ᐃᖃᓗᐃᑦ, ᓄᓇᕗᑦ (ᐋᒡᒌᓯ 18, 2021) - ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ, ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ (QEC) ᐊᖏᖅᐳᖅ ᐆᒻᒪᖅᑯᑎᖃᕐᕕᐅᔪᑦ ᐊᐅᓚᑎᖃᕐᕕᖏᑦ ᐊᓯᑖᕈᓐᓇᖁᓪᓗᒋᑦ ᐃᖃᓗᒃᑑᑦᑎᐊᕐᒥ, ᐅᖅᓱᖅᑑᕐᒥᓗ ᐊᒻᒪᓗ ᐃᒡᓗᓕᒻᒥ, ᐊᒻᒪᓗ ᐊᐅᓚᐅᑎᑖᖅᑎᑕᐅᓗᑎᑦ ᐊᓯᑖᕈᑎᖏᓐᓂᑦ ᐃᖃᓗᓐᓂ ᐆᒻᒪᖅᑯᖃᕐᕕᖓᓐᓂᑦ. ᑖᒃᑯᐊ ᑎᒥᐅᔪᑦ ᑐᓂᓯᓚᐅᖅᑐᑦ ᑐᔅᓯᕋᐅᑎᒥᑦ ᑖᒃᑯᓄᖓ ᐱᓕᕆᐊᔅᓴᓄᑦ ᒫᑦᓯ 3, 2021ᒥ.
“ᕿᒥᕐᕈᔭᐅᓚᐅᖅᑎᓪᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᑐᔅᓯᕋᐅᑎᖓ ᐊᒻᒪᓗ ᑐᓴᕆᐊᕐᕕᒋᓚᐅᖅᑎᓪᓗᑎᒍᑦ ᑲᑎᒪᖃᑎᖃᕐᓂᒃᑯᑦ ᑖᒃᑯᐊ, ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᔨᑦ ᑲᑎᒪᔨᖏᑦ, ᖁᕕᐊᓱᒃᐳᖓ ᐊᖏᕈᑎᒋᔪᓐᓇᕋᒃᑯ ᑖᓐᓇ ᐆᒻᒪᖅᑯᑎᖃᕐᕕᐅᔪᑦ ᐊᐅᓚᐅᑎᖃᕐᕖᑦ ᐊᓯᔾᔨᖅᑕᐅᓂᖏᑦ ᓄᑖᕈᕆᐊᖅᑕᐅᓂᖏᓐᓄᓪᓗ ᐅᖃᖅᑐᖅ ᒪᓕᒐᓕᐅᖅᑎ ᔩᓂ ᐃᕼᓪᓗᐊᖅ, ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄ. "ᑖᒃᑯᓂᖓ ᓄᓇᕗᒻᒥ ᐱᑖᖅᑎᑦᑎᓂᐅᔪᖅ ᐆᒻᒪᖅᑯᑎᓄᑦ ᒪᑭᒪᔾᔪᑎᓂᑦ ᐃᑲᔪᕐᓂᐊᖅᑐᑦ ᓄᓇᕗᒻᒥ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕈᖅᐸᓪᓕᐊᑎᑦᑎᓂᕐᒥᑦ ᓯᕗᓂᔅᓴᑎᓐᓂᑦ ᐆᒻᒪᖅᑯᑎᖃᕆᐊᖃᓛᖅᑐᓂᑦ ᓄᓇᕗᒻᒥᐅᓂᑦ."
