ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖁᔨᕗᑦ ᐃᖃᓗᒃᑑᑦᑎᐊᒥᐅᓂᒃ ᑳᓐᑐᓛᒃᑎᑦᑎᔨᒥᒃ ᐃᖃᓗᒃᑑᑦᑎᐊᒦᑦᑐᖃᓛᕐᓂᖓᓂᒃ ᓯᑎᐱᕆ 2−ᒥ ᓯᑎᐱᕆ 6-ᒧᑦ, ᐊᕙᑎᓕᕆᓂᕐᒧᑦ ᖃᐅᔨᓴᕆᐊᖅᑐᖅᓯᒪᔭᖓ ᐱᐊᓂᒋᐊᖅᑐᕐᓗᓂᐅᒃ ᐊᐅᓚᐅᑎᖃᕐᕕᐊᓗᖕᒥ (ᐃᒡᓗᖃᕐᕕᐅᑉ ᐊᕙᑖ 8-1, ᓄᓇᖁᑖ 6; ᐃᒡᓗᖃᕐᕕᐅᑉ ᐊᕙᑖ 1 ᐊᒻᒪ 2, ᓄᓇᖁᑖ 6; ᐃᒡᓗᖃᕐᕕᐅᑉ ᐊᕙᑖ 8, ᓄᓇᖁᑖ 20), ᐊᒻᒪ ᓄᑕᐅᙱᑦᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᖅᑲᓇᐃᔭᖅᑎᓄᑦ ᐃᒡᓗᒋᔭᐅᔪᖅ, #1 Amagok Street (ᐃᒡᓗᖃᕐᕕᐅᑉ ᐊᕙᑖ 18, ᓄᓇᖁᑖ 17).
ᑳᑦᑐᓛᒃᑕᐅᓯᒪᔪᑦ ᐳᐊᕐᕆᓯᓕᖕᒥᒃ ᐊᑐᕐᓂᐊᖅᐳᑦ ᖃᐅᔨᓴᒐᒃᓴᓂᒃ ᑲᑎᑦᑎᓗᑎᒃ ᓄᓇᙳᐊᕐᒥ ᐊᑖᓂ ᐊᐅᐸᖅᑐᒥᒃ ᓇᓗᓇᐃᒃᑯᑦᑎᖅᓯᒪᔪᒥᒃ. ᐃᖃᓗᒃᑑᑦᑎᐊᒥᐅᑦ ᐱᓕᕆᕝᕕᐅᔪᒧᑦ ᐅᐸᑲᑕᖁᔭᐅᙱᑦᑐᑦ ᐱᓕᕆᑦᑎᐊᕈᓐᓇᖁᓪᓗᒋᑦ ᐊᑦᑕᕐᓇᙱᑦᑐᒥᒃ.
ᑖᓐᓇ ᐊᕙᑖᓂ ᖃᐅᔨᓴᖅᑕᐅᓂᐊᖅᑐᖅ ᐱᓕᕆᐊᕆᔭᐅᓕᒪᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᒋᐊᕈᑕᐅᓪᓗᓂ ᐱᓕᕆᔾᔪᓯᖅ ᐱᖁᑎᓂᒃ ᐊᐅᓚᑦᑎᓂᕐᒥᑦ. ᑲᑐᔾᔨᖃᑎᒌᖑᔪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑦᑕᕐᓇᕐᑕᐃᓕᒪᔪᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᔩᑦ ᖃᐅᔨᓴᓚᐅᖅᑐᑦ ᖃᓄᐃᓕᖓᓂᖓ ᓇᓗᓇᐃᔭᐃᓂᕐᒧᑦ ᖃᓄᐃᓕᐅᕐᑕᐅᒃᑲᓐᓂᕆᐊᖃᕐᓂᖓ ᐊᕙᑎᓕᕆᓂᕐᒧᑦ ᐱᖁᔭᑎᒍᑦ ᒪᓕᑦᑎᐊᕐᓂᕐᒧᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔪᖏᓐᓂᓕᒫᖓᓂ ᑭᒡᓕᖃᖅᑎᑦᑎᓇᓱᖃᑦᑕᖅᐳᑦ ᐊᕙᑎᒥᑦ ᐊᒃᑐᐃᓂᕆᔭᖓᓂᒃ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒪᒥᐊᑉᐳᑦ ᑕᒪᓐᓇ ᐊᑲᐅᙱᓕᐅᕈᑕᐅᓂᐊᕐᓂᖅᐸᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑲᑕᕆ ᕕᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7513
cwhittaker@qec.nu.ca