ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ (QEC) ᑐᔅᓯᕋᖅᓯᒪᔪᑦ ᒪᓕᒐᓕᐅᖅᑎᒧᑦ ᔩᓂ ᐃᕼᐊᓗᐊᒃ, ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ, ᐊᖏᔪᒥᑦ ᐱᓕᕆᐊᒧᑦ ᐱᔪᓐᓇᐅᒻᒥᑦ ᓴᓇᓗᑎ ᓄᑖᒥᑦ ᐆᒻᒪᖅᑯᑎᓕᐅᕐᕕᒻᒥᑦ ᐃᑉᐱᐊᔪᒻᒥᑦ. ᑐᔅᓯᖃᐅᑎᓕᐅᕈᑦ ᐱᑕᖃᕆᐊᖃᖅᑐᖅ ᐊᐱᕆᓗᓂ ᐊᓯᔾᔨᖅᑕᐅᓗᓂ ᒫᓐᓇᐅᔪᒥᑦ ᐆᒻᒪᖅᑯᑎᓕᐅᕐᕕᒃ ᑎᑭᑦᑎᓯᒪᓕᖅᑐᖅ ᐊᑯᓂᐅᓂᕆᓂᐊᖅᓯᒪᔭᖓᓂᑦ.
“ᐃᑉᐱᐊᕐᔪᒃ ᐱᕈᖅᐸᓪᓕᐊᓂᖓᓄᑦ ᐱᔪᒪᓂᖃᓕᖅᐸᓪᓕᐊᔪᑦ ᐆᒻᒪᖅᑯᑎᓂᑦ ᐊᒻᒪ ᓄᑖᖅ ᐆᒻᒪᖅᑯᑎᓕᐅᕐᕕᒃ ᓴᓇᓯᒪᔪᖅ ᐱᑕᖃᖅᑎᑦᑎᓗᓂ ᐊᑦᑕᓇᖏᑦᑐᒥᑦ, ᑐᓂᖓᕕᒋᔭᔅᓴᐅᔪᒥᑦ ᐆᒻᒪᖅᑯᑎᖃᖅᑎᑦᑎᓂᕐᒧᑦ ᐊᒥᓲᓂᐊᖅᑐᓄᑦ ᐊᕐᕌᒍᓄᑦ ᐊᒡᒋᖅᑐᓄᑦ,” ᐅᖃᖅᑐᖅ ᒪᓕᒐᓕᐅᖅᑎ ᔨᓂ ᐃᕼᐊᓗᐊᒃ, ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ. “ᕿᒥᕐᕈᒌᖅᓯᒪᓕᑐᐊᕈᒃᑯ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ ᑐᔅᓯᖃᐅᑎᓕᐅᕈᑎᖓ ᐊᒻᒪ ᐅᖃᖃᑎᒋᓗᒋᑦ ᐆᒻᒪᖅᑯᑎᓄᑦ ᐊᑭᖏᓐᓄᑦ ᕿᒥᕐᕈᓂᕐᒧᑦ ᑲᑎᒪᔨᖏᓐᓂ, ᐃᓱᒪᓕᐅᕐᓂᐊᖅᑐᖓ ᐊᓯᔾᔨᖅᑕᐅᓂᖓᓄᑦ ᐱᓕᕆᐊᒥᑦ.”
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ ᐱᖑᑎ ᐊᖏᖅᑕᐅᓂᕐᒧᑦ, ᓴᓇᔭᐅᓂᖓ ᐱᒋᐊᕐᓂᐊᖅᑐᒋᔭᐅᔪᖅ ᐱᒋᐊᕐᓗᓂ 2020 ᑎᑭᓪᓗᒍ 2023 ᐊᒻᒪ ᒥᔅᓴᐅᓴᑦᑕᐅᓯᒪᔪᖅ ᐊᑭᖃᓂᐊᖅᑐᓂ ᖃᓂᒋᔭᖓᓂ $32 ᒥᓕᐊᓐ. ᐃᑲᔪᕐᓂᐊᕐᓗᒍ ᐊᑭᖓᓄᑦ ᓴᓇᔭᐅᓂᖓᓄᑦ ᐊᑭᖏᓐᓄᑦ, ᑯᐊᐳᕇᓴᐅᔪᖅ ᑐᔅᓯᕋᓂᐊᖅᑐᑦ ᑮᓇᐅᔭᖃᖅᑎᑕᐅᓂᕐᒧᑦ ᒐᕙᒪᑐᖃᒃᑯᑦ ᐅᑭᐅᑕᖅᑐᒥ ᐆᒻᒪᖅᑯᑎᓄᑦ ᑮᓇᐅᔭᐃᑦ.
“ᑐᔅᓯᕌᖑᔪᖅ ᐱᐅᓯᑎᒋᐊᖅᑕᐅᓂᖓ ᐱᖃᓯᐅᔾᔨᓂᐊᖅᑐᖅ ᓄᓇᒦᖔᖅᑐᓂᑦ ᐆᒻᒪᖅᑯᑎᓕᐅᕈᓐᓇᖅᑐᓂᑦ ᐊᒻᒪ ᒫᓐᓇᐅᔪᒥᑦ ᐅᖅᓱᐊᓗᓐᓂᑦ ᐊᑐᖅᑕᐅᑎᐊᕐᓂᖏᓐᓄᑦ ᐃᖅᑲᓇᐃᔭᐅᑎᓂᑦ, ᐃᑲᔪᖅᑐᐃᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ ᓯᕗᒧᒋᐊᕐᓂᖓᓄᑦ ᐊᑦᑎᓪᓕᑎᑦᑎᒋᐊᓂᕐᒧᑦ ᓄᓇᕗᒻᒥ ᑐᓐᖓᓂᖃᕐᓂᖏᓐᓄᑦ ᐅᖅᓱᐊᓗᑦᑐᖅᑐᓂᑦ,” ᐅᖃᖅᑐᖅ ᐳᕉᓄ ᐱᐅᕆᐅᕋ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ ᐊᖏᔪᖅᑳᖓᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐊᖏᔪᖅᑳᖅ. “ᐃᖅᑲᓇᐃᔭᖃᑎᒋᑦᑎᐊᖅᓯᒪᔭᕗᑦ ᕼᐊᒻᒪᓚᒃᑯᑦ ᐊᒻᒪ ᐅᐱᒋᔭᕗᑦ ᐃᓱᒪᓕᐅᕐᓂᖏᓐᓄᑦ ᓄᑦᑕᐅᓗᓂ ᐱᓕᕆᑯᐅᔪᑦ ᓯᓚᑑᓄ ᓄᓇᓕᒻᒧᑦ.”
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᔅᓯᕋᐅᑎᓕᐅᕈᒻᒧᑦ, ᐅᕗᓐᖓᕐᓗᑎᑦ www.qec.nu.ca/iu.
###
ᓯᐊᒻᒪᖅᑎᑦᑎᒧᑦ ᖃᐅᔨᒋᐊᕐᕕᒃᓴᖅ:
ᑳᑐᐃᓐ ᐅᐄᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑯᐊᐳᕇᓴᒧᑦ ᑐᓴᐅᒪᔾᔪᑎᓕᕆᓂᕐᒧᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ
(867) 979-7513
cwhittaker@qec.nu.ca