᒪᔪᓕᒫᑦ ᒪᓂᒪᓗᓂ ᐅᓗᕆᐊᓇᖅᑐᓕᒫ ᐊᒻᒪᓗ ᐊᑭᓕᕆᐊᓖᑦ ᐱᔾᔪᑎᖃᕐᑐᓂ ᐱᓕᕆᐊᕆᔭᐅᔪᑦ IPP ᐱᓕᕆᐊᒃᓴᒥᑦ, ᐱᖃᓯᐅᑎᓗᒋᑦ ᐱᔾᔪᑎᓖᑦ ᓴᓇᔭᐅᔪᓄᑦ ᐊᒃᑐᐊᓂᓖᑦ ᖃᐅᔨᓴᖅᑕᐅᖁᔨᔾᔪᑎ ᖃᐅᔨᓴᕐᓂᖅ.
- ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐱᒋᐊᖅᑎᑦᑎᓚᐅᖅᐳᖅ ᐋᕿᒋᐊᖅᑕ.ᓯᒪᔪᒥᑦ IPP ᐊᑐᐊᒐᖅ ᑲᑎᒪᔨᓂ ᐊᖏᖅᑕᐅᔪᒃᓴᒥᑦ, ᐅᑭᐅᖅ ᓄᙳᐊᓂ.
ᐱᓕᕆᐊᒃᓴᖅ ᐱᔪᓐᓇᐅᑎᐅᕗᖅ ᐱᒋᐊᖅᑎᑦᑎᔪᓂ ᓯᓚᑖᓂᖔᖅᑐᓂ ᑎᑭᐅᒪᔪᓂ IPP ᐱᓕᕆᐊᒃᓴᖓᑕ ᐱᓕᕆᔾᔪᑎᓄᑦ ᐱᔭᕆᐊᓖᑦ ᐊᒻᒪᓗ ᑲᔪᓯᓂᖃᑦᑎᐊᖅᑐᑦ ᐱᔪᓐᓇᐅᑎᑕᖅᑎᑦᑎᓂᕐᒧᑦ ᐃᓚᐅᖃᑕᐅᔪᓂ IPP ᐱᓕᕆᐊᒃᓴᖓᓂ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᐅᒪᑕᖏᓐᓂ ᐅᒻᒪᖁᑎᑕᖅᑎᑦᑎᓂᕐᒧᑦ ᐊᑐᒃᑲᓐᓂᕈᓐᓇᖅᑐᓂ ᐅᒻᒪᖁᓯᐅᕈᑎᓂ ᐊᒻᒪᓗ ᓂᐅᕈᑎᒋᓗᒋᑦ ᖁᓪᓕᖅ ᐅᒻᒪᖁᑎᓕᕆᔨᒃᑯᓐᓄᑦ. ᐃᓚᓕᐅᔾᔨᓗᑎᒃ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓕᕆᔾᔪᑎᓂᒃ ᐊᕕᒃᑐᖅᓯᒪᔪᑦ ᐆᒻᒪᖅᑯᑎᖃᕐᕕᖏᓐᓂ ᓄᓇᕗᒻᒥ ᐊᑐᑦᑎᐊᒃᑲᓐᓂᕈᓐᓇᖅᓯᓂᐊᖅᐳᑦ ᐅᖅᓱᐊᓗᖕᒥᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓯᐊᕿᑎᑦᑎᙱᓐᓂᖅᓴᐅᓕᕐᓗᑎᒃ ᐊᒻᒪ ᓴᖅᑭᔮᖅᑎᑦᑎᒃᑲᓐᓂᓕᕐᓗᑎᒃ ᐆᒻᒪᖅᑯᑎᒥᒃ ᓇᖕᒥᓂᖅᓱᕈᓐᓇᕐᓂᕐᒥᒃ.
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐱᒋᐊᕐᓂᐊᖅᑐᖅ ᐱᓕᕆᐊᒃᓴᓄᑦ ᕿᒥᕐᕈᓂᕐᒥᑦ ᑐᒃᓯᕋᖅᑐᓂ ᓇᓗᓇᐃᔭᐃᓗᑎᒃ ᑎᑭᒪᒐᓗᐊᕐᒪᖔᑕ ᐱᓕᕆᐊᒃᓴᐅᑉ ᐱᓕᕆᔾᔪᑎᓄᑦ ᐱᔭᐅᔭᕆᐊᓖᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᖃᖅᑎᐅᔪᓂᑦ ᓂᐅᕕᖁᔨᓇᑎᑦ ᐃᒻᒥᒃᑰᖅᑐᒥᑦ ᐊᐅᓚᔪᓐᓇᐅᑎᑦ ᐊᑐᓗᐊᙱᓂᖅᓴᒥᑦ ᐆᒻᒪᖅᑯᑎᒥᑦ ᐱᓇᓱᐊᕈᑎᖏᑦ ᕿᒻᒥᕈᔭᐅᓚᐅᖅᑎᓐᓇᒋᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ IPP ᐱᓕᕆᐊᒃᓴᖓᓂ ᐊᒻᒪᓗ ᖃᓄᖅ ᑐᒃᓯᕋᕈᓐᓇᕿᐊᒃᓴᖓᓂ, ᖃᐅᔨᒋᐊᕐᓗᒍ www.qec.nu.ca/customer-care/generating-power/independent-power-producer-program
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᕆᓂ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᒃᑯ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
RenewableEnergy@qec.nu.ca