ᐃᖃᓗᐃᑦ, ᓄᓇᕗᑦ (ᔭᓄᐊᕆ 24, 2019) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᐱᔭᕇᖅᓯᔪᑦ ᓴᓇᔭᐅᓂᖓᓂᒃ ᖃᐅᔨᓴᖅᑕᐅᓂᖓᓂᒃᓗ ᐃᖏᕐᕋᑦᑎᐊᕐᒪᖔᑦ ᓄᑖᒃ ᐊᐅᓚᐅᑎᖃᕐᕖᒃ ᐊᐅᓱᐃᑦᑐᒥ ᑭᙵᓂᒃᓗ. ᐊᑭᑐᔪᓄᑦ ᐱᓕᕆᐊᒃᓴᑦ ᐱᔭᕇᖅᑕᐅᓪᓗᑎᒃ ᑎᑭᓚᐅᙱᑎᓪᓗᒍ ᐱᔭᕇᕐᕕᒃᓴᖓ ᑮᓇᐅᔭᖅᑐᕈᑎᒃᓴᖓᒎᕐᖢᓂᓗ.
“ᓯᒥᐅᔪᖅ ᑐᓂᓯᒪᑦᑎᐊᖅᑐᖅ ᐊᓯᔾᔩᓂᕐᒥᒃ ᓄᑕᐅᔪᓐᓃᖅᑐᓂᒃ ᒪᑭᐅᒪᐃᓐᓇᕈᑎᒃᓴᓂᒃ ᐱᖁᓪᓗᒍ ᐆᒻᒪᖅᑯᑎᖃᕆᐊᖃᕐᓂᖅ ᓄᓇᕗᑦ ᓄᓇᓕᓕᒫᖏᓐᓂ,” ᐅᖃᖅᑐᖅ ᒪᓕᒐᓕᐅᖅᑎ ᔩᓂ ᐃHᐊᓗᐊᒃ, ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ. “ᐊᐅᓚᐅᑎᖃᕐᕖᑦ ᐱᖃᕐᒥᔪᑦ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓄᑦ ᐃᓚᓕᐅᑎᕙᓪᓕᐊᔪᓐᓇᖅᑐᓂᒃ, ᐱᕕᖃᖅᑎᑦᑎᓂᐊᕐᖢᓂᓗ ᐱᔭᒃᓴᓂᒃ ᐃᖏᕐᕋᑎᓪᓗᒍ ᓄᓇᕗᑦ ᓴᓗᒪᔪᒧᑦ ᖃᕆᓴᐅᔭᓕᕆᔾᔪᑎᓄᑦ ᑮᓇᐅᔭᖃᖅᑎᑕᐅᔾᔪᑎ ᐊᑐᐃᓐᓇᕈᕋᔭᖅᐸᑦ.”
ᐅᓪᓗᒥᓕᓴᐅᔪᑦ ᐱᓕᕆᕝᕖᑦ ᑭᖑᕝᕖᓪᓗᑎᒃ ᓄᑕᐅᙱᓛᓂᒃ ᐆᒻᒪᖅᑯᑎᖃᕐᕕᖕᓂᑦ ᓄᓇᕗᒻᒥ ᒪᑭᒪᐃᓐᓇᕈᓐᓇᐃᓪᓕᑎᑦᑎᓪᓗᑎᒃ ᐊᑐᕈᓐᓇᕐᓂᓕᒫᖏᓐᓂᒃ ᓂᕆᐅᒋᔭᕐᓂ. ᐊᑐᖅᑎᑕᐅᓪᓗᑎᒃ ᓄᑖᓂᒃ ᐆᒻᒪᖅᑯᑎᑐᕈᓐᓇᑦᑎᐊᕈᑎᓂᒃ ᐊᐅᓚᐅᑎᓂᒃ ᐋᖅᑭᒃᓯᒪᔪᓂᒃ, ᐊᐅᓚᐅᑎᖃᕐᕖᑦ ᐱᖃᖅᑎᑦᑎᓗᑎᒃ ᓄᓇᓕᐅᑉ ᖃᐅᒻᒪᖅᑯᑎᑐᑯᑖᒋᐊᖃᕐᓂᖏᓐᓂᒃ ᒥᒃᖠᒋᐊᖅᑎᒃᑲᓐᓂᕐᓗᒍᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᑕᑎᖃᕈᑎᖓᓂᒃ ᐅᖅᓱᐊᓗᖕᒥᒃ.
