ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑕᓗᕐᔪᐊᕐᒥᐅᓂᒃ ᑐᓴᖁᔨᕗᑦ ᑲᑦᑐᓛᒃᑕᐅᓯᒪᔪᒥᑦ ᓄᓇᓕᖕᓃᑦᑐᖃᓛᕐᒪᑦ ᓯᑎᐱᕆ 15−ᒥ ᓯᑎᐱᕆ 18-ᒧᑦ, ᐊᕙᑎᖓᓂ ᖃᐅᔨᓴᕆᐊᖅᑐᖅᑐᓂᑦ ᓄᑕᐅᙱᑦᑐᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖓᑕ ᐃᒡᓗᖁᑎᖓᓂᒃ ᓄᓇᖁᑖ 113.
ᑳᑦᑐᓛᒃᑕᐅᓯᒪᔪᑦ ᐳᐊᕆᓯᓕᖕᒥᒃ ᐊᑐᕐᓂᐊᖅᐳᑦ ᖃᐅᔨᓴᒐᒃᓴᓂᒃ ᑲᑎᑦᑎᓗᑎᒃ ᓄᓇᙳᐊᕐᒥ ᐊᑖᓂ ᐊᐅᐸᖅᑐᒥᒃ ᓇᓗᓇᐃᒃᑯᑦᑎᖅᓯᒪᔪᒥᒃ. ᑕᓗᕐᔪᐊᕐᒥᐅᑦ ᐱᓕᕆᕝᕕᐅᔪᒧᑦ ᐅᐸᑲᑕᖁᔭᐅᙱᑦᑐᑦ ᐱᓕᕆᑦᑎᐊᕈᓐᓇᖁᓪᓗᒋᑦ ᐊᑦᑕᕐᓇᙱᑦᑐᒥᒃ.
ᑖᓐᓇ ᐊᕙᑖᓂ ᖃᐅᔨᓴᖅᑕᐅᓂᐊᖅᑐᖅ ᐱᓕᕆᐊᕆᔭᐅᓕᒪᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᒋᐊᕈᑕᐅᓪᓗᓂ ᐱᓕᕆᔾᔪᓯᖅ ᐱᖁᑎᓂᒃ ᐊᐅᓚᑦᑎᓂᕐᒥᑦ. ᑲᑐᔾᔨᖃᑎᒌᖑᔪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑦᑕᕐᓇᕐᑕᐃᓕᒪᔪᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᔩᑦ ᖃᐅᔨᓴᓚᐅᖅᑐᑦ ᖃᓄᐃᓕᖓᓂᖓ ᓇᓗᓇᐃᔭᐃᓂᕐᒧᑦ ᖃᓄᐃᓕᐅᕐᑕᐅᒃᑲᓐᓂᕆᐊᖃᕐᓂᖓ ᐊᕙᑎᓕᕆᓂᕐᒧᑦ ᐱᖁᔭᑎᒍᑦ ᒪᓕᑦᑎᐊᕐᓂᕐᒧᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔪᖏᓐᓂᓕᒫᖓᓂ ᑭᒡᓕᖃᖅᑎᑦᑎᓇᓱᖃᑦᑕᖅᐳᑦ ᐊᕙᑎᒥᑦ ᐊᒃᑐᐃᓂᕆᔭᖓᓂᒃ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒪᒥᐊᑉᐳᑦ ᑕᒪᓐᓇ ᐊᑲᐅᙱᓕᐅᕈᑕᐅᓂᐊᕐᓂᖅᐸᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑲᑕᕆ ᕕᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7513
cwhittaker@qec.nu.ca