ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᐱᓇᔫᑎᓂᒃ ᐱᔪᓐᓇᖅᓯᕗᑦ ᓄᓇᕗᒻᒥᐅᓂᒃ ᐱᔨᑦᑎᕈᒪᔪᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᑎᒪᔨᖏᓐᓄᑦ. ᐆᒻᒪᖅᑯᑎᓕᕆᔨᒃᑯᑦ ᐱᓕᕆᔪᓐᓇᑦᑎᐊᖅᑐᓂᒃ ᐃᓄᖕᓂᒃ ᕿᓂᖅᑐᑦ ᓄᓇᕗᑦ ᐊᕕᒃᑐᖅᓯᒪᓂᖏᓐᓂ ᐊᔾᔨᒌᙱᑦᑐᓂᒃ ᐃᓕᓐᓂᐊᖅᓯᒪᔪᓂᒃ, ᓯᕗᓕᐅᖅᑎᐅᔪᓐᓇᖅᑐᓂᒃ ᐊᒻᒪ ᐃᑲᔫᑎᖃᑦᑎᐊᕈᒪᔪᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
ᐱᔪᒥᒋᔭᐅᔪᑦ ᓂᕈᐊᖅᑕᐅᓇᓱᒃᑐᓂᑦ ᐊᕐᕌᒍᓄᑦ ᐱᖓᓱᓄᑦ ᑎᒃᑯᐊᖅᑕᐅᓂᐊᖅᐳᑦ ᐃᓚᒋᔭᐅᓪᓗᓂ ᐃᖅᑲᓇᐃᔭᖅᑎᒃᓴᖅᓯᐅᕈᑎᒌᓐᓇᖅᑕᑦᑎᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᓄᓇᕗᒻᒥ ᑎᒥᖁᑎᒋᔭᐅᕗᑦ ᓄᓇᕗᑦ ᒐᕙᒪᖓᓄᑦ ᓇᖕᒥᓂᕆᔭᐅᓪᓗᑎᒃ. ᐊᐅᓚᐅᑎᖃᖅᑎᑦᑎᔨᑐᐊᖑᓪᓗᑎᒃ ᐆᒻᒪᖅᑯᑎᖃᖅᑎᑦᑎᔨᐅᓪᓗᑎᒡᓗ ᓄᓇᕘᓕᒫᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᐊᖏᖅᓯᒪᔪᑦ ᐊᑦᑕᕐᓇᙱᑦᑐᓂᑦ, ᐊᑐᕈᓐᓇᑦᑎᐊᖅᑐᓂᑦ ᐊᑭᑐᓗᐊᙱᑦᑐᓂᒡᓗ ᐆᒻᒪᖅᑯᑎᖃᖅᑎᑦᑎᔪᒪᓪᓗᑎᒃ.
ᐱᓇᔪᒍᒪᔪᑦ ᐱᔫᒥᓵᕈᑎᒥᓂᒃ ᑎᑎᕋᖅᓯᒪᔪᒥᓪᓗ ᓇᒃᓯᐅᔾᔨᔭᕆᐊᖃᖅᐳᑦ ᓴᓕ ᒪᒡᓚᐅᑦᒧᑦ ᐅᕗᖓ smcleod@qec.nu.ca ᐅᑐᐱᕆᕆ 28, 2019 ᑐᖔᓂ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕆᓂ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca
File Attachment