“ᐱᒃᑯᒋᔭᕗᑦ ᐃᓕᓴᕆᓂᕐᒧᑦ ᐊᐅᓱᐃᑦᑐᖅ ᐊᐅᓚᐅᑎᖃᕐᕕᒃ ᓵᓚᖃᕐᖢᓂ 2018 ᐋᖅᑭᒃᓯᒪᓂᖓᒍᑦ ᑐᓂᔭᐅᓂᕐᒥᒃ ᐱᐅᔪᐊᓘᓂᖓᓄᑦ ᓴᕕᕋᔭᖕᓂᒃ ᐃᒡᓗᓕᐅᕐᓂᓕᕆᓂᖅ ᑲᓇᑕᒥᐅᓄᑦ ᐱᓕᕆᕝᕕᒃ ᓴᕕᕋᔭᖕᓄᑦ ᐃᒡᓗᓕᐅᕐᓂᕐᒥᒃ,” ᐅᖃᖅᑐᖅ ᐳᕉᓄ ᐱᕆᐊᕆ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᓱᒪᑕᖓᑦ ᐊᐅᓚᑦᑎᔨᒻᒪᕆᖓᓪᓗ. “ᓯᕗᓪᓕᖅᐹᑦᑎᐊᖅ ᓴᓇᕙᒌᖅᓯᒪᔪᖅ ᐊᐅᓚᐅᑎᖃᕐᕕᒃ ᓄᓇᕗᒻᒥ ᓴᓇᔭᐅᓚᐅᖅᓯᒪᔪᖅ ᑯᐹᖕᒥ, ᐅᒥᐊᕐᔪᐊᒃᑰᖅᑎᑕᐅᓪᓗᓂ ᓄᓇᓕᖕᒧᑦ, ᐋᖅᑭᒃᓱᖅᑕᐅᓪᓗᓂᓗ ᐃᓂᖓᓄᑦ.”
ᑭᙵᐃᑦ ᐊᐅᓚᐅᑎᖃᕐᕕᖓ ᐃᓂᖓᑕ ᐊᓯᐊᓄᐊᖅᑕᐅᔪᖅ ᓯᓚᑖᓄᑦ Hᐋᒻᒪᓚᒃᑯᑦ ᐱᑎᑕᐅᓪᓗᓂ ᓄᓇᓕᖕᓂ ᐃᒪᓐᓇᐅᖁᔭᐅᓂᕐᒧᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᕙᒌᔭᐃᔪᑦ ᑲᒪᒋᔭᖃᕐᓂᐊᕐᓗᑎᒃ ᓄᓇᓕᖕᓂ ᓂᕆᕕᒃᔪᐊᖅᑎᑦᑎᓂᕐᒥᒃ ᑭᙵᓂ ᖁᕕᐊᓲᑎᒋᓗᒍ ᓄᑖᖅ ᐱᓕᕆᕝᕕᒃ ᓄᓇᓕᐅᔪᓄᑦ ᕿᑎᐊᓂ ᒫᑦᓯ.ᒪᑐᐃᖅᑕᐅᓂᖓᑦᑕᐅᖅ ᐊᐅᓚᐅᑎᖃᕐᕕᒃ ᐊᑐᓛᖅᑐᖅ ᐊᐅᓱᐃᑦᑐᒥ ᐅᐱᕐᖔᖅ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓯᐊᐃ<br>
ᐊᐅᓚᑦᑎᔨᐅᑲᐃᓐᓇᖅᑐᖅ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524
rboucher@qec.nu.ca