ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᑲᖏᖅᖠᓂᕐᒥᐅᓂᒃ ᓄᓇᓕᖕᒥᐅᓄᑦ ᐊᑐᖅᑎᐅᕙᒃᑐᓄᑦ ᑲᒪᒋᔭᖃᖅᐸᖕᓂᕐᒧᑦ ᑎᑎᕋᕐᕕᖓᑦ ᒪᑐᓯᒪᓂᐊᓕᕐᓂᖓᓂᒃ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.
ᑯᐊᐳᕇᓴᒋᔭᐅᔪᖅ ᐱᓕᕆᐊᖃᒻᒪᕆᒍᒪᕗᖅ ᐱᑎᑦᑎᕙᖕᓂᕐᒥᒃ ᖁᐊᖅᓵᕐᓇᙱᑦᑐᒥᒃ ᐊᑐᖅᑕᐅᑦᑎᐊᕈᓐᓇᖅᑐᒥᒡᓗ ᐆᒻᒪᖅᑯᑎᖃᕐᓂᕐᒥᒃ ᓄᓇᕗᒻᒥᐅᓕᒫᓄᑦ, ᑕᐃᒪᐃᓕᐅᕐᓂᕐᒥᓂᓗ ᐃᑲᔪᕐᓗᑎᒃ ᐃᓱᓕᑦᑕᖅᑎᑦᑎᓗᑎᒃ ᓯᐊᒻᒪᒃᐸᓪᓕᐊᓇᔭᕐᓂᖓᓂᒃ ᓄᕙᒡᔪᐊᕐᓇᖅ-19 ᑕᕝᕙᓂ ᓄᓇᓕᖕᓂ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᖑᒻᒪᑎᖃᑦᑕᐃᓐᓇᕐᓂᐊᖅᐳᑦ ᑲᔪᓰᓐᓇᖅᑐᓄᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓄᑦ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧ ᓄᓇᕐᔪᐊᒦᓕᒫᓕᖅᑐᒧᑦ.
ᐊᑐᖅᑏᑦ ᐅᖃᓗᖃᑦᑕᖁᔭᐅᕗᑦ 1-866-710-4200−ᒧᑦ ᐅᕝᕙᓘᓐᓃᑦ ᐃᕐᙲᓐᓈᖅᑕᐅᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ customercare@qec.nu.ca ᐊᐱᖅᑯᑎᒃᓴᖃᑐᐊᕈᔅᓯ ᐃᓱᒫᓘᑎᖃᑐᐊᕈᔅᓯᓘᓐᓃᑦ ᐊᑭᓕᖅᓱᐃᕝᕕᒋᕙᒃᑕᔅᓯᓐᓂᒃ. ᐊᑭᓕᒃᓴᔅᓯᓐᓂᒃ ᐊᒻᒪ ᐊᑭᓕᖅᓱᕆᐊᓕᖕᓂᒃ ᖃᐅᔨᔪᒪᒍᔅᓯ ᐆᒻᒪᖅᑯᑎᓕᕆᔨᒃᑯᑦ ᐃᑭᐊᖅᑭᕕᖓᓐᓄᐊᕐᓗᓯ ᖃᐅᔨᒋᐊᕈᓐᓇᖅᐳᓯ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᑭᐊᖅᑭᕕᖓᓄᑦ ᐅᕗᖓ, www.qec.nu.ca.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓐᓇᒦᖅᐳᑦ ᒫᓐᓇᐅᔪᖅ ᕿᓄᐃᓵᕈᓐᓇᕐᒪᑕ ᑐᑭᓯᐅᒪᖕᒪᑕᓗ.
###
ᑐᓴᒐᒃᓴᓕᐅᖅᑎᓄᑦ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲᕐ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524 rboucher@qec.nu.ca