ᓂᕈᐊᖅᑕᐅᓯᒪᔪᖅ ᔩᓂ ᐃHᐊᓗᐊᒃ, ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ, ᐱᔪᓐᓇᖅᑎᑦᑎᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑲᔪᓯᓗᓂ ᐃᒡᓗᓕᐅᕐᓂᕐᒥᒃ ᓄᑖᒥᒃ ᐊᖓᔪᖅᑲᐅᑎᖃᕐᕕᖕᒥᑦ ᖃᒪᓂ'ᑐᐊᕐᒥ. ᑎᒥᐅᔫᑉ ᖃᓄᐃᓕᐅᕈᑎᖏᑦ ᐱᔨᑦᑎᕋᐅᑕᐅᓲᑦ ᐊᖓᔪᖅᑳᖃᕐᕕᐊᑕ ᑎᑎᕋᕐᕕᐊᓂᑦ ᖃᒪᓂ'ᑐᐊᒥᑦ ᐊᖓᔪᖅᑲᐅᑎᖃᕐᕕᖕᒥᓪᓗ ᑎᑎᕋᕐᕕᐊᓂᑦ ᐃᖃᓗᖕᓂᑦ.
"ᐅᓪᓗᒥᐅᔪᖅ, 45−ᓂᒃ ᐃᖅᑲᓇᐃᔭᖅᑐᓂ ᐱᖓᓱᑦ ᐊᔾᔨᒌᖏᑦᑐᓂ ᑎᑎᕋᕐᕕᖃᖅᐳᑦ ᓄᓇᓕᖕᓂᑦ,” ᐅᖃᖅᑐᖅ ᒥᓂᔅᑕ ᐃHᐊᓗᐊᒃ. “ᓄᑖᖅ ᐊᖓᔪᖅᑲᐅᑎᖃᕐᕕᒃ ᐅᓄᖅᓯᒋᐊᖅᑎᑦᑎᓂᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐊᐅᓚᓂᕐᓅᕈᓐᓇᑦᑎᐊᖅᑐᓂᒃ ᑕᒪᕐᒥᒃ ᖃᒪᓂ'ᑐᐊᖅ ᑎᑎᕋᕐᕕᖕᒥᐅᑕᓕᕆᔨᖏᑦ ᐃᓂᑖᕆᔭᐅᔪᓐᓇᕐᓂᐊᕐᒪᑕ ᐊᑕᐅᓯᕐᒥᒃ ᐃᒡᓗᕐᔪᐊᒥ ᓈᒻᒪᒃᑐᒥᒃ ᑲᑎᒪᕕᖃᕐᓗᓂ ᐱᓕᒻᒪᒃᓴᐃᕕᖕᒥᓪᓗ.”
ᐃᒡᓗᓕᐅᖅᑕᐅᓂᖓ ᓄᑖᖅ ᐊᖓᔪᖅᑲᐅᑎᖃᕐᕕᒃ ᓂᕆᐅᒋᔭᐅᔪᖅ ᐱᔭᕇᖅᑕᐅᓂᐊᕐᓂᖓᓂᒃ ᐅᑭᐅᒃᓵᖅ 2021 ᓇᓚᐅᑦᑖᖅᑕᐅᔪᒥᒃ ᐊᑭᖃᕐᓗᓂ $13 ᒥᓕᐊᓐ. ᐱᓕᕆᐊᖑᔪᒃᓴᖅ ᓂᕆᐅᒋᔭᐅᖕᒥᔪᖅ ᐋᖅᑭᐅᑎᓗᒋᑦ ᑎᑎᕋᕐᕕᑭᓐᓂᕐᒧᑦ ᐱᔾᔪᑎᑦ ᐊᑐᖅᑐᐊᕈᑎ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐊᖏᓛᖑᔪᖅ ᑎᑎᕋᕐᕕᖃᕐᓂᖓ ᐃᓱᓕᑉᐸᑦ.
“ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓂᕆᐅᒋᔭᖃᖅᐳᖅ ᐅᓄᖅᓯᒋᐊᕐᓗᒋᑦ ᐃᖅᑲᓇᐃᔭᖅᑎᖏᑕ ᐃᖅᑲᓇᐃᔮᖏᑦ ᓈᒻᒪᒍᓱᖕᓂᖃᕐᓗᑎᒃ ᐊᑕᐅᓯᕈᖅᓯᒪᔪᒥᒃ ᐃᖅᑲᓇᐃᔭᕐᕕᖕᒥ, ᐱᐅᓂᖅᓴᒃᑯᑦ ᐱᔨᑦᑎᕐᓗᒋᑦ ᐱᒻᒪᕆᐅᒋᔭᕗᑦ ᐊᑐᖅᑎᖁᑎᕗᑦ ᓄᓇᕗᓕᒫᒥ, ᑲᑐᔾᔨᖃᑎᒌᖏᓐᓇᕐᓂᕐᒥᒃᓗ ᓄᓇᓕᖕᒥ,” ᐅᖃᖅᑐᖅ ᐳᕉᓄ ᐱᕆᐊᕋ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐊᖏᔪᖅᑳᖓᑦ ᐊᐅᓚᑦᑎᔨᒻᒪᕆᒃᓗ.
ᑐᑭᓯᒋᐊᒃᑲᓐᓂᕈᒪᔪᑦ ᐊᖏᔪᓄᑦ ᐱᓕᕆᐊᒃᓴᖅᑖᕈᒪᔾᔪᑎᒧᑦ ᖃᒪᓂ'ᑐᐊᒥᑦ ᓄᑖᒧᑦ ᐊᖓᔪᖅᑳᖃᕐᕕᐊᑕ ᑎᑎᕋᕐᕕᒃᓴᖓᓂᑦᖅ, ᐅᕗᙵᕐᓗᑎᑦ www.qec.nu.ca.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕇᓂ ᐳᓯᐊᐃᕐ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524
rboucher@qec.nu.ca