ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᑭᓕᖅᓱᐃᔨᓄᑦ ᒪᑐᐃᒃᑲᓐᓂᕐᓂᐊᓕᖅᐳᖅ ᖃᒪᓂ'ᑐᐊᕐᒥ, ᐃᖃᓗᖕᓂ, ᐊᒻᒪᓗ ᐃᖃᓗᒃᑑᑦᑎᐊᕐᒥ ᐱᖓᔪᐊᓐᓂ, ᑎᓯᐱᕆ 2-ᒥ, ᖃᐅᑕᒫᑦ ᐱᓕᕆᐊᕆᕙᒃᑕᒥᓄᑦ ᐃᑲᕐᕋᓄᑦ (8:30−ᒥᑦ ᐅᓪᓛᒥᑦ 5−ᒧᑦ ᐅᓐᓄᖕᒧᑦ ᓄᓇᓕᖕᒥᐅᑦ ᖃᐅᔨᓴᐅᑎᖓᑎᒍᑦ).
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐅᖓᕙᕆᐊᖅᑎᑦᑎᓂᐊᖅᐳᑦ ᒪᑐᐃᖅᓯᒃᑲᓐᓂᕐᓂᕐᒥᒃ ᑲᖏᖅᖠᓂᕐᒥᐅᑦ ᐊᑭᓕᖅᓱᐃᕙᒃᑐᓄᑦ ᑲᒪᒋᔭᖃᕐᓂᕐᒧᑦ ᑎᑎᕋᕐᕕᖓᑦ ᐅᕗᖓ ᐅᓪᓗᒧᑦ, ᑎᓯᐱᕆ 7−ᒥ, ᐃᑲᕐᕋᓄᑦ ᐊᐅᓚᓂᕆᕙᒃᑕᒥᓄᑦ. ᑕᒪᓐᓇ ᐅᖓᕙᕆᐊᖅᑎᑦᑎᓂᖅ ᐱᕕᖃᖅᑎᑦᑎᓂᐊᖅᐳᖅ ᑖᔅᓱᒥᖓ ᑎᒥᖁᑎᒋᔭᐅᔪᒥᒃ ᐱᔭᕇᖅᓯᔪᓐᓇᕐᓂᕐᒥᒃ ᓴᓗᒻᒪᖅᓴᐃᒃᑲᓐᓂᕐᓂᕐᒧᑦ ᐊᑐᖅᑕᐅᓇᔭᖅᑐᓂᒃ ᐃᑲᔪᕐᓂᐊᕐᓗᓂ ᓴᐳᔾᔨᓯᒪᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᖏᓐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᖅᑲᓇᐃᔭᖅᑎᖏᑦ ᓄᓇᓕᖕᒥᐅᓪᓗ.
ᐃᓱᓕᑦᑕᖅᑐᓂᒃ ᖃᔅᓯᐅᓂᖏᓐᓂᒃ ᐃᓄᖕᓂᒃ ᐊᔪᖅᑎᑕᐅᔪᖃᖃᑦᑕᔾᔮᙱᑦᑐᖅ ᓇᓕᐊᖕᓂᑐᐃᓐᓇᖅ ᐊᑭᓕᖅᓱᐃᕙᒃᑐᓄᑦ ᑲᒪᒋᔭᖃᕐᓂᕐᒧᑦ ᐃᓂᒥ ᖃᖓᑐᐃᓐᓇᒃᑯᑦ. ᑕᕐᒥᑦᑎᐊᖅ ᐊᑭᓕᖅᓱᐃᕙᒃᑐᑦ ᐊᐱᕆᔭᐅᕗᑦ ᐃᒃᐱᒋᓱᖁᔭᐅᑦᑎᐊᖅᖢᑎᒃ ᐊᔪᖅᑎᑕᐅᔾᔪᑎᓂᒃ ᐊᑐᖅᐸᒡᓗᑎᒃ ᒪᑐᐊᖅᓯᒪᔾᔪᑎᒥᒃ ᐅᖓᓯᒃᓴᖅᑎᒋᕙᒡᓗᑎᓗ 2 ᒦᑕᓂᒃ (6−ᓂᒃ ᐃᓯᒃᑲᓂᒃ) ᐃᓅᖃᑎᒥᓂᒃ. ᒪᑐᐃᓕᓵᖅᑎᓪᓗᒍ ᐃᑲᕐᕋᖏᓐᓂ ᐊᐅᓚᓂᕆᔭᐅᔪᓂ ᑐᕌᖓᑎᑕᐅᓂᐊᖅᑐᑦ ᐃᓐᓇᕐᓄᑦ ᐊᓯᖏᓐᓄᓪᓗ ᐊᒃᑐᖅᑕᐅᓴᕋᐃᑦᑐᓄᑦ.
ᐊᑭᓕᖅᓱᐃᔨᑦ ᐅᖃᓗᖃᑦᑕᖁᔭᐅᕗᑦ 1-866-710-4200−ᒧᑦ ᐅᕝᕙᓘᓐᓃᑦ ᐃᕐᙲᓐᓇᖅᑕᐅᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ customercare@qec.nu.ca ᐊᐱᖅᑯᑎᒃᓴᖃᑐᐊᕈᔅᓯ ᐃᓱᒫᓘᑎᖃᑐᐊᕈᔅᓯᓘᓐᓃᑦ ᐆᒻᒪᖅᑯᑎᓕᕆᔨᒃᑯᑦ ᐱᔨᑦᑎᕋᐅᑎᖏᓐᓄᑦ. ᐊᑭᓕᒃᓴᔅᓯᓐᓂᒃ ᐊᒻᒪ ᐊᑭᓕᖅᓱᕆᐊᓕᖕᓂᒃ ᖃᐅᔨᔪᒪᒍᔅᓯ ᐆᒻᒪᖅᑯᑎᓕᕆᔨᒃᑯᑦ ᐃᑭᐊᖅᑭᕕᖓᓐᓄᐊᕐᓗᓯ ᖃᐅᔨᒋᐊᕈᓐᓇᖅᐳᓯ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᑭᐊᖅᑭᕕᖓᓄᑦ ᐅᕗᖓ www.qec.nu.ca.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲᕐ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524