ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᑎᑦᑎᔪᒪᔪᑦ ᓄᓇᓕᐅᔪᓂᒃ ᐊᕙᑎᖓᓂ ᐱᓕᕆᐊᖅ ᑕᓗᕐᔪᐊᓂ ᐊᓯᐊᓄ ᐱᓕᕆᕝᕕᐅᓂᐊᖅᑐᒃᓴᒧᑦ ᐃᓂᑖᖅᑎᑕᖅ.
ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔮᖅᑖᑎᑕᖅ ᓄᓇᓕᖕᒦᓐᓂᐊᖅᑐᑦ ᐱᒋᐊᕐᓗᓂ ᓯᑎᐱᕆ 22−ᒥᑦ 25−ᒧᑦ ᐱᔭᕇᖅᓯᔭᖅᑐᕐᓗᑎᒃ ᐊᕙᑎᒥᒃ ᖃᐅᔨᓴᕐᓂᕐᓂᒃ ᓄᑕᐅᙱᑦᑐᒥᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᓇᖕᒥᓂᕆᔭᖓ ᐃᖅᑲᓇᐃᔭᖅᑎᓄᑦ ᐃᒡᓗᒥᒃ ᓄᓇᖓ 113.
ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔮᖅᑖᑎᑕᖅ ᐳᐊᕐᕆᓯᓕᖕᒥᒃ ᐊᑐᕐᓂᐊᖅᐳᑦ ᖃᐅᔨᓴᒐᒃᓴᓂᒃ ᑲᑎᑦᑎᓗᑎᒃ ᓄᓇᙳᐊᕐᒥ ᐊᑖᓂ ᐊᐅᐸᖅᑐᒥᒃ ᓇᓗᓇᐃᒃᑯᑦᑎᖅᓯᒪᔪᒥᒃ. ᖁᕐᓗᖅᑐᕐᒥᐅᑦ ᐱᓕᕆᕝᕕᐅᔪᒧᑦ ᐅᐸᑲᑕᖁᔭᐅᙱᑦᑐᑦ ᐱᓕᕆᑦᑎᐊᕈᓐᓇᖁᓪᓗᒋᑦ ᐊᑦᑕᕐᓇᙱᑦᑐᒥᒃ.
ᑖᓐᓇ ᐊᕙᑖᓂ ᖃᐅᔨᓴᖅᑕᐅᓂᐊᖅᑐᖅ ᐱᓕᕆᐊᕆᔭᐅᓕᒪᔪᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᒋᐊᕈᑕᐅᓪᓗᓂ ᐱᓕᕆᔾᔪᓯᖅ ᐱᖁᑎᓂᒃ ᐊᐅᓚᑦᑎᓂᕐᒥᑦ. ᑲᑐᔾᔨᖃᑎᒌᖑᔪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑦᑕᕐᓇᕐᑕᐃᓕᒪᔪᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᔩᑦ ᖃᐅᔨᓴᓚᐅᖅᑐᑦ ᖃᓄᐃᓕᖓᓂᖓ ᓇᓗᓇᐃᔭᐃᓂᕐᒧᑦ ᖃᓄᐃᓕᐅᕐᑕᐅᒃᑲᓐᓂᕆᐊᖃᕐᓂᖓ ᐊᕙᑎᓕᕆᓂᕐᒧᑦ ᐱᖁᔭᑎᒍᑦ ᒪᓕᑦᑎᐊᕐᓂᕐᒧᑦ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔪᖏᓐᓂᓕᒫᖓᓂ ᑭᒡᓕᖃᖅᑎᑦᑎᓇᓱᖃᑦᑕᖅᐳᑦ ᐊᕙᑎᒥᑦ ᐊᒃᑐᐃᓂᕆᔭᖓᓂᒃ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒪᒥᐊᑉᐳᑦ ᑕᒪᓐᓇ ᐊᑲᐅᙱᓕᐅᕈᑕᐅᓂᐊᕐᓂᖅᐸᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑲᑕᕆ ᕕᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7513
cwhittaker@qec.nu.ca