ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓇᔪᒃᓯᒪᓕᖅᑐᑦ ᐅᖅᓱᐊᓗᒃᑖᖅᐸᒃᑐᑦ ᐅᑎᖅᑎᑦᑎᑦᕕᐅᖁᓪᓗᒋᑦ ᐅᖅᓱᐊᓗᖕᒧᑦ ᓱᕐᕋᔾᔭᐃᒃᑯᑎᒥᒃ 1.29 ᓴᓐᓯᒥᑦ ᑭᓗᕚᑦ ᐃᑲᕐᕋᒧᑦ ᐊᐃᕐᕆᓕ 1-ᒥᑦ ᓯᑎᐱᕆ 30−ᒧᑦ, 2021. ᐅᖅᓱᐊᓗᖕᒧᑦ ᐊᑭᖓ ᐊᑭᓕᒃᑲᓐᓂᕆᐊᖃᓲᖑᕗᖅ ᐅᕝᕙᓘᓐᓃᑦ ᐅᑎᖅᑎᒐᒃᓴᐅᓲᖑᕗᖅ ᐊᑭᓕᖅᓱᐃᔨᑦ ᐊᑭᓕᒃᓴᖓᓂᒃ ᐊᔾᔨᒌᙱᓐᓂᖓᓂ ᑕᑯᒃᓴᐅᑎᑦᑎᔪᒪᓪᓗᑎᒃ ᐅᖅᓱᐊᓘᑉ ᐊᑭᖓ ᐆᒻᒪᖅᑯᑎᑦ ᐊᑭᓕᒐᒃᓴᖓᓃᑦᑐᖅ ᐊᑭᓪᓚᑦᑖᖓᓗ ᐊᑭᓕᖅᓱᖅᑕᐅᔪᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
ᐱᓇᔫᑎ ᑐᓐᓂᖅᑯᑕᐅᓚᐅᖅᐳᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ, ᖃᐅᔨᓇᓱᒋᐊᖃᕐᓂᐊᖅᑐᖅ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᖃᓄᐃᓕᐅᖁᔭᐅᖕᒪᖔᑦ. ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ, ᐃᒻᒥᒃᑰᖅᖢᑎᒃ ᐅᖃᐅᔾᔪᐃᔨᑦ, ᕿᒥᕐᕈᓂᐊᖅᐳᑦ ᑭᒃᑯᑐᐃᓐᓇᑦ ᐃᓱᒪᒋᔭᖏᓐᓂᒃ ᑐᓴᖅᑕᐅᔪᓂᒃ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐅᖃᐅᔾᔨᓗᑎᒃ ᐱᓇᔫᑎᒋᔭᐅᔪᒥᒃ. ᑭᒃᑯᑐᐃᓐᓇᐃᑦ ᐅᖃᐅᓯᒃᓴᖃᖅᑐᑦ ᐃᕐᙲᓐᓈᖅᑕᐅᒃᑯᑦ ᓇᒃᓯᐅᔾᔨᔪᓐᓇᖅᐳᑦ ᐅᕗᖓ URRC@gov.nu.ca ᒪᐃ 7, 2021 ᑐᖔᓂ 5−ᒧᐊᓚᐅᙱᓐᓂᖓᓂ. ᐱᓇᔫᑎᐅᑉ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᖓ ᑕᑯᒋᐊᕐᓗᑎᑦ www.URRC.gov.nu.ca.
ᒥᓂᔅᑕ ᑲᒪᒋᔭᓕᒃ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓂᒃ ᐊᖏᖅᑕᐅᓚᐅᖅᐳᖅ ᑮᓇᐅᔭᕆᔭᐅᓚᐅᑲᖕᓂᐊᖅᑐᓂᒃ ᑕᐃᒪᓐᓇ ᐅᓄᖅᑎᒋᔪᓂᒃ ᑭᓯᐊᓂ ᑖᒃᑯᐊ ᑲᑎᒪᔩᑦ ᕿᒥᕐᕈᐊᓂᒃᓯᒪᓕᖅᐸᑕ. ᐅᑎᖅᑎᕝᕕᐅᓯᑲᐅᑎᒋᓂᐊᖅᐳᑦ ᑭᖑᓂᐊᓂᓗ ᐊᑐᖅᑕᐅᓚᐅᖅᑐᑦ ᐊᑭᓕᖅᓱᐃᔨᑦ ᑕᖅᑭᑕᒫ ᐊᑭᓕᒃᓴᖅᑖᕆᕙᒃᑕᖓᓄᑦ ᐊᑐᖅᑕᐅᓗᑎᒃ.
ᑐᑭᓯᒋᐊᒃᑲᓐᓂᕈᒪᒍᕕᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᖅᓱᐊᓗᖕᒧᑦ ᐊᑭᖓᓄᑦ ᐱᓇᔫᑎᐅᑉ ᒥᒃᓵᓄᑦ ᐅᕗᙵᕐᓗᓯ www.qec.nu.ca.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524