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᓄᑖᑦ ᓂᕆᐅᒋᔭᐅᔪᑦ ᓴᓇᔭᐅᓂᖏᑦ ᐱᔭᕇᖅᑕᐅᓯᒪᔪᓛᕐᓂᖏᓐᓂᑦ ᐃᖃᓗᒃᑑᑦᑎᐊᕐᒥ, ᐅᖅᓱᖅᑑᕐᒥᓗ ᐊᒻᒪᓗ ᐃᒡᓗᓕᒻᒥ 2025-26 ᐊᕐᕌᒍᖓᓐᓂᒃ ᐊᒻᒪᓗ ᐊᓯᑖᖅᑎᑕᐅᓂᖓ ᐊᐅᓚᑎᖏᑦ ᐆᒻᒪᖅᑎᖃᕐᕕᖓᓐᓂᒃ ᐱᔭᕇᖅᑕᐅᕕᔅᓴᖃᖅᑐᑦ 2023-24ᒥ. ᑮᓇᐅᔭᖃᖅᑎᑕᐅᓪᓗᑎᑦ ᒐᕙᒪᑐᖃᒃᑯᑦ ᐅᑭᐅᖅᑕᖅᑐᒥ ᐆᒻᒪᖅᑯᑎᓄᑦ ᑮᓇᐅᔭᖏᓐᓂᑦ ᑐᔅᓯᕋᕐᕕᐅᓂᐊᖅᑐᑦ ᐱᓕᕆᐊᖑᔪᒧᑦ ᐊᑭᖏᓐᓂᑦ ᐊᖏᓂᖅᓴᓂᑦ ᐊᑭᓕᐅᑕᐅᓂᐊᖅᑐᓂᑦ.
"ᐊᓯᑖᖅᑎᑦᑎᓂᖅ ᐱᑐᖃᐅᓕᖅᑐᑦ ᐆᒻᒪᖅᑯᑎᓄᑦ ᒪᑭᒪᔾᔪᑎᖏᓐᓂᑦ ᓄᑖᖑᓂᖅᓴᓄᑦ ᐊᐅᓚᔾᔪᑎᓄᑦ ᑐᕚᕆᔭᔅᓴᐅᓂᖅᓴᒥᑦ ᐊᒻᒪᓗ ᐊᑦᑕᕐᓇᖏᓐᓂᖅᓴᐅᔪᒥᑦ ᐆᒻᒪᖅᑯᑎᖃᖅᑎᑦᑎᔪᓐᓇᕐᓂᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄ ᑖᓐᓇ ᓯᕗᓪᓕᖅᐸᐅᔾᔭᐅᑎᑕᖏᓐᓇᖅᓯᒪᒻᒪᑦ, ᐅᖃᖅᑐᖅ ᕕᐅ ᓂᐸᐅᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑕᓄᑦ ᐊᖓᔪᖅᑳᖑᑲᐃᓐᓇᖅᑐᖅ ᐊᒻᒪᓗ ᐊᐅᓚᑦᑎᔨᒻᒪᕆᒋᔭᐅᔪᖅ. ᐃᓚᒋᔭᖓᓗ ᐋᖅᑭᑦᑎᐊᖅᓯᒪᔪᒥᑦ ᐊᐅᓚᑦᑎᓂᕐᒥᑦ, ᓄᑖᑦ ᐆᒻᒪᖅᑎᖃᕐᕕᐅᔪᓂᑦ ᓴᓇᒪᓂᖏᑦ ᐊᔪᕈᓐᓃᖅᑎᑦᑎᓯᒪᓂᐊᖅᑐᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ ᐃᓚᓕᐅᔾᔨᔪᓐᓇᕐᓂᕐᒥᑦ ᐆᒻᒪᖅᑯᑎᖃᕐᓂᕐᒥᑦ ᓯᓚᒥ ᐱᓯᒪᔪᙵᑦ ᐆᒻᒪᖅᑯᑎᖃᐅᑎᖓᓐᓄᑦ."
ᑐᓴᒃᑲᓐᓂᕈᒪᒍᕕᑦ ᑖᔅᓱᒧᖓ ᐱᓇᔪᒍᑕᐅᔪᒧᑦ, ᐅᕗᖓ ᑕᑯᒋᐊᕐᓗᑎᑦ, www.qec.nu.ca.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524